४. कोवळे झुंबर

काल चंद्र ओलावलेला अंगणी येवुन शहारला रागावलेल्या मिट्ट शब्दांना चंदेरी कुशीत घे म्हणाला मनी दाटली मग नाजुक सरसर जरी दूराव्याचे बंध खडतर सरता म्हंटले तरी सरेना क्षणांचे हे मोहक अंतर बोललो मग चंद्रास हळुवार मिठीत माझ्या स्वप्न अलवार नकोच काही करुस चिंता विनतो आहे प्रेमाचे तोरण स्मित करुन मग चंद्र बोलतो तुझ्याच साठी आलो इथवर अन वाटेवरती स्वप्नतारकांचे लावले बघ कोवळे झुंबर --------- शब्दमेघ (८ नोव्हेंबर २०११, प्रितगंध... एक दरवळणारी साथ)

लेखनविषय:	कविता प्रेमकाव्य

वाचने 5611

प्रतिक्रिया 20

प्रतिक्रिया

स्मित करुन मग चंद्र

सुहास झेले बुधवार, 09/11/2011 13:06

स्मित करुन मग चंद्र बोलतो तुझ्याच साठी आलो इथवर अन वाटेवरती स्वप्नतारकांचे लावले बघ कोवळे झुंबर

वाह वाह ... सुंदर !!

संपादन करता येत नसल्याने आधीच्या लिंक्स येथे देतो आहे..

गणेशा बुधवार, 09/11/2011 13:10

३. स्पर्शगंध : http://www.misalpav.com/node/19398 २. स्वप्नमेघातील चांदणं : http://www.misalpav.com/node/18888 १. पहिल्या भेटीचा सुगंध : http://www.misalpav.com/node/18628

भारीच,

प्रचेतस बुधवार, 09/11/2011 13:19

विरहाचा हा समय असह्य होई, मज कोण त्राता, चिंता करू नकोस तू, दिवस जवळी आले आता.

=)) =)) =))

किसन शिंदे बुधवार, 09/11/2011 13:28

हाहाहा... एक नंबर रे वल्ल्या.

वल्ली, तुमचे पण दिवस संपत

५० फक्त बुधवार, 09/11/2011 18:45

वल्ली, तुमचे पण दिवस संपत आले आहेत, उगा कुणी बोलत नाही म्हणुन गमजा करु नका इथं, आम्हाला माहितंय सुट्टी कशाला काढलीय ते.

केवळ फिरण्यासाठी हो मालक.

प्रचेतस बुधवार, 09/11/2011 22:21

केवळ फिरण्यासाठी हो मालक. :) :) :)

मस्त!!

मिसळलेला काव्यप्रेमी बुधवार, 09/11/2011 14:36

मालक काय लिहीलय.. व्वाह!! बोललो मग चंद्रास हळुवार मिठीत माझ्या स्वप्न अलवार नकोच काही करुस चिंता विनतो आहे प्रेमाचे तोरण क्या बात!! फिदा!! अवांतरः ते विनतो टायपो झाला वाटतं, विणतो असे म्हणायचे असेल तुला.

वा -

विदेश बुधवार, 09/11/2011 15:36

चन्द्र सुद्धा छान बोलला कवितेत !

कळली नाही

चित्रा बुधवार, 09/11/2011 19:09

मला कविता फारशी कळली नाही. :( दुराव्याचे बंध (दुराव्याचेही बंध असतात ही कल्पना आवडली) चंद्राशी का प्रेमिकेशी?

.

गणेशा बुधवार, 09/11/2011 21:05

काल चंद्र ओलावलेला अंगणी येवुन शहारला रागावलेल्या मिट्ट शब्दांना चंदेरी कुशीत घे म्हणाला मनी दाटली मग नाजुक सरसर जरी दूराव्याचे बंध खडतर सरता म्हंटले तरी सरेना क्षणांचे हे मोहक अंतर प्रियकर प्रेयशीवरती रागावला असल्याने, चंद्र अंगणात येउन बोलतो आहे त्या प्रियकराशी. तो बोलताना प्रियकराला ही जाणवते की त्याला ही आता करमत नाहीये तिच्याशिवाय .. ती दूर असल्याने त्याला ही वाईट वाटते.. हे क्षण त्याला आता संपावेत असे वाटते आहे. (दूराव्याचे बंध असतात.. कारण ह्या दुराव्यातील तळमळ हवीहवीशी असते ..)