Skip to main content

'माझा' 'मी' 'मी' 'मी' चा पाढा, आजपण तू ऐकशील का..?

लेखक मोदक यांनी शनिवार, 19/01/2013 09:45 या दिवशी प्रकाशित केले.
******************************************************* धनाजीरावांनी कुठूनतरी "धनाजीराव आणि पार्टी" चा उल्लेख करून सखूची आठवण काढली. सखूचा धागा वर आला नाही पण त्या गीताच्या (?) तालावर आम्हाला बरेच काही सुचत गेले.. सखूचे विडंबन समजणार असलात तर जरूर समजावे, मात्र कुणा व्यक्ती / पात्राशी सांधर्म्य आढळयास योगायोग समजण्याची चूक करू नये. ******************************************************* शब्द खरडतो 'मी' घाई घाई, अर्थाची आठवण राहीलीच नाही बुध्दी, ज्ञान, मती सर्व 'माझ्याच' ठायी, आजही तू सहमत होशील ना? 'माझा' 'मी' 'मी' 'मी' चा पाढा, आजपण तू ऐकशील का..? संस्थळांवर उडवलाय धुरळा, 'मीच' काढलाय 'माझाच' गळा 'मी' सांगतो तीच पूर्व दिशा, 'मी' सांगतो तोच अर्थ खरा 'माझा' 'मी' 'मी' 'मी' चा पाढा, आजपण तू ऐकशील का..? जगातले सर्व ज्ञान आहे 'मला', तुझे बरोबर मुद्दे पण पटेनात 'मला' 'मी', 'माझे' मत, 'माझे' प्रतिसाद, 'माझे' विचार, 'माझे' ज्ञान.. पण आज्जिबात अहंकार नाही 'मला' 'माझा' 'मी' 'मी' 'मी' चा पाढा, आजपण तू ऐकशील का..? सांगत असतात बरेच जण 'मला', सांभाळून वाग बोल रे मित्रा 'मी' म्हणतो 'माझ्या' ज्ञानाचा ते तिरस्कार करतात, सतत 'मलाच' टारगेट करतात 'माझा' 'मी' 'मी' 'मी' चा पाढा, आजपण तू ऐकशील का..? तू कसे काय म्हणतेस 'मी' चुकलो, छे छे नाहीच्च 'मी' चुकलो. बरोबर असले मुद्दे तुझे तरी, अंतीम सत्य नेहमी 'मीच' बोलतो 'माझा' 'मी' 'मी' 'मी' चा पाढा, आजपण तू ऐकशील का..? "आजपण ऐकशील ना..?" मध्ये दिसते विनंती, आज्ञा सोडायची सवय 'माझ्या' ठायी . 'मी' आता त्या विनंतीला आज्ञेमध्ये बदलतो, आजच्या दिवसातला एक विजय (?) प्राप्त करतो. 'माझा' 'मी' 'मी' 'मी' चा पाढा, आजपण तुला ऐकावाच्च्च्च्च्च्च्च्च्च्च लागेल. कदाचित तू असशील बरोबर, मुद्देही असतील लॉजीकल, पण ते 'मी' मान्य कसे करेन?? तुला माझ्यासारखे वागायचेय? मग सभ्यता, मर्यादा, संकेत सर्व विसरावे लागेल. 'माझा' 'मी' 'मी' 'मी' चा पाढा, आजपण तुला ऐकावाच्च्च्च्च्च्च्च्च्च्च लागेल.
काव्यरस
भूछत्री
भयानक
रौद्ररस
लेखनविषय:
वाचने 51180
प्रतिक्रिया 165

