मिपाकरांनो सावधान. वराह तापापेक्षाही भयंकर अशा नव्या ज्वराचे आगमन मिपावर झाल्याचे दिसून आले आहे. ह्या ज्वराची लागण झालेले रूग्ण भयकथा, भूतकथा प्रसवू लागले आहेत. अत्यंत निरागस मथळ्याच्या लेखात "भयानक" कथा दडलेली आढळते. सामान्य मिपाकर कुतूहलाने अशा मथळ्यांच्या कथांवर लेखकांवरच्या विश्वासाने "क्लिकतात" आणि हां हां म्हणता कथेतली भूते त्यांच्या मनाचा ताबा घेतात व सामान्य वाचक असामान्यत्वाला पोहोचून स्वत:च भयकथा प्रसवू लागतो. अशा रितीने ही साथ झपाट्याने पसरत आहे. ह्या ज्वरावर अजून पर्यंत तरी लस किंवा औषध निघालेले नाही. मिपा मालकांनाच लागण झाल्याने मिपा प्रशासन सैरभैर झाले आहे. ज.

तुमचे असे होते का माहिती नाही, पण माझ्या बाबतीत कधीतरी असे होते की काहीतरी महत्त्वाचे आठवायचे असते, पण काही केल्या त्याक्षणी तरी आठवत नाही. मागून कधीतरी गरज नसताना आठवूनही जाते, पण त्याक्षणी जी माहिती हवी असते ती काही मिळत नाही. अशाच प्रसंगांमधून गेलेल्या दोन सॉफ्टवेअर संशोधकांनी समोर ठेवलेल्या पर्यायाबद्दल ऐकण्याचा प्रसंग आताच मागील काही दिवसांमध्ये आला. यांची नावे आहेत - गॉर्डन बेल आणि जिम गेमेल. हे दोघे मायक्रोसॉफ्टमध्ये कामाला आहेत. त्यांच्या संशोधनाची दिशा ही आपल्या (म्हणजे मानवी आयुष्याबाबतीत) अनेक मूलभूत असे प्रश्न उपस्थित करेल अशी वाटली.