Skip to main content

स्टोरी सलील ची ...

लेखक मंदार कात्रे यांनी गुरुवार, 25/10/2012 19:55 या दिवशी प्रकाशित केले.
आज सकाळीच सलीलचा फोन आला ,चांगला तासभर बोलला .मीही भारावलो ,चक्क अमेरिकेतून फोन! बोलणे झाल्यावर फोन खाली ठेवला आणि माझं मन सलीलच्या भूतकाळात निघून गेलं... ३० वर्षांपूर्वीची गोष्ट .सलील ,माझ्या भावाचा एक मित्र .याचे वडील एका कारखान्यात मॅनेजर. पण स्वभाव लहरी. घरी बायको आणि एक मुलगा.पण त्या काळात सुमारे ३० हजार रुपये महिना पगार असलेली नोकरी सोडून माथेरानला हॉटेल काढायचे खूळ डोक्यात शिरले. नोकरी सोडून हॉटेल काढलेही ,पण पार्टनरने फसवल्यामुळे यांच्या हाती राहिले धुपाटणे!

घनगड आणि तेलबैला

लेखक saumitrasalunke यांनी गुरुवार, 25/10/2012 19:20 या दिवशी प्रकाशित केले.
भेट दिलेले दुर्ग: घनगड आणि तेलबैला दिनांक: २० व २१ ऑक्टोबर २०१२ दुर्गयात्री: १. आतिश नाईक, २. किशोर सावंत, ३. सौमित्र साळुंके ------------------ लोणावळ्याच्या साधारण दक्षिणेला ३५ किलोमीटरवर घनगड स्थित आहे. गडाची उंची समुद्र सपाटीपासून ७९४ मीटर असून गड पायथ्यापासून २०० मीटर उठावला आहे. १९ तारखेच्या रात्री साडे अकराच्या मुंबई (बोरीवली डेपो) – स्वारगेट एशियाडने मध्यरात्री अडीच वाजता लोणावळा डेपोत पायउतार झालो. भाम्बर्डे (बऱ्याच ब्लॉग्जमध्ये या गावाचा उल्लेख भाम्बुर्डे असा आढळला आहे) गावी जाणारी एस.टी नऊ वाजताची असल्याने सकाळी सात वाजेपर्यंत थोडी विश्रांती घेतली.

जसपाल भट्टीना भावपूर्ण श्रद्धांजली.

लेखक कापूसकोन्ड्या यांनी गुरुवार, 25/10/2012 12:55 या दिवशी प्रकाशित केले.
f सामान्य माणसाना अवघड आणि चिड आणणारा विषय विनोदी अंगाने सांगणारा महान परफोर्मर. विनम्र श्रद्धांजली.

नेता की अभिनेता ?

लेखक विश्वजीत दीपक गुडधे यांनी गुरुवार, 25/10/2012 11:15 या दिवशी प्रकाशित केले.
नेता की अभिनेता ? लई नाटकी नाटकी या देशामधला नेता मतलबापायी होतो घडीघडी अभिनेता झोपडीतल्या दीनाची त्याला येई ना कदर पण खुर्चीसाठी खातो गरीबासंगे भाकर तसे तर खुर्चीदास सदा एसीतच राहे पण मतासाठी मात्र डोईवर भार वाहे पैशांशीच देणे-घेणे विकासाला मारी लाता परि भाषणात त्यांच्या करी विकासाच्या बाता आपल्या छाताडावर उड्या मारती हे मस्त डोळ्यावरले झापड काढा, राहू नका सुस्त • विश्वजीत दीपक गुडधे, अमरावती. ==================================

जागर

लेखक विश्वजीत दीपक गुडधे यांनी गुरुवार, 25/10/2012 11:08 या दिवशी प्रकाशित केले.
जागर लोकांस आता जागवा पुन्हा विझल्या मशाली पेटवा पुन्हा डोक्यास टाळे लावती सदा सुस्तांस साऱ्या चेतवा पुन्हा आजन्म सोसे बापुडा इथे सोशीक लोकां जागवा पुन्हा झोपून कैसे चालणार हो ? बळ आपलेही दाखवा पुन्हा संधी न येणे विश्वजित अशी संदेश माझा पोचवा पुन्हा • विश्वजीत दीपक गुडधे, अमरावती. ==================================
काव्यरस
वीररस

