कोणती बाईक घ्यावी?

स
संदीप डांगे यांनी
 ·  लेख
लेख
मित्रो! मी गेले कित्येक वर्षे दुचाकी फारशी चालवली नाहीये, वीसेक वर्ष आधी लुना (ब्रह्मे फेम), राजदूत (300-400 किमी) नंतर बजाज प्लॅटिना (500 किमी), होंडा सीबीआर 250 (100 किमी), स्टारसिटी(100 किमी), ऍक्टिवा (100 किमी) अशी अनुभव गंगाजळी आहे, होंडा युनिकोर्न घेणार होतो, फायनल झाले होते, त्याच दिवशी बाळराजे येण्याची चाहूल लागली आणि पूर्वीच ठरवल्यानुसार कि पत्नीस अशा अवस्थेत बाईकचे धक्के नको म्हणून प्लॅन बदलून लांसर घरी आणली, ;) आताशा एक बाईक असावी अशी गरज भासत आहे, पण दुचाकीबद्दल विचारच टाकून दिल्याने बरीच वर्षे ह्या क्षेत्रातले फॉलोअप घेतलेले नाहीत, त्यामुळे माहिती न के बराबर! तसेच आता बाजारात इतके ऑप्शन्स आलेत कि गोंधळायला झाले आहे. तस्मात बाईकविषयी चांगली माहिती असलेल्या मिपाकर मित्रांना सल्ला मागतो आहे, मदत करावी. माझी उंची 5'6", वजन 94 kg (पाच वर्षांपासून अगदी मेंटेन आहे, एक ग्राम इकडे तिकडे नाही). ;) माझी गरज: शहरात फिरायला, सामान वगैरे आणायला. खेड्यापाड्यातल्या कसल्याही रस्त्याला (माझ्या वजनासकट) सांभाळून घेणारी, लॉंग हायवे ड्राइव्ह ला आरामदायक बजेट: बजेटचे नक्की नाही, परवडत नसल्यास थोडं थांबायची तयारी आहे, अगदीच दीडदोन लाखवालीही नकोय, नैयेत माझ्याकडे, ;) मायलेजपेक्षा कम्फर्ट, पॉवर व स्टाईलला महत्त्व देतो. मेंटेनन्स मध्ये रडवणारी नको. बजाज अवेंजर मनात बसलीये, थोडीशी चालवली होती, बुलेटची इच्छा फार पण अभी टेम नै आया वैसा! बाकी नवीन तत्सम गाड्यांची माहिती नाही तेव्हा त्या देखील ट्राय करण्यास हरकत नाही, कृपया मार्गदर्शन करा... (विंग्रजी शब्दांबद्दल माफी)
वर्गीकरण
86717 वाचन
💬 प्रतिसाद (270)

प्रतिक्रिया

तर्कवादी
Tue, 12/07/2021 - 21:53 नवीन
चांगल आहे .. पण रिक्षाचं परमिट काढणं त्याचं वेळचेवेळी (दरवर्षी ?) नुतनी़करण करणं ई गोष्टी आल्यात. शिवाय व्यावसायिक वाहनाचं पासिंगही दरवर्षी करावं लागतं. अर्थात तो रिक्षा घेवून थोडंफार का होईना कमवत असल्याने त्याला हे परवडणारं आहे.
↩ प्रतिसाद: धर्मराजमुटके

श्रीरंग_जोशी
Tue, 12/07/2021 - 23:17 नवीन
पूर्वीही दुचाकी वगैरे कोणती घेऊ असे विचारल्यास ओळखीतले कुणी ना कुणी ऑटोरीक्षा घेण्यास गमतीने सुचवीत असे :-) . या प्रतिसादामुळे एक जुनी आठवण निघाली. माझ्या काकांच्या घरी बजाज ऑटो कंपनीचे १९९० किंवा १९९१ सालचे कॅलेंडर पाहिले होते. प्रत्येक पानावर त्यांच्या विविध गाड्यांचे फोटो होते. एका फोटोत काळा-पिवळा रंग नसणारा ऑटोरीक्षा पण होता. बहुधा फिक्का जांभळा रंग होता. त्यात एक कुटूंब एका निसर्ग रम्य ठिकाणी (पलिकडे जलाशय वगैरे) ऑटोरीक्षा पार्क करुन पिकनिक करत आहे असे दृश्य होते.
↩ प्रतिसाद: धर्मराजमुटके

चौथा कोनाडा
Wed, 12/08/2021 - 12:17 नवीन
हो, कुटंबानी रिक्षा वापरावी असा प्रचार त्यावेळी केलाच होता, पण त्यांन इमेज डाऊन होते असा समज झाल्याने लोकांनी तसा स्वीकार केला नाही. (कुटूंबासाठी घेणारे आणि वापरणारे काही हुशार लोक होतेच) Image removed. असेच काहीसे टाटा नॅनोबाबत नंतर नंतर होत गेले आणि टाटांना नॅनो उत्पादन बंद करावे लागले.
↩ प्रतिसाद: श्रीरंग_जोशी

जेम्स वांड
Wed, 12/08/2021 - 12:36 नवीन
आर ई रिक्षा चे रिडिझाईन केले तर उत्तम असे फॅमिली मोबिलिटी सोल्युशन निघू शकेल का ?? ही गंमत बघा मेक्सिकोच्या भारतातील माजी राजदूत असणाऱ्या बाईंनी भारतात असताना आपलं वैयक्तिक वाहन म्हणून ऑटोरिक्षा ठेवली होती बघा, फिरंगी लोक काय पण मजेशीर करत असतात. मागे एक सिरीज बघितली होती, १५ अमेरिकन फिरंगी चित्रविचित्र रंगवलेल्या ऑटोरिक्षा घेऊन (बहुतेक) मुंबई ते कन्याकुमारी सुटले होते.
↩ प्रतिसाद: चौथा कोनाडा

