रंजना देशमुख.

रंजना ही अभिनेत्री जरी जरा थोराड असली तरी तिने तरुण अवखळ रोल ही केल्याचं आठवतं.

एका कुठल्यातरी सिनेमात डबलरोल होता. दोन बहिणी असल्याचे दाखवत.. एक साधी एक मॉड. इ इ.

बादवे या धाग्याचा विषय मर्यादित का ठेवला.. मराठी गाण्यांवरही धमाल चालू होती. त्याचाही समावेश करायला हवा होता.

धन्स रे गणपा.

कृपया निनादनी मगाशी तीच्या अपघातानंतर आलेल्या नाटकाची अजुन माहिती दिली तर वाचायला आवडेल.

बाकी रंजना म्हणले की आम्हाला आठवते ते 'पाहिले न मी तुला..' हे MP3 शेअर करुन मी कमीत कमी १००+ दोस्त ऑर्कुटवर गोळा केले असतील ;)

सायली ताईंचा हा धागा आम्ही हायजॅक केला...

देर आये दुरुस्त ये म्हणत तिथे आवंतर न करता मुद्दाम हा वेगळा धागा खास रंजना ताईंच्या आठवणींना उजाळा देण्यासाठी.
आपणा पैकी कुणालाही तिच्या बद्दल काही बोलायच / सांगायच असल्यास इथे मांडा

धन्यवाद गणपाशेठ, आपण घेतलेला पुढाकार पाहुन आनंद झाला.
अनेक आभार ...

- छोटा डॉन

रंजनाच्या आठवणी वाचण्यास उत्सुक,
ब्लॅक & व्हाइट टीव्हीच्या जमान्यात दर शनिवारी मराठी सिनेमे लागायचे, तेव्हा रंजनाचे अनेक सिनेमे पाहिलेले आठवत आहेत आणि मराठी चित्रहार मध्ये गाणी..
स्वाती

माझ्या मते चानी हा सिनेमा बापूंनी सत्य कथेवर आधारित कांदबरी वरून घेतला होता .
हे बापूंचे ड्रीम प्रोजेक्ट पैकी तो एक होता
.https://www.youtube.com/watch?v=nkwoJHcvNos
झुंज सिनेमातील हेच ते प्रसिध्द दंद्वागीत
तिचा संवाद अथवा गाण्याचे बोल नसले तरी नुसत्या देहबोलीतून तिचा आत्मविश्वास झळकतो .

बिनकामाचा नवरा....... अणखी एक तुफान चित्रपट....

एक अतिशय प्रथितयश अभिनेत्री होती :)
तिचा न आवडणारा चित्रपट निवडण अवघड आहे, कारण तिचे सगळेच चित्रपट चान चान असत :)

मिळालेल्या भूमिकेचा बाज लक्षात घेऊन ती व्यक्तीरेखा सुरेख साकारणारी अभिनेत्री म्हणजे रंजना...
गंभीर चित्रपटात रंजनाचा अभिनय मन हेलावून टाकायचा.
भुजंग नावाचा साधारण कथा असलेला चित्रपट, पण त्यात रंजनाने गावाकडच्या स्त्रीची केलेली भूमिका अप्रतिम. तिचे चुलीवर भाकरी भाजणे, शेणसडा टाकणे, डोक्यावर मोळी वाहणे आणि ग्रामीण उच्चार सगळे काही भूमिकेशी चपखल बसणारे.

पण तेच 'भालू' चित्रपटातील वकिलीण बघा. अगदी शहरी आणि उच्चशिक्षित बाईची भाषा.
'सासू वरचढ जावई' चित्रपटात रंजना, अशोक सराफ, पद्मा चव्हाण आणि निळू फुले यांनी जी धमाल उडवून दिलीय ती औरच..

ही कशानं धुंदी आली.... या गाण्यात रंजना एखद्या अप्सरे सारखी दिसली आहे..
असला नवरा नको गं बाई ... हा धम्माल होता चित्रपट. रंजना, राजा गोसावी आणि शरद तळवलकर.

