कविता

काही नाती मिरवायची असतात; मेडलसारखी

काही दाखवायची असतात; दातांसारखी

काही नाती भोगायची असतात; सम्राटासारखी

काही नाती वाहायची असतात; ओझ्यांसारखी

काही नाती ओळखायची असतात; गुपितांसारखी

काही समजून घ्यायची असतात; प्रेमासारखी

काही नाती जोडायची असतात; धाग्यांसारखी

काही पेलायची असतात; गोवर्धनासारखी

नातीगोती हातात नसतात; नशिबासारखी

म्हणूनच काही नाती विसरायची असतात; दुःखासारखी . ( संग्रहीत)

माणुसकीचा झरा

आई .. मिटलेला श्वास..११

नदीचा सुन्न किनारा
पाणी वाहतेय जपून
ओल्या हिरव्या तनांवर
निळसर घाव थबकून

चांदणे हरवलेली
सुनी खिन्न गर्भरात
प्रतिबिंबित गहिरा रंग
मनावर काळसर

रंगहीन स्वप्नांचा
धुसर स्तब्ध प्रवाह
दिशाहीन नेत्रनजर अन
निशब्द आठवांचे काहूर

- शब्दमेघ

५ : मी ..एक स्त्री

प्रश्नचिन्ह .. ? आता उत्तरे ही रुसली आहेत..
सारखे सारखे तेच प्रश्न आणि तोच कंटाळलेपणा
आणि मागोवा कशाचा ?.. कश्यासाठी ... ?
बहुदा तो आहे एक अखंड प्रवास
एका प्रश्नमालिकेतून, दूसर्‍या प्रश्नमालिकेत जाण्याचा

माझ्यासारखीच गुरफ़टलेली ही रात्र आहे ..
उद्यास्ताच्या रंगात न्हाऊनही
काळवंडली आहे बिच्चारी
माझे काय आहे मग त्यापुढे ?..

जा रे कान्हा नटखट : गौळण (नाट्यगीत)

राधा : जा रे कान्हा नटखट, तू सोड माझे मनगट
मोडेन तुझी खोड कान्हा सारी रे
मला समजू नको भोळीभाळी रे ......॥१॥

कृष्ण : तू मस्त मदनाची नार, गोमटी झुंजार
बोलीचालीत अंगार सखे, भरला गं
तुझ्या पदराला हात राधे धरला गं ...॥२॥

राधा : अधरी धरुनी पावा, का रे धून छेडीते?
सुरांच्या लहरीने, धुंदी मज जडते
नंदाच्या नंदलाला, रंगीला रंगलाला
मुरलीचा मोह नच पाडी रे
मला समजू नको भोळीभाळी रे ......॥३॥

कुणाकुणाचा आदर्श म्हणून डोळ्यासमोर ठेवायचा ?
अगदी लहानपणापासून डोक्यात होते
शिकवणारे ,सल्ला देणारे पोटभर होते
आमच्या आदर्शांचे बाबा जब्लिंग झाले ....!
कुठला आदर्श समोर ठेवायचा ..?
सगळे गणितच चुकीचे झाले ..!!
तुम्ही कुणाचा आदर्श डोळ्यासमोर ठेवला ?
कृपया सांगाल का मला ?

तो कवी..ती कवियित्री..
-------------------------------------

तो कवी थोर बंडखोर..ती हळवी कवियित्री..
हात एकमेका हाती देवुन हसली मग नियती..

त्याच्या कवितेत..भरक़टलेल्या दिशा,निखळणारे तारे,
तिच्या कवितेत..भिजलेल्या उशा अन पिसाटलेले वारे..

तिच्या कवितेत किणकिणतो..रात्रभर चुडा..
त्याच्या कवितेत किरकिरतो..सदा रातकिडा..

तिच्या कवितेत असतो..स्वप्नांचा सुंदर गाव..
ह्याच्या पाठीवर बसतात..नेहेमी घावामागुन घाव..

रात्रभर तळमळुन बिचारी..वाट पाहुन झोपते...
तिची झोपमोड करतो हा नेहेमी पहाटे पहाटे...