कविता

जय देव जय देव जय झुरळ देवा,

खुर्ची मिळवून दे, करीन तुझी सेवा 

तुमच्या चरणाचे आम्ही आहोत दास

तुमच्या कृपेची लागलीये आस जय देव जय देव . . .

अमू-नरूला तुमची किती भीति,

तुमचे गुण गाई आमची ही जेंझी

सातासमुद्रापार तुमची ही ख्याती, 

होऊ दे पामरास सत्ताप्राप्ती जय देव जय देव . . .

स्वतःच्या पक्षाची करून माती,

रागौठा सुसुममता लोटांगण घालती

अभिआषु सौरभ नेहाचे चरण चुंबिती

त्यांचे भविष्य तुमच्याच हाती जय देव जय देव . 

 . 

सहज मात्र (त्याच्या दृष्टीतून)  

प्रेरणा: सहज मात्र

सहज लिहून पाठवतो मी 
जे सुचतं माझ्या मनात 
तुझ्या मौनाचा अर्थ कळत नाही 
शब्द शोधत राहतो मी मात्र...

सहज विचारतो तुला कधी 
अन् म्हणतो, "येशील का?" 
तू येशील या आशेवरती 
वाट पाहत राहतो मी मात्र...

सहज गातो गाणे 
कधी तुझ्यासाठी सूर छेडतो 
तुझ्या डोळ्यांत दडलेलं 
गाणं वाचत राहतो मी मात्र...

(( सहज मात्र ))

सहज खाऊन जातोस तू

जे पडतं तुझ्या पानात...

मी घास चिवडत राहते अन्

गिळत बसते घास मात्र...

सहज लोळतोस कुठेही

अन् म्हणतोस, "लोळशील का?"

जांभई झेपावते पेंग येते पण...

डोळे तारवटतात मात्र...

सहज पितोस मद्य कधी

धूम्रकांडी पेटवून जातोस

घोटभर पाण्याच्या  प्रतीक्षेत मी

तृषार्त राहते मात्र...

सहज चावतोस दशगुणी तांबूल कधी

गायछाप खाऊन जातोस

लवंग सुपारीच्या शोधात मी

मेंटॉस चघळत राहते मात्र ....

पेरणा-  https://www.misalpav.com/poem/54130

रूतते कोपरखळी सहज

सुट्टिच्या धुंद पहाटे

फुलतो वसंत मनात.

चहा कर ना गडे! कानी येते  मात्र.... !!

सहज करून जातेस,

सुग्रास,सुंगध दरवळतो

सहज उदर भरण होते !

उरतो  लोभी मनाचा ,धुसफुसता हिशोब मात्र...!!

सहज फिरावया नेतेस 

किती छान पोत,पदर आहे!

विचारतेस सहज,रंग कसा दिसतो?

सहज मात्र

सहज लिहून पाठवतोस तू
जे सूचतं तुझ्या मनात...
मी मौनात घुसमटते अन्
शोधत राहते शब्द मात्र...

सहज फिरतोस कुठे कुठे
अन् म्हणतोस, "येशील का?"
मनपाखरू झेपावतं पण...
पाय तिथेच चौकटीत मात्र...

सहज गातोस गाणे कधी
तालसुरांत बरसून जातोस
स्वरधारांच्या वर्षावात मी
चिंब भिजत राहते मात्र...

सहज येऊन बसतोस समोर
आणि बोलतोस असंच काही
दिवस जातो कसा तरी
रात्र सरत नाही मात्र...

संकटांनो घेऊ नका मज हलक्यात आता 
हरवले मी दु:खास आहे इतक्यात आता.

चालुनी मी आलो इथे बघ  वनव्यातूनी या
तेव्हढी ना आहेच धग या चटक्यात आता.

अंत आता पाहू नका माझ्या संयमाचा
सोडुनी मी, जाईन सारे झटक्यात आता.

सागरा ओलांडून आलो आहे इथे मी
ज्ञान देती ते, जे पोहती, डबक्यात आता.

तू नको रे घालूस फुंकर ठिणगीस आता
जाळुनी ती टाकेल सारे भडक्यात आता.

तुला पाहिले 
मला वाटले 
जशी सुरंगी सांज
रंग फुलांचे 
लेऊन आली
परी नभीची आज.

क्षितिजापरी
हे भाळ असे 
ये उगवून लाली 
सांज लाली ही
कुणी रेखिली 
सांग तुझ्या गाली.
 

येई फुलता 
जसा फुलांचा 
तसा आगळा 
गंध तनुचा 
किती दिलांच्या 
छेडून तारा 
तुझ्या कुंतला
झुलवी वारा 
तुझी पाऊले 
रुणझुणती 
लेऊनी संगीत साज 
रंग फुलांचे 
लेऊन आली
परी नभीची आज.

कागदी वाघांची आता भिती वाटत नाही

मुंबईतले म्हणून प्रेम दाटत नाही

सर्वकाळ खुराड्यात झोपून रहातात 

खुराड्यातल्या खुराड्यात फिरताना दिसतात  

चिरकुट चिमणा डरकाळी फोडतो

वाघोबा येणार म्हणून चिवचिवाट करतो

कोथळा फाडू म्हणून, आरडा ओरडा करतात.

कागदी वाघोबाच्या गल्लीत ससे मोकाट फिरतात

खुराड्याच्या राजाचे निघाले दिवाळे

मोहरर्मच्या सणातही रेवड्या नाही मिळाल्या ......

चावता येत नाही म्हणून आता  लापशी खातो

सांगा, शेपूटतुटक्या कागदी वाघाला कोण भितो !

मिसळपाव खायला जमले कावळे 
सोबत होते पाव्हणे रावळे

तिखटजाळ होती तर्री
कावळ्यांची उडाली खूप भंबेरी

कावळे ओरडले काव काव 
अजून पाहिजे आम्हाला पाव

एक कावळा होता हेकट
म्हणाला अजून करा मिसळ तिखट

मिसळीने कावळ्यांचे भाजले तोंड
जिभेवर आले मोठे फोड

तिखटाने घाबरले कावळे सारे
मिसळीपेक्षा पिंड बरे

कोळीगीत: आई एकवीरा

आई एकवीरा हाय माजी पावन मोठी
तिच्या पुजेला आनली साडी चोली          ||ध्रु||

आम्हा कोल्यांची देवी ही नवसाची
वाट अवघड गो हिच्या मंदीराची
डोंगरावर जाऊन माय बसली
तिच्या पुजेला आनली साडी चोली          ||१||

हळद कुंकू निरांजनाने 
ताट पुजेचे हे सजवीले
साडी चोली बांगड्या नथ कानातले
कंबरपट्टा जोडवी पैंजन पायातले
तिच्या पुजेची अशी तयारी केली
तिच्या पुजेला आनली साडी चोली           ||२||