Skip to main content

'टाईम' ने म्हणे झाशीच्या राणीचा बहुमान केलाय!

लेखक फारएन्ड यांनी सोमवार, 25/07/2011 11:28 या दिवशी प्रकाशित केले.
'टाईम' ने म्हणे झाशीच्या राणीचा बहुमान केलाय! ही लिन्क पाहा http://www.time.com/time/specials/packages/article/0,28804,2084354_20843... 'बॅड-अ‍ॅस' वाईव्ह्स मधे एन्ट्री, रूपर्ट मर्डॉक ची बायको, टायगर वूड्स च्या रागात त्याच्या गाडीची तोडफोड करणारी बायको या लिस्ट मधे झाशीची राणी म्हणजे सन्मान! (पेलिनबाईही आहेत त्यात, पण या लिस्ट मधे त्यांचे असणे चुकीचे नाही.

[ज्योतिष] दिनांक ३१ जुलै २०११ रोजीची शुभ अमावस्या

लेखक युयुत्सु यांनी सोमवार, 25/07/2011 11:18 या दिवशी प्रकाशित केले.
दिनांक ३१ जुलै २०११ रोजी सायन सिंह राशीत ७ अंश १९ मि.वर होणारी अमावस्या गोचर हर्षल बरोबर नवपंचम योग करते. याशिवाय गोचर प्लुटो बरोबर quincunx () नावाचा एकच त्रासदायक योग करते, आदल्या दिवशी दिनांक ३० जुलै २०११ रोजी चंद्र-शुक्र युती होत असून ही युती हर्षल बरोबर नवपंचम योग करत असल्याने, ही अमावस्या बर्‍याच प्रमाणात शुभ ठरण्याची शक्यता आहे.

चित्र समिक्षा

लेखक सहज यांनी सोमवार, 25/07/2011 10:24 या दिवशी प्रकाशित केले.
मिपाकरांना नमस्कार, नुकतेच आपले मिपाकर श्री चित्रगुप्त यांच्या समर्थ कुंचल्यातुन उतरलेले एक चित्र पहायचा योग आला. अतिशय सुरेख चित्र! दुवा येथे चित्र सुंदर आहे यात प्रश्नच नाही. परंतु चित्राबद्दल तिथे काही माहीती नाही. शिवाय आपले विलासराव म्हणतात त्याप्रमाणे चित्रकाराच्या मनात नेमके काय आहे, चित्राचा अर्थ काय हे कळत नाही.

खापरोळी व नारळाचा रस.

लेखक ज्योति प्रकाश यांनी सोमवार, 25/07/2011 00:24 या दिवशी प्रकाशित केले.
हि एक पारंपारिक पाककृती आहे. साहित्यः-१) तीन वाट्या तांदुळ. २) एक वाटी उडीदडाळ. ३) अर्धी वाटी चणाडाळ. ४)पाव वाटी मेथीदाणे. ५) पाव चमचा हळद. ६)मिठ. कृती :-प्रथम तांदुळ,सर्व डाळी व मेथीदाणे ६-७ तास भिजत घालावे. नंतर बारीक वाटुन घ्यावे. व ८-९ तास झाकुन ठेवावे.

मुर्ग अचारी.

लेखक गणपा यांनी रविवार, 24/07/2011 19:16 या दिवशी प्रकाशित केले.
येत्या शनिवारी गटारी अमावस्या. म्हणजेच रविवार पासुन श्रावण लागणार. माझ्या सारख्या वार न पाळणार्‍याला काय ३६५ दिवस गटारीच. पण त्यामुळे माझ्यासाठी गटारीचं महत्व कमी झालय अस नाही. मी लहान असताना आमच्या घरी गटारीला खुप मजा असायची. बरेच नातेवाईक जमायचे आमच्या घरी. खाटकाकडे बरीच मोठी रांग असायची. म्हणुन बाबा पहाटेच जाउन मटण /चिकन घेउन यायचे. तोपर्यंत आम्हा चिल्ल्या पिल्यांकडे लसुण सोलणे, खोबरं किसणे अशी काम लागलेली असायची. आई दिदिची एकीकडे चहा-न्याहारीची धावपळ चालु असे. माम्या मावश्या वाटणं घाटणं आदी जेवणाच्या पुर्व तयारीला लागलेल्या असायच्या.

वास्तविक, काल्पनिक आणि .....

लेखक चेतन सुभाष गुगळे यांनी रविवार, 24/07/2011 16:13 या दिवशी प्रकाशित केले.
पोस्टचं शीर्षक "वास्तविक, काल्पनिक आणि ....." वाचल्यावर काही मुद्रणदोष तर नाहीना अशी शंका कुणाच्या मनात डोकावण्या आधीच नमूद करू इच्छितो की असं काही नाहीय. वास्तविक म्हणजे जे प्रत्यक्षात घडतं. ज्यावर आपलं अत्यल्प नियंत्रण असतं ते सारं काही. या अफाट विश्वाचा आपण एक अतिशय नगण्य असा हिस्सा असतो. याउलट काल्पनिक म्हणजे सर्व काही आपल्या नियंत्रणात असणारं विश्व. या जगावर आपली शंभर टक्के हुकूमत असणारच. म्हणूनच तर वास्तवातला एखादा कफल्लकही कल्पनेच्या विश्वात भरार्‍या मारताना मर्सिडिझ किंवा रोल्स रॉईसमध्येही विराजमान असतो.

एक अद्भुतरम्य जागा

लेखक चित्रगुप्त यांनी रविवार, 24/07/2011 13:54 या दिवशी प्रकाशित केले.
पॅरिसच्या गजबटापासून दूर, अतिशय शांत, निर्मनुष्य आणि अद्भुतरम्य जागा म्हणजे Parc de Saint Cloud. सुमारे ११३६ एकर जागेत पसरलेल्या या उद्यानात हजारो मोठमोठी झाडे, हिरवळी, गच्च झाडीने झाकलेल्या पायवाटा, टेकड्या, पुतळे, कारंजी वगैरे आहेत. सतराव्या शतकातील या जागेचे एक चित्र: या चित्रात डावीकडे दिसणार्‍या भव्य प्रासादात सोळाव्या शतकापासून राजघराण्यातील लोकांचे वास्तव्य असायचे, मात्र १८७० सालच्य

श्रावणमास कहाणी: वर्षभर प्रसिद्ध नारायणाची कहाणी

लेखक पाषाणभेद यांनी रविवार, 24/07/2011 13:29 या दिवशी प्रकाशित केले.
श्रावणमास कहाणी: वर्षभर प्रसिद्ध नारायणाची कहाणी
 आटपाट संकेतस्थळ होतं. आंतरजालावरती त्याचं नाव होतं. तेथे येणारा प्रत्येक सदस्य त्याचप्रमाणे सहज म्हणून येणारा पाहूणा तेथे देहभान विसरत होता. तेथील सुविधांना भुलत होता. देशोदेशातील व्यक्तींना तेथे मुक्त प्रवेश होता. म्हणूनच तेथे अनेक व्यक्तीस्वभावांचे प्रदर्शन भरले होते. असल्याच अनेक व्यक्तींपैकी राजा रवी हा एक तेथील सदस्य होता. तो मोठा पराक्रमी, मानी होता. त्याचा स्वभाव दिलदार होता. पण तो तत्वाला जागणारा होता. आपल्या तत्वाच्या बाहेर काही करण्यास त्याचा नकार असे.
Subscribe to