कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
(अनुवादीत. कवी - मजरू)
नव्हतो ग! मी सजणे असा
केला बदनाम इतरानी जसा
दोष तुही दिलास थोडासा
गमविला मी जगाचा भरवंसा
नव्हतो ग! मी सजणे असा
असेल खरे जे दिसले नयनाला
सजणे! धोका मिळाला नजरेला
किती किती म्हणूनी वाद घातला
होता ग! हा इतरांचा दुष्ट फैसला
केला बदनाम इतरानी जसा
नव्हतो ग! मी सजणे तसा
ठोकरूनी तू माझ्या मनाला
तोडूनी सजणे! गेलीस प्रीतिला
इतर सगळे नाचले ह्या दिवाळीला
नव्हतो ग! मी सजणे असा
केला बदनाम इतरानी जसा
आदरणीय ज्येष्ठ विडंबनकार 'खोडसाळ' यांच्या स्वतंत्र कल्पनेवर आधारित रचना 'जिज्ञासू' वाचून आम्हाला विडंबनधर्माला जागणे भाग पडले! ;)
'प्रयत्ने कवितेचे शब्द बदलता' गळलेले 'विडंबन' खाली देत आहोत. त्याला जालगतींकडून यथावकाश सद्गती मिळेलच! ;)
घाटावरच्या भटांनी काल केलेली विडंबनाची भेळपुरी खाल्याने आमच्या पोटात गडबड सुरू झाली..
(डिस्क्लेमरसाठी कृपया पहिले कडवे पहा)
व्यथा ऐकली भटा तुझी मी अता ऐक तू माझी कथा
कविता माझी तू हलकी घे, आहे जरा ती यथातथा
नवखा असशी सदस्य तू रे वय तव आहे हप्त्याचे
इतक्यातच अन तुला जाहले अजीर्ण विडंबन कवितांचे?
हसता हसता पोट दुखे मी वाचून हे झालो बेजार
चहुबाजूंनी झाला मजवर द्या उत्तर ऐसा भडिमार
महान तुम्ही कवी घाटीचे अन तुमची कविता भारी
प्रदार्पणातच तुम्ही खिलवली 'विडंबनाची भेळपुरी'
प्रियकराची हजार लफडी
प्रेयसीचे हजार नखरे
म्हणून म्हणतो ऐका माझे
या वाटेवर न गेलेलेच बरे.
तो म्हणतो मी चुकलोच नाही
ती म्हणते फक्त माझेच खरे.
प्रेमाचे दिवस संपले की
वाहतात संशयाचे वारे..!!
म्हणून म्हणतो ऐका माझे
या वाटेवर न गेलेलेच बरे...
त्याला भेटायाची वेळ
ती मुद्दाम विसरते.
त्याला काही केल्या
तिचा जन्मदिन न स्मरे..!!
म्हणून म्हणतो ऐका माझे
या वाटेवर न गेलेलेच बरे...
बरं झालं असतं "ओएसओ" जर बघितला नसता.
डोळ्यांसमोर तीच आता दिसणार उठता बसता..
डोळ्यांमधल्या अजब अदा राहून राहून छळणार.
दिलाचे पतंग आणि किती श्वासावरती जळणार.
जग सुनं सुनं होणार पिक्चर सरता सरता.
डोळ्यांसमोर तीच आता दिसणार उठता बसता..
युवराजसोबत फ़िरते ती अन ढोणीसोबत दिसते.
क्रिकेटमधले तिला सांगा नक्की किती कळते !
क्रिकेट,बॉलीवुड तेवढंच खरं बाकी गोंधळ नुसता.
डोळ्यांसमोर तीच आता दिसणार उठता बसता..
(डिस्क्लेमरसाठी कृपया पहिले कडवे पहा)
मिपाकरांनो ऐकून घ्यावे मनातली मांडतो व्यथा
कविता माझी पण ह. घेणे, जरी असे ती यथातथा
नवखा आहे सदस्य मी वय माझे आहे हप्त्याचे
परंतु होई अजीर्ण मजला विडंबनाच्या कवितांचे
हसता हसता पोट दुखे मी पोटदुखीने बेजार
चहुबाजूंनी चाले मजवर विडंबनांचा भडिमार
महान अमुचे केसुगुरुजी महान अन त्यांची शाळा
काव्यावरती काव्य प्रसवतो त्यांच्या छात्रांचा मेळा
या शाळेचा प्रभाव खासा काव्यापुरता नाही बरे
कुठे कुणाचा ग्यासु आणिक कुठे कुणाची बनी फिरे
राजकारणातील घडामोडींकडे लक्ष ठेवणार्‍यांसाठी एक हलकाफुलका विरंगुळा !
----------------------------------------------------------
त्याला जरा रागवा ना बाई
तो काही माझे ऐकत नाही…
घर बदलले दार बदलले
मी सारे आधार बदलले
तो काही माझे पाहत नाही
त्याला जरा रागवा ना बाई … १
आषाढ गेले श्रावण आले
महिने काय सालही गेले
तो काही पाऊस पाडत नाही
त्याला जरा रागवा ना बाई … २
दबाव टाकले गार्हाणे नेले
विमानही ते ओळखीचं झाले
तो म्हणे की डाळ शिजत नाही
त्याला जरा रागवा ना बाई … ३
रानात वनात
रानात घुमले
मेघांचे तराणे
सोबत तयांच्या
थेंबाचे नाचणे
बावर्‍या पानांना
झाडाची सोबत
साथीला चालले...
हे.. पाऊसगाणे
हरपले भान ..
धुंद रानवन
हिरव्या रानाचे
भुईला उखाणे
आपुल्या रायाची
लागुनी चाहुल..
हळूच लाजली
हिरवी.... कंकणे
विझल्या मनात
जागली जाणीव
सावळे आकाश
झाले रे दिवाणे
रात्रीच्या साथीला
पावसाची धून
मनात फुलले
प्रीतिचे चांदणे
-सोनाली जोशी
लग्नाआधी अनिरुद्ध अभ्यंकरांची हळुवार'चाहूल' आम्हालाही लागत होती आणि त्या प्रणयधुंद काळानंतरची वास्तवाची चाहूल आम्हाला लागली ती अशी! आमच्यापाशी मूल सोडून काही कामानिमित्त गावाला गेलेली बायको दूरध्वनीवरुन विचारते आहे सगळे ठीक आहे ना?
किरकिरे तुझे ते मूल
मला चाहूल
सतत कानाशी
होईल पहाट
बदलतो कूस
पुन्हा जराशी
चालीत कसा मी मंद
गात्रात कुंद
दिवसाचा
हा असाच चाले
दिवस मास उत्सव
रडण्याचा
आकंठ रडे ते झोळीत
मुते खोलीत
तिथे ओल
तो स्पर्श नको
मज नको
बोबडे बोल
मन कातर कातर...
फार जपलं जपलं...
पाणी गढूळ गढूळ...
उडे चिखल चिखल...
एक बोचला कातळ...
वाहे रक्त भळभळ....
मनी उठले काहूर...
एक वेदनेची लहर...
परत लाटांचा कल्लोळ...
पण जल निर्मळ निर्मळ...
मनी आशेचा मोहोर...
वाहू थांबले रुधिर....
मन कातर कातर...
झाले नितळ नितळ...
मिसळपाव