माझी खूपच आवडती अभिनेत्री !सिनेमातला त्यांचा बिनधास्त वावर मला खूपच आवडायचा .

झुंज मधील "कोण होतीस/होतास तू"!

चित्रपट फारसा आठवत नाही मात्र चित्रपटाच्या सुरूवातीलाच हे गाणं आहे. रवींद्र महाजनी आणि रंजनाबाई एकमेकांकडे टशनमध्ये बघत "सार्‍यांना भुलवीत रस्त्यानं चालली, सडक लैला अशी बदनाम झालीस तू.." "पोरींची छेडाछेडी लोचट लाडीगोडी, सडक मजनू असा बदनाम झालास तू" असे आळीपाळीने आरोपांच्या तोफा डागत असलेले आठवतात! "कालची सीता आज डॅडींची रीटा झाली" अशाही काही ओळी आहेत गाण्यात. लै इनोदी गाणं आहे!

"निसर्गराजा ऐक सांगते" याच चित्रपटातलं गाणं ना?

मुबईचा फौजदार असेल तर लिन्क हवी आहे..

मला रंजनाबाईंचा मुंबईचा फौजदार मधील अभिनय लक्षात आहे.
बाकी फारसे सिनेमे पाहिले जायचे नाहीत तेंव्हा.

मस्त रे गणपा !!

अभिनय + मेक-अप च जबरदस्त नॉलेज असाव या अभिनेत्रीला, आता हेच बघ ना !!
झुंज च्या गाण्यात (कोण होतास तु मध्ये) एका हातात घातलेले लेडीज घड्याळ , त्या काळातली मॉडर्न स्त्री दाखविते, उलट ' ओ प्यांटवाल " उच्चारताना गावरान वाटते.

तिचा 'भुजंग. पाटलीण, चानी ' कोणी पाहिला आहे का ?

रंजना यांची भूमिका असलेला पाहिलेला एकमेव चित्रपट म्हणजे "एक डाव भुताचा" तोही टीव्हीवर. पण त्यातही त्याना तसे दुय्यमच स्थान होते, कारण जवळपास सर्व चित्रपट श्री.अशोक सराफ व श्री.दिलीप प्रभावळकर या दुकलीभोवतीच गुंफला गेला होता. असे असले तरी वर कित्येक प्रतिसादकांनी उल्लेख केल्याप्रमाणे रंजना देशमुख यांनी आपल्या बिनधास्त (अगदी 'चालबाज'मधील श्री देवीप्रमाणे) अभिनय शैलीने मराठी चित्रपटातील एक दशक गाजविले होते यात शंका नाही. व्ही.शांताराम यांच्यासारख्या दिग्गजाचे त्याना सुरुवातीच्या काळात मिळालेले मार्गदर्शनही फार उपयुक्त ठरले असणार. [मला वाटते 'संध्या' या अभिनेत्री रंजनाच्या मावशी होत....चू.भू.दे.घे.]

एका दुर्दैवी मोटर अपघातात त्याना कायमचे अपंगत्व आले होते असे ऐकिवात आहे (फार माहिती नाही याबद्दल) आणि त्यामुळे त्यांची सिनेकारकिर्दही अकालीच संपुष्टात आली. मोटर अपघाताने संपविलेले आणखीन दोन नामवंत कलाकार म्हणजे भक्ती बर्वे आणि अरुण सरनाईक. [अपघातानंतर रंजना काही काळ जगल्या तरी, पण हे दोन दुर्दैवी जीव जागीच गेले....असो.]

इन्द्रा

रंजना : हातात काय हाय ?
अशोक सराफ : हे . आपलं कुठं काय. सर्कस. सर्कशीची ह्यान्डबिलं.
रं : सर्कशीला जाताय. कशाला ? चड्ड्या घातलेल्या बायका बगायला ?
अ.स.: तुला फकस्त तेच आठिवनार.. सर्कशीत वाघशिव्ह बी असत्यात. ते बी चड्डी न घातलेले.

