Skip to main content

रुपये ५०० आणि १००० च्या नोटांवर बंदी

लेखक ट्रेड मार्क यांनी मंगळवार, 08/11/2016 21:38 या दिवशी प्रकाशित केले.
मोदी सरकारने रुपये ५०० आणि १००० च्या नोटांवर बंदी आणली आहे. लोकांकडे असलेल्या नोटा - ३ लाखांपर्यंत बँकांकडे व त्यावरील रक्कम आरबीआय कडे बदलून मिळेल त्यासाठी ३० डिसेंबर पर्यंत अवधी आहे. काळ्या पैश्यांविरोधात सरकारने उचललेले पाऊल स्वागतार्ह आहे. याआधी काळा पैसा जाहीर करण्यासाठी मुदत दिली होती आणि दंड भरून तो पैसा नियमित करून घेता येत होता. त्या योजनेचा काही लोकांनी लाभ घेतला, पण ज्यांना वाटत होते की मोदी यापलीकडे काही करणार नाहीत त्यांना मात्र हा फार मोठा धक्का आहे. असे सांगितले जात आहे की या बदल्यात ५०० आणि २००० च्या नोटा येणार आहेत ज्यांना ट्रॅकर आहे. त्यामुळे जिथे खूप प्रमाणात नोटा आहेत असे दिसेल ते ठिकाण ट्रॅक करता येईल. मला तरी हे स्वागतार्ह पाऊल वाटत आहे. तुम्हाला काय वाटतंय? हॅलो, धागाकर्त्याच्या परवानगीने ५०० व १००० च्या नोटा बदलण्यासाठी आवश्यक असणार्‍या फॉर्मची लिंक येथे टाकतो आहे. http://reviews.trekbook.in/download-pdf-request-slip-exchange-rs-500-rs… कृपया १-२ कॉपीज जास्तं बरोबर ठेवा. अपंग व्यक्ती आणि जेष्ठ नागरिकांना वेळप्रसंगी एखादी कॉपी देता येईल. धन्यवाद.
लेखनविषय:
लेखनप्रकार
वाचने 311129
प्रतिक्रिया 1112

प्रतिक्रिया

डॉ सुहास म्हात्रे मंगळवार, 08/11/2016 23:33
=)) =)) =)) बहुतेक भारतिय अमेरिकन विळक्षण विसरून एकतर मोदींची विलक्षण स्तुती करताहेत, तर काहीजण नोटांच्या रद्दीचा बरा भाव येईल की त्या थंडीतल्या शेकोटीसाठी बर्‍या पडतील याचा हिशेब लावत बसलेत ! ;)

सही रे सई मंगळवार, 08/11/2016 23:33
मागच्या सर्व घटनांवर विचार केला तर अतिशय नियोजन बद्ध रीतीने ही खेळी खेळली आहे. पहिले २ वेळा काळा पैसा वाल्यांना तो पैसा जाहीर करायची संधी देणे , मग संसदेत काळा पैसा विरोधी कायदा संमत करून घेणे ज्यात उत्पन्नाचा स्त्रोत जाहीर नसेल तर तो सरकार ताब्यात घेऊ शकेल हे कलम असणे, जास्तीत जास्त जाणते कडे बँक अकौंट असावे या साठी जनधन योजना काढणे आणि ती यशस्वीरीत्या राबवणे, आणि मगच आजचे हे धाडसी पाउल उचलणे. जेव्हा अजून २०० वर्षांनी इतिहास लिहिला जाईल तेव्हा मला वाटत भारतीय इतिहासात आजचा दिवस सुवर्णाक्षराने लिहून ठेवावा असा असेल.