श्रीरंग_जोशी
Wed, 12/08/2021 - 22:43 नवीन
मेक्सिकोच्या माजी राजदूत बाईंची रिक्षा भारी दिसत आहे. मागे गूगलचे संस्थापक हैद्राबादला आले असता त्यांनी ऑटोरिक्षाने प्रवास केला व त्यांना हे वाहन फारच आवडलं. "इट्स सो इझी टू गेट इन अ‍ॅन्ड आउट ऑफ इट", असे काहीसे दोघांपैकी एकाचे उद्गार होते.
↩ प्रतिसाद: जेम्स वांड

अनन्त अवधुत
गुरुवार, 12/09/2021 - 02:32 नवीन
श्रीधर वेंबू पण ऑटोरिक्षा आपले नियमीत वाहन म्हणून वापरतात

1/ Yesterday I got my new@MahindraElctrc Treo electric auto. This one is a serious upgrade - capable of 55 km/hour speed and a range of 125 km on a full charge. That makes it a practical commute vehicle and I love driving it around!

I have some suggestions @anandmahindra pic.twitter.com/XyWBLJyv8l

— Sridhar Vembu (@svembu) December 6, 2021
↩ प्रतिसाद: जेम्स वांड

सुबोध खरे
गुरुवार, 12/09/2021 - 09:49 नवीन
रिक्षा हाइप म्हणून ठीक आहे पण रिक्षाचे सस्पेन्शन धन्यवाद असते. रोज चालवायची तर पाठीची वाट लागते १०० % रिक्षावाल्याना पाठदुखीचा त्रास आहे. तीनातील एक चाक नक्की खड्ड्यात जाते. याशिवाय ड्रायव्हरची उंची जास्त असेल तर धड रस्ता सुद्धा दिसत नाही. जुन्या रिक्षाचा हेडलाईट हा केवळ पोलिसाला दाखवण्यापुरता असतो. रस्त्यातील खड्डा दिसेपर्यंत आपण खड्ड्यात गेलेले असतो. रिक्षाचा वायपर हा सरकारी नोकरासारखा असतो त्याचे तेथे फक्त अस्तित्व असते, कामाच्या बाबतीत बोलूच नये. बाकी स्वतःची सुरक्षितता पाहिली तरी रिक्षा हे वाहन असून नसल्यासारखे असते. कधीही उलटते. कुणी ठोकली तर आपला फोटो भिंतीवर लागण्याची शक्यता भरपूर. लांब अंतर जायचे असेल तर टि र्रर्रर्रर्रर्रर्र आवाजाने कान किटतात आणि हादरे आणि धक्के यामुळे कंबर पोट पाठ सगळे हिंदकळून निघतात. रिक्षाचा उपयोग म्हणजे बस किंवा रेल्वे स्थानकापासून घरा पर्यंत जाण्यासाठी स्वस्त वाहन यापलीकडे अधिक अपेक्षा करणे हेच चुकीचे ठरेल. रिक्षावाल्यांबद्दल आणि त्यांच्या ड्रायव्हिंग बद्दल जितके कमी बोलावे तितके चांगले.
↩ प्रतिसाद: अनन्त अवधुत

जेम्स वांड
गुरुवार, 12/09/2021 - 10:39 नवीन
हे तुमच्या आमच्यासाठी सत्यवचन आहेच डॉक्टर, पण मेक्सिकन राजदूत किंवा श्रीधर वेम्बु वगैरे हुच्च लोक कंपनीत शोरूममधून काढली तशीच ऑटो कस्टमाईज न करता वापरत असतील ह्यावर भरवसा बसत नाही, कुठं सस्पेंशनच बदल, कुठं सीट नवीन टाक, कुठं अरगोनॉमिक काहीतरी बदल कर असे करूनच ही मंडळी वापरणार असे दिसते आहे, एकंदरीत तुम्ही म्हणताय त्या डेली कम्युटींग पर्सनल व्हेईकलच्या स्वरूपात ऑटो समाजमान्य व्हायला अजून डिझाईन, प्रॉडक्शन, मार्केटिंग, स्पेयर्स अन आराम सगळ्याच बाबतीत भरपूर काम करावे लागणार इतके मात्र नक्की.
↩ प्रतिसाद: सुबोध खरे

खटपट्या
Sun, 01/09/2022 - 09:11 नवीन
हो, आणि रिक्षाला दारं नसल्यामुळे, मुम्बै ठाण्यातली प्रदुषीत हवा खात प्रवास करावा लागतो, पावसाळ्यात तर दारं नसल्यामुळे खुपच त्रास होतो. लांबचा प्रवास तर रिक्षाने करुच शकत नाही. मागे तीन प्रवासी बसतात पण ते छोट्या अंतरासाठी ठिक आहे. मोठ्या अंतरामध्ये मागे तीन प्रवासी घेउन प्रवास करणे निवळ्ळ अशक्य आहे...
↩ प्रतिसाद: सुबोध खरे

जेम्स वांड
गुरुवार, 12/09/2021 - 11:21 नवीन
विस्कटून सांगा
↩ प्रतिसाद: सुबोध खरे

सुबोध खरे
गुरुवार, 12/09/2021 - 12:01 नवीन
घटं भिंद्यात, पटं छिन्द्यात, कुर्यात रासभ रोहणम येन केन प्रकारेण प्रसिद्ध: पुरुषो भवेत म्हणजे काही जण घडे फोडून, काही जण पडदे फाडून, तर काही जण गाढवावर बसून येन केन प्रकारेण ( कोणत्याही तर्हेने) लोक प्रसिद्धी मिळवण्याचा प्रयत्न करतात

जेम्स वांड
गुरुवार, 12/09/2021 - 12:11 नवीन
ऑटोच्या वाटेत ? जालीय भाषेत रिक्षा फिरवणे उगाच रूढ झाला नसेल नाही का वाक्प्रचार मग ?
↩ प्रतिसाद: सुबोध खरे

