आनंद-कार्लसन, सोची २०१४ - डाव ३

वजीर बी-७ हवा होता.

रक्तपात करून एंडगेमात शिरण्याऐवजी आनंदने वजीर मागे का खेचला?

थोडेफार चांगले खेळला आनंद.

आज मॅग्नस जिंकला तर इथून पुढे आपण त्याचे फॅन.

कॉमेंट्रीत तर Qc4 पेर्फेक्ट मूव म्हणतायत.

कमेंटरीवाला मंतोय क्वीन सी ६ बेस्ट मूव होती नि आनंद जिंकल्यात जमा आहे.

मस्त मस्त

आनंदने..

युप्पिइ

जिंकला रे जिंकला आपला आनंद !

मस्त.. आनंद जिंकला आज.

जिकला गडी.

त्यानं इनिशिएटिव शेवटपर्यंत कायम ठेवलाय. आणि चेसमधे इनिशिएटिवच सर्व काही आहे. कार्लसन सहजी नमणारा नाही पण आनंद जोपर्यंत गेम लीड करतोयं तोपर्यंत त्याचं काही खरं नाही. सध्या आनंदला संधी आहे हे नक्की.

हिपिप हुर्रे हिपिप हुर्रे !!! -दिलीप बिरुटे

मजा आली आज. खेळात हार- जीत चालायचीच - हे खरं असलं तरी आपला आवडता खेळाडू जिंकण्याचा आनंद वेगळाच असतो :-) अवांतरः इतके लोक आपला विजय पाहायला इच्छुक आहेत, याची आनंदला कल्पना असेल का?

तुफान खेळला आज. मी आधीच्या समालोचना मध्ये म्हंटले होते तसे, त्याचा नैसर्गिक खेळ खुला आणि झटपट आहे, त्याची अंतस्फूर्ती जबरद्स्त आहे, त्या गोष्टी डावलून अतिविचार करुन खेळणे त्याच्या स्वभावधर्मात नाही, त्याचा खेळ दडपणाखाली कृत्रिम होत जातो. आजच्या डावाने अजूनही त्याच्यात जिंकण्याची उर्मी किती जिवंत आहे याचा रोकडा प्रत्यय आला!! कार्लसनचा बचाव भेदण्यात आज आनंद यशस्वी झाला किबहुना त्याने मॅग्नुसला बचावाची संधीच दिली नाही म्हणणे जास्त योग्य राहील. हा डाव नक्कीच त्याच्या (आणि आपल्या) फेवरिट डावांमधला एक असणार आहे! त्याने पुन्हा एकदा दाखवून दिले की एक डाव आपण हरलो की पुढचा लगेच जिंकतो, गेल्यावेळचा अपवाद होता हे सिद्ध झले!! आता कर्लसनवरती दडपण वाढले आहे हे नक्की. पुढल्या डावात काय खेळायचे याचा प्लॅन आता वेगळा बनवावा लागणार त्याला! :)

आनंदचे अभिनंदन!!!

आनंद जिकला आज कळाल.समालोचनचा बद्दल सर्वांचे आभार.

२०१३ बिल्बाओ मास्टर्स स्पर्धेत झालेला हा डाव बघा - http://www.chessgames.com/perl/chessgame?gid=1733069 आनंद-कार्लसनचा आजचा डाव १९ व्या चालीपर्यंत तंतोतंत सारखा आहे. किंबहुना याच डावावरुन सुधारणा करुन आनंद आणि त्याच्या टीमने नवीन वेरिएशन्स शोधली आणि आनंदने ती यशस्वीरीत्या डावात वापरली. विसाव्या चालीला घोड्यांची मारामारी आणि पुढच्या दोन चालीत वजीर सातव्या पट्टीत नेऊन ठेवणे हे भलतेच परिणामकारक झाले. आनंद आणि कार्लसन यांना हा डाव चाल अन चाल आठवत असला तरी नेमक्या कोणत्या खेळीत सुधारणा करुन कोणती लाईन निवडली जाणार आहे याचा पत्ता लागणे अवघड असते आणि तिथूनच पुढचे प्रश्न हे तिथल्यातिथे बोर्डावरच सोडवावे लागतात. सहाजिकच वेळाचे आणि क्लिष्ट विश्लेषणाचे गणित साधणे अवघड असते. आज मॅग्नुस असाच वेळेच्या आणि क्लिष्ट विश्लेषणाच्या कचाट्यात सापडला आणि हरला. आता उद्या तो कोणते नवीन वेरिएशन घेऊन खेळायला येतो ते बघूयात. उद्याचा सामनाही आजच्या एवढाच उत्कंठावर्धक होईल याची खात्रीच आहे!

डावात आपण गेस केलेल्या (अर्थात या लोकांच्या एक सहस्रांश अनालिसिससहित) एक चालीच्या प्रत्यक्ष पटावर दिसण्याने होणारा "आनंद" फार मजा देऊन जातो.

"आनंद जिंकला" याचाच खूsssप आनंद आहे. त्यामुळे आजचा खेळ बघायला अजून खास मजा येणार आहे. या डावात मिळालेल्या उभारीचा उपयोग करून आनंदने या स्पर्धेत मॅग्नूसला चारीमुड्या चित करावे ! ("कम्युनिटी चेस"चा जुना-जाणता खेळाडू) इए ;) :)

ज्यांच्या ऑफिसात व्हिडिओ दिसत नाही (स्पोर्ट साईट बॅन आहेत) तिथे लाईवस्ट्रीम डॉट कॉम चालत असेल तर मॅच पाहता येईल.

तरीही इथले समालोचन वाचायला मज्जा येते आनंदचे हार्दिक अभिनंदन

तसा व्यक्तिशः मी कोणी हारल्या जिंकल्याने इतका एक्साईट होत नाही. पण चेन्नईमधे आनंद = ब्लंडर असे समीकरण झालेले. बाकी सगळे उत्तम पण शेवटी ब्लंडर केली म्हणून गेम गेला असे समालोचक म्हणत. शिवाय मॅग्नसला आनंदकडून याची देही याची डोळा मी पाहिलेलेच नव्हते म्हणून ही मॅच विशेष वाटलेली.

मी काय तज्ञ नाही पण सी पट्टीतल्या प्यादीने कार्लसनला परेशान करुन ठेवलेलं दिसलं. कार्लसनचा वजीर हललाच नाही त्याला प्यादी वजीर होईल आणि मग डावावर आनंदचं वर्चस्व राहील असे त्याला वाटत असावे का माहिती नाही. पण ती प्यादी माझ्यातरी नजरेसमोरुन जात नै ये. मजा आली. -दिलीप बिरुटे

केवळ बेसिक बुद्धिबळ माहीत असणार्‍या माझ्यासारख्यांना इथलं समालोचन वाचत पाहिल्याने खरा आनंद लुटता येतो.. :)