ग्रामीण ढंगाच्या भुमिका करताना रंजना यांची देहबोली आणि ग्रामीण (पश्चिम महाराष्ट्रातली )भाषा लाजवाब असायची.

अजून आठवणारे दोन चित्रपट म्हणजे - सासुरवाशीण (रिबेलीयन भुमीका) आणि गोंधळात गोंधळ (विनोदी भुमीका)

पहिला गणपाचे आभार!

आता, रंजना सारख निरागस दिसण आजवर कुणा अभिनेत्रीला जमल नाही. तीने 'मुंबईचा फौजदार्'मध्ये मारलेला एक डायलॉग मला आजवर हसवतो, लग्ना नंतर कामावर निघालेल्या रविंद्र महाजनीला जिन्यातुन उतरु देत ती वरुन सांगते' आव लग्ना नंतर पयल्यांदाच ड्युटीवत निघालासा, चांगल दोन चार चोर पकडुन दावा'.

गोंधळात गोंधळ हा आणखी एक चित्रपट.

अशोक सराफला बहुतेक जणांनी अपघातानंतर तीला विसरल्याचा वा फसवल्याचा आरोप केला आहे त्यांच्या साठी, ती ज्या हॉस्पिटल मध्ये होती तिथे बहुतेक दा अशोक सराफला लोकांनी पाहिले आहे. कदाचित रिकव्हरीचे अजिबात चान्सेस नाहित म्हणुन तीनेच त्याला जाउ दिल असाव. माझ्या वाचनात तरी कुठेही तीने अशोक सराफ वर आरोप केलेले नाहीत.

रंजनावरचा धागा खूप आवडला. अतिशय गुणी अभिनेत्री होती.
शांताबाई जोग, जयराम हर्डीकर, भक्ती बर्वे, अरुण सरनाई़क ह्यांचे उल्लेख पाहूनही बरे वाटले. गुणी कलाकार होते.

ही असली तरच मी लहानपनी मराठी पिक्चर बघायचे
डान्स तर लै भारी असायचा
ते १ गाने होते
डोळ्याला डोळं हातात हातात
आरं सजना हिथेच भेट घडली

हिच्यासोबत अशोक सराफ असला तर अजुन मज्जा

अनि अजुन १ पिक्चर होता हिचा
कुलदीप पवार सोबतचा
त्यात त्यान्चा बालविवाह होता
अनि आंतरपाटातुन त्यांचे भान्डने
त्याचा नाव आठवतेय का कोनाला?
बाकि मुम्बैचा फौजदार,गोण्धळात गोन्धल, गुपचुप गुपचुप पन भारी

अनि अजुन १ आहे
त्यात ही निवडनुकीत उभी रहाते
अनि अशोक सराफ हिचा नवरा आहे
तो फार कॉमेडी आहे.

ऱंजना चा चित्रपट , तिचा सहज अभिनय आणि डायलॉग डीलेव्हरी फारच उत्तम होती.
एक डाव भुताचा मध्ये प्रेमात पडल्यावर दिलीप प्रभावळकराना ती काही गोडधोड खाऊ घालते. त्यावर प्रभावळकर विचारतात " आज काही सण आहे का?" रंजना उत्तरते " पोळा आहे... गिळा...." सगळा विनोद त्या उच्चारात आणि रंजनाच्या नजरेत आहे.
दुसरे म्हणजे चित्रपट आठवत नाही पण रंजनाची आई जावयाला तेलाच्या घाण्याला जुंपते . रंजना नवर्‍याला "गोणपाट" म्हणून हाक मारत असते. इतकी सहजता अभिनयात फारच क्वचित दिसते

लहानपणी रंजनाचे चित्रपट अतिशय आवडीने पहायचो. गोंधळात गोंधळ, बिनकामाचा नवरा, गुपचुप गुपचुप!! व्वा! अजूनही आवडतात पहायला! रंजनाचा अजून एक पिक्चर आहे, 'खिचडी' नावाचा, अर्थातच अशोक सराफ बरोबर! काय अशक्य काम केलंय तिने, बाकी स्टारकास्ट सोसो आहे!

