मिसळपावचे अधिकृत धोरण

+१

सदस्यांनीपण संपादक हे आपापली वैयक्तिक आयुष्य सांभाळून हे काम करत आहेत हे ध्यानात ठेवावे अशी विनंती करतो. शिवाय, संपादकांचे एखादे कृत्य पटले नाही तर संपादक मंडळाकडे विचारणा करावी. त्यासाठी जाहिर काथ्याकूट करू नये. सगळ्यांनाच सगळे माहित नसते (किंबहुना सगळ्याच गोष्टी संपादक पुढे आणू शकत नाहीत हे ध्यानात ठेवावे) आणि त्यामुळे संपादकांच्या कृत्यांमागच्या भूमिकेबद्दल गैरसमज होऊ शकतात.

बिपिन कार्यकर्ते

नितिन, मूळातच मिपाकडे एखाद्या कोर्ट अथवा तत्सम दृष्टीने का बघावे? हे एक सर्वांनी एकत्र येण्याचे, हसत खेळत एकत्र वेळ घालवायचे, दोन द्यायचे / दोन घ्यायचे, एकमेकांना समृद्ध करायचे स्थळ आहे या भावनेतून का वावरू नये? धोरण असणे आवश्यक झाले हे खरे. पण या धोरणाचा उपयोग होण्याची वेळ कमीत कमी यावी हे आपण सगळ्यांनीच बघणे हितकर. आज पर्यंत टाळी कधी एक हाताने वाजली नाही आणि या जगाच्या अंतापर्यंत तरी वाजणार नाही हे नक्की. अधिक काय सांगावे? आपण सगळेच सूज्ञ आहोत.

बिपिन कार्यकर्ते

संपादक हे आधी सदस्य आहेत त्यामुले तेही ह्यात आलेच.
एकदा असा मान ठेवला गेला की बाकी गोष्टी आपसूकच येत जातात जेणेकरुन अस्त्राचा वापर कमीतकमी अथवा नगण्य होतो!

(समाधानी)चतुरंग

मिपावरील संपादक मराठी आंतरजालावर बराच काळ कार्यरत असावे असे दिसते. त्यांच्या आंतरजालावरील प्रदीर्घ वावरामुळे नकळत का होईना काही सदस्यांविषयी त्यांच्या मनात काही एक मत निर्माण झालेले असावे. असे असतांना ते या मतांना बाजूला ठेऊन निर्णय घेत असतील/ घेतील अशी अपेक्षा आहे.

संपादक मंडळात असलेल्या सर्व सदस्यांचा विचार विनिमय असतोच. कोणा एक-दोघांच्या मताने निर्णय होत नाहीत. सदस्यांबाबत काही वैयक्तिक मत असले/नसले तरी ते संपादनाच्या आड येणार नाही ह्याची पुरेपूर काळजी घेतली जाते. सर्वांचा मिळून तेवढा अनुभव निश्चितच जमा झालेला आहे. तेव्हा तुम्ही केलेली अपेक्षा गैरवाजवी नाही! धन्यवाद! :)

चतुरंग

मिपावरील संपादक मराठी आंतरजालावर बराच काळ कार्यरत असावे असे दिसते. त्यांच्या आंतरजालावरील प्रदीर्घ वावरामुळे नकळत का होईना काही सदस्यांविषयी त्यांच्या मनात काही एक मत निर्माण झालेले असावे. असे असतांना ते या मतांना बाजूला ठेऊन निर्णय घेत असतील/ घेतील अशी अपेक्षा आहे.

आपल्या नेहमीच्या आयुष्यात जेव्हा आपण लोकांना प्रत्यक्षात भेटतो, वावरतो तरी एवढी मतंमतांतरं असतात. पूर्वग्रह असतात. म्हणूनच आपण माणूस आहोत. नाहीतर देव बनलो असतो नाहीतर संत वगैरे. इथे जालावर तर बहुतांसी लोक नक्की कोण हे पण आपल्याला माहित नसते. पूर्वग्रह वाढायला बराच वाव असतो. तरीही संपादक बहुतांशवेळा तटस्थ बुद्धीने वागायचा प्रयत्न करतातच. पण शेवटी 'टू अर इज ह्युमन' या न्यायाने उन्नीसबीस होतच असते. पण कोणत्याही समस्येचे / भांडणाचे निराकरण नीट संवाद साधून होणे शक्य असते. तसेच व्हावे. एवढीच इच्छा.

बिपिन कार्यकर्ते

सहमत आहे

पूर्ण सहकार्य करण्याचा प्रयत्न होता आहे आणि राहिल.

*खेळ विभागाचं काय रे, कांता??

हे खटकले.

असं लिहिलं असलं तरी, बहुतांश वेळेला स्पष्टीकरण देणं किंवा संवाद साधणं असं काही संपादक करतच असतात. ते समोर येत नाही. ते ही समोर येणं आणि सदस्यांनी ते समजून घेणं आवश्यक आहे.

