( गुगल ची मदत घेतली नाही.. चुकण्यात जास्त मजा येते.. बरोबर तर सगळे असतात ) 1. रंगनाथ पठारे? ( शंकर गुहा नियोगी? ) 2. स्टाईल व. पु. काळे वाटते पण गो.नी.दांडेकर आहेत याचे लेखक, बहुतेक 3. वी.स.खांडेकर? 4. व.पु. काळे. 6. पु. ल. देशपांडे. 7. विश्वास पाटील?

तुमच्या पहिल्या प्रतिसादातील व पु वगळता बाकी इथे कोणीही नाही !

गुगल ची मदत घेतली नाही.. चुकण्यात जास्त मजा येते.. बरोबर तर सगळे असतात )

यावर एक कडक सलाम !

( गुगल ची मदत घेतली नाही.. चुकण्यात जास्त मजा येते.. बरोबर तर सगळे असतात ) 1. रंगनाथ पठारे. 2. व. पु. काळे ( तेच असणार) मला आधी वाटले होते.. पण निसर्ग म्हणल्यावर बदलले.. 3 . पु. ल. देशपांडे. 5. गो नी दांडेकर 6. वी. स. खांडेकर 7. विश्वास पाटील

व. पु. काळे >>>> लेखक बरोबर पण वाक्य २ क्र चे नाही

5. व. पु. काळे >>> नाही. आता नक्की एखादे उत्तर बरोबर येईल !

6. अरूण साधू ? (खात्री नाही पण वाक्य वाचल्यापासून हेच नाव मनात येते आहे.) साहित्यातील अत्युच्च पुरस्कारप्राप्त हे वर्णन अरूण साधू यांचे आहे का? लेखकांच्या माहितीतील शेवटचे लेखक अनिल अवचट असावेत.

3 च त्यांच्या टाईप ची होती वाक्य.. >>> नाहीच ! मज्जा येतेच आहे.....

अरूण साधू ? >>> इथे नाहीतच . * साहित्यातील अत्युच्च पुरस्कार >>> यावर शांतपणे विचार करा ! छान प्रयत्न

हे प्रसिद्ध शहरी कथालेखक. व. पु. काळे असावेत. >>> +११. ..आता त्या ४ पैकी एक निवडा !

कोडे सोपे करून देतो. आता लेखकांची वैशिष्ट्ये वाक्यांच्या क्रमानुसार आहेत. १. हे प्रसिद्ध शहरी कथालेखक. २. सडेतोड व व्यवहारदक्ष म्हणून प्रसिद्ध. साहित्य प्रकाशन मर्यादित ३. यांची विचारधारा कामगारधार्जिणी. ४. स्वतःच्या व्यावसायिक शिक्षणावर चरितार्थ न करता लेखक म्हणून कारकीर्द ५. खूप जंगलप्रेमी. ६. साहित्यातील अत्युच्च पुरस्कारप्राप्त. ७. कथा- कादंबरीपेक्षा नाटकात अधिक रमलेले.

१, ४ व ५ बरोबर. बाकी नाही.

छान यातील काहीच माहिती नाहीये त्यामुळे पास म्हणींची उत्तरे मिळाली नाहीयेत

२,३, ६ व ७ उरलेत. त्यात एक लेखिका आहे.

यात एक लेखिका असेल तर २. सुनिता देशपांडे (सुनिताबाई)

२. सुनिता देशपांडे (सुनिताबाई) अगदी बरोबर ! छान

आता कोणी हे उरलेले कोडे सोडवत नसावे. थोड्या वेळाने सर्व उत्तरे लिहितो.

१. या देशावर तीनच शब्दांचे राज्य तीन तपांवर चाललं आहे – चर्चा, मोर्चे आणि खुर्च्या. वपु २. फक्त एखाद्या निसर्गसौंदर्याचं ‘पर्यटनस्थळ’ झालं, की तो सरकारी निसर्ग निर्जीव, कागदी किंवा फिल्मी होऊन जातो. सुनीता देशपांडे ३. या देशातील वृत्तपत्रस्वातंत्र्य वृत्तपत्र विकण्यापुरतं आहे. वृत्तपत्रात सत्य तेवढं लिहिण्याएवढं नाही. अनिल बर्वे ४. झोपडपट्टी ही माणसांचा जनावरे बनवण्याचा प्रचंड कारखाना आहे. अ अवचट ५. कादंबरी एखाद्या प्रचंड ऑर्केस्ट्रासारखी असते, तर कथा सोलो वाद्यासारखी. व्यं. माडगूळकर ६. संस्था नावारूपाला आल्या की संस्थांची संस्थानं होतात आणि खुर्च्यांची सिंहासनं होतात. कुसुमाग्रज ७. माणसांनी थोडे तरी माणसांसारखे असावे. थोडं तरी नेक, थोडं तरी ताठ आणि गरम रक्ताचे. विजय तेंडूलकर

नवीन माहितीबद्दल धन्यवाद

धन्यवाद ! आता सहभागींपैकीही कोणीतरी कोडी जरूर द्या. स्वतः कोडी तयार करण्याची मजा काही औरच असते.