सुबोध खरे
गुरुवार, 12/09/2021 - 12:14 नवीन
१७ हजार कोटी संपत्ती असलेल्याने स्वतः रिक्षात बसून चालवणं हे पब्लिसिटी स्टण्ट नाही तर दुसरं काय आहे?
↩ प्रतिसाद: सुबोध खरे

जेम्स वांड
गुरुवार, 12/09/2021 - 12:43 नवीन
आपण इथं आराम शोधत बसा अन इथं हे लोक रॅशनल रॅशनल करत ऑटो चालवणार, म्हणजे काय च्यायला.
↩ प्रतिसाद: सुबोध खरे

सर टोबी
गुरुवार, 12/09/2021 - 13:26 नवीन
आता ज्येष्ठ उद्योजक म्हणून पुढील आयुष्य कंठावे आणि ओंकारेश्वरला संध्याकाळी चकाट्या पिटाव्यात असा विचार उद्योजक करीत असतील तर रिक्षाने प्रवास करणं हा प्रसिद्धीचा उपाय म्हणता येईल. पण ज्याचा कामाचा परिसरच काळबादेवी सारखा गर्दीचा असेल त्याच्यासाठी रिक्षाने जाणे हा जास्त हुषारीचा आणि इतरांसाठी आदर्शवत असा असेल.
↩ प्रतिसाद: सुबोध खरे

सुबोध खरे
गुरुवार, 12/09/2021 - 19:18 नवीन
१७ हजार कोटी संपत्ती असलेल्या माणसाला काळबादेवी सारख्या परिसरात आपले कार्यालय असण्याची गरजच नाही. तेंव्हा तुमचा मुद्दा मुळातूनच गैरलागूआहे. मुळात या सद्गृहस्थानी अमेरिकेतून तामिळनाडूमधील टेनकासी जिल्ह्यातील मातालमपराई या खेड्यात आपले कार्यालय काढले आहे. या खेड्याची लोकसंख्या २१४५ आहे (२०११ जनगणना) तेंव्हा काळबादेवी इ. व्यर्थ आहे. दुसरे कार्यालय रेणीगुंटा येथे आहे. एखादे वेळेस त्यांनी इलेक्ट्रिक वर चालणाऱ्या रिक्षाला पाठिंबा किंवा प्रचार आणि प्रसार करण्यासाठी हा फोटो काढला असेल आणि प्रसार माध्यमांनी त्याला वेगळाच रंग दिला असेलही.
↩ प्रतिसाद: सर टोबी

कंजूस
Sun, 12/12/2021 - 19:46 नवीन
यूट्यूब प्रवासाचे विडिओ याबद्दल रेडिओ एफेम १०७ वर परेश शिंदे याची मुलाखत ऐकली. त्याचा मुंबई ते गोवा ( व्हाया कोल्हापूर) विडिओ https://youtu.be/t2ayrvvK2TA बाईक Mojo 300 , sponsored. (( बाकी ठिकठिकाणी सबस्क्राईबर किती भेटताहेत. मजा आली. )) ((गाड्यांशी माझा काही संबंध नाही पण आवडले म्हणून शेअर.))

चौथा कोनाडा
Tue, 12/14/2021 - 13:15 नवीन
एक नंबर कंजूस साहेब ! +१
↩ प्रतिसाद: कंजूस

प्रसाद गोडबोले
Fri, 12/17/2021 - 00:16 नवीन
उद्देश : ७० % कोम्युट + ३० % लाँग राईड्स पावर : १५- ३० बहप इंजिन : १२५ ते २५० महत्वाचे : गाडीचे वजन कमी असायला हवे. आणि मेन्टेनन्सची जास्त किचकिच नसावी . बजेट : १- २ लाख गाडी मध्ये बोराट ने सांगितलेला "हा स्पेशल पार्ट" असल्यास बजेट वाढवता येईल ;) शॉर्ट लिस्टेड : यमाहा MT15 , सुझुकी गिक्सर २५० पण ओपन फॉर सजेशन्स . TVS HERO BAJAJ Mahindra ह्या स्वदेशी गाड्यांच्या ओव्हरॉल बिल्ड क्वालिटी बद्दल आणि इंजिन रिफाईन्मेन्ट बद्दल शंका आहे. हिरो ची नवी क्ष्पल्स खुप टेंप्टिंग आहे. honda suzuki Yamaha , KTM वगैरे फॉरेन ब्रंन्ड ला प्रेफरन्स द्यावा असा विचार आहे. KTM २५० चा विचार होता पण बजेट वाढते अन कुठेतरी ३९० न घेतल्याची खंत लागते म्हणुन तो ओप्शन बाजुला ठेवला आहे . हस्कव्हर्ना विषयी माहीत नाही. ओपन फॉर सजेशन्स !!

कपिलमुनी
Wed, 12/22/2021 - 23:40 नवीन
हिरो एक्सपल्स घ्या गाडी 110 च्या पुढे थोडी व्हायब्रेट होते पण 110 पेक्षा अधिक वेगाने चालवूच नये
↩ प्रतिसाद: प्रसाद गोडबोले

जेम्स वांड
गुरुवार, 12/23/2021 - 06:22 नवीन
कंबरड्याला बरी असतीय काय हो मुनिवर ? क्रूझर इतकी तर कम्फर्टेबल नसणार न ती.
↩ प्रतिसाद: कपिलमुनी

