जर्सी सिटी आणि न्यूयोर्क ला जाणे अजून जमले नाही पण जेंव्हा जाईन तेंव्हा हा धागा रेफर नक्की करीन.

जेवढे अमेरिकेचे उत्तर भाग माहिती आहेत, तेवढी साउथची माहिती नाही. मी पण टेनेसी ला येताना लोकांनी खूप घाबरवले होते पण एका हिलीबिली गावात ७ वर्ष काढल्यावर साध्या अमेरिकेमधली सुंदरता दिसली.

थोडे अवांतर-- मी विद्यार्थी असताना काही पैसे वाचवायचे मार्ग शोधून काढले आहेत त्याबद्दल थोडे काही (सगळे मार्ग लीगल आहेत, इललीगल पण माहिती आहेत पण कधी वापरले नाहीत.)
१) कुठल्या पण कॉलेज town मध्ये (सिराकृझ, स्टीलवाटर इ.) गेला की युनिव्हर्सिटी च्या साईट वर जाऊन लोकल discount शोधून काढायचे. खूप ठिकाणी प्रत्येक दिवस हा वेगळ्या हॉटेल साठी असतो, उदा.सोमवार- बर्गर किंग, मंगळवार - लोकल बार्बेक्यू असे अजून काही ...खूप ठिकाणी युनिव्हर्सिटी id पण लागत नाही.
२)AAA रोड assistance ची वार्षिक मेंबर बनायचे, कारवाल्यासाठी खूप उत्कृष्ट सेवा आहे. आणि त्या कार्ड वर खूप सारे इतर discounts मिळतात - रेंटल कार, six flags, hotels etc.
३)कार च्या विम्या वर तुमचे रोजचे माईलेज ५ miles पेक्षा कमी असेल तर सवलत मिळते.
४) गुडविल नावाच्या जुन्या वस्तूंच्या दुकानात खूप भारी पुस्तके (लोकांनी देऊन टाकलेली) कमी किमतीत मिळतात, फक्त दर आठवड्याला चक्कर टाकावी लागते.
५) क्रोगर मध्ये पेट्रोल टाकावे, वाल्मार्त मध्ये गाडीचे टायर घ्यावेत, लोकल मेक्यानिक शोधून काढावा. (खूप अवघड आहे ते !)

असे अजून खूप सारे मार्ग आहेत, आत्ता एवढेच आठवत आहेत. माझा फेसबुक वर एक ओपन ग्रुप आहे, त्याची लिंक पोस्टतो आहे, कुक्वील नावाच्या छोट्या गावाच्या आसपासचे मागच्या ५-६ वर्षातील फोटो आहेत, मोस्टली सगळे मोबाईलवर काढलेले आहेत आणि ओपेन ग्रुप असल्याने इतर लोकांचे पण फोटो आहेत. त्यावर टेनेसी मधले मागच्या ५-६ वर्षातील सगळे सिझन तुम्ही एकावेळी अनुभवू शकतात.

टेनसी मधली फोटोग्राफी !

हम्म
इथे ज्यांना नोकर्‍या नाहीत असे अमेरिकन काय करतात? --
काही जणांना सरकार पोसते. जे लोक त्यांच्या क्रायटेरिया मध्ये बसत नाहीत ते भीक मागतात. 'Homeless, Need Help, God Bless You' असा एक बोर्ड बनवायचा आणी फूटपाथ वर सिगारेटी फुकट बसायचे भीक मागत.

अमेरिका म्हणजे स्वर्ग असे अजिबात नाही.
मी सद्ध्या पिट्सबर्ग मध्ये आहे. संध्याकाळी तुम्ही डाउनटाऊन एरियात जाण्याची हिम्मत करू शकणार नाही. कोण कधी तुमच्याकडे काय मागेल ह्याचा नेम नाही. कुणीतरी अचानक आडवा येऊन सिगारेट किंवा लायटर मागू शकतो आणी तुमच्याकडे नसेल तर ह्या क्षुल्लक कारणासाठी जवळचे जे काही हत्यार असेल ते बाहेर काढून काहीही करू शकतो. भारतात असे होण्याची शक्यता खूप कमी, जवळपास नाहीच.

अमेरिकेत देशांतर्गत प्रवास करण्यासंबंधी प्रश्न इथे विचारले तर चालतील का?