प्रतिक्रिया

मोदक रविवार, 20/01/2013 16:28
ओ खरे काका.. त्यांना खरे म्हणजे "ट्रू" म्हणायचे आहे. आपले नाव नसताना धागे उद्देशून असल्याचा 'गैरसमज' करून वादावादी करण्याचे, धमकी देण्याचे प्रकार ऐकले आहेत. तुम्ही तर प्रतिक्रिया पण सोडत नाहीये राव*. *हे राव अर्धवटरावांना किंवा कोणत्याही रावांना उद्देशून नाहीये. ;-) मुद्दाम गैरसमज करवून घेवून कोणतेही राव भांडायला आले तर आम्हाला एखाद्या कंपूच्या किंवा मुद्दा असताना / नसताना, अर्थहीन / असंबद्ध शब्दांचे गिगाबायटी प्रतिसाद 'पाडणार्‍या' आणि १० जणांना एका वेळी तोंड देवू शकणार्‍या ' (डिफीटेड) वन मॅन आर्मी' ची मदत घ्यावी लागेल. :-D

अत्रुप्त आत्मा रविवार, 20/01/2013 18:22
@मुद्दाम गैरसमज करवून घेवून कोणतेही राव भांडायला आले तर आम्हाला एखाद्या कंपूच्या किंवा मुद्दा असताना / नसताना, अर्थहीन / असंबद्ध शब्दांचे गिगाबायटी प्रतिसाद 'पाडणार्‍या' आणि १० जणांना एका वेळी तोंड देवू शकणार्‍या ' (डिफीटेड) वन मॅन आर्मी' ची मदत घ्यावी लागेल. >>> =)) म्हणजे कोण हो..........??? http://www.freesmileys.org/smileys/smiley-whacky062.gif

मोदक सोमवार, 21/01/2013 10:30
काही शंका तुम्ही अंतर्जाल बघितले आहे का? "इंटरनेट रोज वापरतो" हे उत्तर देवू नये. तुम्ही बघता त्या वेबसाईट्स जो अंतर्जालाचा इंटरफेस असतो. तुम्ही या इंटरफेसचा मूलाधार असलेले "अंतर्जाल" बघितले आहे का? तुम्ही "मन" पाहिले आहे का? नसल्यास, ती तुमची कल्पना / भास / भ्रम का समजू नये? अवांतर - तुमची स्वाक्षरी अप्पलपोटेपणा आणि लघुदृष्टी दर्शवते. :-D "मीं" म्हणतो, तुमचा आयडी १०० फक्त असा परिपूर्ण हवा होता. ५० फक्त असे लिहून तुम्ही काहीतरी अर्धेमुर्धे व्यक्त करत आहात. Not failure but Low aim is crime ही म्हण रोज १०० वेळा ५० ठिकाणी म्हणावी मग तुमच्या डोक्यामध्ये लख्ख प्रकाश पडून तुमचा आयडी बदलण्यास नैतीक पाठबळ मिळेल.

५० फक्त मंगळवार, 22/01/2013 08:55
तुम्ही अंतर्जाल बघितले आहे का? "इंटरनेट रोज वापरतो" हे उत्तर देवू नये. तुम्ही बघता त्या वेबसाईट्स जो अंतर्जालाचा इंटरफेस असतो. तुम्ही या इंटरफेसचा मूलाधार असलेले "अंतर्जाल" बघितले आहे का? - नाही, अजिबात नाही. तुम्ही "मन" पाहिले आहे का? नसल्यास, ती तुमची कल्पना / भास / भ्रम का समजू नये? - नाही मन पाहिले नाही, पण मन नावाचा एक भयाण चित्रपट पाहिला आहे, तो भ्रम नव्हता तर भ्रमनिरास होता हे नक्की. अवांतर - तुमची स्वाक्षरी अप्पलपोटेपणा आणि लघुदृष्टी दर्शवते. - आमच्या पोटाबद्दल शंका घेण्यासारखे काही नाही, जेवढे आहे तेवढे ते दिसतेच पण ते अ‍ॅप्पल मुळे नाही. आणि होय हल्ली जवळचे वाचायला त्रास होतो आहे खरा, तुमच्या माहितीत एखादी नेत्रवैद्य आहे काय ? "मीं" म्हणतो, तुमचा आयडी १०० फक्त असा परिपूर्ण हवा होता. ५० फक्त असे लिहून तुम्ही काहीतरी अर्धेमुर्धे व्यक्त करत आहात. - १०० म्हणजे परिपुर्ण हा तुमचा भास आहे. Not failure but Low aim is crime ही म्हण रोज १०० वेळा ५० ठिकाणी म्हणावी मग तुमच्या डोक्यामध्ये लख्ख प्रकाश पडून तुमचा आयडी बदलण्यास नैतीक पाठबळ मिळेल. - काल प्रयत्न केला पण लक्ख प्रकाश पडण्याऐवजी घरातली वीज बंद पडली.