म्हणजे, आजूबाजूला काहीतरी एखादा शब्द वाचायचा आणि तो दुसर्‍याला शोधायला सांगायचा. एसटी, एखाद्या मोठ्या गावात बराच वेळ उभी असेल तर किंवा रेल्वे, स्टेशनात उभी असेल तेव्हा हे खेळ निघायचे. अजून एक, गावाच्या नावाच्या भेंड्या. पान-फूल-फळ हा तीन चार जणांनी वही पेन घेऊन खेळायचा खेळ. वेळ कसा जायचा कळायचं नाही. थोडे अजून मोठे झालो की पेप्रातली शब्दकोडी सोडवायला मज्जा येऊ लागली. पुणे रेल्वे स्टेशनला पहिल्यांदा जेव्हा फक्त शब्दकोड्यांचा पेपर पाहिला होता तेव्हा अलिबाबाला गुहेत खजिना सापडल्यासारखा आनंद झाला होता. नंतर सुडोकूने डोके खाल्ले. आजकाल व्हाट्सअ‍ॅपवर येतात कोडी पण त्यात तोचतोचपणा असतो. इथल्या ह्या कोड्यांनी मजा आणली. धन्यवाद, कुमार१! ___/\__ मी जमले तर एखादे कोडे देतो. :) सं - दी - प

या प्रत्येक गाण्याच्या ध्रुवपदातील काही शब्द जसेच्या तसे दिलेले आहेत. त्याच बरोबर त्या गाण्याशी संबंधित एखाद्या कलाकाराबद्दलची विशेष माहिती दिली आहे. गाणे ओळखल्यावर त्याचे ध्रुवपद पूर्ण लिहावे. ही सगळी गाणी प्रसिद्ध आणि तुमच्या आमच्या ओठांवर असलेली आहेत. चला तर मग पटकन ओळखू या….. १. ते, घर, असेल : याच्या गायिका प्रख्यात असून त्यांच्या नावाने चित्रपट संगीतातील पार्श्वगायकासाठी एक पुरस्कार आहे. २. हरी, पण, माझ्या : याचे गीतकार दीड महिन्यापूर्वी निवर्तले. त्यांनी सुमारे चार हजार कविता, गाणी लिहिली. ३. चंद्रमा, मनी, भावना : याचे संगीतकार या गाण्याचे सहगायकही आहेत. ४. झाल्या, आता, येशील : याचे गीतकार हरहुन्नरी. त्यांचा ललित लेखन, पटकथा-संवाद लेखन, सुगम गायन, संगीत आणि नाट्य दिग्दर्शन यांतही संचार. ५. सावळा, ही, शोधिता : याच्या गायिका एकेकाळच्या आकाशवाणीच्या ‘अ’ दर्जाच्या गायिका. राष्ट्रपती पारितोषिक प्राप्त. ६. फुलांनी, आली, ओल्या : याचे गीतकार हे नाटककार, कथाकार आणि कवी म्हणून प्रसिद्ध. ७. आलं, गालात : याचे संगीतकार एका ग्रामीण काव्यप्रकारचे गायक म्हणूनही गाजले. .............................................................................................................

दृष्ट लागण्याजोगे सारे, गालबोटही कुठे नसे जग दोघांचे असे रचू की स्वर्ग त्यापुढे फिका पडे स्वर्ग त्यापुढे फिका पडे दृष्ट लागण्याजोगे सारे, गालबोटही कुठे नसे जग दोघांचे असे रचू की स्वर्ग त्यापुढे फिका पडे स्वर्ग त्यापुढे फिका पडे स्वप्नाहून सुंदर घरटे, मनाहून असेल मोठे दोघांनाही जे जे हवे ते, होईल साकार येथे स्वप्नाहून सुंदर घरटे, मनाहून असेल मोठे दोघांनाही जे जे हवे ते, होईल साकार येथे आनंदाची अन्‌ तृप्तीची, शांत सावली इथे मिळे जग दोघांचे असे रचू की, स्वर्ग त्यापुढे फिका पडे स्वर्ग त्यापुढे फिका पडे.. जुळलेले नाते अतुट,घड़े जन्म जन्माची भेट घेऊनिया प्रीतिची आण,एकरूप होतील प्राण जुळलेले नाते अतुट, घड़े जन्मजन्माची भेट ला ला ला ला घेऊनिया प्रीतिची आण,एकरूप होतील प्राण सहवासाचा सुगंध येथे आणि सुगंधा रूप दिसे जग दोघांचे असे रचू की स्वर्ग त्यापुढे फिका पडे स्वर्ग त्यापुढे फिका पडे दृष्ट लागण्याजोगे सारे, गालबोटही कुठे नसे जग दोघांचे असे रचू की, स्वर्ग त्यापुढे फिका पडे स्वर्ग त्यापुढे फिका पडे …