सुबोध खरे
गुरुवार, 12/23/2021 - 10:19 नवीन
मोटर सायकल जर समोरचा पूर्ण १ किमी चा रस्ता स्पष्ट दिसत नसेल किंवा रस्त्याला कुठे फाटे वळणे असतील तर ८० पेक्षा जास्त वेगाने चालवूच नये. कारण अचानक ब्रेक मारायची वेळ आली तर मोटार सायकल नक्कीच घसरते आणि आपल्याला इजा होणारच. मग ती गंभीर आहे कि कमी हा वेगळा भाग आहे. हे आपल्या मोटार सायकलला डिस्क ब्रेक ए बी एस कितीही जाडा टायर असला तरीही. हे मी स्वानुभवावरून सांगतो आहे. माझ्याकडे डॉमिनार आहे ज्यात पुढे मागे दोन्ही डिस्क ब्रेक, ए बी एस, दोन्ही जाडे टायर आहेत स्लिपर क्लच आहे परंतु अचानक एखादी वस्तू समोर आली तर मोटार सायकल घसरण्याची शक्यता असतेच मुळात ८० पेक्षा जास्त वेगाने भारतात चालवूच नये. रस्त्यात अचानक आलेला दगड, कुत्रा, मांजर अगदी उंदीर सारखा प्राणी सुद्धा आपल्याला धोक्यात टाकतो. कारण समोर एखादी गोष्ट आली तर नैसर्गिक उर्मीने आपला ब्रेक दाबला जातो आणि मोटार सायकल भरकटते. मोटार सायकल ६० च्या वर वेगाने चालवली तर आपण रस्त्याच्या आजूबाजूचे देखावे नीट पाहूच शकत नाही. आपण कायम सतत सावधान स्थितीत असतो आणि लक्ष केवळ रस्त्याकडे असते. केवळ एका जागेतून दुसऱ्या जागी जायचे असेल तर गोष्ट वेगळी अन्यथा ५० ५५ वेगाने सुरक्षित रित्या मोटार सायकल चालवली तर प्रवासाचा आनंद आपण जास्त लुटू शकता असे माझे अनुभवांती मत झालेले आहे.
↩ प्रतिसाद: कपिलमुनी

जेम्स वांड
गुरुवार, 12/23/2021 - 10:45 नवीन
+१०,००० % मोटरसायकलिंगचा आनंद हा ४०-५० किमी/ तास गतीने, आरामात चालवत आजूबाजूचे निसर्गसौंदर्य (किंवा कम्युटींग करत असाल तर ट्रॅफिक) पाहत पाहत घेण्याची चीज आहे, त्याशिवाय बायकिंगची मजा नाही, उगा बुंगबांग गाडी हाकण्यात पॉईंट नाही, मला तर झीट आली होती केटीएम पाहून, इग्निशनला चावी खोचून सुरू केलं का "रेडी टू रेस" अशी अक्षरे झळकतात डिजिटल टॅकोवर Image removed. हे पाहून मी कपाळावर हात मारून घेतला होता, एकतर केटीएमचा ग्राहकवर्ग असणारी तरुणाई, ते अडनीड्या वयातले अचाट समज, त्यात ढुंगणखाली असली पॉवरफुल गाडी आणि चावी लावली का टॅकोवर असला दिव्य मॅसेज, हे फारच अभद्र वाटते मला तरी. काहीतरी कायदा वापरून किंवा सरळ निर्देश देऊन केटीएम/बजाजला किमान चावी लावल्यावर असलं काहीतरी डिस्प्ले होणार नाही ह्याची दक्षता बाळगा हे सांगायला हवं.
↩ प्रतिसाद: सुबोध खरे

जेम्स वांड
गुरुवार, 12/23/2021 - 10:45 नवीन
+१०,००० % मोटरसायकलिंगचा आनंद हा ४०-५० किमी/ तास गतीने, आरामात चालवत आजूबाजूचे निसर्गसौंदर्य (किंवा कम्युटींग करत असाल तर ट्रॅफिक) पाहत पाहत घेण्याची चीज आहे, त्याशिवाय बायकिंगची मजा नाही, उगा बुंगबांग गाडी हाकण्यात पॉईंट नाही, मला तर झीट आली होती केटीएम पाहून, इग्निशनला चावी खोचून सुरू केलं का "रेडी टू रेस" अशी अक्षरे झळकतात डिजिटल टॅकोवर Image removed. हे पाहून मी कपाळावर हात मारून घेतला होता, एकतर केटीएमचा ग्राहकवर्ग असणारी तरुणाई, ते अडनीड्या वयातले अचाट समज, त्यात ढुंगणखाली असली पॉवरफुल गाडी आणि चावी लावली का टॅकोवर असला दिव्य मॅसेज, हे फारच अभद्र वाटते मला तरी. काहीतरी कायदा वापरून किंवा सरळ निर्देश देऊन केटीएम/बजाजला किमान चावी लावल्यावर असलं काहीतरी डिस्प्ले होणार नाही ह्याची दक्षता बाळगा हे सांगायला हवं.
↩ प्रतिसाद: सुबोध खरे

जेम्स वांड
गुरुवार, 12/23/2021 - 10:48 नवीन
सिझन बायकर वाटतात, तुमच्या मोटरसायकल मुशाफिरीवर लेख लिहा की डॉक्टर एखाद मस्त, आधी युनिकॉर्न अन आता डोमिनारवर कुठं कुठं भटकंती केली आहेत ते, किती किलोमीटर लोंगेस्ट राईड झाली आहे, सेफ राईड प्रॅक्टिसेस, प्रवासात आलेले अनुभव अन बघितलेली ठिकाणे इत्यादी तुमच्या खास शैलीत वाचायला आवडेल फार. संपादक मंडळ, प्रतिसाद द्विरुक्ती झालेली आहे तरीही कृपया एक प्रतिसाद उडवल्यास धागा परत तासात दिसेल, धन्यवाद.
↩ प्रतिसाद: सुबोध खरे