यशोधरा शनिवार, 19/01/2013 18:43
विडंबन वाचून काही आयडींची आठवण नको नको म्हणताना आलीच! ह्याबद्दल तुम्हांला जबाब्दार का धरु नये, सांगता का? :P

यशोधरा मंगळवार, 22/01/2013 09:04
ज्योताय, हा तुला होणारा भास असला तर? किंवा तुला भास होतोय असा मला भास होत असेल तर? किंवा हे भास नसून सत्य असले तर? किंवा एखादे सत्य हे सत्यच आहे हाच एक भास असला तर? वगैरे वगैरे :D

यशोधरा मंगळवार, 22/01/2013 09:20
परम्युटेशन्स-कॉम्बिनेशन्स होतील!- हा एक भासच! सगळ्यांबद्दल विचार करून - च्च! भास! भास! (पळा! ज्योताय लाकूड घेऊन येते आता मारायला!) :D

प्रभाकर पेठकर रविवार, 20/01/2013 12:52
हा 'अंधारात मारलेला तीर' नक्कीच वाटत नाहीये. आणि तो निशाणावर लागला असणारच.

अमोल खरे रविवार, 20/01/2013 19:00
अहो काका, मोदक नेहेमीच व्यवस्थित प्लॅनिंग करुन तीर मारतो. मोदकाला किंवा विमेला नीट निशाणा लागला म्हणणं म्हणजे सचिनला तु काय मस्त फोर, सिक्स मारतोस रे असं म्हणण्यासारखं आहे. सचिनसारखेच ह्या दोघांचे तीर अचुक लागतातच.

मोदक रविवार, 20/01/2013 19:35
कोण सचिन..? कोण विमे..? तुम्हाला भास होताहेत खरे साहेब. सगळं प्लॅनींग ह एक भास आहे. तीर मारणे हा भास आहे. हे सर्व जगच भास आहे. तुमचे विचार भास आहेत. सचिन आणि विमे ही लोकं पण भास आहेत. हे असले प्रतिसाद खरडणारी पैसाताई आणि ते ढापणारा मी पण एक भासच आहे. :-D

अत्रुप्त आत्मा रविवार, 20/01/2013 21:50
@सचिन आणि विमे ही लोकं पण भास आहेत. हे असले प्रतिसाद खरडणारी पैसाताई आणि ते ढापणारा मी पण एक भासच आहे.>>> =)) चायला हा त्रासच आहे ;-) कि मला होणारा त्रास पण भास(च) आहे :-b

