Skip to main content

बोबडी कविता!

लेखक चांदणे संदीप यांनी मंगळवार, 05/04/2016 या दिवशी प्रकाशित केले.
बाबाच्या पोटावर झोपतय एक वेडं पिल्लू तोंडामध्ये अंगठा धरून हसतंय हळू खुदूखुदू! इवल्याशा बोटांच्या इवल्या इवल्या मुठीने ढुशी देत सारख्या सारख्या करतयं बाबाला गुदूगुदू! बा - बा - का - का मध्येच हसू खळखळून बोबड्या बोलांच गाणं एक फिरतंय घरभर दुडूदुडू! - संदीप चांदणे
काव्यरस
कविता माझी
बालसाहित्य
लेखनविषय:
वाचने 6077
प्रतिक्रिया 26

प्रतिक्रिया

प्रचेतस मंगळवार, 05/04/2016
मस्तच संदीप. सध्या घरभर चैतन्य पसरलं असेल.

शान्तिप्रिय मंगळवार, 05/04/2016
मस्त संदीप अभिनंदन घराची ओढ म्हणजे काय कळले असेल आता. ओफिस मध्ये दुपारचे तीन वाजले की घरच्या ओढीने जीव कासावीस होत असेल.

नाखु मंगळवार, 05/04/2016
पिल्लू चांदण्यातली तारकाच ती !!! रोज चमचमणारच झक्कास ...

प्रा.डॉ.दिलीप बिरुटे मंगळवार, 05/04/2016
आतली कविता अशी बाहेर येते तर. सेठ पार्टीचं विसरु नका. अभिनंद्न. :) -दिलीप बिरुटे

चांदणे संदीप मंगळवार, 05/04/2016
तुमच्यासाठी........आजही...उद्याही...कधीही* . . . . . *अटी लागू (ही ऑफर फक्त दर महिन्याच्या १ ते १५ तारखेपर्यंतच लागू असणार आहे)

बोका-ए-आझम बुधवार, 06/04/2016
ही अनुभवण्याचीच गोष्ट आहे आणि कन्यारत्न असेल तर मग काय विचारता?

उल्का गुरुवार, 07/04/2016
आवडली. परंतु एक शंका - बोबड्या बोलीत सहसा का-का नसतं ता-ता असतं. मात्र अपवाद असू शकतो. :)