सुबोध खरे
गुरुवार, 12/23/2021 - 12:34 नवीन
मी सुरुवात सिल्व्हर प्लस या ५० सी सी च्या मोपेडपासून केली त्यानंतर हिरो होंडा, कायनेटिक होंडा, कायनेटिक फ्लाईट, होंडा युनिकॉर्न, होंडा ऍक्टिव्हा आणि आता डॉमिनार आहे. यात सिल्व्हर प्लेस ७५ ०००, हिरो होंडा १५०,०००, कायनेटिक होंडा ६५०००, होंडा युनिकॉर्न ७५००० आणि डॉमिनार १०,००० किमी इतक्या चालवल्या आहेत. कायनेटिक फ्लाईटआणि आता होंडा ऍक्टिव्हा बायकोची आहे त्या काही फार चालल्या नाहीत. छोटे छोटे किस्से बरेच आहेत. उदा. सिल्वर प्लस मागच्या बाजूने पर्वतीच्या टेकडीवर चढवली होती. किंवा कायनेटिक होंडा दुपारी ४ वाजता ए एफ एम सीट चालू केली ते एक क्षणही न थांबता पुणे मुंबई करून साडे सातच्या बातम्यांचे संगीत चालू असताना मुंबईत घरी पोचलो. लष्करात असल्याने जेथे जात असे तेथे आसपासच्या भागात भटकंती मात्र भरपूर केली आहे. उदा. ओखा, पाटणा, विशाखापट्टणम, पोर्ट ब्लेअर, लखनौ, जोधपूर, गोवा, कोची, चेन्नई येथे यथेच्छ भटकंती झाली आहे. पण सलग अशी एखादी लांब टूर केली नाही.त्यामुळे लिहिण्यासारखे किंवा लोकांना सल्ला देण्यासारखे काही नाही माझ्याकडे.
↩ प्रतिसाद: जेम्स वांड

जेम्स वांड
गुरुवार, 12/23/2021 - 14:50 नवीन
३,७५,००० किमी म्हणजे जवळपास पृथ्वी ते चंद्र इतकी गाडी चालवल्यावर आपण म्हणता आहात की माझ्याकडे द्यायला सल्ले नाहीत, सरजी पाय कुठं हो तुमचे ?

तुम्ही पुस्तक लिहू शकता पुस्तक मोटरसायकलिंगवर !!

↩ प्रतिसाद: सुबोध खरे

अभ्या..
गुरुवार, 12/23/2021 - 16:52 नवीन
सुरुवात सिल्व्हर प्लस या ५० सी सी च्या मोपेडपासून केली त्यानंतर हिरो होंडा, कायनेटिक होंडा, कायनेटिक फ्लाईट, होंडा युनिकॉर्न, होंडा ऍक्टिव्हा आणि आता डॉमिनार आहे.
डॉक्टरसाहेब, जर्नी तर लैच भारी केलात तुम्ही. खरे म्हणाल तर क्रमाने उलटा प्रवास आहे. लोक किशोरवयात मोपेडपासून सुरुवात करुन तरुणपनी बाईक, मग संसारी स्कूटर मग ऑटोमॅटिक निवांत असे प्रवास करतात. सिल्व्हरप्लस मुळे भारी आठवणी आल्या. सिल्व्हरप्लस ६५ सीसी ची होती. (सोबत आलेली एक्स्प्लोरर मात्र ५० सीसी. ही एन्फिल्डच्या गाड्यांची इंजिने आहेत ह्यावर विस्वास बसणार नाही आजच्या ३५०, ५०० आणि ६५० रॉली माहीत असल्यांना पण जास्त सीसीच्या दमदार बाईक असलेल्या रॉयल एन्फिल्डच्या इतिहासात फक्त २२ सीसी ची मोफा पण आहे.) सिल्व्हरप्लस ही खरेतर जर्मन झुन्डाप ची झेड डी २० बाईक (साल १९७७). तेच इंजिन आणि डिझाईन वापरुन एन्फिल्ड ने सिल्वर प्लस आणली. इंजिनवर एका बाजुला झुंडाप लिहिलेले असायचे. हि इंजिने एंड्युरो बाईकसाठी फेमस. ह्या मोपेडमध्ये त्या काळात कुठल्याही बाईक किंवा मोपेडला नसलेले अ‍ॅलॉय (डायकास्ट) व्हील्स होते.(अ‍ॅलॉय व्हील सारखेच दिसणारे शीट मेटलच व्हेल त्याच काळात आलेल्या स्पोर्टिफ ह्या प्युजो च्या एका ५० सीसी मोपेड ला होते. बॅटरी स्टार्ट असणारी ती भारतातली कदाचित पहिली दुचाकी असावी. कारण पहिली बटणस्टार्ट म्हणवणारी कायनेटिक होंडा ही पण १९८४ ची आणि स्पोर्टिफ पण १९८४ ची. ) एन्फिल्डचे दुसरे मॉडेल एक्स्प्लोरर तर आजच्या काळात असलेली बाईकची सारी वैशिश्ट्ये घेउन होती. फायबरचे वायझर, सिंपल गिअर सिस्टिम, मागील चाकावरचे काऊल. टँकवर रंगीत ग्राफिक्स, अ‍ॅल्युमिनियम कास्ट इंजिने. लाईट आणि इंडिकेटर्साठी बटणांचे सोपे पॅनेल ह्या सोयी त्याकाळातच्या बर्‍याच गाड्यात नसायच्या.
↩ प्रतिसाद: सुबोध खरे

सुबोध खरे
गुरुवार, 12/23/2021 - 19:46 नवीन
सिल्व्हरप्लस ६५ सीसी ची होती. सिल्व्हरप्लस ५० सीसी चीच होती. सिल्व्हरप्लस व एक्स्प्लोअरर चे इंजिन एकच होते पण त्यांचे ट्युनिग वेगळे होते त्यामुळे एक्स्प्लोअररचे इंजिन ३.२ बी एच पी तर सिल्व्हर प्लसचे इंजिन २.६ बी एच पी शक्ती निर्माण करत असे
↩ प्रतिसाद: अभ्या..

जेम्स वांड
गुरुवार, 12/23/2021 - 21:20 नवीन
अभ्या भावा, तुला फक्त एक सलाम भाई !!
↩ प्रतिसाद: अभ्या..