हे फ्रीमाँट बे एरिया कॅलिफोर्निया मधलं आहे असं धरून चालतो आहे. (याच नावाचं छोटं गाव एक तर कॅलिफोर्नियात उत्तरेला योलो काऊंटीत नाही तर नेब्रास्का राज्यात आहे.)

ओके. मग मला एक सांगा, लॉस एंजलीस ते फ्रीमॉंट किती अंतर असेल?
३६० मैल, या अंतरासाठी साधारण साडे सहा तास लागतील ट्रॅफिक सुरळीत असेल तर.

बाय रोड कसे कसे जायला लागेल?
हा नकाशा पहा.

कार विथ ड्रायव्हर रेण्ट केल्यास काय दर पडेल?

ह्म्म! अमेरिकेत ही चैन परवडणारी नाही हो! इथे फारतर दारू पिऊन विमान उडालेल्या लोकांना बदली ड्रायव्हर देऊन ५०-१०० मैलांवर घरी पोहोचवणार्‍या कंपन्या आहेत. आणि अशा महागड्या सेवा मिळवण्यापेक्षा लॉस एंजेलिस ते सॅन होजे विमान (पुढे टॅक्सी ने फ्रीमाँट) परवडेल; अंदाजे १००-३०० डॉलर्स खर्च येईल आणि साडेतीन तास लागतील.

आपल्याकडे असतात तसेच अमेरिकेत असतात का दर?

उत्तर गैरलागू आहे कारण तुमचे परिचित ड्राईव्ह करणार नाही आहेत, तरीही तुम्ही स्वतः चालक असाल तर गाडी भाड्याने घेण्याचे दर साधारण $५० दिवसाला (इंन्शुअरंस सह) पडतो, पेट्रोल वेगळे (हा खर्च या अंतरासाठी साधारण $१०० तरी येईल).

ज्यांच्याकडे जातोय त्यांना सरप्राईज द्यायचे आहे, म्हणून त्यांना एअरपोर्ट वर बोलावू शकत नाही

मला वाटतं विमान प्रवास हाच कमी वेळाचा, कमी खर्चाचा मार्ग ठरेल (LAX-San Jose by flight San Jose-Fremont Taxi), खर्च अंदाजे $२५० च्या आसपास यावा.

दुसरा थोडा आधिक वेळ खाणारा (८-एक तास) मार्ग म्हणजे लॉस एंजेलिस विमानतळापासून युनियन स्टेशन वर शटल ने जावं ($२०), आणि तिथून आधी पॅसिफिक सर्फलाईनर या ट्रेन ने सॅन लुईस ओबिस्पो इथे आणि मग तिथून एका छोट्या बस कनेक्शन नंतर कॅपिटॉल कॉरिडॉर या ट्रेन ने सॅन होजे ट्रेन स्टेशन पर्यंत जावं (अंदाजे $१०० लवकर अ‍ॅड्व्हान्स बुकिंग केलं तर, यात मधलं बस कनेक्शन अंतर्भूत आहे). शेवटी फ्रीमाँट पर्यंत टॅक्सी ($७५!)

ग्रे हाऊंड बसने जाणं हाही एक मार्ग आहे, पण १० तास लागतील, अंदाजे $७५ सॅन होजे पर्यंत, तिथून पुढे टॅक्सी ने $७५.

राईडशेअर हा आणखी एक मार्ग आहे, पण सहप्रवासी कोण आहेत आणि वाहन कसं आहे, इंन्शुअरन्स कव्हरेज काय असेल या सगळ्या unknown गोष्टी आहेत.

तात्पर्यः विमान + घरापर्यंत टॅक्सी हा पर्याय सोपा ठरावा.

आणि एकः कुणी सांगावं, हे परिचित ज्या दिवशी लॉस एंजेलिसला पोहोचतील त्या दिवशी कुणी सहृदय मिपाकर तिथून बे एरियात जाणार असतील तर सहप्रवासाची सोय होऊ शकेल, तेंव्हा याच धाग्यात चौकशी करायला हरकत नाही.

अमेरिकेत भारतीय आभिजात संगीताचे कार्यक्रम करणारी संस्था आहे तालसाधना.
https://googleweblight.com/?lite_url=https://www.taalsadhana.com/contac…
सप्टेंबर मध्ये पं.जयतीर्थ मेवुंडी यांचे गायन आहे.

https://www.facebook.com/events/280627885613577/?ti=as 4 सप्टेंबर ला हा कार्यक्रम आहे.

