करुण

राणी वै-याची रात्र आहे...जागी रहा !
फक्त जागीच नव्हे..जागृत रहा.....
सरस्वतीच्या मंदिरात
सर्वासमोर जाळली गेलेली रिंकू...
भर रस्त्यात चाकूच्या घावांनी
तडफडणारी अमृता...
टाहो फोडून आकांताने सांगताहेत
राणी वै-याची रात्र आहे..जागी रहा...
तथाकथित पौरुषाचा डंका पिटणारे
भ्याड महाभाग खरतर अधमच..
खून, बलात्कार, जळीत..
उघड्या डोळ्यांनी मिटक्या मारीत पाहतात
जिभल्या चाटत विकृत आनंद उपभोगतात
आणि वेळ येताच पाय लावून पळत सुटतात .
सावधान राणी सावधान !
वै-याची रात्र आहे जागी रहा ...
दिप्ति,जयबालापारी शूराने धै-याने सामोर जा

आज अचानक कातरवेळी,
मनी दाटती काजळरेषा
वाट चालुनि थकली पाऊले
चल साजणा अपुल्या देशा

गर्भरेशमी यौवन सरले,
शैशव आता स्वप्नचि उरले
आठवणींचा खेळ चालला
संध्याछाया झाकोळती दिशा

सखेसोबती वाट पाहती
समांतर वाटा जरी चालती
मधुर क्षणांची बकुलपुष्पे
अजुनि जागविती मनी आशा

पैलतीरी नेत्र लागले
स्वप्नांचे आभासही नुरले
नको येथले भास मखमली
अन परतीची फसवी भाषा.

'त्यांच्या' लग्नाची पत्रिका आज घरी आली,
गालात हसत आम्ही उरलेल्यांची संख्या मोजली,
संख्या पाहुन आमचा पहिलाच ठोका चुकला,
त्रास नको म्हणुन औषधाचा पेला लगेच भरला,

दोन-चार वर्षं कशी अशीच सरली होती
तो रुसला आहे म्हणुन ती माझ्यापाशी रडली होती,

समजवायचं त्याला म्हणुन घरातच बैठक मांडली होती,
त्या दिवशी पिताना त्याला बाटलीच जास्त प्यारी होती,

'Please share our happiness' बघुन डोक्याला शॉट लागला,
वैतागुन आम्ही लगेच उरलेल्यांचा घोळका जमवला,

थोड्याच वेळात टेबलावर बाटल्यांची रांग लावलेली होती,
दिलासा एव्हढाच प्रत्येकाने एक तरी बाटली आणली होती,

ईंटरनेटच्या जाळ्यात मुली शोधीत असता
चॅटींगच्या सेशनात एकमेका अजमावता

कुणी एक घराविषयी विचारत होती सगळे
म्हणाली जुने फ़र्निचर आहे तुम्ही ठेवले?

म्हटले अग सारे नवीनच घेतले
लग्नाच्या तयारीनेच प्लॅन केले

तशी म्हणाली ओ गॉश! विकत मिळणाऱ्या नव्हे
आधीच्याच जुन्या फ़र्निचरचे विचारते मी आहे

अग आमच्याकडे जुने सामान नाही
जुने ठेवायला येवढी जागाही नाही

तशी म्हणाली हे ऐकून बरे वाटले
आपले मत ह्या बाबतीत बरोबर जुळले

लग्नानंतर जागेची मला गरज भासणार
सांग तू केव्हा आईबाबांना बाहेर पाठवणार?

गवगवा.....

बघ पुन्हा शब्द आले
अन् अर्थ नवा ल्याले
अंधारी अडखळता तू
तुजसाठी दिवा झाले !

हरवलेला सूर तुझा
लोपले संगीतही
शब्द तेच , साद तीच
दुवा खरी, दवा झाले !

मग बहरलीस तू अशी
विसरलीस सहज मला
तूच माझे विश्व सखे,
तुझे अस्तित्व....वानवा झाले !

ताकद बघ शब्दांची
सह्स्त्र लोक गुणगुणले
माझ्या भावनांचा पक्षी - एक
आपोआप थवा झाले !

आहे तीच जड झाली, नका लादू रे आणखी
खुळ्या अपेक्षांची ओझी किती पेलावी सारखी?

रोज अंतहीन चालणारी जीवघेणी स्पर्धा
उरी फुटेतो धावून इवलासा जीव अर्धा
तोही राही कुठे आता? जग झाले अनोळखी

पाय-यांना ओलांडून थेट शिखराचा ध्यास
वेड्या पतंगासारखा उंच जाण्याचा हव्यास
जाग येते तेव्हा दशा होते पिसाटासारखी

बोल समजुतीचेही खुपतात जसे काटे
गणगोत, आप्त-मित्र कुणी आपले न वाटे
पिता प्रेमाचा भुकेला, माय मायेला पारखी

अपयश सोसवेना, येते पदरी निराशा
कुणी जाणून घेईना मूक आक्रोशाची भाषा
काही क्षणांची वेदना होते आयुष्याची सखी

3

पुसाच्या थंडीनं कहर मांडला तवा
मास्तर मालकाची माडी चढला .
तवा
मालकाच्या सोबत बसल्याली फारेनर पाहुणी
विलायती गरमी गिलासात वतत हुती.
या मास्तर ,
हे मास्तर आमच्या साळंचे.
यांचा लई जीव पोरांवर
आणि आमचा जीव त्यांच्या आयांवर
मालक बोलले फारेनराला.आणि खिंकाळले जोरात.
पुसाच्या थंडीत आंग आखडून मास्तर बसला .
तवा मालक म्हणलं
घ्या मास्तर गिलासात गरमी भरून.
सलगीचं घोडं दामटत मास्तर म्हणलं
चार हिरव्या नोटा भेटल्या तर.....
दोनाचे चार करीन म्हणतो
धावीचे वर्ग.
आनी,
थोडा सोडा घाला की मालक.
लई सवकलास की मास्तरा.

घाईची वेळ

होई गुडगुड | जोरदार कळ ||
बहूतेक मिसळ | कालची ||

भरली बादली | घातली स्लिपर ||
उभे लायनीच्या | शेवटाशी ||

सगळे गप्पांत | रमत गमत ||
आमचाच प्राण | कंठाशी ||

घामाघूम झाला | सदरा फार ||
गाठही गुंतली | लेंग्याची ||

दहा भाडेकरु | एकची संडास ||
उद्धारली नाती | मालकाची ||

अखेरीस आला | आमचा नंबर ||
लाईनही मागे | वाढलेली ||

केली लगबग | घुसलो आत||
झाली शांती | आत्म्याची ||

उद्याही पुन्हा | असेलच घाई ||
लावेन नंबर | प्रभाती ||

-कवी शाहरुख

आमची प्रेरणा प्राजुतैची ही सुंदर कविता.

बसे रुतूनिया | चाकात मध्यात ||
लोहाचा तो खिळा | काळाकुट्ट||

बसलेले चाक | चढणाची वाट||
सोडोनिया साथ| स्टेप्नी जाई||

घाटाच्या मार्गात| वाहने सहस्र ||
एकही ना मात्र| उपयोगी||

मेकॅनिक राजे | रापट मळके ||
दाढीचे खाजणे | मधेच ते ||

आळशी ती जात| औजारे भंगार ||
वेळ काढी फार| क्रोध येई ||

फिरवले नट| काढी भराभरा ||
मागतो स्पॅनरा | माझ्याकडे ||

बुडवी टबांत | रेखोनी ठेवत||
काढी फटाफट | पंक्चरास||