चौथा कोनाडा
गुरुवार, 12/23/2021 - 14:48 नवीन
विद्युत दुचाकीचे समालोचन ... थेट मालकाच्याच तोंडून ... Ather 450X - रिव्ह्यू! 'शिरगावकर, अहो लिहा की रीव्ह्यू गाडीचा! आणखी किती आग्रह करायचा लोकांनी?'*, काल संध्याकाळी बावधनमध्ये गाडी चालवत असताना एक जण त्यांच्या गाडीवरून आडवे येऊन मला थांबवून भर रस्त्यात असं म्हणाल्याने मी आता रिव्ह्यू लिहायला घेतला! (*१००% सत्य घटना!) तर, एथर घेऊन सहा महिने झाले. त्या आधी सातेक वर्षे मी होंडा ऍक्टिवा वापरत होतो, त्याआधी प्लेझर आणि त्या आधीच्या इतिहासकाळात बजाजच्या स्कूटर्स. एकुणात, पुण्यात दुचाकी चालवण्याची माझी तीसेक वर्षांची प्रदीर्घ आणि दैदिप्यमान कारकीर्द आहे! अन मी स्कूटरवाला माणूस आहे, बाईक्सवाला नाही. हे सगळं सांगण्याचं कारण म्हणजे माझा रिव्ह्यू हा अस्सल पुणेकर दुचाकीस्वाराचा रिव्ह्यू आहे कोण्या सोम्यागोम्याचा नाही हे समजावं म्हणून! तर नमनाला शंभर एमेल ऑईल सांडल्यावर आता रिव्ह्यू! बॉडी / डिझाईन गाडीचं डिझाईन आकार ही पटकन नजरेत भरणारी गोष्ट आहे. एदम मॉडर्न लुक असलेली स्पेस-एज डिझाईनची गाडी मला बघताक्षणी पुढे ..... https://www.facebook.com/prasad.shir/posts/10159664857026411 Image removed.

खटपट्या
Sat, 12/25/2021 - 08:53 नवीन
वरील सर्व चर्चा वाचली. त्यात काही कमेंटी बुलेट बद्दल आहेत. प्रेम असेल तरच बुलेट घ्यावी, माझे लहानपणापासून स्वप्न होते, म्हणून मी घेतली. जर व्यवहार बघून बुलेट घ्यायची असेल तर घेउ नका. कटकटी सर्वच गाड्याना असतात. हे आपल्या चालवण्यावर पण असते.

जेम्स वांड
Sat, 12/25/2021 - 09:03 नवीन
२०१४ पासून क्लासिक ३५० चा मालक, अनुपम फारच भारी बाईक घेतली हा माज पण नाही अन बुलेटचा त्रास पण नाही. गाडीने एकदाही धोका दिलेला नाही किंवा आऊट ऑफ द वे गेलेली नाही. रोजचे गाडी पुसणे स्वतः करतो. जनरली बुलेट्स रिफाईन होत आल्या आहेत, थंडरबर्ड एक्स सिरीज / हिमालयन पासून तर रॉयल एनफिल्डनं कात टाकली म्हणायला वाव आहे, गाडी निशे सेगमेंट उरलेली नाही कॉमन झाली आहे पण मस्त आहे माझी तरी
↩ प्रतिसाद: खटपट्या

खटपट्या
Mon, 12/27/2021 - 03:58 नवीन
हेच म्हणतोय, उगाच पांढरा हत्ती म्हणणे बरोबर नाही. आजकाल बुलेटही एवढे काम काढत नाही. व्यवस्थीत चालवली तर गुणी बाइक आहे. मी २०१८ ला गन मेटल विथ ड्युअल डिस्क ब्रेक घेतली. आजपर्यंत जास्त खर्च आलेला नाही.
↩ प्रतिसाद: जेम्स वांड

जेम्स वांड
Mon, 01/03/2022 - 21:26 नवीन
Image removed. अश्या स्वरूपात पाहायला आवडेल राव, टोटल लीगल (वजा एक्झॉस्ट) स्क्रॅम्बलर लुक !.

खटपट्या
Sun, 01/09/2022 - 09:16 नवीन
थोडे दिवस कळ काढा एस जी ६५० येतेय. गाडी बघुन खुष व्हाल. बरेच दिवसांनी मिसळपाववर येत असल्याने फोटो कसा टाकायचा ते विसरलो. तरी खाली लिंक देतोय. या वर्षीच्या अखेरीस येइल असे वाटतेय. किंमतही ३ लाखाच्या आसपास आहे असे ऐक्ले आहे. बघुया https://ridermagazine.com/2021/11/29/royal-enfield-sg650-concept-first-look-review/
↩ प्रतिसाद: जेम्स वांड

चेतन सुभाष गुगळे
Tue, 04/12/2022 - 12:53 नवीन
एस जी ६५० बद्द्ल अनेक जण आस लावून बसले आहेत पण बहुदा ती लिमिटेड एडिशन असेल आणि लगेचच बंद होऊन जाईल अशी शक्यता आहे. मागेल त्याला मिळेलच अशी खात्री निदाना आता तरी देता येत नाहीये.
↩ प्रतिसाद: खटपट्या

शाम भागवत
Wed, 01/19/2022 - 19:23 नवीन
Yamaha Aerox 155 या स्कूटर बद्दल कोणाला काही माहीत आहे का? महाग असली तरी मोठ्या चाकांमुळे व१२३ किलो वजनामुळे व कमी उंचीमुळे लो स्पीडलाही ती खूप स्टेबल असेल असं प्रथमदर्शनी तरी वाटत आहे.

