मिपाकरांसाठी खुषखबर

प
परिकथेतील राजकुमार यांनी
 ·  लेख
लेख
नुकत्याच आम्ही केलेल्या पहाणीनुसार अनेक नवोदित मिपालेखक व त्याचबरोबर काही जुने माननीय पण लेखक म्हणुन दुर्लक्षीत असलेले जेष्ठ मिपासदस्य अनेक अडचणींना तोंड देत आहेत. सर्वात महत्वाची अडचण म्हणजे त्यांनी केलेले लेखन साधारण २०/२५ मिनिटातच दुसर्‍या पानाच्या दिशेने प्रवास चालु करते. अशावेळी सतत ऑफिसचे काम / बॉसची नजर / इतर कामे / प्रवास अशा अनंत अडचणीतुन मार्ग काढून त्यांना लॉग-इन होउन आपला धागा पुन्हा वर आणावा लागतो. बर्‍याचदा तर धाग्यावर एकही प्रतिक्रीया आलेली नसल्याने प्रतिक्रीयेला उत्तर म्हणुन अथवा धन्यवाद म्हणुन देखील धागा वर न काढता येण्याची अडचण उदभवते, प्रतिसादासाठी टाहो फोडावा लागतो. बर्‍याचदा स्वतःच्याच दुसर्‍या एखाद्या आयडीची मदत घ्यावी लागते. तर कधी आपल्यासारखाच एक आपदग्रस्त पकडून स्वतःच्या धाग्यावर एकमेकांचे मनोरंजन करावे लागते.* (ह्या वाक्याचे श्रेय मकी) अशा सदस्यांना ह्या सर्व अडचणीतुन मुक्ती देण्यासाठी 'परा-नाना प्रोत्साहन मंडळातर्फे' 'शेड्युल प्रतिक्रीया' हे पॅकेज सादर करण्यात येत आहे. ह्या पॅकेजमुळे आपल्या अनेक अडचणी अगदी सहज सुटू शकतील आणि लेखनाला प्रतिक्रीयांचा पाऊस पडेल तो वेगळाच. म्हणजे अगदी 'एक दाम दो काम' असे झाले. पॅकेजची वैशिष्ठे :- १) ठरलेल्या शेड्युल नुसार आपल्या धाग्यावर एक अथवा लागोपाठ २ प्रतिक्रीया दिल्या जातील. २) धाग्यावर प्रतिक्रीया देताना फोटु अथवा वर्तमानपत्रातील दुवे वापरल्यास त्याचे वेगळे चार्ज पडणार नाहीत. ३) आपला धागा दुसर्‍या पानावर गेल्यास रक्कम दुप्पटीने परत करण्यात येईल. ४) आपल्या धाग्यावर प्रतिक्रीया देताना आपल्याच जुन्या लेखांचे संदर्भ वारंवार देण्यात येतील. जेणेकरुन ते लेख देखील वर आणण्यास मदत होईल. ५) एकदम ५ धाग्यासाठी हे पॅकेज घेतल्यास २ कौले काढण्यास मोफत मदत पुरवली जाईल. व त्या कौलांवरील पहिल्या २ प्रतिक्रीया फुकट असतील. ६) चलचित्र (व्हिडो) प्रतिक्रीया उपलब्ध. (मागणी नोंदवताना सजहराव का मदनबाण ह्याचा योग्य निर्देश द्यावा) ७) धाग्यावर