पिरा, जरा शांत बसलीस तरी आम्ही उपाय सुचवू शकू. ;)

You can easily get NJ driving license using your Indian DL. Just go to Bayonne, NJ DMV (Bayonne is a small town next to Jersey City). If you have valid Indian DL, you just need to pass the written exam and they waive off your road test. Once you get any American DL, you are free to drive across America.

साध्या दुखण्यांसाठी किंवा जुन्या दुखण्याच्या दीर्घकालीन औषधांसाठी (maintenance medications for chronic illnesses) इंन्शुरंस ची मदत न घेता स्वतःच रोख पैसे देणं हे बरेचदा स्वस्त पडू शकतं.

तुमच्या राज्यात Direct Primary care Practice कुठे आहेत ते शोधून, तसंच कॅश-ओनली फार्मसीज, किंवा औषधं विकत घेण्याआधी तुलनात्मक शोध घेऊनही पैसे वाचवता येतात.

उदाहरणार्थ, न्यू जर्सी राज्यात फेअरफील्ड इथे कंटिन्युअम केअर हे वैद्यकीय सेवा केंद्र महिना १८० डॉलर्स अशा सभासदत्वामध्ये तिघांच्या साधारण आरोग्याची काळजी घेते असं वरील दुव्यावरून दिसतं.

Direct Primary care practitioner चा माझा वैयक्तिक दोन राज्यांमधला अनुभव चांगला आहे, हे डॉक्टर्स भारतातील जुन्या जनरल फिजिशियन सारखे वाटले, अनावश्यक टेस्ट्स टाळणारे आणि रास्त खर्चातच आधुनिक टेस्ट्स करणारे.

अगदी नवीन किंवा डोनेट केलेले उत्कृष्ट दर्जाचे फर्निचर आणि अन्य घरगुती वस्तु अल्प किमतीत मिळवण्यासाठी अमेरिकेतील अनेक शहरात असलेल्या ' हॅबिटॅट फॉर ह्युमॅनिटी रिस्टोअर' च्या केंन्द्राला भेट द्या. आपल्या एरियातील केंद्र खालील दुव्यावरून हुडकू शकता:
https://www.habitat.org/restores

सक्रीय मिपाकरांच्या संख्येच्या बाबतीत भारतानंतर दुसरा क्रमांक असलेल्या अमेरिकेला मिपावर एवढा वाव मिळाल्याचे मी प्रथमच अनुभवतो आहे. याकरिता धागाकर्तीचे कितीही आभार मानले तरी ते कमीच.

मिनेसोटातल्या ट्विन सिटीजमधल्या मराठी मंडळींशी संबंधीत आगामी घडामोडी.

• गणेशोत्सव (स्थापना: ४ सप्टेंबर, विसर्जन: ११ सप्टेंबर)
• मराठी नाटक - कार्टी काळजात घुसली: ५ सप्टेंबर

या धाग्याला भेट देणार्‍यांना खालील दुवे उपयुक्त वाटू शकतात.

• मदत हवी आहे
• अमेरीकेतून भारतामध्ये नेण्यासारख्या भेटवस्तू

सप्टेंबर १८ ला सुमा फूड्स ने गणपती विसर्जन Johnson Park, Grove 4, Piscataway, NJ इथे आयोजित केले आहे. अधिक माहिती व तिकिटासाठी https://www.sumafoods.com/ इथे संपर्क साधा.

अमेरिकेत पाहण्यासारख्या / चुकवू नये अशा गोष्टी मध्ये नॅशनल पार्क येतील. उदा. योसेमिटी , ग्रँड कॅनियन , यलोस्टोन, आर्चेस, ब्रायस, झायन. त्याव्यतिरिक्त सांता फे, न्यू ऑर्लीयन्स सारखी काही स्वताचे वेगळेपण जपणारी शहरे आहेत. बाकी अमेरिकेत जे टुरिस्ट स्पॉट आहेत तसे जगभर अनेक ठिकाणी आहेत.

यु.के. मध्ये क्रूजचा प्रवास केला आहे. पहिल्यांदाच करत असल्याने जाताना 2-3 दा उलट्या झाल्या. येताना काही त्रास नाही झाला. लहान मुलं बरोबर असल्याने जास्त वेळेचा प्रवास करण्यापूर्वी विचार करा.

