वधू आणि वरांच्या अपेक्षा वाढल्या आहेत का?

उच्चनीच/ हुषार-मट्ठ ठरवायला निरर्थक.. असं म्हणायला हवं सर्वार्थाने निरर्थक नव्हेच ..

नुसती फक्त 'पेजेला आणि शेजेला' बायको हवी असेल तर ती अल्पशिक्षित असण्याचीही जरूर नसते

हे मी कधी कुठे म्हटलेलं नाही. बांगडे फ्राय करायचं फक्त उदाहरण दिलंय. संसारात अशा अनेक गोष्टी असतात की जिथे आपल्या अकॅडेमिक शिक्षणाचा काहीही संबंध नसतो.

अल्पशिक्षित व्यक्ती कधीच सुशिक्षित असू शकत नाही.

१९५६ सालची एक गोष्ट सांगते. माझ्या आईवडिलांचं लग्न झालं तेव्हा वडील इंटर आर्ट्स आणि आई म्याट्रिक डी एड होऊन नोकरी करत होते. आताच्या दृष्टीने पाहता ते अल्पशिक्षितच. पण त्या १९ वर्षाच्या मुलीने सासूसासरे, ३ दीर, नंतर झालेली ३ मुले असा सगळा संसार सांभाळत पुढे शिकायची आस धरली. लग्नानंतर संसार नोकर्‍या मुलेबाळे करत ते दोघेही शिकत राहिले. दोघेही एम.ए. बी एड. पर्यंत शिकले. आता हे शिक्षण फार मोठे वाटणार नाही, पण एकूण परिस्थितीचा विचार करता ही फार मोठी झेप होती. साधा स्वयंपाक म्हणजे तेव्हा चूल, खलबत्ते, पाटेवरवंटे यांच्याशी मुकाबला असायचा. या सगळ्याशी सामना करून त्या दोघांनी हे कसं साध्य केलं असेल माहीत नाही. सहा दिवसाच्या मुलीला हॉस्पिटलमधे ठेवून माझी आई हॉस्पिटलमधून बी ए चा पेपर द्यायला गेली होती! ही शिक्षणाबद्दलची कमिटमेंट! त्यांच्या तुलनेत आम्हाला भरलेलं ताट समोर येतं पण तरी ते गिळता येत नाही! आज मी जी काही आहे ती या दोघांमुळेच आहे. त्यांचं लग्न झालं तेव्हा दोघेही अल्पशिक्षित असूनही त्यांच्या सामाजिक जाणीवा प्रगल्भ होत्या. अनेक बाबतीत ते काळाच्या पुढे होते. आणि एका दुर्गम खेड्यात रहायला जाऊनही त्यांना जगाबरोबर रहायची आवड होती. महत्त्वाचं म्हणजे ते त्यांच्या पिढीला अपवाद नव्हते! नवीन स्वातंत्र्य मिळालेल्या काळची ती त्यांची पिढीच अशीच ध्येयचादी, शिक्षणासाठी काहीही करणारी होती. आता आपल्याला शिक्षणासाठी फक्त पैशाची सोय करावी लागते, पण तेव्हा पैसा ही फार नंतर विचार करायची गोष्ट होती. तात्पर्य काय,

अल्पशिक्षित व्यक्ती कधीच सुशिक्षित असू शकत नाही.

याला काही आधार नाही. शिक्षण आणि विचारशक्ती, सामाजिक भान याचा अर्थाअर्थी काही संबंध नाही. कित्येकदा अगदी अशिक्षित लोकांकडूनही मी कमालीचे पुरोगामी विचार ऐकले आहेत!! शिक्षण, पैसा हे सगळं कधीही मिळवता येतं. ते प्रत्येक माणसाच्या विचार करण्याच्या पद्धतीवर अवलंबून आहे. आणि त्याबाबतीत ठराविक असे ठोकताळेही मांडता येणार नाहीत. तसंच एखादं नातं निर्माण करणं आणि ते फुलवणं, टिकवणं यातही इतर अनेक गोष्टींचा हातभार असतो. एकच एक पद्धत सगळीकडे लागू होईल असेही नाही!

के टी आणि डीस्तीन्क्षन काय घेऊन बसलायत? एक लक्षात ठेवा काही जण "खूप" शिकतात. काही जण "खुपदा" शिकतात. शेवटी शिकल्याशी मतलब.

नशिबवान आहेस. =)) पोरगी आणि डिस्टिंक्शन मिळायला नशिब लागतं. मेरेकु थ्रु-आउट डिस्टिंक्शन (बी.ई. ला रँक) विथ वाय डी आहे पुणे युनिव्हर्सिटीच्या कुरुपेनं. एम ३ च्या आवशिचा घोवं!!!