प्रा.डॉ.दिलीप बिरुटे मंगळवार, 08/11/2016 23:43
पंतप्रधान मोदीजी देशाला काय संबोधित करणार, असं वाटलं. (कधी कधी त्यांच्या भाषणाचा कंटालाही येतो, आजही तसंच काही असेल असं वाटलं) पण त्यांनी जो निर्णय घेतला त्याचं कौतुक वाटलं. पंतप्रधान काही निर्णय घेऊ शकतो सालं आपण ते विसरून गेलो होतो.काळा पैसा बाहेर यावा, ज्यांनी गुंतवणूक करून ठेवली ते वाचतील असे वाटते. बाकी, काय काय होईल ते बघुया. धाड़सी सरकार, धाड़सी पंतप्रधान. शुभेच्छा. आम्ही तुमच्या निर्णयाबरोबर आहोत. अभिनंदन...! -दिलीप बिरुटे

शब्दबम्बाळ मंगळवार, 08/11/2016 23:45
लोकसत्ता मधली ही 2000च्या नोटेची बातमी खोटी निघाली तर यांच्यावर कारवाई होऊ शकते का?? आजकाल सोर्स द्यायचे बंद केलंय का वर्तमान पत्रांनी??

रामपुरी बुधवार, 09/11/2016 00:00
आता जो याला विरोध करेल त्याला "चोर की दाढी मे तिनका" न्याय लागू होइल - आणखी एक बूच मस्त... मान गये मोदीजी

वरुण मोहिते बुधवार, 09/11/2016 00:02
अनेक वर्ष हा निर्णय पेंडिंग होता. आणि हो मोरारजी आणि इंदिरा गांधीजींने पण हा निर्णय घेतला होता पण त्यावेळी कोण हजार च्या नोटा ठेवणार खिशात तो त्यामुळे त्यावेळी कालबाह्य ठरला . बाकी उद्या यु. एस निकाल आणि आज हा निर्णय हा पण खचित योगायोग नाही. मत नंतर नोंदवता येईल . पण सध्यातरी निर्णयाचं स्वागत आहे

ट्रेड मार्क बुधवार, 09/11/2016 00:30
मला ऑफिसमध्ये व्हिडीओ दिसत नाही. पण डांगेअण्णा विषयाला सोडून काही टाकतील असं वाटत नाही त्यामुळे चालेल.

शब्दबम्बाळ बुधवार, 09/11/2016 04:33
RBI चे अधिकृत स्पष्टीकरण मला व्हिडिओ शेअर कसा करायचा माहित नाही त्यामुळे लिंक देतोय. काही ठळक मुद्दे: 1. सामान्य नागरिकांनी भूलथापांना बळी न पडता कोणालाही आपले पैसे बँकेतून बदलून घ्यायला देऊ नयेत. पैसे बदलून घ्यायला येणाऱ्या प्रत्येक माणसाची ओळख पटवून मगच पैसे दिले जाणार आहेत त्यामुळे काळा पैसे असेल तर पकडला जाऊ शकतो. पण अधिकृत रक्कम असेल तर मात्र काळजी करायचे कारण नाही. 2. बँकेमध्ये कॅमेऱ्याने सगळी प्रोसेस पहिली जाणार आहे त्यामुळे गैर प्रकार करणारे लोक पकडले जातील. 3. 24 नोव्हेंबर पर्यंत तुम्ही एका दिवसात जास्तीत जास्त 4000 रुपये आणि आठवड्यात जास्तीत जास्त 20,000 रुपये बदलून घेऊ शकता. या तारखे नंतर RBI परिस्थितीचा अंदाज घेऊन मग पुढचे धोरण ठरवेल. 4. पण तुम्ही "कितीही रकमेच्या 500 किंवा 1000 च्या नोटा तुमच्या अकाउंट मध्ये भरू (deposit ) करू शकता. त्यावर कोणतेही बंधन नाही!" परंतु एका ठराविक रकमेच्या वरचे व्यवहार FIU (Financial Intelligence Unit ) किंवा इनकम टॅक्स विभागाशी शेअर केले जातील आणि ते यावर लक्ष ठेवतील. त्यामुळे जास्ती रकमेचे व्यवहार करताना बँकदेखील काळजीपूर्वकच करतील. 5. RBI ने नोटा छापताना 2000 च्या जास्त नोटा छापल्या आहे जेणे करून 500 आणि 1000 च्या नोटा बदलून देण्यासाठी होणाऱ्या रकमेसाठी 2000 रुपयाच्या कमी नोटा लागतील. त्यामुळे छपाईचा खर्च वाचेल. 6. सध्या बाजारात 500 च्या -- 16.5 बिलियन नोटा आहेत (नंबर ऑफ पिसेस) 1000 च्या -- 6.7 बिलियन नोटा आहेत (नंबर ऑफ पिसेस) 7. या नवीन नोटा "महात्मा गांधी न्यू सिरीज" या नावाने पब्लिश केल्या आहेत. तसेच ब्रेल लिपीमध्ये नोटेचे मूल्य नोटेवर नोंदलेले आहे. 8. सिक्युरिटी फीचर्स मात्र सांगायचे शिताफीने टाळण्यात आले त्यामुळे GPS चा प्रश्न अर्धवट राहिला. तसेच काही दिवसांपूर्वी 2000 रुपयाच्या नोटेचा फोटो फेसबुक वगैरे वर फिरत होता त्यामुळे काही लोकांना आजच्या घटनेची आधीच माहिती मिळाली असेल का? या प्रश्नाचे जास्त समाधानकारक उत्तर त्यांना देता आले नाही. (चौकशी करण्यात येईल यापलीकडे )

