कविता

आज असे वाहिले वारे, नाहीच बघीतले तिने वळुन हात सुटले नकळत अमुचे, मन माझे हाय गेले जळुन न दिसली ती तिथे ही, मी गेलो कठिण वाटा पार करुन सुख माझे एवढेच मनी, होतो मी गेलो सर्व तिला हरून भरकटलोच तिचा शोध घेत मी, असा आलो लांब निघुन टाकता पाउल पुढे, पाउलखुणा गेल्या मागच्या मिटून एकत्रच होतो आम्ही निघालो , हातात हात धरून सुटले हात तुझे जेथे प्रवास माझे तिथे गेले संपुन

केले अथक परिश्रम गाठाया पैलतीर ... नाही ओलांडू शकलो सखे तुझ्या नयनीचे नीर सोडून सगळे मागे चाललो नव्या देशात ... गुंतले हात सखये मात्र तुझ्या मोकळ्या केसात पुसले सारे संकेत पुसल्या त्या आठवणी ... ओठावर पण अजून रेंगाळती तुझी मोहक गाणी वाटले झालो मोकळा तोडले सगळे पाश वाटले सरले धुके अन झाले मोकळे आकाश पाऊले पुढे नेत होती ... मन म्हणत होते .... मागे फिर नाही ओलांडू शकलो .... सखे तुझ्या नयनीचे नीर

सगळेच संपून गेलेले असते ती धडपड ... जागरणे .... धावपळ ... धडधडणे ....!! नि उरतो फक्त एक न मिटणारा आवंढा आई गेली नि फक्त उरले निव्वळ अश्रू न कळत ....न जुमानणारे ...! सगळे बधीर ..!! ते क्षण …. ते वातावरण .... सगळे सुन्न... अबोल ... अश्रू फक्त सोबत ...कधीपण ...! एका नंतर दुसर्याचे घनघोर टाहो....

आलो मी असा नजरात कुणाच्या न मी आलो तुझ्या प्रकाशात आज मी असा लपुन राहिलो रक्ताळलो, खरचटले किती, किती मी पडलो वस्त्रच तुझ्या वाटेस, असा त्यास चिटकलो तो म्हणाला मंदिरात जा तु , देव तेथेच भेटतो राहिलो उभा समोर मी, तरी न त्यास दिसलो प्रतिक्षेच्या लाटांवरी सवार, असा मी वाहिलो बुडालो-उभारलो असा, किनारी न मी लागलो!

उठवू नका मज आता, मी उरलो जिवंत नाही करू नका चर्चा माझी, कुणाच ज्याची खंत नाही उकरा न शोधा राख माझी, मी अजुन थंड नाही सोबत माझ्या जळले ह्रदय आता ते शिल्लक नाही कैदेतुन वेदनांच्या सुटले आजवर कुणीच नाही नाहीच मी मज आठवण्यात काही एक अर्थ नाही भेटु असे पुन्हा कधी तरी वेगळे आपले मार्ग नाही तुझ्या वरी निष्ठेचे परिणाम कुणासही वेगळे नाही रस्त्यावर उडलो धूर होऊनी आता सावली नाही दिसलो कुठे भासच असावे मी उरलो जिवंत नाही

तु पावसाच्या सरिसारखी अचानक येतेस...अंगावर कोसळतेस... कळत नाही काय होतंय ते... मी सुद्धा डोळे बंद करुन अथांग भिजण्याच स्वप्न पाहतो... भिजतोहि थोडा... पण अचानक हि सर निघून जाते... डोळे उघडतो... मी अर्धवट कोरडा... वाट पाहतो, पुन्हा ती सर येन्याचि... पण महित असत... ती सर आपल्यासाठी नाही...आणि येणारही नाही पण कोणास ठाऊक मी असा का वागतो... वाचता आल असत मला अर्धवट भिजन्यापसुन... टाळता आल असत हे पण माहित असून सुद्धा मी पुन्हा डोळे झाकतो... सर येण्याची वाट पाहतो, पुन्हा भिजण्यासाठी, अर्धवट का होईना... स्वप्न पाहतो, माहित असत कि फसवतोय स्वतःला, पण दुर्लक्ष्य करतो ह्या गोष्टीकडे.

3

राणीच्या राज्यात ब्रिटिशांसारखी आमच्याकडेही एक गोष्ट अगदी सेम असते प्रत्येक घरात एक राणी असते आणि कुटूंबाचे तिच्यावर प्रेम असते *** फुलांसाठी अहंकारांचे भेदक बाण सुटण्यापूर्वीच खुडून टाका नाजूक, सुंदर फुलांसाठी धनुष्य फेकून खाली वाका *** सक्षमीकरण शब्द अवघड वाटला तरी सक्षमीकरणाचा सोपा आहे अर्थ पुरुषातील कोमल स्त्री जागवा आणि स्त्रीमधला पुरुषार्थ ***

महिला दिनाच्या हार्दिक शुभेच्छा. मी गीत मी प्रीत मी साद मी हाक मी शब्द मी व्यक्त अखंडीत !! मी राधा मी मीरा मी शक्ती मी भक्ती मी अणु मी रेणू समाजात!! मी सल मी बळ मी खोल मी पंख मी धरा मी नभ संभ्रमात !! मी धुंद मी गंध मी नशा मी फ़ुल मी सुध मी शेज जन्मजात !! --- शब्दमेघ (स्त्री...भावनांचा प्रवास मधुन)