सुबोध खरे
Wed, 01/19/2022 - 20:02 नवीन
हि स्थिर असेल यात शंका नाही परंतु हि धड स्कुटर नाही ( कारण पायाशी सामान ठेवताच येणार नाही) आणि व्हील बेस लांब आहे १३५० मिमी ( यामाहा R १५ मोटारसायकलचा व्हील बेस आहे १३२५ मिमी) धड मोटारसायकल नाही कारण चाके लहान आहेत उंची लहान आहे. त्यामुळे उंच पुरुषांना बसणे कठीण आहे. स्त्रियांसाठी हि ठीक आहे परंतु पुढे पटकन काही ठेवावे अशी जागाच नाही. अर्थात सीटच्या खाली भरपूर जागा आहे परंतु भाजी सारख्या बारीक बारीक गोष्टी ठेवण्यासाठी सारखे उठून सीट उघडणे भरपूर कटकटीचे होते. व्हील बेस लांब असल्याने स्थिरता चांगली मिळेल परंतु शहरात इतर स्कुटरसारखी पटकन वळणार नाही. याशिवाय १५० सीसी असल्याने याचे मायलेज कमी मिळेल ३५-४० असेल आणि पेट्रोलची टाकी फक्त ५.५ लिटर असल्याने तुम्हाला वारंवार पेट्रोल पंपावर जावे लागेल तेंव्हा घराच्या जवळ पेट्रोल पंप असेल तर ठीक आहे. ( मोटार सायकलची टाकी १०-१२ लिटर असते) शिवाय किंमत दीड लाखाच्या वर जात असल्याने हि कितपत यशस्वी ठरेल हि शंकाच आहे. पण स्टाईल म्हणून उत्तम असेल कारण या किमतीच्या आसपास कितीतरी उत्तम मोटारसायकल मिळू शकतील
↩ प्रतिसाद: शाम भागवत

धर्मराजमुटके
Wed, 01/19/2022 - 21:00 नवीन
स्कूटर ची किंमत २ लाख अधिक टॅक्सेस इतकी दिसतेय. एव्हढी महाग स्कुटर घेणे कितपत योग्य आहे माहित नाही. व्यक्तीश: मला बजाज एम ८० आणि हिरो होंडाची स्ट्रीट मोपेड जास्त आवडल्या होत्या. दोन्हीची चाके मोटरसायकलच्या चाकापेक्षा छोटी मात्र स्कुटर च्या चाकापेक्षा कितीतरी मोठी होती. या दोन्ही कंपन्यांनी या मॉडेल्सच्या सुधारीत आवृत्त्या आणायला हव्या होत्या. स्कुटरच्या सस्पेंशन आणि चाकांवर काम करायला अजून भरपूर वाव आहे मात्र त्यात कोणी लक्ष घालीत नाही. आता बाजारात नवीन आलेल्या बॅटरी वर चालणार्‍या स्कुटर्स चे सस्पेंशन अगदीच तकलादू दिसतात. स्कुटर दोन वर्षे जुनी झाली की सस्पेंशन मुळे वापरायला नकोशी वाटते.
↩ प्रतिसाद: सुबोध खरे

धर्मराजमुटके
Mon, 01/24/2022 - 20:18 नवीन
ही बातमी भारतात पहिली इलेक्ट्रिक क्रूझर बाइक (Indias First Electric Cruiser Bike) कोमाकी रेंजर (Komaki Ranger) लॉन्च झाली आहे. विशेष म्हणजे ही बाईक अगदी हार्ले डेविडसनसारखी (Harley Davidson) दिसते. वीजेवर चालणारी ही बाईक सिंगल चार्जवर १८० ते २२० किमी ड्रायव्हिंग रेंज देण्यास सक्षम असल्याचा दावा खुद्द कंपनीनं केला आहे. बाईकमध्ये ४ हजार वॉटची मोटर बसवण्यात आली आहे. कंपनीनं ही बाईक एकूण तीन रंगात उपलब्ध केली आहे. यात Garnet Red, Deep Blue आणि Jet Black या रंगांचा समावेश आहे. बाईकची किंमत १.६८ लाखांपासून सुरू होते. या बाईकसोबतच कंपनीनं कोमाकी वेनिस (Komali Venice) देखील लॉन्च केली आहे.

सुबोध खरे
Tue, 01/25/2022 - 10:29 नवीन
कोणतेही इलेक्ट्रिक वाहन घेतले( चार चाकी किंवा दुचाकी) तरी त्याचा पल्ला जितका महत्त्वाचा आहे त्यापेक्षा त्याची बॅटरी किती वेळात चार्ज होते ते महत्त्वाचे आहे. कारण आपण ३०० किमी चा पल्ला घेतला तर लांब जाताना आपण पहिला थांबा २०० किमी घ्या किंवा २५० किमी बॅटरी चार्ज होण्यासाठी आज ८ तास लागतात. म्हणजेच आपल्याला रात्रभर ती चार्ज करावी लागते. तसेच दुचाकी चा पल्ला २०० च्या आसपास सांगत असले तरी शहरातील ट्रॅफिकमध्ये तो १००-१२० च्या वर जात नाही आणि त्याची बॅटरी चार्ज होण्यासाठी सुद्धा आज ८ तास लागतात. विजेवर चालणारी वाहने घेताना आजही माणसे साशंक एवढ्यासाठी आहेत कि एखाद्या ठिकाणी आपला चार्ज संपला तर तेथे चार्जिंग ची सुविधा सहज उपलब्ध नाही आणि ती असली तरी निदान ३-४ तास अडकावे लागेल. पेट्रोलचे/डिझेलचे वाहन रस्त्यात बंद पडले तर दुसऱ्या वाहनातून पेट्रोल आणून भरले कि गाडी लगेचच चालू होते बॅटरीचा जर ३५-४० % चार्ज जर अर्ध्या तासात कोणत्याही ५ अँपियर च्या सॉकेट मधून करता येईल तेंव्हा विजेची वाहने जास्त लोकप्रिय होतील आणि पेट्रोल/डिझेलच्या वाहनांचा सशक्त पर्याय म्हणून पुढे येतील.
↩ प्रतिसाद: धर्मराजमुटके

खटपट्या
Sun, 02/13/2022 - 08:53 नवीन
शहरात गाडी ६० च्या वर आणि समोर १ किलोमीटर रस्ता दिसल्याशिवाय ८० च्या वर जाउ नये हे वरील मुद्दे पटले. आज काल लोक सहज बोलुन जातात कि मी गाडी ८० ते ९० च्या खाली चालवत नाही. मुळात शहरात एवढ्या वेगाने गाडी चालवण्यास जागा कुठे मिळते? किंवा ते गाडी चालवताना वेगाचा काटा बघत नसावेत.

