कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
गणपतीची आरती
जय गणेश, श्री गणेश, नमो श्रीगणेशा
आरती स्विकार करा, वंदितो परेशा ॥धृ॥
वक्रतुंड,तिलकउटी, दंत कर्ण न्यारी
कमळ,शंख,फ़रशी करी, मूषावरी स्वारी
खंड तिन्ही मुकुटमणी, समर्था नरेशा ॥१॥
पर्णजुडी हरळीची, रुची मोदकाची
नारिकेल कलशाला, आम्र तोरणाची
रिद्धिसिद्धी पायावरी लोळती हमेशा ॥२॥
तुच बाप,माय तुची, आम्ही तुझी लेक
एक आस जीवनास, पंथ दावी नेक
अभयहस्त पाठीवरी, ठेवुनि सर्वेशा ॥३॥
गंगाधर मुटे
................................................
सिच्युएशनः गल्लीत सार्वजनीक मंडळाचा गणपती बसतोय. दोन हिरो अन दोन हिरवीनी आहेत. म्युझीक सुरू.....
(सुचना: एक ओळ हिरो नं एक म्हणेल अन दुसरी ओळ हिरो नं २ म्हणेल असाही बदल करता येवु शकतो)
श्री गणराया
कृपावंत व्हावे श्री गणराया
भूलचूक माझी हृदयी धराया ॥धृ॥
चिंतामणी तू चिन्मय देवा
अनुतापी मी, तू करुणा ठेवा
व्दारी उभा मी नाम स्मराया ॥१॥
भवमोचक तव मंगलदृष्टी
अनुदिन लाभो तारक वृष्टी
हा भवबंध पार कराया ॥२॥
अनुष्ठान हे तव पुजनाशी
क्षणभंगुर मी, तू अविनाशी
साह्य होई मज अभय तराया ॥३॥
गंगाधर मुटे
.........................................................
सर्व मीपाकरांना श्री गणेश चतुर्थीच्या शुभेच्छा!
.........................................................
पावसाच्या आठवांत
माझा जीव चिंब झाला
निथळत्या अंगणात
गंध दरवळ ओला
तगमग झाली शांत
तृष्णा धरेची भागली
काळी माझी माय
पुन्हा कामाला लागली
सृष्टी झाली झाली दंग
गान वृक्षांचे आगळे
साज मोत्यांचे लेऊन
उभे पूजेला ठाकले
असे भिजले गं मन
जशा श्रावणाच्या सरी
काया झाली हलकीशी
निळ्या कान्ह्याची बासुरी....
मासोळी ज्वानी माझी चमचम करी
पाण्यात पडले पोहते तेजधारेतूनी
राणी मी तुमची तुम्ही माझे राणा
तुन तुन तुन तुन तुन ताना ना..ना..ना...ना..ना ||१||
मी आज ही त्या रक्ताच्या शोधात आहे.
ज्यांनी अटकेपार झेंडे गाढले.
मी आज ही त्या रक्ताच्या शोधात आहे.
ज्यांनी मराठी मनगटांना
स्वराज्याचे बळ दिले......
आज जो मराठ्यांना पुन्हा
लढायला लावेल...
हर हर महादेव पुन्हा
गगन भेदून राहेल.....
फूंकून रणशिंग ज्याने आकाशालाही आव्हान दिले..
मी आज ही त्या रक्ताच्या शोधात आहे...
पूर्वी सारखे आज ही
परकीय आक्रमण वाढत आहे....
माझ्याच मातीत आज माझी
मराठी गाढली जात आहे.....
सावरण्या तिचा हात मला बळ देणारा हवा आहे..
मी आज ही त्या रक्ताच्या शोधात आहे...
-पंचम..
माणूस म्हंटलं, की अडी-अडचणी, चिंता-काळज्या, ताण-तणाव हे सगळं ओघाने आलं....पण अशाही वेळांना आपण
आपला दृष्टीकोन सकारात्मक ठेवला, तर त्या चिंता-काळज्यांची बोच जरा कमी होते.
मला माझ्या एका मित्राने मध्यंतरी सहज एक नेहमीचाच प्रश्न विचारला...म्हणाला, "कशी आहेस सांग !" मी माझ्याही
नकळत सगळे वैताग-पाढे वाचले. कविताही लिहीली...ती पण अशीच आयुष्याचे रडगाणे सांगणारी..बोचरी !!
पण मग एकदम वाटले की मला त्याला असेही उत्तर देता आले असते की! थोडेसे सकारात्मक...
मुकुट शिरावरी दिसे शोभुनी
भरजरी पितांबर अंगी नेसूनी
पुष्पमाला सुगंधी गळ्यात घालूनी
शुंडेसहित एकदंत राखूनी
आले गणपती माझ्या अंगणी
कमळपुष्प हाती धरूनी
दुसर्‍या हाती परशू घेवूनी
एका हाती मोदक लेवूनी
शुभ हाताने आशिष देवूनी
आले गणपती माझ्या अंगणी
वक्रतुंड हेरंब लंबोदर
विकट विनायक विघ्नेश्वर
गणेश महोदर विघ्नहर
अगणीत असली नावे घेवूनी
आले गणपती माझ्या अंगणी
कोण आता कोठे दुर जाईल
नोकरी धंदा कोण कोण पाहील
विसरू नका एकमेकां पुन्हा भेटुया
भेट घेवून पुन्हा आनंद लुटूया
कॉलेजातली मस्ती तुम्ही आठवा
मस्तीतले दिवस मनात साठवा
मैत्री आपली सर्वकाळ टिकवूया
विसरू नका काही सारे काही आठवूया
- पाषाणभेद (दगडफोड्या)
१०/०९/२०१०
किती कथा, किती व्यथा.....
इथून-तिथून, अशा तशा
ह्याच्या-त्याच्या, माझ्या-तुझ्या
चार भिंती, चार फरशा !
आत-आत खोल-खोल
भिरभिर फिरता एक भोवरा...
सांग ना आता कुठे-कसा
शोधून सापडेल खरा चेहरा ? ?
पापणीवर येवून थांबलेला थेंब
ओठावर येवून लांबलेला शब्द...
मन पछाडलेला एक प्रश्न,
ही नियती, की प्रारब्ध ? ? ?
मिसळपाव