मोदक रविवार, 20/01/2013 22:07
शंका नंबर एक. तुम्ही आत्मे पाहिलेत का? (आत्मे पाहिले नसल्यास तुम्हाला भास / भ्रम होतात हे आमचे मत तुम्हाला मान्य करावेच्चच्च्च्च्च्च्च्च्च लागेल.) शंका नंबर दोन. जीवन म्हणजे काय? ("पाणी म्हणजे जीवन" वगैरे 'इयत्ता दुसरी तुकडी ब' छापाचे उत्तर देवू नये) अवांतर - या धाग्याच्या सुरूवातीच्या प्रतिसादांमध्येही तुम्हाला एक प्रश्न विचारला आहे - त्याचे उत्तर द्यावे. अतिअवांतर - तुमचा प्रतिसाद निखालस आत्मकेंद्रीतता आणि आपपरभाव दर्शवितो. तुम्ही केलेल्या विडंबनांवर येणारे प्रतिसाद म्ह्णजे "चर्चा" आणि आम्ही केलेल्या विडंबनांवर येणारे प्रतिसाद म्हणजे "त्रास". (अशिंरोधाव्हावामाजिपा संघाचा स्वघोषीत अध्यक्ष) मोदक. ०===०===०===०===०===०===०===०===०===०===०===०===०===०===० तृप्ती हाच्च्च्च्च जीवनाचा मूलाधार आहे. (असे "मीं" म्हणतो!) :-D

अत्रुप्त आत्मा रविवार, 20/01/2013 22:57
@तृप्ती हाच्च्च्च्च जीवनाचा मूलाधार आहे. (असे "मीं" म्हणतो!) smiley>>> =)) म्हणा...आमच्या बा चे काय जाते? :-p @ तुमची स्वाक्षरी "मला" अतर्क्य वाटते.>>> ''तुंम्ही'' गेलात तेल लावत.... :-p

मोदक रविवार, 20/01/2013 23:02
रोखठोक उत्तरांबद्दल आभारी आहे. तुमची ही उत्तरे मिपावरच बर्‍याच जणांना बर्‍याच ठिकाणी वापरायच्या मोहात पाडू शकतात - आत्ताच कॉपीराईट करून घ्या. :-D

मोदक रविवार, 20/01/2013 21:51
- - - - - पैसा, लीमाऊजेट आणि "माझ्याशी" वाद घालू इच्छिणार्‍या सर्वांसाठी - - - - - फक्त स्वाक्षरीचा विषय संपला. बाकी लै मुद्दे आहेत आणि त्या मुद्द्यांमध्ये "माझेच मत" बरोबर असणार आहे. (बाकी स्वतःच्या धाग्यावर स्वतःचेच लै लै प्रतिसाद टंकायची इच्छा आज पूर्ण झाली. :-D)

अत्रुप्त आत्मा रविवार, 20/01/2013 21:57
@स्वतःच्या धाग्यावर स्वतःचेच लै लै प्रतिसाद टंकायची इच्छा आज पूर्ण झाली. >>> =)) काय रे मोदका ? आज का पेटलायस इतका ? :-b

मोदक रविवार, 20/01/2013 22:21
काय रे मोदका ? आज का पेटलायस इतका ? तुम्हाला "फुल्ल डिटेल" उत्तर हवे आहे की "संक्षिप्त"..? अवांतर - तुमची स्वाक्षरी "मला" अतर्क्य वाटते.

रेवती रविवार, 20/01/2013 23:07
बरोबर शब्द वापरता येतात म्हणून कुठेही वापरण्याला माझा आक्षेप आहे. बाकी माझ्याकडील मुद्दे संपले आहेत. यापुढे गुद्दे वापरले जातील. ;) आज तुझी चलती आहे म्हणून बोलून घेतोयस पण तुझ्या भविष्यातील एखाद्या धाग्यावर जेंव्हा जास्त संख्येने लोक असहमती दर्शवत असतील तेंव्हाच मी दर्शवीन. एकट्याने असहमती दाखवण्याचे बळ नसल्याने असे म्हणत आहे. दहा लोकांने टपल्या मारल्या की अकरावी आपण मारल्यास खपून जाते शिवाय स्कोअर सेटल होतो. ती वेळ माझ्यावर येण्याआधी मी पळून जाईन मिपावरून हेही आत्ताच सांगत्ये. ;)

मोदक रविवार, 20/01/2013 23:18
प्रतिसादाची प्रिंटाऊट घेतली आहे. :-D तरीही माझ्या बुद्धीला झेपले नाही तर तर व्यनी करून अर्थ विचारेन. लॉजीकल प्रश्नाला फाट्यावर न मारता उत्तर द्याल अशी अपेक्षा आहे.