अतिरिक्त रक्कम आकारुन नाना-पुपे / धम्या-पुपे असे दुरंगी सामने तसेच नाना-परा-पुप्या-धम्या असा चतुरंगी सामना देखील खेळवता येईल. ८) मिभो,घासुगुर्जी,प्रभुगुर्जी,इंद्र पवार अशा अभ्यासु + गर्दीखेचु प्रतिक्रीया रास्त दरात उपलब्ध. ९) आपल्या धाग्यावर दंगा होउन पोपकॉर्नची दुप्पट विक्री झाल्यास नफ्यातील काही हिस्सा आपणास देण्यात येईल. १०) Give and Take प्रतिक्रीया उपलब्ध. काही अटी :- १) धाग्याचे काश्मिर करावयाचे असल्यास स्वतंत्र चार्जेस पडतील. २) तुमच्या धाग्यावर कायम तुमची खिल्ली उडवणार्‍या सदस्यास नडावयाचे असल्यास त्याचे दर सदस्याच्या मिपासदस्यकालावधीवर अवलंबुन असतील. ३) संपादकांशी वैर घेतले जाणार नाही. ४) स्त्रिया / धर्म / लता मंगेशकर / भिमसेन जोशी इत्यादी विषयावर टिपणी करावयाची असल्यास प्रत्येक ओळीला वेगळा दर पडेल. ५) धाग्यावर वैयक्तिक वाद-विवाद घडवायचे असल्यास समोरची पार्टी जे दर लावेल ते ग्राहकास बंधनकारक असतील. ६) मिभोकाका , इंद्र पवार ह्यांच्या प्रतिक्रीया हव्या असल्यास चार दिवस आगोदर मागणी नोंदवावी. डोन्रावांसाठी ८ दिवस आधी. ७) मिभोकाका व प्रभुगुर्जी ह्यांच्या प्रतिक्रीयांची जबाबदारी सर्वस्वी लेखकाची राहिल. धाग्यालाच विरजण लागल्यास अथवा धागा क्रिप्टिक बनल्यास आम्ही जबाबदार असणार नाही. ८) अवलिया यांच्या प्रतिक्रीयांना कायमच पंख लागत असल्याने त्या प्रतिक्रीयांचे स्क्रिन शॉट पुरावा म्हणुन पाठवले जातील. ९) कलंदर आणि विक्षिप्त प्रतिक्रीया हव्या असल्यास दोन दिवस आधी कळवावे. कलंदर प्रतिक्रीयेमध्ये स्वतःच्या उद्योगांचे फोटु देणे, माहिती देणे असे प्रकार घडून धागा हायजॅक झाल्यास आम्ही जबाबदार नाही. हेच नियम डॉन्रावांच्या प्रतिक्रीयेला देखील लागु. १०) डॉन्राव आणि इंद्र पवार ह्यांच्या प्रतिक्रीया ह्या सहसा धाग्यापेक्षा मोठ्या असल्याने, त्यांच्या प्रतिक्रीया धाग्यावर हव्या असल्यास धाग्याचा कच्चा मजकुर ४ ते ८ दिवस आगोदर पाठवुन ठेवावा. मग आता विचार कसला करताय ? उचला किबोर्ड आणि टंका नाना अथवा पराला व्यनी.
वर्गीकरण
28135 वाचन
💬 प्रतिसाद (139)