निल्या१ बुधवार, 09/11/2016 21:32
बिलियन आता ही गणन पद्धति मान्य झाली का भारतात? मरठीत लिहिता वाचणारे मराठी विषय रुपयांचा मग गणन बिलियन मध्ये कशाला?

शब्दबम्बाळ गुरुवार, 10/11/2016 15:20
बरोबर आहे हा! तुमचे मत आर. गांधी (डेप्युटी गव्हर्नर RBI ) यांना कळवा बघू... त्यांचेच वाक्य आहे हे...

ट्रेड मार्क बुधवार, 09/11/2016 00:53
अनिवासी भारतीयांकडे बहुतांशी थोड्याफार ५०० आणि १००० च्या नोटा असतात. ज्या भारतात गेल्यावर लगेच लागणाऱ्या गोष्टींसाठी, म्हणजे विमानतळावरून बाहेर पडल्यावर टॅक्सी वगैरेसाठी ठेवलेल्या असतात. तर अश्या नोटांचे काय करणार? प्रत्येकाकडे असे पैसे फारतर ४०००-५००० च्या आसपास असू शकतात. पण अनिवासी भारतीयांची संख्या बघता एकूण बरीच रक्कम असेल. हा काळा पैसा नाहीये पण त्या नोटा भारताबाहेर बदलून कश्या मिळणार? IATA च्या वेबसाईटवर लिहिलंय की भारतीय चलन बाहेरून येताना भारतात आणता येत नाही. याबद्दल कोणाला काही अधिक माहिती आहे का? काही उपाय आहे का?

ट्रेड मार्क बुधवार, 09/11/2016 01:09
बाहेरून भारतात येताना भारतीय चलन आणणे कायद्याच्या विरुद्ध आहे. खाली वाचा Currency rules Currency Import regulations: Foreign currencies : unlimited. However, amounts exceeding USD 5,000.- (or equivalent) in cash, or USD 10,000.- (or equivalent) in traveler's cheques must be declared; Local currency (Indian Rupee-INR): Import of INR is prohibited, except for residents of India importing up to INR 7,500.-. Foreign currencies include currency notes, traveler's cheques, cheques, drafts etc. (Re)exchange only through banks and authorized money exchange points.

शब्दबम्बाळ बुधवार, 09/11/2016 03:21
पंतप्रधानांनी सांगितल्याप्रमाणे, बाहेरच्या देशात प्रवासाला जाणाऱ्यांसाठी किंवा बाहेरच्या देशात असणाऱ्या भारतीय प्रवाशांना आंतरराष्ट्रीय विमानतळावर 5000 रुपयांपर्यंतच्या नोट बदलून नवीन नोट मिळण्याची सोया करून देण्यात येणार आहे. पण लिमिट 5000 रुपये इतकेच आहे...

शब्दबम्बाळ बुधवार, 09/11/2016 03:32
5000 रुपयांपेक्षा जास्त भारतीय चलन भारताबाहेर घेऊन जायला कायदेशीर परवानगी नाहीये. त्यामुळे हा निर्णय त्या नियमानुसार योग्यच आहे...

डॉ सुहास म्हात्रे बुधवार, 09/11/2016 22:39
आजकाल लाखभर डॉलर्स वैध मार्गांनी सहज मिळत असताना रु७५०० पेक्षा जास्त भारतिय चलन बाहेर न्यायची गरजच काय ? याशिवाय, चलनाची तस्करी रोखण्यासाठी सर्व देशांमध्ये चलन आत-बाहेर नेण्यावर अश्या प्रकारची बंधने आहेत.

