चारोळ्या

का नकळत एखाद्यात इतकं गुंतत जातो?
त्या एका कटाक्षासाठी इतकं झुरत राह्तो?
तो मात्र धुंद असतो त्याच्याच विश्वात
तुम्हाला टिचभर जागा नसते त्याच्या जीवनात

का हे अशक्य स्वप्न उराशी मी बाळगले?
खरया परिस्थितीला सामोर जाण अवघड वाटू लागले
हरवलेल्या मनाची मीच समजूत काढत राहिले..
कंठ दाटून आला आणि डोळे पाणावले!!!

तिकडम

सगळे जण आग्रह करतात
लवकर नाव घ्याना
तोंडात लाडुचा बकाणा
घेऊ कसा उखाणा?
.
,
.
.

शिकावू डेंटीस्टने- ढिली बनवली कवळी
दात वाजती टणाणा
मधे अडकून जीभ- करतेय नुस्ता ठणाणा
घेऊ कसा उखाणा?
.
.
.
.

पहिल्यांदा पडली टाळी, दुसऱ्याचा झाला हशा
तिसरा सपशेल उताणा
चौथ्याचा जिकर केला, तर लोक म्हणले हाणा
घेऊ कसा उखाणा?
..........................................................

आता माझा छान वेळ जातो
मनाशी खेळ्ण्यात,

ते दडी मारुन बसले
की त्याला शोधून काढण्यात

आपल्यालाही जमायला हवं
झाडांसारखं वागायला
मातीत पाय रोवूनसुद्धा
वार्‍याबरोबर खेळायला