प्रतिक्रिया

बिपिन कार्यकर्ते
Tue, 10/12/2010 - 09:48 नवीन
मिपा वाचताना चाळशी विसरलो.
मटा वाचताना नाही विसरत हो तुम्ही चाळशी!!! काय?
↩ प्रतिसाद: मिसळभोक्ता

३_१४ विक्षिप्त अदिती
Mon, 10/11/2010 - 18:55 नवीन
'आपल्या' विनायकाला? चालू देत, चान चान!! आम्ही देऊच प्रतिसाद, शेवटी सुपारी आणि उत्पन्नाचा सवाल आहे ना!!!
↩ प्रतिसाद: परिकथेतील राजकुमार

परिकथेतील राजकुमार
Mon, 10/11/2010 - 18:57 नवीन
आम्ही देऊच प्रतिसाद, शेवटी सुपारी आणि उत्पन्नाचा सवाल आहे ना!!!
चान चान. किती समंजस मुलगी आहेस तु. लोक आपले उगाच काय बाय बोलतात हो. सहजकाका आले की तुला पुन्हा एकदा एक मस्तानी फिक्स.
↩ प्रतिसाद: ३_१४ विक्षिप्त अदिती

३_१४ विक्षिप्त अदिती
Mon, 10/11/2010 - 19:29 नवीन
अगं, त्या पर्‍याकडून एक मस्तानी सुटते आहे तर आपण आणखी चार घेऊ गं!
↩ प्रतिसाद: मस्त कलंदर

इन्द्र्राज पवार
Mon, 10/11/2010 - 19:45 नवीन
अदिती (दीर्घ 'ती'.... र्‍हस्व नव्हे...) जवळ असलेल्या कल्पना-कंपनी पतंगाच्या भरार्‍या पाहून मी अहिल्येसारखी शिळा झालोय...! नशीब भटिंडा बँकवालीची ओळख ज्या मित्राने करून दिली त्याला मराठी संस्थळावरील घडामोडी समजत नाही....भले तो कितीही आयटी प्रवीण असो....अन्यथा माझी धडगत नव्हती. श्री.प.रा. ~ काढून टाका माझे नाव त्या संभाव्य 'कामगारां'च्या यादीतून आणि डॉन्रावांवरच भागवा. मी राहतो तीन आकड्यातच समाधानी. इन्द्रा
↩ प्रतिसाद: ३_१४ विक्षिप्त अदिती

धमाल मुलगा
Mon, 10/11/2010 - 19:56 नवीन
धर्म बुडाला हो, धर्म बुडाला... काय ह्या आजकालच्या पोरी..दोघीजणी मिळून संगनमतानं कोण्या एका मस्तानीसाठी झुरताहेत. छे छे छे!!!! हे वाचल्यावर आता आख्खा पिसी गोमुत्राने शुचिर्भूत करुन घ्यावयांस हवां.
↩ प्रतिसाद: ३_१४ विक्षिप्त अदिती

३_१४ विक्षिप्त अदिती
Mon, 10/11/2010 - 20:06 नवीन
मग काय फक्त लग्न झालेल्या पुरूषांनीच मस्तानीसाठी झुरावं काय? बाकी तुझा पीसी कॉफीनी शुचिर्भूत होतोच, आता गोमूत्र ... काय फरक पडतो त्याला बिचार्‍याला?
↩ प्रतिसाद: धमाल मुलगा

धमाल मुलगा
Mon, 10/11/2010 - 20:21 नवीन
तुम क्या जानो? कुई! हाय कंबख्त तूने पी ही नहीं...तुम क्या जानों?
↩ प्रतिसाद: ३_१४ विक्षिप्त अदिती

३_१४ विक्षिप्त अदिती
Mon, 10/11/2010 - 20:36 नवीन
हाय कंबख्त तूने पी ही नहीं...तुम क्या जानों?
तू लग्नाबद्दल बोलतो आहेस का मस्तानीबद्दल? उई उई उई!
↩ प्रतिसाद: धमाल मुलगा

पैसा
Mon, 10/11/2010 - 20:34 नवीन
ही बातमी नेटवरून पसरली तर आमचेपण पीसी मागण्या करायला लागतील.
↩ प्रतिसाद: धमाल मुलगा

मस्त कलंदर
Mon, 10/11/2010 - 20:47 नवीन
हे वाचल्यावर आता आख्खा पिसी गोमुत्राने शुचिर्भूत करुन घ्यावयांस हवां.
नाहीतरी तुला पीसी साफ करायला हाऊसकीपिंगच्या लोकांना (नक्की कुणाला ते उत्तर हवे असल्यास केवळ गरजूंना व्यनिमार्फत कळवले जाईल) बोलवायला कारणच हवं असतं ना!!! आम्ही उगीच निमित्तमात्र!!!
↩ प्रतिसाद: धमाल मुलगा

Nile
Mon, 10/11/2010 - 15:03 नवीन
त्यावेळी आमच्याही सेव्हिंग्ज अकौंटवर तीन ऐवजी चार आकडी बॅलन्स दिसायला लागेल अशी आशा आहे.
बँकेतल्या भटिंडावालीला भेटायचे निमित्तच शोधा तुम्ही!
↩ प्रतिसाद: इन्द्र्राज पवार