कुरुंदकरांची व्याख्याने: मदत हवी आहे

लेखक इष्टुर फाकडा यांनी बुधवार, 24/10/2012 20:07 या दिवशी प्रकाशित केले.
मित्रांनो, कुरुंदकरांच्या संकेत स्थळावर त्यांची व्याख्याने जोडण्यासाठी मदत हवी आहे. मिपावरील संगणक धुरिणांची त्यासाठी मदत मिळाली तर एक महत्वाचा ठेवा सर्वांसाठी खुला होईल. या व्याख्यानांचा दुवा :http://www.esnips.com/thumbnails.php?album=4678391 संकेत स्थळ :http://www.narharkurundkar.com/ हि व्याख्याने संकेत स्थळावर टाकण्यासाठी मी संकेत स्थळाच्या व्यवस्थापकांना विनंती केली होती. पण या व्याख्यानांचा आकार मोठा असल्याने त्यांनी असमर्थता दर्शवित मदतीची अपेक्षा केली आहे.

गुजरात विधानसभा निवडणुक अंदाजांचे मॉडेल

लेखक क्लिंटन यांनी बुधवार, 24/10/2012 18:54 या दिवशी प्रकाशित केले.
नमस्कार मंडळी, डिसेंबर महिन्यात गुजरात विधानसभा निवडणुकांसाठी मतदान होईल आणि २० डिसेंबरला मतमोजणी होईल.मी गेले कित्येक वर्षे म्हणजे १९८९ च्या लोकसभा निवडणुकीपासून निवडणुकींच्या राजकारणात रस घेतला आहे. दरम्यानच्या काळात माझा राजकारणातला इंटरेस्ट बराच कमी झाला तरी इतक्या वर्षांपासूनची सवय अशी सहजासहजी जात नाही. त्यामुळे निवडणुकांची घोषणा झाल्यानंतर नक्की निकाल कसे लागतील याचा अंदाज बांधणे हा माझा अगदी आवडता खेळ आहे.कधी माझे अंदाज बरोबर येतात तर कधी चुकतात.

सफरचंद हलवा

लेखक अनन्न्या यांनी बुधवार, 24/10/2012 17:33 या दिवशी प्रकाशित केले.
साहित्य: सफरचंद १ किलो, खवा ३५०ग्रॅम, साखर १ ते सव्वा वाटी, वेलची पावडर स्वादानुसार,बदाम काप,बेदाणे,काजू तुकडे,तूप ३चमचे. कृती: प्रथम दोन दोन सफरचंदांची साले काढून घ्यावी.कढईत तूप तापत ठेवावे.गॅस बारीक ठेवावा. साले काढ्लेल्या सफरचंदाच्या फोडी करुन घ्याव्या. त्यातील बिया काढून फोडी किसाव्या, किस लगेच तुपात टाकून परतावा.याच प्रकारे सगळ्या सफरचंदांचा किस करुन तुपावर टाकावा. १० मिनीटे किस परतल्यावर त्यात साखर मिसळावी.

वेंकट

लेखक मंदार कात्रे यांनी बुधवार, 24/10/2012 12:34 या दिवशी प्रकाशित केले.
नमस्कार मी वेंकटेशन अय्यर . हस्तांदोलन करीत तो म्हणाला .आज तो नावाने आमच्या टीम मध्ये सामील होत होता . ओमान मधील “पी डी ओ “ या प्रथितयश कंपनीच्या आलिशान कार्यालयात आमच्या ग्रुप मध्ये आजपासून हा नवीन “मल्लू” जॉईन झाला होता. अशा अनेक “मल्लू”सोबत आजतागायत काम केले असल्याने त्यात विशेष काहीच वाटले नाही...आमच्या ग्रुप चा अन्वर नावाचा दुसरा एक मराठी सदस्य मला हळूच मराठीतून म्हणाला...”चला, आणखी एक यंडूगुंडू आले रे” ...मीही हसून अन्वर कडे पहिले आणि कामात गर्क झालो... लंचब्रेक मध्ये सगळेजण हास्यविनोद करत असताना अय्यर मात्र शांत आणि गंभीर होता ...
Subscribe to