पैसा रविवार, 20/01/2013 23:24
मिळ.लि.: मा. मोदक यांचे मुद्दे पूर्ण पटून आज मला सदेह मोक्षप्राप्ती झाली आहे. अजून काही शंका आहेत त्यांचे निरसन कृपया व्यनिद्वारे करावे. सबब या धाग्यावरून मी निवृत्ती घेत आहे. धन्यवाद! लोभ आहेच तो वृद्धिंगत व्हावा ही विनंती. जळ.लि. ; या शिंच्या मादकाला नाही उद्योग. सापडला कीबोर्ड की बडव. आपल्या धाग्याचा खफ करायची कला मात्र भारी जमलीय मेल्याला. माझ्या पुढच्या धाग्यासाठी याला सुपारी देणे भाग आहे. शिवाय मला याच्याशी वाद घालण्यापेक्षा दुसरी बरीच कामे आहेत. तेव्हा तो मरो आणि त्याचा धागा उडो. आपल्याला काय! :D व्यनि कर म्हणे! गिग्याबायटी व्यनि करून मिपाची ब्यांडविड्थ जाळा फुकटची. वेळ मिळाला तर वाचेन आणि वायफळ उत्तरे देईन!

मोदक रविवार, 20/01/2013 23:33
जिंकलो.. जिंकलो.. जिंकलो.. :-D आजचा दिवस सार्थकी लागला. उद्या आणखी तीन चार आयडींच्या मेंदूचे चावे घेतो. मग काय बिशाद आहे कुणाची माझ्या वाटेला जायची! कोण रे तो.. You are Full of Yourself and What a Waste of Space! म्हणतोय..? ऑ..? :-))

पैसा सोमवार, 21/01/2013 09:18
:D तुम्हाला पायजे तर कोकणातल्या दशावतारी खेळ्यातल्या शंकासुराप्रमाणे ४/५ गड्यांना आडवे पाडून लाकडाची तलवार नाचवत "जीतं, जीतं" असं म्हणत नाचू शकता, कोणी अडवलंय?? :D

मोदक सोमवार, 21/01/2013 10:13
जिंकल्यावर आम्ही आमच्या पध्दतीने आनंद साजरा करू, तुम्ही सांगायचे काम नाय. आम्ही नाचू नाहीतर कवितांची निरर्थक परिक्षणे करू नाहीतर समुद्रकिनार्‍यावर जावून **** (जिज्ञासूंनी व्यनी करावा - या धाग्यावर कुणालाही टारगेट करून काही लिहायचे नाही असे "मीं" ठरवले आहे! :-D अवांतर - तुमची स्वाक्षरी शरणागती दर्शवते. तुम्ही या जगात बदल करायला आला नाहीयेत? मग तुमचे जीवनध्येय काय? "मीं"च्या मनींच्या बाता - मराठी संस्थळावर इंग्रजी स्वाक्षरी केली म्हणून हिला त्रास द्यायला सुरू करू काय..? कोण बोलतो कंपू नाही माझ्यामागे.. हॅट्. आपल्याला कंपू बिंपूची गरज नाय. एकटाच पुरेसा आहे. 'वन मॅन आर्मी' आहे "मीं"!

पैसा सोमवार, 21/01/2013 11:19
मा. मोदक, तुम्ही वैयक्तिक होत आहात. अवांतरः मी स्वाक्षरी हवी तर ऊर्दूत लिहीन तुला काय करायचं आहे? मी जगात बदल करायला आले हे तुला कोनी सांगितलं? माझे जीवनध्येय फक्त पैसा हे आहे. माझा आयडी काय आहे हे बघ. अति अवांतरः शिवाय गोव्यातल्या बीचवर जायचे असेल तर मला आधी कळवणे आवश्यक आहे. अति अति अवांतरः कंपू कुठचा नवा की जुना?