१ चे उत्तर चूक. शोधशब्द नीट पाहा. .... गाणे ओळखल्यावर फक्त त्याचे ध्रुवपद लिहावे, पूर्ण गाणे नको.

हे चांदणे फुलांनी शिंपीत रात्र आली धरती प्रकाश वेडी ओल्या दवांत न्हाली तारे निळ्या नभांत हे गूज सांगतात का रंग वेगळा हा फुलत्या नव्या कळीस ओठांतल्या स्वरांना का जाग आज आली तो स्पर्श चंदनाचा की गंध यौवनाचा उधळीत रंग आला स्वप्नांतल्या स्वरांचा ती रात्र धुंद होती स्वप्नात दंगलेली ( किती दिवसांनी आठवले गाणे.. वा.. मज्जा आली.. Love this song.. जुन्या आठवणी )

वा ! ६ अगदी बरोबर हो. तुम्हीच म्हटल्याप्रमाणे चुकण्यातच खरी मजा आहे ! छान प्रयत्न.

नवीन आज चंद्रमा, नवीन आज यामिनी मनी नवीन भावना, नवेच स्वप्न लोचनी! दूर बाल्य राहिले, दूर राहिल्या सखी बोलण्या कुणासवे सूर दाटले मुखी अननुभूत माधुरी आज गीत गायने -- आधी तोच आहे चंद्रमा वाटलेले :-))

कुन्या गावाचं आलं पाखरू? अहो, कुन्या गावाचं आलं पाखरू? बसलंय डौलात न् खुदुखुदू हसतंय गालात बसलंय डौलात न् खुदुखुदू हसतंय गालात हे आपल्याला लहान पणा पासून येते रंजना ♥️

गणेशराव, ३ पण अगदी बरोबर ! आता तुम्ही अन्य इच्छुक खेळाडूंसाठी बहुतेक काही बाकी ठेवणार नाही वाटतं.......

लागोपाठ तीन गाणी ओळखून गणेशा यांनी हॅटट्रिक केली आहे. अभिनंदन ! आता ते मैदानावरून विश्रांती घेत आहेत याबद्दलही आभार. ...... आठवण जरूर लिहाच

१. ते माझे घर ते माझे घर असेल सुंदर. आशा भोसले २. हात धरि रे हरि पहा पण करात माझ्या वजे कंकण : मधुकर जोशी ३. नवीन आज चंद्रमा नवीन आज यामिनी मनी नवीन भावना नवेच स्वप्न लोचनी: सुधीर फडके ४. सखी मंद झाल्या तारका , आता तरी येशील का : सुधीर मोघे

५ निळा सावळा नाथ, तशी ही निळी सावळी रात कोडे पडते तुला शोधिता कृष्णा अंधारात।

५. निळा सावळा नाथ तशीही निळीसावळी रात , कोडे पडते तुला शोधीता कृष्णा अंधारात : कुंदा बोकील

धन्यवाद !