इन्द्र्राज पवार
Mon, 10/11/2010 - 16:25 नवीन
"....बँकेतल्या भटिंडावालीला भेटायचे निमित्तच शोधा तुम्ही!...." ~~ होय हे कबूल; पण तिला आमच्यासारखा 'परच्युटन' नकोय तर एखाद्या जानी 'राजकुमारा'सारखा 'सॉलिड' खातेदार हवाय; अन् तोही पुण्यनगरीतील किंवा मुंबापुरीतील. तो सध्या मी शोधतोय. "तुका म्हणे उरलो उपकारापुरता...." असाच आमचा सध्या संक्रमणकाल चालू आहे...नाईल. इन्द्रा
↩ प्रतिसाद: Nile

नावातकायआहे
Mon, 10/11/2010 - 14:51 नवीन
लेट नाईट किंवा अरलि मारनिंग प्रतिक्रिया सरविस ठेवनार असाल तर मी उमेदवार व्ह्यायला तयार हाय. म्या आतापतुर फक्त प्रतिक्रिया आनि प्रतिक्रियाच देत आलोय. ४७ आठवड्याचा हितला अनुभव हाय आनि वर रिकामटेक्डापन हाय. पटत आसल त व्य नी करा

नितिन थत्ते
Mon, 10/11/2010 - 15:44 नवीन
१. सदर योजनेखाली सदस्यांकडून काही रक्कम मागितली जात आहे. प्रशासनाला हे मंजूर आहे का? २. येथे धागे वर राहतील याचे उपाय करण्याच्या योजनांविषयी लिहिले आहे. इंचाइंचाने वर येणारे धागे फुटाफुटाने खाली घालवण्याचे काही उपाय आहेत का?

परिकथेतील राजकुमार
Mon, 10/11/2010 - 15:52 नवीन
सदर योजनेखाली सदस्यांकडून काही रक्कम मागितली जात आहे. प्रशासनाला हे मंजूर आहे का?
येथे रक्कम मागितल्याचा कुठे उल्लेख आहे हे थत्तेचाचांनी दाखवुन द्यावे अन्यथा आम्ही त्यांच्यावर अब्रुलुस्कानीनीचा खटला भरु. आधीच तुम्ही न्यायालयाचा अपमान केल्याचा एक खटला तुमच्यावर चालु आहे हे लक्षात घ्या. मराठी माणसाला व गांधी /नेहरु विरोधकांना सतत त्रास देणे, त्यांच्यावर भलते सलते आरोप करणे हेच थत्ते चाचांचे काम आहे. कृपया प्रशासनाने लक्ष घालुन माझ्यासारख्या मराठी तरुणाला न्याय द्यावा.
↩ प्रतिसाद: नितिन थत्ते

३_१४ विक्षिप्त अदिती
Mon, 10/11/2010 - 15:54 नवीन
या प्रतिक्रियेत घाऊकपणे एका धर्माचा द्वेष आहे काय याचीही चौकशी करवून घे रे परा!
↩ प्रतिसाद: परिकथेतील राजकुमार

नितिन थत्ते
Mon, 10/11/2010 - 16:02 नवीन
योजनेच्या मजकुरात पुढील उल्लेख आहेत
  • 'एक दाम दो काम'
  • आपला धागा दुसर्‍या पानावर गेल्यास रक्कम दुप्पटीने परत करण्यात येईल.
  • एकदम ५ धाग्यासाठी हे पॅकेज घेतल्यास २ कौले काढण्यास मोफत मदत पुरवली जाईल. व त्या कौलांवरील पहिल्या २ प्रतिक्रीया फुकट असतील.
  • धाग्यावर अतिरिक्त रक्कम आकारुन नाना-पुपे / धम्या-पुपे असे दुरंगी सामने तसेच
(स्वसंपादनाची सोय नसल्याने डीलकथेतील कॅशकुमार यांना मजकूर बदलता येणार नाही :) ) द केस रेस्टस् हिअर. अधिक माहितीसाठी न्यायलयाच्या अपमानाचा खटला केव्हाच डिसमिस झाला आहे. :) >>मराठी माणसाला व गांधी /नेहरु विरोधकांना सतत त्रास देणे यातील दुसरा भाग मान्य असला तरी पहिला भाग मान्य नाही सबब पूर्ण वाक्य रद्द समजण्यात येत आहे. (वकील)
↩ प्रतिसाद: परिकथेतील राजकुमार