मोदक सोमवार, 21/01/2013 11:41
ओ.. त्या आमच्या मनीच्या बाता आहेत. माझ्या प्रतिसादाने तुमच्या मेंदूत उजेड पडला असेल तर बोला नाहीतर आजची शरणागतीसुद्धा मान्य करा. (आणि हो.. तुम्ही तुमचा मेंदू बघितला आहे का? नसल्यास तो असल्याचा तुमच्याकडे पुरावा आहे का?) आज जर तुम्ही शरणागती मान्य केलीत तर पहिल्याच ओव्हर मध्ये 'नाईट वॉचमन' बाद केल्याचा आनंद मिळेल "मला". (तुम्हाला 'स्ट्रार बॅट्समन' असे संबोधले तर तुमच्या प्रति आदर दिसेल अशी चिंता वाटते) [ आवरते घेवू काय गं? बहुतेक सगळे स्कोर सेटल झालेत :-D ]

इनिगोय सोमवार, 21/01/2013 11:51
पैसातै, असहमत..
या धाग्यावर कुणालाही टारगेट करून काही लिहायचे नाही असे "मीं" ठरवले आहे!
धागाकर्त्याचा निर्वैयक्तिक अप्रोच इथे स्पष्ट नै का होत? (आधी अथवा नंतर त्याने पलटी खाल्लेली दिसली तर तो भास आहे असे समजावे काय..?)

प्रभाकर पेठकर सोमवार, 21/01/2013 17:13
आज 'मोदक' ह्या आयडीरुपी मारुतीच्या शेपटास कोणीतरी आग लावून लंकेत सोडून दिले आहे. (कि हा ही माझा एक 'भास' आहे.)

लीलाधर रविवार, 20/01/2013 23:20
चालु द्या चावतोय आपलं वाचतोय :))

राघव रविवार, 20/01/2013 23:44
अंमळ जास्तच उशीर झालाय वो इथं येण्यात. बाकी, सर्व भासच म्हटल्यावर मी उगाच टंकीत बसलो होतो म्हणायचे! ;) मोदकशेठ त्याबद्दल अपुनको माफ करनेका... ___/\___

धन्या सोमवार, 21/01/2013 00:49
मिळ. लि : मोदकराव, आमची "तसली" कविता वापरून तुम्ही "असलं" विडंबन केलंत आणि खोर्‍याने प्रतिसाद ओढलेत. आम्हाला एक चहा पाजायला हवा. जळ. लि : काही नाही हो खोर्‍याने वगैरे. माझ्या धाग्याचं काश्मिर करु नका, माझ्या धाग्याची गाझापट्टी करु नका म्हणत स्वतःच ढीगाने प्रतिसाद देत धागा भरकटवला आहे. म्हणून प्रतिसाद वाढले.

मोदक सोमवार, 21/01/2013 10:00
मिळ. लि : वा वा वा! धनाजीरावांनी आणखी एक प्रतिसाद देवून धाग्याच्या प्रतिसादांमध्ये भर घातली वर मागून मागून मागितले काय, तर चहाच. कंपूमध्ये ओढायला हरकत नाही याला. माझ्या आज्ञेखाली राहील कायम. चला एक तरी पाठीराखा मिळाला. जळ. लि : च्यायला स्वतःच्या टुकार धाग्यावर आले नाहीत इतके प्रतिसाद या अतिटुकार विडंबनावर आलेत म्हणून किती जळजळ व्हावी एखाद्याची. वर जळजळ झाली ते झाली आता "ही आणि हि" प्रतिसाद देवून माझ्यावर आणखी हल्ला करायचा प्रयत्न करतोय. प्रत्युत्तर म्हणून "मेघना" चे "भिगना" असे अध्यात्मीक विडंबन करावे काय? पाऊस, त्याचे दुष्परिणाम, पूर, अतीवृष्टी, त्याचे सामाजिक, आर्थिक परिणाम, शेतकरी आणि शेतमजूर भिजल्यामुळे त्यांच्या बिघडलेल्या तब्बेती आणि आजारी मजूरांचे अध्यात्मिक अधिष्ठान (मस्त शब्द सुचला आहे! काय अर्थ सांगावा बरे कुणी विचारला तर?) वगैरे वगैरे लिहून धनाजीरावांवर राळ उडवतो आता. मला आडवा जातो म्हणजे काय???

