चारोळ्या

तू दूर असताना मनात
तुझी आठवण उमलते
आणि जागेपणी देखील
माझ्या स्वप्नांना जाग येते

तू वाटेवरुन गेलीस
की माझं पाउल तिकडं वळतं,
जाता जाता मन माझं
तुझ्या पाऊलखुणा शोधत जातं.

तुझ्या नजरेचे तीर
ज्यावेळी मला घायाळ करतात
त्यावेळी शब्द माझे
माझ्याशीच लपाछपी खेळतात.

येणारा दिवस कधीच
तुझ्या आठवणीशिवाय जात नाही
दिवस जरी गेला तरी
तुझी आठवण जात नाही.

पंखांना क्षितीज नसते,
त्यांना फक्त झेपेच्या कक्षेत मावणारे
आभाळ असते.

गुलाबाच्या पाकळीवरचं दंव
हलकेचं थरथरलं
ते पाहुन माझं मन
तुझ्या आठवणींनी बहरलं

ती , अल्लड ,अवखळ ,चंचल सरिता
ती, अद्भुत, अनोखी नव परिकथा ,
ती , सुन्दर,सोज्वळ,गौर रूपगर्विता,
ती ,आसमन्ती, अकस्मात झलके विद्युल्लता
ती माझी कविता, तीच माझी कविता ॥

मैत्रीच॑ नात॑ कायम जपायच॑ असत॑
प्रेमासाठी कधी मित्राला सोडायच॑ नसत॑
कारण मित्र हा कायम मित्र राहात असतो
प्रेयसी सारख॑ कधी नात॑ बदलत नसतो

मित्र सा॑गत होते तरी नाही ऐकल॑
तुझ्यासाठी मी मित्रा॑नाही तोडल॑
माझ्यावर तु प्रेम तर कधीच नाहीच केल॑
पण मला साध॑ मित्रसुद्धा नाही मानल॑

सहज या दोन ओळी सुचल्या.. कोणाला ही कविता पूर्ण करावी वाटली तर जरूर करावी. कोणाला दुसरे कडवे सुचले तर लिहावे.
ही कविता पूर्ण करण्यांस मदत करावी.

या गर्द नील नयनी, दाटून मेघ आले
का मोर पापण्यांचे मिटवून पंख बसले..?

- प्राजु