नितिन थत्ते
Mon, 10/11/2010 - 16:14 नवीन
आम्हीदेखील पूर्वी काही करू पहात होतो तेव्हा पहिला खोडा घालणार्‍यांकडून हा आरोप व्हावा? अरेरे. पब्लिक काहीतरी इज शॉर्ट" असं काहीतरी म्हणतात ते खरेच आहे. (योजनेला विचारजंतांचा पाठिंबा मिळवून देण्याबाबत व्यनिने संपर्क साधावा).
↩ प्रतिसाद: अवलिया

अवलिया
Mon, 10/11/2010 - 16:17 नवीन
बरोबर आहे. तो प्रतिसाद आपण नीट वाचावा. आपल्या खोडसाळ पुर्वइतिहासामुळे तसा प्रतिसाद द्यावा लागला होता. आता असा पराचा काय इतिहास आहे की आपण त्याला नाउमेद करत आहात?
↩ प्रतिसाद: नितिन थत्ते

सुहास..
Mon, 10/11/2010 - 16:19 नवीन
आम्हीदेखील पूर्वी काही करू पहात होतो तेव्हा पहिला खोडा घालणार्‍यांकडून हा आरोप व्हावा? अरेरे. पब्लिक काहीतरी इज शॉर्ट" असं काहीतरी म्हणतात ते खरेच आहे. >>> वरील प्रतिसादात 'पूर्वी' एवजी 'फार पूर्वी' असे असावे . परिवर्तन संसार का नियम है !!- श्री संत सुहास बाबा (सेल्फ-डिक्लेयर्ड-सस्केसर टु जालिंदरबाबा)
↩ प्रतिसाद: नितिन थत्ते

परिकथेतील राजकुमार
Mon, 10/11/2010 - 16:27 नवीन
योजनेच्या मजकुरात पुढील उल्लेख आहेत 'एक दाम दो काम' आपला धागा दुसर्‍या पानावर गेल्यास रक्कम दुप्पटीने परत करण्यात येईल. एकदम ५ धाग्यासाठी हे पॅकेज घेतल्यास २ कौले काढण्यास मोफत मदत पुरवली जाईल. व त्या कौलांवरील पहिल्या २ प्रतिक्रीया फुकट असतील. धाग्यावर अतिरिक्त रक्कम आकारुन नाना-पुपे / धम्या-पुपे असे दुरंगी सामने तसेच
पण इथे कुठेही रक्कम मागितलेली दिसत नाही. कशासाठी काय खर्च येईल ते देण्यात आलेले आहे. ते देखील 'रक्कम' हा शब्द वापरुन. देणे न देणे सर्वस्वी सदस्यावर अवलंबुन. उद्या मी तुम्हाला आमच्याकडे १०० रुपये डझन आंबे आहेत असे सांगीतले तर त्याचा अर्थ फक्त माहिती पुरवणे असा होतो. तुम्हाला १०० रुपये मागीतले असा होत नाही थत्ते चाचा. बाकी नानाशी सहमत आहे. मिपावर काही चांगले घडायला लागले की थत्ते चाचा लगेच कुरबुर चालु करतात.
↩ प्रतिसाद: नितिन थत्ते

अवलिया
Mon, 10/11/2010 - 15:58 नवीन
>>>> येथे धागे वर राहतील याचे उपाय करण्याच्या योजनांविषयी लिहिले आहे. इंचाइंचाने वर येणारे धागे फुटाफुटाने खाली घालवण्याचे काही उपाय आहेत का? अरेरे ! एका स्वतःला विचारस्वातंत्र्याचा कैवारी म्हणवणार्‍या एका सदस्याकडुन विचारांची गळचेपी होत आहे आणि संपादक मंडळ शांतपणे कशावर तरी काहीतरी .. हो तेच ते..हातावर हात धरुन बसले आहे.. हा हंत ! @परा - थत्ते मियांच्या प्रतिसादांना असहमतीचे प्रतिसाद असा पण एक मुद्दा घे..
↩ प्रतिसाद: नितिन थत्ते

