पट.

अतिशय शार्प वेरिएशन्स असलेली ओपनिंग थिअरी. आनंद त्यातला एक माहिर खेळाडू समजला जातो. मॅग्नुसचा किल्लेकोट झालाय आनंदचा राजा पुढच्या खेळीत किल्लेकोटात जाईल. ५ मिनिटात ७ खेळ्या झाल्यात. वेग चांगलाच आहे.

लै दिसांनी सिसिलियन चा गेम बघायला मिळतोय.

डी५ असा मोक्याचे ठाणे धरुन ठेवायला बघणार. नंतर सी प्यादे पुढे येऊन पटाचा मध्य मजबूत करणार. आनंदचे पर्याय - उंट जी ४ येऊ शकतो, किल्लेकोट करु शकतो.

सिसिलियन डिफेन्सने डाव सुरु झालाय. या व्हिडिओ ट्युटोरियलची आठवण झाली. (बुद्दीबळाविषयी इंटरेस्ट पण मोजकीच माहिती असणार्‍या माझासारख्यांसाठी ही सिरीजच माहितीपूर्ण आहे)

बघुया..

दोन्ही किल्लेकोट करायची शक्यता जिवंत ठेवलिये. हत्ती येणार लवकर खेळात.

किल्लेकोट करण्यात वेळ आणि टेंपो दोन्ही न घालवता सरळ मोहोरी पुढे आणण्यावर भर दिलाय म्हणजे त्याची कॉन्फिडन्स लेवेल उत्तम आहे. शिवाय दोन्ही बाजूपैकी कोठेही किल्लेकोट करता येईल अशी शक्यता ठेवली आहे. मेग्नुस शुड कीप गेसिंग!

आनंद कॅसल करेल तर शॉर्ट कॅसल करेल असे वाटते आहे. तदुपरि- मॅग्नसच्या शेंटस घोड्याची पोझिशन लय महत्त्वाची. तिकडं मारामारी होणार का?

हत्तीचा मार्ग मोकळा केला. आता त्याला घोड्याच्या बळाने उंट एफ-३ ला आणता येइल.

त्याने ङ्हो घोडा आणला एफ-३ ला. आनंद ला राजच्या बाजुने सावध व्हावे लागेल. वजीर एच-७ वर रोखला आहे कार्लसन चा.

राजाला जागा केली आणि इ पट्टा नजरेत आणला.

आनंद डी-४ आणि इ-५ वरुन चिंतीत आहे.

जी ५ मधे येण्यापासून रोखले आनंदच्या एच ६ खेळीने. आणि ही एक वेटिंग मूव देखील आहे पांढर्‍याचा प्लॅन जाणून घेण्यासाठीची.

परिस्थिति वाटते ?

डायनामिक आहे. आनंदचे वजिराचे प्यादे आय्सोलेटेड आहे. त्याचा जी४ वरचा उंट मॅग्नुसला त्रासदायक ठरायच्या आतच तो हुसकावून लावायला त्याने वजीर एफ १ मधे आणलाय. मॅग्नुसचा रोख हा डाव सोपा करण्याकडे आणि नंतर वजिराचे प्यादे खाण्याकडे असेल. आणि आनंद त्याला संधी मिळू नये यासाठी प्रयत्नशील.

रसिकांनी धागा पुढे चालू ठेवा मी दोन तासांनी येऊ शकेन बहुदा. आनंदला शुभेच्छा! :)

म्हणजे डी-१ वरचा दबाव त्याने अप्रत्यक्ष कायम ठेवलाय. मारामारी टाळतोय सध्या.

आनंद च्या उंटाला मागे ढकलतोय आणि स्वतःचे मोहोरे पुढे आणतोय.

मला नव्यानेच कळालेली माहिती शेअर करतोय. ज्यांना माहित नाही त्यांच्यासाठी. पटाखाली हुडिनी, कमोडो आणि स्टॉकफिश ही जी नावं आहेत त्यांना इंजिन्स म्हणतात. ते एक एक कॉप्युटर प्रोग्राम्स आहेत जे प्रत्येक खेळी नंतर पटाला अ‍ॅनालाईज करत असतात. त्यातून एक आकडा निघतो जो धन(positive) अथवा ऋण असू शकतो. धन आकडा पांढर्‍याच्या पारड्याला झुकणारा डाव आहे अस दर्शवतो. आकडा ऋण असेल तर डाव काळ्याच्या पारड्यात झुकणारा आहे. जेवढा मोठा आकडा डाव तितका जास्तं त्या पारड्यात झुकला आहे. -३ म्हणजे काळ्याच्या बाजूला झुकला आहे खूप. +३ म्हणजे पांढर्‍याच्या बाजूला.

म्हणजे आता मोहरे कमी करतोय तो.

अशक्त चाल म्हणतायेत तज्ञ.

हत्ती अथवा घोडा डी-४ आणणार का? किंवा सी-५ खेळणार?

ड्रा कड़े चालला सामना

तरी निकाल लागेल का ? प्यादे वजीर होईल हीच धमकी आनन्द देईल ?

आता खेळानंतरच्या पत्रकारपरिषदेमध्ये खेळीमेळीने डावाचे विश्लेषण सुरु आहे! :) या परिषदेत पत्रकारांनी डोकेबाज प्रश्न विचारायला बंदी असते की काय कोण जाणे? मागे एकाने आनंदला विचारले होते "पुढच्या डावात तुझी स्ट्रॅटेजी काय असेल??: आनंद : "सीरिअसली? डू यू बिलीव दॅट आय शुड डिस्कस धिस हिअर?" डाव जिंकल्यावर किंवा हरल्यावर आता तुला कसं वाटतंय? हा आणखी एक गाढव प्रश्न, अरे कसं वाटणार? ऑब्विअस आहे ना? पण ते एक मस्त मनोरंजन असते यात वाद नाही!

आनंद जिंकला की बरोबरी? आम्हाला फक्त निकालाशी मतलब.

काय निकाल आहे.

दोघांनाही १/२ गुण मिळाला. ४ डावांनंतर प्रत्येकी २ गुण (दोन बरोबरीत सुटले, दोघांनी प्रत्येकी १ डाव जिंकला)

धन्यवाद...