मी ही बातमी वाचली आहे फक्त. ज्याला कुणाला शक्य असेल, त्यांनी पहावे.

गोल्डन टॉयलेट सामान्य लोकांसाठी खुले
१८ कॅरेट सोने वापरून बनवलेले शौचालय

लोकसत्ता ऑनलाइन | September 16, 2016 6:45 PM

[गोल्डन टॉयलेट सामान्य लोकांसाठी खुले]
हे सोन्याचे शौचालय वापरण्यासाठी जास्त पैसेही मोजावे लागणार नाही.

सोन्याचे दागिने, सोन्याचा पुतळा, सोन्याचे दात, सोन्याची फळे असे सोन्यापासून बनवलेल्या वेगवेगळ्या वस्तूंबदद्दल तुम्ही ऐकले असेल पण तुम्ही सोन्याच्या शौचालयाबद्दल ऐकले आहे का ? आता आपल्याकडे सोन्याचा जाऊ दे पण साधा शौचालय तरी कोणी बांधून दिला तरी मोठी गोष्ट म्हणावी लागेल सोन्याच्या शौचालयाची गोष्ट् तर दूरच राहिली. पण सध्या सोशल मीडियावर सोन्याच्या शौचालयाची चर्चा खूपच रंगली आहे.
अमेरिकेतल्या गुगेनहेम संग्रहालयात सोन्याचा कमोड ठेवण्यात आला आहे. आता संग्रहालयात हा सोन्याचा कमोड ठेवला आहे म्हटल्यावर तो केवळ आणि केवळ बघण्यासाठी असेल असे जर तुम्हाला वाटत असेल तर तो तुमचा गैरसमज आहे. हा कमोड सार्वजनिक वापरासाठी खुला करण्यात आला आहे. न्यूयॉर्क शहरात हे संग्राहलय आहे. आता हे शौचालय फक्त श्रीमंत लोक वापरू शकतात अशाप्रकारचेही कोणतेच बंधन नाही. या संग्राहलयाला भेट देणारा कोणताही व्यक्ती हे सोन्याचे शौचालय वापरू शकतो. १६ सप्टेंबर म्हणजेच आजपासूनच हे शौचालय सामान्य लोकांसाठी खुले करण्यात आले आहे विशेष म्हणजे हे सोन्याचे शौचालय वापरण्यासाठी जास्त पैसेही मोजावे लागणार नाही. जो कोणी संग्रहालयाची तिकिट काढेल त्याला ते वापरायला मिळणार आहे.
या संग्रहालयाच्या चौथ्या मजल्यावरील रेस्ट रुममध्ये हा सोन्याचा कमोड ठेवण्यात आला आहे. पुरुष आणि महिला दोघेही हे शौचालय वापरू शकतात. इटलीचे प्रसिद्ध आर्टिस्ट मौरिजियो कैटिलेन यांनी हा सोन्याचा कमोड तयार केला आहे. हा कमोड तयार करण्यासाठी किती खर्च आला हे मात्र सांगितले नाही. गेल्याच महिन्यात या संग्रहालयात हा कमोड आणण्यात आला होता. परंतु, तो जोडण्यासाठी मात्र अडचणी येत होत्या.

व्हरमाँट मधे फॉल पाहायला जायचे आहे. पण फॉल पाहायला जायचे म्हणजे नक्की काय असते? काही वेगळ्या जागा असतात का त्यासाठी?

हाम्रीकेतल्या मिपाकरांनो,
नायगाराला जायचे होते. इथे (पिट्सबर्ग) मध्ये कुठलीही टूर कंपनी नाही. बसने जायचे तर 2 दा बदलावी लागते आणी 3.5 तासाच्या प्रवासाला 13 तास लागतात. न्यू यॉर्कला येऊन तिथून टूरने जाणे हा एक पर्याय आहे. पण मग तेवढाच वेळा जाणार जवळपास 12 तास.
मी इथे एकदाच कार चालवली. घरापासून पिट्सबर्ग विमानतळ आणी परत. रोड साईन्स बघून बघून वैतागलो. एवढ्या 1.5 तासाच्या अनुभवावरून इथे रेंटेड कार घेऊन स्वतः चालवण्याची रिस्क घ्यावी का?

पूर्वी जल्लोश डोट कॉमवरून लोक चितळे फराळ मागवून घेत असत पण आत्ता मला त्यांचं काही सापडत नाहीये.