Nile
Mon, 10/11/2010 - 16:26 नवीन
ट्यार्पी वाढवण्यात थत्तेचाचांचा वाढता सहभाग पाहुन पर्‍याने विरोधी पक्षनेते थत्तेचाचांनाही सामिल करुन घेतलेले आहे असे दिसते.

नितिन थत्ते
Mon, 10/11/2010 - 16:28 नवीन
सत्यकथनाची काही व्हॅल्यूच राहिली नाही.
↩ प्रतिसाद: Nile

परिकथेतील राजकुमार
Mon, 10/11/2010 - 16:32 नवीन
थत्ते चाचा हे राण्यांसारखी आपली उपद्रवक्षमता दाखवुन देत आहेत अशी आम्हाला शंका आहे. नाना, अरे थत्ते चाचांच्या नावानी एक चेक काढ बाबा :)
↩ प्रतिसाद: नितिन थत्ते

छोटा डॉन
Mon, 10/11/2010 - 16:40 नवीन
चेकने पेमेंट ? मायला धंदा करताय की ८०-सी खाली टॅक्स वाचवताय ? नान्या, तु ह्या पराला धंद्यात बरोबर घेऊन फसणार असे भाकित सांगतो ( ह्यावरुन आठवले, घाटपांडेकाका कुठे आहेत आजकाल ? ). असे चेक ने पेमेंट करत बसलास तर एक दिवस 'सर्कारी पाहुणचार' घेणार असे सांगतो. "सल्लागार" म्हणुन घेतो काय मला ? - छोटा डॉन
↩ प्रतिसाद: परिकथेतील राजकुमार

परिकथेतील राजकुमार
Mon, 10/11/2010 - 16:45 नवीन
असे चेक ने पेमेंट करत बसलास तर एक दिवस 'सर्कारी पाहुणचार' घेणार असे सांगतो.
डान्राव तुम्ही शस्त्रानी खेळणारी माणसे ;) तुम्हाला हे डावपेच समजायला वेळ लागेल. अहो पुण्यात 'अरे साहेबांना चहा सांग' आणि 'अरे साहेबांचा चेक काढ' ह्या दोन वाक्यात काही फरक नसतो ;) चहापण येणार नसतो आणि चेक पण निघणार नसतो. आता आलाच आहात पुण्यात तर शिकाल हळुहळु...
↩ प्रतिसाद: छोटा डॉन

सुहास..
Mon, 10/11/2010 - 16:47 नवीन
आता आलाच आहात पुण्यात तर शिकाल हळुहळु... >>> तरी बर आम्ही अजुन पाहुणचार केला नाही आपला Image removed.
↩ प्रतिसाद: परिकथेतील राजकुमार

छोटा डॉन
Mon, 10/11/2010 - 16:49 नवीन
सल्ला देणे हे आमचे काम, ह्याउप्पर तुमची मर्जी. उगाच पुन्हा हातापाया पडायला लागु नये इतकीच आमची तळमळ बाकी संध्याकाळी चहा घ्यायला येतो अड्ड्यावर
↩ प्रतिसाद: परिकथेतील राजकुमार

Nile
Mon, 10/11/2010 - 16:51 नवीन
अड्ड्यात सामील केलेले नसतानाही उगात "आम्ही पण तुमच्यातले" असे दाखवणे अजिबात आवडले नाही.
↩ प्रतिसाद: छोटा डॉन

छोटा डॉन
Mon, 10/11/2010 - 16:56 नवीन
कोण तुम्ही ? जान ना पेहचान और मै तेरा मेहमान ! उगाच मध्येमध्ये किंवा पुढेपुढे करुन चहा-बिस्किट लाटता येईल ह्या भ्रमात राहु नका.
↩ प्रतिसाद: Nile

