चोरून बघणे - आधुनिक पद्धत (शतशब्दकथा)

च
चांदणे संदीप यांनी
 ·  लेख
लेख
परवा सहज तिच्या प्रोफाईलवर क्लिक केलेलं. नवा 'डीपी' आणि 'स्टेटस्' बघायला. "Online" ह्या शब्दांतून जणू ती माझ्याकडे पाहतेय असंच वाटलं.... माझ्या हातापायातली शक्तीच गेली! वाटलं, तिने पाहिल असेन का? मी तिचं प्रोफाईल बघताना. तिला मी "Typing..." असा दिसलो असेन का? बापरे! आता कस भेटणार तिला कॉलेजात? आरारा, ओशाळून कसनुसं हसलो नि हळूच 'ब्याकचं' बटण दाबलं! पुन्हा वाटलं, ती म्हणेल, "Typing..." तर दिसलेलं, मग काहीच कस नाही लिहीलं. मग पुन्हा हिंमत करून तिच्या प्रोफाईलात गेलो आणि लिहिल... "आज पहिल्यांदाच तुझा डिपी आणि स्टेटस बघितलय ग.... आई शप्पथ!....परत नाही बघणार." सम्याचा काय मेसेज आलाय आत्ता! बघूया......"आव्या, तुला शितलीचा भाऊ शोधतोय! :/ " - संदीप चांदणे
वर्गीकरण
लेखनविषय (Tags)
कला
कथा
विनोद
साहित्यिक
kathaa
मौजमजा
लेखनप्रकार (Writing Type)
प्रतिभा
विरंगुळा
4689 वाचन
💬 प्रतिसाद (16)

प्रतिक्रिया

मराठी कथालेखक
Wed, 04/06/2016 - 12:30 नवीन
जर तिच्याकडे याचा नंबर आहे (आणि तशी याला खात्री आहे) , याच्याकडे तिचा नंबर आहे तर मग प्रोफाईल,डीपी बघण्याचे काय मोठे टेन्शन ?

चांदणे संदीप
Wed, 04/06/2016 - 12:38 नवीन
जर तिच्याकडे याचा नंबर आहे (आणि तशी याला खात्री आहे)
तुम्हाला खात्री आहे?
↩ प्रतिसाद: मराठी कथालेखक

मराठी कथालेखक
Wed, 04/06/2016 - 13:25 नवीन
पुन्हा वाटलं, ती म्हणेल, "Typing..." तर दिसलेलं
असं त्याला वाटतंय म्हणजे तिने त्याचा नंबर सेव्ह केलेला आहे असंच तो मानतोय ना ?
↩ प्रतिसाद: चांदणे संदीप

टवाळ कार्टा
Wed, 04/06/2016 - 13:02 नवीन
चॅट विंडो येते आणि "Typing..." असे दिसू शकते म्हणजे फ्रेंडलिस्टात आहे...म्हणजे तिच्या संमतीने तो तिच्या फ्रेंडलिस्टात आहे फ्रेंडलिस्टात असूनही मेसेज पाठवायचा नाही / कमेंट लिहायची नाही अथवा काही ठरावीकजणांनीच मेसेज करावा / कमेंट लिहावी अशी अपेक्षा??? मग फ्रेंडलिस्टात अ‍ॅडवले तरी कशाला???
"आज पहिल्यांदाच तुझा डिपी आणि स्टेटस बघितलय ग.... आई शप्पथ!....परत नाही बघणार."
तो = low self esteem ती = #$%@%$#@$#@...वरचा मेसेज पाहून डायरेक्ट भावाला सांगणे म्हणजे लैच रिकामे डोके =))

चांदणे संदीप
Wed, 04/06/2016 - 13:30 नवीन
तो = low self esteem
यातच सगळ आलंय! :D (माझा जव्हेरगंज झालाय का?) Sandy
↩ प्रतिसाद: टवाळ कार्टा

टवाळ कार्टा
Wed, 04/06/2016 - 13:37 नवीन
ओ...असे अर्धवट वाचू नका तो = low self esteem आणि ती = #$%@%$#@$#@...वरचा मेसेज पाहून डायरेक्ट भावाला सांगणे म्हणजे लैच रिकामे डोके =)) थोडक्यात फक्त तो नाही तर दोघेही नग आहेत
↩ प्रतिसाद: चांदणे संदीप

नाखु
Wed, 04/06/2016 - 14:24 नवीन
दिनु गवळीशी घालून देणे. भुताच्या भीतीने भाउच काय शीतली पासून सुटका होईल याची खात्री ! ह का ना का.
↩ प्रतिसाद: भरत्_पलुसकर

जव्हेरगंज
Wed, 04/06/2016 - 22:04 नवीन
परवा सहज तिच्या प्रोफाईलवर क्लिक केलेलं. नवा 'डीपी' आणि 'स्टेटस्' बघायला.
नवा डीपी? म्हणजे जुना बघितला होतात तर !
"Online" ह्या शब्दांतून जणू ती माझ्याकडे पाहतेय असंच वाटलं.... माझ्या हातापायातली शक्तीच गेली! वाटलं, तिने पाहिल असेन का? मी तिचं प्रोफाईल बघताना. तिला मी "Typing..." असा दिसलो असेन का? बापरे! आता कस भेटणार तिला कॉलेजात?
कसं भेटणार? म्हणजे भेट ठरली होती तर!
आरारा, ओशाळून कसनुसं हसलो नि हळूच 'ब्याकचं' बटण दाबलं!
आर्रर्र..तिच्या...! आसं झालं का? बरं मग..
पुन्हा वाटलं, ती म्हणेल, "Typing..." तर दिसलेलं, मग काहीच कस नाही लिहीलं.
लाखमोलाचा सवाल..! घामच फुटलाय बघा आमास्नीबी !
मग पुन्हा हिंमत करून तिच्या प्रोफाईलात गेलो आणि लिहिल... "आज पहिल्यांदाच तुझा डिपी आणि स्टेटस बघितलय ग.... आई शप्पथ!....परत नाही बघणार."
"ऑ लब्बाडा.. असं चोरुन चोरुन काय बघतो? खुल्लेआम बघ ना स्टेटस माझं" अश्या गरमागरम रिप्लायच्या प्रतिक्षेत... लवकर...लवकर..
सम्याचा काय मेसेज आलाय आत्ता! बघूया..... ."आव्या, तुला शितलीचा भाऊ शोधतोय! :/ "
बोंब ! खोबऱ्याचं तेल लावावं लागणार आता..! शोधा शोधा..! घाम फुटलाय आमास्नबी..!

सिरुसेरि
गुरुवार, 04/07/2016 - 07:54 नवीन
तुमची ती " बाबा , तु आपिसला जाउ नको . तुला वाघ खातो" वाली गोष्ट भारी होती .