जयश्रीताईंचा असला कचकचीत हाफवॉली पडल्यावर आमच्यातल्या विडंबकाने काय करावं असं अपेक्षित आहे? ;) ग्लेन्फिडिच बरसे सखा डॉलर पाऊस माज लेऊन हिरवा, येतो डॉलर पाऊस तिची प्रतिक्षा ग्लासात अन सख्याही फितूर गालागालात तोबरा, पिंकेपिंकेआड धूर पापड्-फर्साण चखणा तिथे पुरवतो सखा खुळावली मैफल माज घेऊन अनोखा मिरविते नवी नोट रंग कंच हो हिरवा पिंकसरीत भिजूनी लाल रंग गाली नवा नोटा उडती बाहेरी आटे खिसा धाकधुक दोस्त हलके उठती, घेती कलटी नाजुक बील ठेवीयतो खाली, वेटर हळूच वाकून मारे फाट्यावर शेट्टी, येतो भांडी मी घासून!! चतुरंग

प्रेरणा जयवीताईंची सुंदर कविता हिरवा साज. गुणगुणतो चावतो पकवतो, घुसला घरात डास धडकी भरवतो मनात, तोचि एक डास प्रतीक्षा कसली करीशी, आहे जालिम इलाज हाती घेतली रॅकेट, मारायाची भारी खाज धडपडायचे मम डोहाळे, लपे तो निगरगट्ट मारायचे आज त्याला, लावा ऑल-आउट मिरवते द्रव आतले, बाटली ती भगवी वीज गेली, आली परी दैवगती आडवी शांत बसता दिला तयाला, एक फटका जोरकस हाय लागले "आई गं", नेम माझा हिणकस शोषिले रक्त माझे हळूच डाव साधून झोपावे आता तरी, गोधडी ही पांघरून

************************ ************************ जगलो तुला घेऊन राजरोस आयुष्या का तुला अंधाराचा आता सोस आयुष्या बहरातले जीणे शिशिरातली गाणी झाली टाकलेस दान किती भरघोस आयुष्या सवेच फिरलो झिंगलो नाचलो खेळलो घातला मनस्वीच ऐसा हैदोस आयुष्या खेळलो सगळेच डांव अन निर्ढावलोही तिथे असायचास आता नसतोस आयुष्या आता मोजकाच उरलो ओळखुन आहे श्वासांचे इमले झाले रे ओस आयुष्या अतृप्तीची काहाणी नव्याने लिहून पाहू वार्धक्याचा नको रे अफसोस आयुष्या अमर्याद तुझा संग हवा ही आंस नाही पण अंक शेवटाचा हवा ठोस आयुष्या ************************* *************************