मंदारपुरोहित बुधवार, 09/11/2016 02:58
NRI could deposit indian currency in local SBI at their country supporting with passport copy (or) can be changed at RBI with declaration as tourist. Or can change at airports. Timelimit till 31 Mar 2017

आनंदी गोपाळ बुधवार, 09/11/2016 00:56
याचा यू टर्न कधी येणारे? मार्केटात कानोसा घेतल्यावर फारसं पॅनिक ऐकू आलं नाही. सीए, बँकवाले कूल होते. बँकांना कोणतेही निर्देश अजूनही नाहियेत. उद्या पोस्ट केलेल्या ऑपरेशनांना मी नाही सांगणार आहे. :)

आनंदी गोपाळ बुधवार, 09/11/2016 01:03
शंभर रुपयांत पैसे दिलेत तरच करीन. मी वैद्यकातून उपजीवीका करतो. उद्या पोस्ट केलेले "इमर्जन्सी" नाहीत.

असंका गुरुवार, 10/11/2016 10:37
=))

शब्दबम्बाळ बुधवार, 09/11/2016 01:38
यावरून आठवलं... शक्यतो ज्यांचा छोटा दवाखाना असतो असे डॉक्टर कधी तपासायला गेल्यावर बिल देत नाहीत. त्यांचे 100 रुपये वगैरे चार्जेस असतात आणि मग ते गोळ्या लिहून देतात तेव्हढा एकच कागद मिळतो. मग हे पैसे कुठे मॉनिटर होतात? आणि मग अशा डॉक्टरांकडे देखील सरकारी हिशोबात न आलेले पैसे असू शकतात का? अर्थात ते हुशार असल्या कारणाने गुंतवत असतील म्हणा कुठेतरी, पण असाच प्रश्न पडला...

सुबोध खरे बुधवार, 09/11/2016 01:23
गोपाळराव आपण कितीही पैसे आपल्या खात्यात भरु शकता.जुन्या नोटा असतील तरीही 31 डिसेंबर पर्यंत. पण ते पैसे तिजोरीत जाणार असतील तर 31 डिसेंबर नंतर त्याची किंमत 0. मी हा प्रश्न माझ्या कर सल्लागाराला आणि आयकर आयुक्त मित्राला विचारुन घेतला आहे. माझ्या कडे येणाऱ्या रुग्णानी कोणत्याही नोटा दिल्यास त्या मी घेणार आहे. चिंता नाही.

असंका गुरुवार, 10/11/2016 10:39
+१... पण आता नाही त्यांची इच्छा तर राहू द्या ना.... हे सगळं त्यांना माहित नाही असं थोडंच आहे!

पिलीयन रायडर बुधवार, 09/11/2016 01:13
एवढ्या मोठ्या निर्णयाचा युटर्न येईल असं वाटत नाही. सगळे लोक उद्या जाऊन नोटा बदलणार, बँका २ दिवस बंद आहेत. पुष्कळ यंत्रणा कामाला लागली आहे. निर्णय का रद्द होइल?

मोदक बुधवार, 09/11/2016 01:20
तू चष्मा घातलेला आहेस का? नाही. म्हणून तू लॉजिकल विचार करू शकतेस. चष्मे घातले असले की असे काहीतरी लॉजिक सोडून बोलावे लागते

आनंदी गोपाळ बुधवार, 09/11/2016 01:31
मोदक सुबोध बघ. सुबोध, चष्मा बघ. ;) आपण कमळ बघू. सोनोग्राफी चार्जेस, व सर्जिकल चार्जेस, माझ्या सीए ने व्यवहार बंद सांगितले आहेत.

मोदक बुधवार, 09/11/2016 01:35
चेक आणि बँकेचे व्यवहार सुरळीतपणे सुरू आहेत डॉक्टर, 100% पांढरे व्यवहार करणाऱ्यांना काहीही फरक पडणार नाहीये. (आणि रोजच्या दिनक्रमात बदल करायची गरज भासणार नाही) असो, आपण सुज्ञ आहातच

आनंदी गोपाळ बुधवार, 09/11/2016 01:39
हसू का?