नाखु सोमवार, 21/01/2013 08:58
महाराज हे अ.भा.व्.धा. साहीत्य संघाचे तहहयात अध्यक्ष आणि त्याचा आम्हाला अभिमान आहे.. लगे रहो.. मोदकांच्या समग्र (लेखन साहीत्याचा) पंखा

मोदक सोमवार, 21/01/2013 10:39
"मीं"च्या मनींच्या बाता. हाच सदस्य खरडवहीत सुप्रभात असे लिहून गेला आहे. याला पण कंपूत ओढावे काय? मला परवा कुणीतरी म्हणाले होते की "तुम्ही लवकरच एक नवीन संस्थळ सुरू कराल" तिथे हेच सगळे पाठिराखे उपयोगी पडतील. आजच संस्थळाचे नाव रजिस्टर्ड करतो "उसळपाव.कॉम" मिपाच्या ट्यार्पीचा फायदा पण मिळेल मग मला. :-D

मोदक सोमवार, 21/01/2013 10:41
"मीं"च्या मनींच्या बाता. हा १०० वा प्रतिसाद मीच देतो. उगाच माझ्या लोकप्रियतेला अवांतराचे लेबल लावून कुणी धागा वाचनमात्र करायला नको. आता जरी वाचनमात्र केला तरी १०१ वर करेल. म्हणजे इथेही मीच जिंकलो बेट्या...

स्पंदना सोमवार, 21/01/2013 11:07
मला हा प्रतिसाद वाचुन असे भास होताहेत. मोदकराव हा प्रतिसाद नव्हे हं. निव्वळ भास आहे.

सूड सोमवार, 21/01/2013 11:41
अजूनही या कढीला ऊत येतोच आहे का !! मोदका, अरे एखाद्या आयडीन् धसका घेऊन आंतरजालीय आत्महत्या केलंन् तर त्याचं पाप कुठे फेडशील!!

मोदक सोमवार, 21/01/2013 12:11
असूदे की रे... आत्म्हत्या केलेला आयडी आणि अंतर्धान पावलेल्या (तुमच्या) मीनाक्षीताई चित्रगुप्ताचे* डोके खावूदेत. *चित्रगुप्त म्हणजे स्वर्गातला अकाऊंटंट - जो आता क्वालीफीकेशन वाढवून सीए वगैरे झाला असेल. वरील वाक्याचा आपल्या मिपावरच्या चित्रगुप्त आयडीशी काहीही संबंध नाही.

सूड सोमवार, 21/01/2013 12:42
>>अंतर्धान पावलेल्या (तुमच्या) मीनाक्षीताई चित्रगुप्ताचे* डोके खावूदेत. ऑस्ट्रेलियात आहे असं म्हणायची खरी, काय झालं बिचारीचं देव जाणे. दादरच्या लोकांकडे चौकशी करायला हवी, कोणाला दिसली होती का वैगरे. असो !! (डोळे पुसणारा स्मायली कल्पावा.)

५० फक्त सोमवार, 21/01/2013 17:17
आहेत आहेत ऑस्ट्रेलियातच आहेत, परवाच मला फोटो पाठवले आहेत, नविन कॅमेरा घेतलाय मोठा थेट सिडनीतुन सिएसटिचे फोटो काढलेत. मस्त आलेत.

सूड सोमवार, 21/01/2013 18:01
मला नाय दाखवलेन फोटो!! बाकी सिडनीतनं सियेष्टीचे फोटो काढलंनीत हे वाचून बरं वाटलं. असो, आता पुन्हा मिपावर दर्शन कधी देतेय बघू.