परिकथेतील राजकुमार
Mon, 10/11/2010 - 16:52 नवीन
बाकी संध्याकाळी चहा घ्यायला येतो अड्ड्यावर
असे कोणाकडे जाताना मोकळ्या हातानी जाउ नये. येताना एक बाटलीपण आणा.
↩ प्रतिसाद: छोटा डॉन

सुहास..
Mon, 10/11/2010 - 17:02 नवीन
असे कोणाकडे जाताना मोकळ्या हातानी जाउ नये. येताना एक बाटलीपण आणा. <>>> वायदे-आजमांकडुन असल्या थिल्लर अपेक्षा ठेवण्यार्‍या पर्‍याचा निषेध !!
↩ प्रतिसाद: परिकथेतील राजकुमार

मृत्युन्जय
Mon, 10/11/2010 - 18:18 नवीन
चहाच्या बदल्यात बाटली हा आवळा देउन कोहळा काढायचा प्रकार झाला. बँगलोरकर उगाच धसका घेतील पुण्याचा (त्यांनी रिकामी बाटली आणली तर तुम्ही धसका घ्याल)
↩ प्रतिसाद: परिकथेतील राजकुमार

सुहास..
Mon, 10/11/2010 - 18:26 नवीन
त्यांनी रिकामी बाटली आणली तर तुम्ही धसका घ्याल) >> आधी चुकुन बादली वाचल .. असो ...ते अपेक्षितच आहे ..पुर्ततेची वाट बघण्यापलीकडे आमच्या हाती काही नाही.
↩ प्रतिसाद: मृत्युन्जय

मृत्युन्जय
Mon, 10/11/2010 - 19:21 नवीन
हॅ हॅ हॅ. मी पण मूळ प्रतिसादात बादली असेच वाचले होते. आता डानराव काय आणतात कोणास ठावूक?
↩ प्रतिसाद: सुहास..

Nile
Mon, 10/11/2010 - 18:32 नवीन
अहो सदाशिवपेठेतली बाटली वेगळी! डॉन्राव बंगळुरात जाउन बाटले, (माडते माडते करत नाचत होते म्हणे एक दिवस!!) त्यांची शुद्धी करायला बाटलीभर गोमुत्र आणावयास सांगितले असेल.
↩ प्रतिसाद: मृत्युन्जय

मृत्युन्जय
Mon, 10/11/2010 - 19:20 नवीन
एक बाटली पुरायची का मग? आणि डान्रावांना काय मग ते सुहासभौनी लिहिल्याप्रमाणे गोमुत्र शिंपडुन "कालपर्यंत तु बेंगलोरकर होतास तिथेचा राहिलास तिथेच उतमात केलास पण आता पुण्यात आला आहेस तर................" (टींबटींब प्रत्येकाने आपल्या सोयीनुसार भरुन घ्यावेत.) असे म्हणायचे की काय? आणि म्हणणार कोण? परा? वाट लागली. डान्राव अजुनच बाटायचे.
↩ प्रतिसाद: Nile

सुहास..
Mon, 10/11/2010 - 19:24 नवीन
कालपर्यंत तु बेंगलोरकर होतास तिथेचा राहिलास तिथेच उतमात केलास पण आता पुण्यात आला आहेस तर................" >>> छ्या !! गाळलेल्या जागा ? कालपर्यंत तु बेंगलोरकर होतास तिथेचा राहिलास तिथेच उतमात केलास पण आता पुण्यात आला आहेस तर ईथे ऑमॉर शूर तॉमॉर शूर चालणार नाही"
↩ प्रतिसाद: मृत्युन्जय

जाई अस्सल कोल्हापुरी
Tue, 10/12/2010 - 02:42 नवीन
लग्गेच नोबेल जाहिर! ताबड्तोपीनं मीटिंग घीउन परा यांना नोबेल जाहीर....!
↩ प्रतिसाद: मृत्युन्जय