सुबोध खरे
Mon, 02/14/2022 - 09:54 नवीन
गाडी ८० ते ९० च्या खाली चालवत नाही. माझ्या कडे डॉमिनार आहे जी ४०० सीसी ची ४० हॉर्स पॉवरची मोटारसायकल असून त्यात दोन्ही डिस्क ब्रेक्स ए बी एस सह आहेत. पूर्व द्रुत महामार्गावर मुलुंड ते विक्रोळी सुद्धा मला ८०-९० ने चालवायला भीती वाटेल इतकी रहदारी असते. आणि हा मार्ग म्हणजे महाराष्ट्रातील कोणत्याही शहरातील वेगाने चालवायला सर्वात चांगला मार्ग असावा. असे असताना एखादा म्हणत असेल कि ८०-९० च्या खाली चालवत नाही तर एक तर तो खोटे बोलतो आहे किंवा जीवावर उदार होऊनच( स्वतःच्या आणि इतरांच्या) चालवतो असे म्हणावे लागेल

चेतन सुभाष गुगळे
Sat, 04/09/2022 - 09:54 नवीन
असे असताना एखादा म्हणत असेल कि ८०-९० च्या खाली चालवत नाही तर एक तर तो खोटे बोलतो आहे किंवा जीवावर उदार होऊनच( स्वतःच्या आणि इतरांच्या) चालवतो असे म्हणावे लागेल
अगदीच शब्दशः अर्थ घेतला तर असं वाक्य बोलणारा रेसिंग ट्रॅकवर जरी गाडी चालवत असेल तरी त्याचं बोलणं हे खोटंच ठरणार कारण कुठलीही गाडी कितीही वेगाने चालविली तरी सुरुवात शून्यापासूनच करावी लागणार आणि वळण किंवा इतर अडथळ्यांकरिताही वेग पन्नासच्या खाली आणावाच लागणार; पण जर का याचा अर्थ असा घेतला की चालक शक्य असेल त्या प्रत्येक वेळी आणि शक्य तितक्या लवकर ८० / ९० च्या वेगाने वाहन चालवित आहे तर ते अगदीच खोटेही नसणार. सप्टेंबर १९९७ ते फेब्रुवारी २०११ या काळात माझ्याकडे जुनी उजव्या पायात गिअर लिव्हर असलेली बुलेट ३५० सीसी ही बाईक होती. ती मी सेक्टर २५ च्या ज्ञानप्रबोधिनी शाळेपासून ते आकुर्डीच्या फोर्स मोटर्स (तेव्हाची बजाज टेम्पो लि.) पर्यंत चालवित असे. या तीन किमी च्या अंतरापैकी पहिल्या १.५ किमी बरेच चौक, वेडीवाकडी वळणे आणि सिग्नल व इतर अनेक अडथळे पार करुन मी निगडीच्या मुख्य चौकात पोचायचो तोवर मी ० ते ४० किमी च्याच रेंजमध्ये वेग पकडू शकायचो पण निगडी चौक ते फोर्स मोटर्सचे प्रवेशद्वार या दीड किमीच्या सरळ पट्ट्यात मात्र ८० किमी चा वेग सहज घ्यायचो. ही २००१ पर्यंतची हकीगत आहे. त्यानंतर डिस्क ब्रेक / एबीएस / सीबीएस असलेली आणि प्रचंड पिक अप असलेली वाहने बाजारात आली आहेत अर्थात मी ती चालविली नाही पण इतर अनेकांना मी सहज तीन चार किमीच्या पट्ट्यात अनेकदा १०० पर्यंतचा वेग लीलया घेताना आणि पुन्हा तितक्याच चटकन ब्रेकिंग करुन तो तात्काळ शून्यावर आणतानाही पाहिलेय. माझ्या तरुणपणी अशी वाहने नव्हती आणि आता या वयात या वाहनांवर मला हे जमू शकणार नाही पण म्हणूनच जर एखाद्याकडे हे कौशल्य असेल तर ते मी मोकळ्या मनाने मान्य करील. तो खोटे बोलतोय किंवा लोकांच्या /+ स्वतःच्या जीवाशी खेळतोय असा आरोप करणार नाही. उच्च तंत्रज्ञान + कौशल्य + सराव + प्रचंड शारिरीक आणि मानसिक तंदुरुस्ती यांच्या साहाय्याने आज पंचवीस ते पस्तीस या वयोगटात असणारे अनेक जण हे पूर्ण सुरक्षितता पाळून करताना दिसतात.
↩ प्रतिसाद: सुबोध खरे

सुबोध खरे
Sat, 04/09/2022 - 10:08 नवीन
आज काल लोक सहज बोलुन जातात कि मी गाडी ८० ते ९० च्या

खाली

चालवत नाही. याचा सरळ अर्थ सुद्धा काढून पहा. वाच्यार्थ व्यंगार्थ मी बोलतच नाही. १०० चा वेग घेण्यासाठी डॉमिनर सारख्या शक्तिशाली मोटार सायकलला ८ सेकंद लागतात तर बुलेट ३५० ला २५. ७३ सेकंद लागतात. ९० च्या स्पीडला दीड किमी चे अंतर सुद्धा एक मिनिटात पार होईल. महाराष्ट्राच्या किती शहरात किती ठिकाणी दीड किमी चा सरळ वाहतूक नसलेला पट्टा मिळेल? तीन ते चार किमी तर सोडुनच द्या. आणि हे मी स्वानुभवाने सांगतोय जेथे माझ्याकडे ४० हॉर्सपॉवरची डॉमिनार सारखी ए बी एस आणि स्लिपरक्लच असलेली जाड टायरची मोटार सायकल आहे. त्यामुळे असे बोलणे हे शुद्ध दर्पोक्तीच आहे किंवा सरळ सरळ खोटे बोलणे आहे.
↩ प्रतिसाद: चेतन सुभाष गुगळे