मिसळपाव
उघड्या खांद्यावरती सखये--
उघड्या खांद्यावरती सखये
जरा ओढ्णी ओढून घे तू
नजर विखारी असते सखये
त्या नजरेला जाणून घे तू
साडी जेव्हा नेसतेस तू
गाली जेव्हा हासतेस तू
शततारा त्या जळूनी जाती
अशी अप्सरा वाटतेस तू
सुंदरता तू नकोस लपवू
परि मोकळी नकोस उधळू
डंख मारण्या सगळे तत्पर
एवढेच बघ जाणून घे तू
वीज नभातील लखलख्णारी
सहज जाळ्ते कोणालाही
परि ती उतरून येता खाली
सखे शेवटी विझूनी जाई
शाप लज्जा नाही सखये
सौंदर्याची ही अभीव्यक्ती
सखे कमी तू नाहीस कोठे
जाणून घे तू तव स्त्री शक्ती
Taxonomy upgrade extras