मुक्तक

शिळधार पाऊस पडत असतो कुणाची पर्वा न करता तो तर आपल्याच मस्तीत मस्त गात असतो ! तो नाही बघत हे शेत आहे ? तो नाही बघत हे शहर आहे समुद्र सुद्धा ह्याला नाही दिसत ईतका तो मग्न असतो अरे नकोरे पडू तेथे बरबाद होशील ! पण तो कुणाचेच ऐकत नसतो तो आपल्याच मस्तीत गात असतो.!! पाऊस खिडकीतून बघावा पाऊस फ्रेंचविंडो मधून बघावा पाऊस गावाच्या कौलावरचा बघावा झाडापानातून टीप टीप गळणारा बघावा पाऊस समुद्रावर कोसळताना बघावा पाऊस पडत असतो धुवाधार नि समुद्र फुसांडत फणा काढताना बघावा !! __ गच्च काळ्याभोर ढगांना आभाळात ओथंबून आलेला बघावा सपकन पाठीवर बसणाऱ्या चाबकासारख्या विजेच्या कडकडाटात

चालता डौलात तू ग, मी असे न्याहाळले- का कुणाला वाटले मी कैक प्याले रिचवले ! खरडुनी अपुला गळा तू गीत कोमल गाइले- छान ! कळले नाहि तुज, मी कर्णयंत्रा काढले ! मिरवशी स्कूटीवरी तू ऐटिने रस्त्यावरी- वाटते गजराज बसुनी मूषकावर चालले ! इकडुनी जातेस तिकडे- तू जरी हळु चंचले- भासती भूकंप भारी भूतलावर जाहले ! चंद्र तुझिया चेह-यावर छान कोणा भासतो- डाग मुखकमलावरी ते पाहुनीया मानले !