आतापर्यंतच्या कोड्यात असे दिसले की गाण्यांचे कोडे पटकन सोडवून होते. आता पुन्हा एक गाण्यांचेच देतो आहे पण जरा अवघड केले आहे. बघा कसे वाटतंय……. नवा खेळ : मराठी गाणी ओळखा. या प्रत्येक गाण्याच्या ध्रुवपदातील काही शब्द जसेच्या तसे दिलेले आहेत. त्यानंतर या गाण्यांशी संबंधित एखाद्या कलाकाराबद्दलची विशेष माहिती दिली आहे. ती गाण्यांच्या अनुक्रमानुसार नाही. मात्र एका गाण्याची जोडी फक्त एकाच वैशिष्ट्याशी जुळली पाहिजे. गाणे ओळखल्यावर त्याचे ध्रुवपद पूर्ण लिहावे. चला तर मग पटकन ओळखू या….. ध्रुवपदातील शब्द : १. घर, नुसत्या, प्रेम २. हिच्या, लहरी ३. हाक, नाव ४. जीवनी, पाऊली ५. तू, सांग, जळी ६. नित, मिसळती ७. माझ्या, केल्या ……………………………………… कलाकाराची विशेष माहिती (अनुक्रमानुसार नाही). • याचे गायक व संगीतकार एकच आहेत. • याचे संगीतकार जोडीने दोन व्यक्ती आहेत. • याच्या गायिका अभिनेत्री पण आहेत. • याच्या गीतकारांनी भक्तिगीत, भावगीत, अंगाईगीत, लावणी या प्रकारची गीते लिहिली आहेत. • याचे गीतकार साहित्य अकादमी पुरस्कार विजेते. • याचे गायक जितेंद्र अभिषेकींचे शिष्य आहेत • याचे संगीतकार पद्म पुरस्कार विजेते. चित्रपट-नाटकांशिवाय त्यांनी बालगीतांना आणि समरगीतांनाही संगीत दिले.

कुमार सर, दुपार नंतर बघतो वेळ काढून.. जाता जाता.. तुमच्या ह्या गाण्यांमुळेच.. काल एक विडंबन लिहिले गेले.. मज्जा आली. :-) दुपार नंतर येतो..

दुपार नंतर येतो.

. >>> जरूर ! पण... तोपर्यंत दर्दी मंडळी काही बाकी ठेवतात का ते बघू ! :-)

१ घर असावे घरासारखे, नकोत नुसत्या भिंती २ रम्य ही स्वर्गाहुनी लंका, हिच्या कीर्तीचा सागर लहरी नादविती डंका ??? ७ अखेरचे येतिल माझ्या, हेच शब्द ओठी

१, २, ७ बरोबर. छान ! हॅटट्रिक !!

६. सजल नयन नित धार बरसती, भावगंध त्या जळी मिसळती

६ बरोबर.... स्वागत ! आता बहुतेक उरलेले तुम्ही संपवाल ....

४. रजनीगंधा जीवनी या बहरुनि आली, मनमीत आला तिच्या पाउली

४ बरोबर !

3 नाविका रे, वारा वाहे रे, डौलाने हाक जरा, आज नाव रे

३ बरोबर

मी येई पर्यंत हे solved झाले.. वाचायला पण छान vatale पण बरे झाले.. मला जमले नसते असेच वाटत आहे.. :-))

५ राहिलंय बघा जरा ...!

मंडळी एव्हाना हत्ती गेलाय आणि फक्त शेपूट राहिलय . संपवून टाका हे कोडे लवकर.......

५. गर्द सभवती रान साजणी तू तर चाफेकळी काय हरवले सांग शोधिसी या यमुनेच्या जळी

पलाश, अगदी बरोबर. तुम्ही शेवटचा विजयी चौकार मारून कोड्याची सांगता केली आहे. अभिनंदन ! .............................................. सर्व सहभागींचे अभिनंदन ! आपणा सर्व संगीतप्रेमींच्या सहभागाने मजा आली. यावेळेस क्रम विस्कटून दिला तरीही आपण एका दिवसात कोडे संपवलेत. आनंद वाटला. धन्यवाद !

धन्यवाद! _/\_ सांग तू, सांग कधी, सांग सांग भोलानाथ,... अशी सगळी "सांग"गाणी आठवली तरी उत्तर मिळत नव्हतं. अखेर "जळी" शब्दावरून गाणी शोधल्यावर उत्तर मिळालं.

वरील गाण्यांच्या दोन कोड्यांतील “सजल नयन नित धार बरसती” हे गाणे माझे प्रचंड आवडते आहे. ते मला अक्षरशः वेड लावते. काल या कोड्यांची सांगता झाल्यावर मी https://www.aathavanitli-gani.com/Song/Sajal_Nayan_Nit_Dhar या ठिकाणी जाऊन ते गाणे मनसोक्त स्वतःशीच म्हणत बसलो. शांताराम नांदगावकर यांच्या या गीताचे शब्द अत्यंत सुंदर आहेत. जरूर ऐका !