नाखु बुधवार, 09/11/2016 08:47
असताना वाचलेली म्हण आठवली. "खाई त्याला खवखवे"

"खरे" असलेल्या डॉकनी घाबरण्याचे कारण नाही वरील सच्च्या डॉकनी सांगीतले आहेच.

शिलकीतला हातखर्ची नाखु

llपुण्याचे पेशवेll बुधवार, 09/11/2016 09:45
"खरे" असलेल्या डॉकनी घाबरण्याचे कारण नाही वरील सच्च्या डॉकनी सांगीतले आहेच. झक्कास.

पिलीयन रायडर बुधवार, 09/11/2016 01:59
व्यवहार का बंद? तुम्हीच म्हणालात ना..
मार्केटात कानोसा घेतल्यावर फारसं पॅनिक ऐकू आलं नाही. सीए, बँकवाले कूल होते
मग अगदी निर्देशही ३१ डिसेंबर पर्यंत पैसे परत देऊ शकता असे असतील तर सगळं बंदच करण्याचे कारण कळाले नाही. तुम्ही १००च्या नोटा / चेक / कार्ड / नेटबँकींग वगैरे थ्रु पण पैसे घेऊच शकता ना? माझा गोंधळ उडतोय की नक्की तुमचा आक्षेप काय आहे? तुम्हाला काय नाही पटलं ह्या निर्णयातलं?

आनंदी गोपाळ बुधवार, 09/11/2016 04:37
आक्षेप काहीच नाही. माझ्याकडे मोठी ट्रँजॅक्शन्स असतात. त्यासाठी बँकेचे दरवाजे झिजवायची माझी इच्छा नाही. http://www.misalpav.com/comment/897289#comment-897289 हे आधीच म्हटलो आहे.

अजया बुधवार, 09/11/2016 07:11
हजारवर रकमेचे चेक घेता येतील की.कॅश डिपाॅझिटची कटकट पण नको.व्यवहार का बंद ठेवायचे?बँक डिटेल्स देऊन आॅनलाइन पैसे घेता येतील.

मोदक बुधवार, 09/11/2016 01:30
नवीन सिक्युरिटी आणि डिझाईनच्या 500 च्या नोटा पुढील एक दोन वर्षात पुन्हा बाजारात येण्याची अंधुक शक्यता आहे, त्यावेळी यु टर्न ची हाकाटी होईलच.

मोदक बुधवार, 09/11/2016 02:06
घंटा
सांभाळून ठेवा, इन्कम टॅक्स वाले देवळांची पण काढून नेतात. तुम्ही आम्ही तर सामान्य माणसे

प्रसाद गोडबोले बुधवार, 09/11/2016 01:31
मी व्यक्तिगत पातळीवर ह्या आतातायी आणि एककल्ली निर्णयाचा निषेध करतो. अवांतर : आता बिटकोईन आणि अन्य क्रीप्टो करन्सीजचा सिरीयसली विचार करावा लागणार !

नाखु बुधवार, 09/11/2016 11:17
बरे?

सुबोध खरे बुधवार, 09/11/2016 01:35
खाबू सरकारी अधिकारी, राजकारणी, गुंठामंत्री यांच्या कडे असलेली कोट्यावधी रुपयांची रोकड त्यांना ना वापरता येईल ना बँकेत भरता येईल.धंद्यात मिळालेली रोकड एकदम बँकेत भरली तर आयकर वाले पुढच्या वर्षी शेंडी धरणार? मागील वर्षी एवढा नफा आणि आता का नाही? मायावती यांची "माया" आता रद्दी झाली आणि मुलायम सिंह यांचे "कठीण" झालंय. निवडणूकीसाठी टेंपो ट्रक मध्ये भरुन ठेवलेला पैसा कोणत्यातरी देवस्थान च्या पेटीत टाकायला लागेल. सरकार अशा देवस्थानांच्या CCTV वर नजर ठेवून असेल. एकंदर मोदी साहेबांनी बर्याच लोकांची गोची करून ठेवली आहे.

सुबोध खरे बुधवार, 09/11/2016 12:26
चूक आहे बिल न देता हि जर पैसे बँकेत भरले आणि त्यावर कर भरला तर ते पैसे काळे होत नाहीत.