आणि अपघातानंतर अशोक सराफने तिला सोडून दिलं, जाणूनबुजून दुर्लक्ष केलं वगैरे हे आपण गॉसिप म्हणून म्हणू शकतो, पण कदाचित असं नसेलही! कारण रंजनाची एक मुलाखत दूरदर्शनवर झाली होती, तेव्हा ती अशोक सराफ बद्दल अतिशय व्यवस्थित बोलल्याचं आठवतं. तसंच अशोक सराफला सुद्धा गेल्या अनेक मुलाखतींपैकी एकात रंजनाविषयी विचारले असता तोही छानच बोलला होता, अगदी भावूक वगैरे होऊन!
रंजना आणि अशोक सराफ दोघेही अगदीच लाडके असल्याने या दोन्ही मुलाखती लक्षात आहेत.

एक मात्र खरं, या अतिशय गुणी अभिनेत्रीच्या कारकिर्दीची अखेर अशी व्हायला नको होती! ती सध्याच्या सिरियलच्या जमान्यात खतरनाक सासू, प्रेमळ आई, किंवा धमाल विनोदी भूमिका करुन सगळ्यांच्या लक्षात राहीली असती आणि हल्लीच्या एखाद्या तद्दन बकवास पुरस्कार सोहळ्यातदेखील तिला जीवनगौरब पुरस्कार वगैरे स्विकारुन पुरस्काराची शोभा वाढवताना पाहून बरं वाटलं असतं!

--असुर

गणपा चांगला धागा आहे. बरेचसे चित्रपट नीट आठवत नाहीत, त्यामुळे या विकांताला एक्-दोन बघायला मिळाला तर छानच!

कोण होतीस तू ह्या गाण्याच्या निम्मिताने लिहितो
माझ्या मते हा महाजनी ह्यांचा पहिला चित्रपट
महाजनी ह्यांना त्यांच्या कॉलेजात मराठी विनोद खन्ना म्हणायचे .
असा हा रुबाबदार उमदा नायक पदार्पणात बापूच्या तालमीत अत्यंत जोशात वावरला आहे .त्याचे स्टार होण्याची लक्षणे व रंजना बरोबर जमलेली केमिस्ट्री दिसून येते .
ह्या गाण्यात वाया गेलास तू असे म्हणाना पंजांनी तुच्छतेने महाजनी ह्यांकडे रंजना कटाक्ष टाकते तेव्हा तिच्या चेहऱ्यावरचे भाव हे अस्सल नट व स्टार चे आहेत .
ह्या गाण्यातील शब्द हे त्या काळातील मुलांची मुलींशी तुलना व एकंदरीत सवाल जवाब जबरदस्त .
माझ्या मते हिंदी सिनेमात तिने चुकुनही नोकरांची तीनपट कामे केली नसती ते तिच्या स्वभावाला शोभले नसते (मराठी चे सुपरस्टार जेव्हा पायपुसणी चे रोल हिंदीत करायचे तेव्हा खरच वाईट वाटायचे .

२०११ चा ब्लोग आहे. आत्ताहि चालु आहे का?

रंजना ही मराठीतील आवडत्या अभिनेत्रींच्या यादीत आहेच. वर उल्लेखण्यात बरेचसे आलेले चित्रपट आणि भूमिका पाहिले आहेत. तिचे आणि अशोक सराफचे 'मनाने माझ्या हेरलाय ऐसा…' हे गाणे लहानपणी टीव्ही वर लागायचे. युट्यूबवर पण सापडले नाही.बहुतेक गुपचूप'मधले आहे पण त्या पिक्चरच्या विडीओ मध्ये पण दिसत नाहीये. रंजना आणि अशोक गवळी, शेतकरी, सोनार , शहरी पांढरपेशा अश्या अनेक गेटअपमध्ये एकाच गाण्यात दिसतात. मस्त वाटायचे तेव्हा गाणे पाहताना.