नवा खेळ : मराठी नाटककार ओळखा. प्रत्येकाच्या एका नाटकाचे कथानक/विशेष माहिती थोडक्यात दिली आहे. त्यानंतर या नाटकांच्या लेखकाबद्दलची विशेष माहिती दिली आहे. ती नाटकांच्या अनुक्रमानुसार नाही. मात्र एका नाटकाची जोडी फक्त एकाच वैशिष्ट्याशी जुळली पाहिजे. ......... नाटकाचे कथानक/विशेष : १. शहरातील एक सधन डॉक्टर ध्येयापोटी खेड्यात राहायला येतो. अर्थात हे त्याच्या बायकोला पटलेले नाही. पुढे या संसारात वादळ निर्माण होते. २. याचा नायक विमा प्रतिनिधी आहे. त्याचा नेटका संसार. उपकथानकात एक वेगळी ‘जोडी’ आणि त्यांचे ‘उद्योग’ आहेत. शोकांतिका. ३. नायक एकापेक्षा अधिक भूमिकांत आहे. त्यातली एक भूमिका समाजातली प्रतिष्ठित तर अन्य एक हीन दर्जाची. ४. मुलीच्या लग्नासाठी जोडे झिजवण्याचा काळ. ते जमत नसल्याने पालकांची होणारी उलघाल व अत्यंत चिडचिड. ५. एका नाटककाराने चांगले नाटक लिहावे म्हणून त्याला आग्रह करणारा निर्माता. मानवी नात्यांच्या तकलादूपणावर भाष्य. ६. नवरा बायकोतील विसंवाद. तो एकदम उच्चशिक्षित आणि लफडेबाज. अशाच एका तरुणीमुळे त्यांच्यात झालेला बेबनाव. ७. एका वृद्ध रुग्णाची शुश्रुषा करणारी व्यक्ती. या दोघांच्या सहवासावर झोत. या नाटकाला सामाजिक, राजकीय आणि आपसातले नातेसंबंध असे अनेक पैलू आहेत. .......................................................... लेखकाची विशेष माहिती (अनुक्रमानुसार नाही) : • मानवी मनातील हिंसा बाहेर काढणारे लेखक. वादग्रस्त. • लेखक व दिग्दर्शक. एका प्रकारच्या लेखनात हातखंडा. समाजकारणात सक्रीय सहभाग. • हे ‘डॉक्टर’, अभिनेते व लेखकदेखील. मोजके लेखन. रूढ अर्थाने ‘प्रसिद्ध’ नाहीत. या कोडयातले नाटक दमदार. • अगदी मध्यमवर्गीयांचे आवडते लेखक. प्रसिद्ध. पटकथाकर व स्तंभलेखक देखील. • प्रख्यात नाटककार. यांचे वडील प्रसिद्ध कवी. • प्रसिद्ध नाटककार. यांना एका दिग्गज नाटककाराच्या नावाचा मानाचा पुरस्कार. • अनेक प्रकारचे लेखन. दमदार नाटके. प्रसिद्ध टोपणनावाने वृत्तपत्रलेखन.

नाटके आवडतात, पण खुप पाहिलेली नाहीत.. त्यामुळे माझा यावेळेस पास.. 3. सही रे सही आहे का? आपली येव्हडीच उडी..

नाही हो !

उद्या भेटू .. तोपर्यंत दर्दी लोक उकल करतीलच !

१.श.ना. नवरे २.वसंत कानेटकर ३.प्र.के.अत्रे ४.विजय तेंडुलकर ५.???? ६.प्र.ल.मयेकर ७.डॉ.शिरीष आठवले

३ तो मी नव्हेच प्र के अत्रे एवढेच महितिये

५.पु ल देशपांडे

२, ३, ५ चूक बाकी बरोबर म मा, अभिनंदन !

३ तो मी नव्हेच प्र के अत्रे एवढेच महितिये

....>>>> चूक. इथे गन्डायला होणार याची कल्पना होतीच. पण हे नाही.

जरा सोपी कोडी घाला सर. डोकं भंजाळलं विचार करून करून.

कोडे अवघड आहे. दोन नाटकाची नावे ४. अशी पाखरे येती ( विजय तेंडूलकर) (बहुदा सई परांजपे यांच्या "कथा" चित्रपटातल्या चाळीत हे नाटक बसवलेले असते.) ७. मित्र (डाॅ. शिरीष आठवले)

४ व ७ ही उत्तरे म मा यांनी आधीच दिली आहेत. बरोबर. अता २, ३, ५ हेच बाकी आहे. ..........................

३. नायक एकापेक्षा अधिक भूमिकांत आहे. त्यातली एक भूमिका समाजातली आदरणीय, तर अन्य एक हीन दर्जाची. >>>>>> इथे ‘एकापेक्षा अधिक’ म्हणजे कितीही आकडा असू शकतो ! फक्त ‘तीच’ पंचरंगी भूमिका डोक्यात ठेऊ नका.

५ चे जे नाटककार आहेत, त्यांच्यावर यंदा अनेक प्रसारमाध्यमांतून भरपूर लिहिले गेले.