बिपिन कार्यकर्ते

काय राहील आणि काय काढले जाईल त्याचे ढोबळ स्पष्टीकरण येथे दिलेले आहेच. बर्‍याचदा सदस्यांना संपादित लेखनावर काथ्याकूट करून हवा असतो तो करत, कीस काढत राहणे मला अनावश्यक वाटते.

मिपाच्या धोरणांच्या अंमलबजावणीत बर्‍याच अंशी पारदर्शकता राहिली आहे.

परंतु प्रत्येक वेळी एका सदस्याने उठून एक नवीन धागा सुरू करायचा, त्या त्या वेळी असलेल्या आपल्या प्रश्नांची ताबडतोब उत्तरे देण्यास वेठीला धरायचे, इतकेच नाही तर संपादकांना कुत्रे, आणि अशाच असभ्य किंवा इतर बोचर्‍या विशेषणांनी संबोधायचे आणि पारदर्शकतेची अपेक्षा करायची हे कठीण आहे हे तुम्ही समजू शकाल..

लेख किंवा प्रतिसाद अप्रकाशित केल्यावर त्याचे स्पष्टिकरण मिळावे असे वाटणे साहजिक आहे. वस्तूस्थिती पाहता प्रत्येक संपादक अठवड्याला एखाद्दुसरा लेख व दहावीस प्रतिसाद अप्रकाशित करत असला तर फक्त लेखाच्या अप्रकाशित करण्याबाबत स्पष्टेकरण देणे शक्य होते. तसेही संपादक प्रतिक्रिया अप्रकाशित करण्याबाबत वेळ काळ पाहून निर्णय घेतात.

रेवती

मला असेच काहीसे म्हणायचे आहे. मला संपादकांबद्दल कोणतीही तक्रार नाही आहे पण कारणे माहित नसल्यास उगाच गैरसमज वाढतात आणि मग संपादकांवरच पक्षपातीपणाचा आरोप होतो. जो टाळण्यासाठी वरचा प्रतिसाद होता.

माझी स्वतःची terminology समजण्यात अडचण होते आहे बहुतेक. अप्रकाशित केल्यास तो normal user ना वाचता येत नसावा पण database मधे राहत असावा जो नंतर प्रकाशित करता येऊ शकतो. प्रतिसाद अप्रकाशित करून मग उत्तर देण्यासाठी प्रतिसाद देणे ही एक जास्त step आहे मान्य पण तसे केल्यास नंतरची प्रश्नोत्तरी वाचेल असे वाटते.

प्रतिसाद Delete केल्यास मग संपादकांना खरडी केल्या जातात मग संपादक वेळ मिळेल तेव्हा उत्तर देतात. ह्या सगळ्या घोळात संपादकाने आपले नावच लिहीले नसेल तर मग अजूनच गोंधळात भर मधल्या काळात संपादकांबद्दलचा संताप gtalk व इतर ठिकाणी मित्रांशी बोलताना shareकेला जातो आणि मग एकंदरच वातावरणाबाबत इतरांच्या मनातही एक प्रकारचा prejudice तयार होतो. म्हणून प्रतिसाद / धागा संपादित केल्यास तिथेच नाव व कारण लिहिण्याची सुचवणी वर केली होती.

हे एक उत्तम उदाहरण.

या धाग्यावरील हा प्रतिसाद मला सगळ्यात जास्त आवडला.

"नो फर्स्ट ओवररूलींग" हे दोन्ही बाजूने महत्वाचे आहे. एका हाताने टाळी वाजत नसते. मात्र या धाग्यातील एकंदरीत प्रतिसादांत सर्व काही संपादकांमुळेच होत आहे असा तक्रारीचा सूर आहे. जर कोणी कागाळ्या करणारे, वातावरण गढूळ करणारे अथवा इतर जे काही ध्येयधोरणांमधे सांगितलेल्याशी विसंगत लिहीत असेल तर आम्ही त्या लेखात/चर्चेत/प्रतिसादांत वगैरेत भाग घेणार नाही असे देखील सदस्यांनी ठरवले तर उद्या संपादक मंडळाची गरजच भासणार नाही! कारण हक्क आणि जबाबदारी यांचे विभाजन न होता ते सगळेच एकत्रितपणे वापरत असतील.

--------------------------------
मी या आणि इतर संकेतस्थळावर केवळ "विकास" याच नावाने वावरतो. त्याच्या मागेपुढे उभ्या (||) आडव्या (=), तिरप्या (\\ //) आदी कुठल्याच प्रकाराच्या रेषा नसतात. त्या अर्थाने माझी कुठेही शाखा नाही. :-)

क्र. ६ बद्दल तुमचे म्हणणे खरे आहे. हे धोरण शिथिलच आहे याची खात्री बाळगावी. धोरणांत प्रत्येक मुद्दा विस्ताराने लिहिता येत नाही परंतु अशा धाग्यांची शहानिशा करून लेखकास मजकूर वाढवण्याची विनंती करता येईल.

