मराठी भाषा दिनाच्या सर्वांना हार्दीक शुभेच्छा शक्य असेल तिथे आपण मराठीत लिहू , मराठीत बोलू अमोल केळकर

माझ्या मराठी ची काय बोलू कवतीके परी अमृता ते ही पैजा जिंके ऐसी अक्षरे रसिके मेळवीन - संत ज्ञानेश्वर माऊली अमृत

मराठी भाषा दिनाच्या सर्वांना हार्दीक शुभेच्छा @विदेश - दिन - दिवस ह्या अर्थी असेल तर पहिली वेलांटी द्यावी. दुसरी वेलांटी (दीन) दिली तर दीन दुबळा , गरीब बिचारा असा अर्थ होतो.

काही अभिव्यक्ती इ॑ग्रजीतच परिणाम कारक वाटतात असे वाटते. गुड आयडिया, वॉव फॅंटॅस्टिक वगैरे. पण अशा मराठीतही आहेतच की ज्या॑चे इ॑ग्रजी रुपा॑तर होऊच शकत नाही. यावर एक नवीन धागा बनावावासा वाटतोय...

आज मराठीभदीन''दीन'च म्हणायला हवं. एखाद्या कार्याच्या जेवणावळीकडे पहात दाराशी उभ्या असलेल्या भिकारणीसारखी मंत्रालयाच्या दारात बापुडवाणी मराठी सरकारी उपकाराच्या चार दमड्या पदरी पडाव्या म्हणून उभी असताना तिला श्रीमंत म्हणायला कसं धाजावू? "ए सॉरी हं तुम्हाला, लेटच झाला मला", "मी संडेला तुझ्याकडे येताना ग्रीन कलरचा ड्रेस घेऊन येईन, मग आपण पार्कमध्ये जाऊ" वगैरे अस्स्खलीत मराठी बोलणारी प्रगल्भ पिढी लाभलेल्या आजच्या मराठीला संपन्न कसं म्हणू? वर कवितेत उल्लेखलेल्या निवेदक्/अभिनेते वगैरेंच्या उकिरडा झालेल्या मातृभाषेची गत काय वर्णावी?

भ्रमिष्ट ठरलो मी अभिमानी जगास मराठी शिकवीन - मजला पुरते कळून चुकले, " आज मराठीभाषा- दीन ! "

हेच खरं!