विचार

पाहता पाहता
काळ दारी आला
सारी वसुंधरा
संकटात….१

ऊतले मातले
गर्वात नाचले
बेफाम वागले
सान थोर….२

वाहनांची रीघ
जणू पाठशिव
हवेचाच जीव
घुसमटे….३

यंत्रांचा निघाला
धूर काळा काळा
प्लॅस्टिकचा मळा
त्यात फुले….४

विज्ञानाने केली
आपली प्रगती
आणि अधोगती
आपणच….५

पाहू एक स्वप्न
करूया प्रयत्न
जपूया हे रत्न
पृथ्वी नामे….६

कापडी पिशवी
प्लॅस्टिक ऐवजी
जमे ही सहजी
सुरूवात….७

मोटार गाडीला
ठेवुनी बाजूला
पायी पायी चला
शक्य तेव्हा….८

तुझे स्वप्न माझ्याच स्वप्नात होते
तसे सोबतीच्या करारात होते

नको ना अता त्या निशेची प्रतिक्षा
तुझ्या मुक्त केसातही रात होते

पुन्हा जाग आली सुन्या मैफ़लीला
तुझे दाद देणे अकस्मात होते

नसावे नशीबात घायाळ होणे
तुझे तीर सारे पहार्‍यात होते

निशेला न ऐसेच वैराग्य आले
तुझे चांदणे ऐन बहरात होते

जयश्री अंबासकर

आताशा जीवनामध्ये खूप अस्वस्थ वाटतय॑
सगळे जवळ असूनसुद्धा एकट॑ एकट॑ वाटतय॑
चालत असलेली ही वाट कधी स॑पणारच नाही वाटतय॑
या सरळ वाटेवर कोणतच॑ वळण येणार नाही वाटतय॑
आताशा जीवनामध्ये खूप अस्वस्थ वाटतय॑
सगळे जवळ असूनसुद्धा एकट॑ एकट॑ वाटतय॑
ज्याच्याबरोबर या वाटेवर पाऊल टाकल॑ तोच अर्ध्यावर सोडून गेला
'माझच॑ प्रारब्ध' त्याच काही चुकल॑च नाही अस॑ वाटतय॑
आताशा जीवनामध्ये खूप अस्वस्थ वाटतय॑
सगळे जवळ असूनसुद्धा एकट॑ एकट॑ वाटतय॑

मिसळपाव आणी मिपाकरांचे चे आभार कसे व्यक्त करु अस प्रश्न मला बरेच दिवस भेडसावत होता आणी डोक्यात ही कल्पना आली.

रुक्ष वाळवंटात जसा सापडावा अमृताचा झरा
तशी मराठीची तृष्णा शमे मिसळपावच्या घरा
मराठमोळ्या माणसांना फक्त मिपाचाच आधार
मिपा, तुझे लक्ष लक्ष आभार!!

काव्य, चर्चा, साहित्याचा अनमोल असा ठेवा
संगे कौल,कलादालन आणी पाककृतींचा मेवा
लहानथोरांसाठी हे मराठीचे अक्षय भांडार
मिपा, तुझे लक्ष लक्ष आभार!!

अज्ञाताच्या अंधारात
प्रतिभेची घोरपड घेऊन
सर करतेस
प्रसिद्धीचा कोंढाणा

गड आला पण घोरपडीचे काय?

काही म्हणतात, घोरपड ही तर दंतकथा
कोणी म्हणतं , ते तर प्रतीक,
चिवट जीवननिष्ठेचे

म्हणून सांभाळ गं
आपापली असलेली आणि नसलेली घोरपड
कारण किल्ले येतील आणि जातील
पण तेवत राहील , फुलत राहील
मनामनात ... एक घोरपड

सप्तरंगी दुनिया

विविध रंग मिळुन
जग बनले आहे
रंगी बेरंगी दुनियेत
खुप रंग आहे.

प्राण्यांच्या शरिरात सुध्दा
खुप रंग असतात
म्हणुनच त्यांची पिल्लं सुध्दा
रंगी बेरंगी जन्मतात.

प्राणी हिरवं खातात
तरी रक्त लाल असते
कातडं काळं तांबड
दुध मात्र सफेद असते

आकाश सकळी सोनेरी
दुपारी उन्हाने पांढरे होते
संध्याकाळी मावळतांना तांबडे
रात्री मात्र निळे निळे असते

झाडाची मुळं पांढरिइ
साल काळसर असते
पानाचा रंग हिरवा
फळं फुलं मात्र रंगी बेरंगी