* तेंव्हा आणि आता तेंव्हा होती तमन्ना......सरफरोशीची आणि होती इच्छा... शत्रूच्या बाहूतली ताकद आज्मावण्याची आज आहे इच्छा.... दोस्ताच्या सरफरोशीची... आणि जागलीय तमन्ना .... गृहयुद्धाची!! **** तेंव्हा गायलं स्तोत्र... अधमांच्या रक्तानं रंगलेल्या सृजनांनी पूजलेल्या .... स्वतंत्रतेचं आज आहे स्वातंत्र्य.... अधमांना सृजनांच्या रक्तानं रंगण्याचं !! **** तेंव्हा पाहिलं स्वप्न.... रात्रीच्या गर्भातल्या उष:कालाचं आज आहे सावट उष:कालीच आलेल्या काळरात्रीचं !! **** -अशोक

झुलले मार्दव झरल्या अगणित; झुळझुळल्या पागोळ्या एकांती निश्वासांचे झाले अवचित स्वर गोळा ओठात कुणी पोटात कुणी हृदयात सजविल्या कुणी गंधमय रांगोळ्या अपघातच हे सुखस्वप्नांचे गतकाळाची ही शाळा रे कुणी बांधले झोके विसरुन वास्तवातले धोके,.. वडवानळ झाली पाणी जाळित अंतरातली ज्वाळा पुंकरले बावरले आठवल्या निखार्‍यातल्या वेळा पावलांत घुटमळले भिजलेले मन कातर वय सोळा ..........................अज्ञात