चौकशीप्रधान धागे वगैरे आवश्यकतेनुसार तसेच ठेवले जातील असे वाटते.

डिअर आयडी,

आय थिंक धिस इज धी प्रॉब्लेम ऑफ युवर हापिस इंटरनेट्ट अ‍ॅड्मिन्न टीम. काइंडली कॉन्टॅक्ट देम बट दे माइट ह्याव ब्लॉक्ड मिपा थ्रू फायरवाल का काय तरी, मी डोन्ट नो. ;-)

धन्स,
स्वॅप्स

मिसळपावच्या अधिकृत धोरणाची नेहमी आठवण करून कधीही चांगले.
आठवण करून दिल्याबद्दल धन्यवाद, प्रदीप सी.परूळेकर जी !

बरं ते स्वातन्त्रवीर सावरकाराचा अन्दमानातील आविश्कार चं काय ते टाका ना सविस्तर !

संकेतस्थळ म्हणून आणि सदस्य म्हणून घ्यावयाची काळजी यावर सविस्तर लिहा.

-दिलीप बिरुटे

मिसळपाव साइट आणि त्यावरचे लेखन हे इतर फेसबुक ट्विटर वगैरे संस्थळावरील लेखनापेक्षा लहान असते. त्यावर कंट्रोल ठेवणे सोपे असते. पण मोठ्या साइटवर तपासण्या करण्यासाठी काही यांत्रिक/ इलेक्ट्रॉनिक/ सॉफ्टवेर वापरावी लागतात. किंवा कुणी कंप्लेट केल्यावर action घेतात. म्हणजे साइटवरून त्या व्यक्तिचे अकाउंट गोठवतात/ रद्द करतात.

पण यामध्ये आता सरकारने हस्तक्षेप करण्याचे अधिकार वाढवणार असं दिसतंय. म्हणजे आक्षेपकारक मजकूर /लेखन लिहून अमुक तमुक बाधा येते अशा कायद्या अंतर्गत खटलाही चालवला जाईल बहुतेक.

या ज्या साइट्स आहेत त्यावर सभासदांना स्वप्रकाशन सोय असते. तर छापील माध्यमांत लेखकांचे लेखन अगोदर संपादित/संयोजित/दुरुस्ती करून मग छापले जाते. तिथे यास जबाबदार अधिकारी व्यक्तीची नेमणूक असते. त्याचे नाव छापलेले असते. म्हणजे की छापून आल्यावर लेखक नव्हे तर हा अधिकारीही कायद्याच्या कचाट्यात येतो.

आता ही नियमावली अचानक येण्याचे कारण म्हणजे हल्लीच घडलेले ट्विटर प्रकरण . राणावतने केलेली ट्विटस असावीत.

___________________________

बाकी ओटोरिक्षात बसण्याअगोदर भाड्याची निश्चिती झाल्यावरच बसणे योग्य समजत़ो.ओटोचे भाडे अधिक सांगत असेल तर त्यात न बसण्याचा आपला मार्ग मोकळा असतो. तसेच संस्थळाशी आपले जमत नसल्यास तिथून आपणच दूर होणे योग्य नव्हे का?

प्रवासानंतर मागितलेल्या भाड्यावर वाद न घालता देणे उचित समजतो.

ते म्हणजे आपण अथवा कोणीही जे काही मिपावर कुठंही काहीही लिखित स्वरूपाने कोणत्याही धाग्यावर, प्रतिसादावर त्यानुसंगे अथवा सोडून जर काहीही विचारता, लिहिता किंव्हा व्यक्त होता तर त्याला उत्तर द्यायला मिपा वाचक, वाचनमात्र सदस्य , सदस्य, मिपा कट्टेकरी, साहित्य संपादक, मिपा मालक आणि प्रत्यक्ष ब्रम्हदेवही बांधील वा जबाबदार नाही याची कृपया नोंद घ्यावी. बाकी रस्ते खराब आहेत अनवाणी चालून पायाला त्रास होऊ शकतो असेही निरीक्षण केले.

मदत करू शकणारे बरेच लोक आहेत....इच्छाशक्ती नाहीये

नवीन कायदा म्हणण्यापेक्षा नवीन विधी नियमावली हा शब्द प्रयोग कदाचित बरोबर असावा. संस्थळाच्या जबाबदारी बद्दल अंशिक चर्चा वरील काही प्रतिसादातून केली आहेच. सदस्यांना लागू होणार्‍या नियमावलीच्या भागाचा अनुवादाची विनंती या नवीन धाग्यातून केली आहे.

* (मी मिपाचा सामान्य सदस्य आहे उत्तरदायीत्वास नकार लागू)