मोदक सोमवार, 21/01/2013 12:21
लो कल्लो बात. बाकीचे अती करतात तेंव्हा तुम्ही फुल्ल सपोर्ट करता त्यांना.. जनरेट्याचे नाव देवून माघार काय घेता तिकडे.. आमच्या चिमुकल्या हातात चिमुकली कुर्‍हाड पाहून तुम्हाला तुमच्या डोक्यावरच्या छताची भिती वाटायला लागली आहे का? :-D

स्पा सोमवार, 21/01/2013 14:11
त्याचं काये ना साहेब, आता अति झालंय आणि हसूही येत नाहीये, उगा बळे बळे विनोद निर्मिती सुरुये असो शेवटी काय कोणी कसे वागावे ... हॅ हॅ

प्रचेतस सोमवार, 21/01/2013 14:13
उगा एखाद्याला इतके टार्गेट करणेही बरे नाही.

स्पा सोमवार, 21/01/2013 14:40
एखाद्या व्यक्तीसाठी/ID साठी गेला एक आठवडा धाग्यांवर धागे निघ्तायेत , तेच तेच विषय सर्वकडे सुरु आहेत , कंटाळा आलाय राव , कधीतरी गम्मत ठीके , पण विरंगुळा म्हणून काही वाचायला मिपा वर याव आणि हेच धागे तेच तेच विषय ! असो

मोदक सोमवार, 21/01/2013 15:46
मुद्दा मान्य. "विचार मांडताना कन्सिस्टन्सी असेल तर विचाराला वजन प्राप्त होते" असे वाटते. बाकी तुम्ही सुज्ञ आहातच. (एकाच बाजूने बोलणारा) मोदक

मोदक सोमवार, 21/01/2013 15:38
मी ही सहमत आहे. स्पा आणि तुमच्या मंडळाची "खंत" आणखी बर्‍याच ठिकाणी व्यक्त होवू शकली असते असे वाटते. विषय रिपीट होत आहेत पण याला जबाबदार कोण याचाही विचार झाला तर आनंद आहे.

स्पा सोमवार, 21/01/2013 15:45
स्पा आणि तुमच्या मंडळाची "खंत" आणखी बर्‍याच ठिकाणी व्यक्त होवू शकली असते असे वाटते. शहाण्याला शब्दांचा मार मोदक राव ;) वादाने वाद घालून जास्तच चिघळतो ' तुझीच लाल ' म्हणायचं मोकळ व्हायचं, पटत नसेल तर दुर्लक्ष करावं. हे असे धागे काढून प्रकरण निकालात निघेल असे वाटत नाही पुन्हा असोच :D

मोदक सोमवार, 21/01/2013 15:51
' तुझीच लाल ' म्हणायचं मोकळ व्हायचं, पटत नसेल तर दुर्लक्ष करावं. अबे दुर्लक्ष किती करणार..?? काळ सोकावतोय. चांगल्या कवितांच्या धाग्यावर पण कवितांची चिरफाड होतेय, अहं ब्रह्मास्मि तर सगळीकडेच आहे. बघू काही फरक पडतोय का ते. ;-) हे असे धागे काढून प्रकरण निकालात निघेल असे वाटत नाही ठीक आहे, हा झाला आमचा उपाय. तुमचा उपाय काय? 'तुझीच लाल' म्हणून, आपण मोकळ व्हायचं, पटत नसेल तर दुर्लक्ष करायचं. पण प्रकरण निकालात निघते का रे अशाने? बेस्ट लक स्पा. ;-)

प्रभाकर पेठकर सोमवार, 21/01/2013 17:23
हे असे धागे काढून प्रकरण निकालात निघेल असे वाटत नाही
पण असूरी आनंद (कधी कधी) मनावरील तणाव (स्ट्रेस) कमी करतो.