कार विकत घेण्यासाठी मार्गदर्शन हवे आहे

क
कांदा लिंबू यांनी
 ·  लेख
लेख
मला मध्यम बजेटची एक नवीन कार विकत घेण्यासाठी मिपाकरांचे मार्गदर्शन हवे आहे.
  • शहर - हैद्राबाद
  • बजेट - पाच ते सात लाख*
  • प्रवासी - मी, पत्नी, दोन शाळकरी अपत्ये, (काही वेळा माझी आई)
  • प्रवास - दरवर्षी अंदाजे ६००० किमी
ऑफिस घरापासून ३८ किमी दूर आहे. लॉकडाउनपूर्वी मेट्रोने जायचो. सध्या डिसेम्बरपर्यंत WFH सुरु आहे. नंतरही काही रोज कार घेऊन जाणार नाही. वर्षातील चार-सहा महिने बाहेरगावी (बेन्गालुरू, पुणे, चेन्नई, कोलकाता दिल्ली इ.) काम असतं. त्यावेळी शनिवार-रविवार घरी येतो. वर्षातून तीन-चार वेळा २८० किमी दूर गावी प्रवास होतो. सध्या रेल्वेने जातो. कार घेतल्यावर कारने जाईन. पूर्वीचा कार चालवण्याचा फारसा अनुभव नाही. ही पहिलीच कार विकत घेत आहे. पायी, सायकल, बाईक कार, रेल्वे विमान इ. च्या प्रवासाचा अनुभव आणि आवड आहे. सध्याच्या आणि आधीच्या बाईकांचा प्रवास अकरा वर्षांत ९०००० किमी झाला आहे. आधी, दोन-अडीच लाखांपर्यंतची एक जुनी गाडी घ्यावी असा विचार होता (अजूनही निर्णय होत नाहीये). पण ओएलेक्स / ट्रू वॅल्यू / इतर आणि प्रत्यक्ष जाऊन पाहून आलो. किंमती जास्त वाटत आहेत. मी आइडेंटिफाय केलेल्या गाड्या - टाटा टिआगो Tata Tiago XZ Plus(Petrol) ₹७४१५५/- ह्युंदाई सॅन्ट्रो स्पोर्ट्झ Hyundai Santro Sportz Petrol ₹६४३५२०/- ह्युंदाई ग्रँड आइटेन Hyundai Grand i10 Sportz 1.2 Kappa ₹७४११९५/ - रेनॉ क्विड Renault Kwid RXT 1.0 ₹५१४६३९/-
  1. यापैकी किंवा इतर कोणती अखूडशिंगी, बहुदुधी कार घ्यावी?
  2. फक्त पेट्रोल की पेट्रोल + सीएनजी घ्यावी?
  3. मला मॅन्युअल ट्रान्समिशन आवडेल, ऑटोमॅटिक नाही. हे योग्य आहे का?
  4. रंग कोणता घ्यावा? (लाल सोडून इतर)
  5. जुनी गाडी घ्यावी का?
  6. इतर सल्ला मार्गदर्शन व माहिती?
सर्व ह्युंदाई गाड्यांचे माहितीपत्रके टाटा गाड्यांची माहिती मारुती गाड्यांची माहिती मदत, सल्ला, मार्गदर्शन इ.बद्धल मिपाकरांचे आगाऊ धन्यवाद.
वर्गीकरण
91680 वाचन
💬 प्रतिसाद (135)

प्रतिक्रिया

सुबोध खरे
Tue, 12/01/2020 - 10:02 नवीन
सन रूफ हे गॅलरी गिमिक आहे निदान भारतात तरी. कारण गाडीत बसून ऊन खाता यावे हा हेतू भारतात अजिबात उपयोगी नाही. भारतात बहुसंख्य ठिकाणी वर्षात ९ महिने तरी ऊन असते आणि त्यातील ६ महिने भाजून टाकणारे. त्यासाठी बऱ्याच गाड्या भरपूर पैसे लावतात. अलास्का किंवा उत्तर युरोपीय देशांसाठी हि सुविधा उपयुक्त आहे "सौना" या सुखसोयीसाठी भारतात सोफिस्टिकेटेड माणसे भरपूर पैसे देतात तसेच आहे.
↩ प्रतिसाद: कानडाऊ योगेशु

चौथा कोनाडा
Tue, 12/01/2020 - 11:35 नवीन
अगदी खरे ! शहरात शायनिंग करण्यासाठी उनछ्त उघडून एसीतून बाहेर डोकावून आनंदात पोल्युषन खात आनंदी होतात ते पाहून हसायला येते.
↩ प्रतिसाद: सुबोध खरे

चौथा कोनाडा
Tue, 12/01/2020 - 12:12 नवीन
+१ 🙂 या बरोबर आणखी बरेच धोके आहेत !
↩ प्रतिसाद: मराठी_माणूस

कपिलमुनी
Tue, 12/01/2020 - 11:23 नवीन
नेक्सॉन एक्स एम एस 10 लाख सोनेट 12 लाख या दोन गाड्या सन रुफ सहीत उत्तम आहेत .
↩ प्रतिसाद: कानडाऊ योगेशु

श्रीरंग_जोशी
Tue, 12/01/2020 - 01:50 नवीन
भारतात इलेक्ट्रिक कार किती प्रमाणात दिसू लागल्या आहेत? अमेरिकेत काहे वर्षांत त्यांचे प्रमाण वेगाने वाढत आहे. भारतीय मूळ असणार्‍या अमेरिकनांमध्येही हे प्रमाण उल्लेखनीयपणे वाढत आहे. मी जिथे राहतो तिथे वर्षातले अनेक महिने खूप थंड वातावरण असल्याने त्या काळात इलेक्ट्रिक कार्च एका चार्जवर चालण्याची क्षमता जवळपास निम्म्याने कमी होते. असे असूनही गेल्या दोन-तीन वर्षात इलेक्ट्रिक कार्सची संख्या वाढताना दिसत आहे.

चौकस२१२
Wed, 11/24/2021 - 17:17 नवीन
थंड वातावरण असल्याने त्या काळात इलेक्ट्रिक कार्च एका चार्जवर चालण्याची क्षमता जवळपास निम्म्याने कमी होते. ! असे होते हे माहिती नवहते ! किती असते तापमान? आणि गाडीचा उत्पादक हे अधिकृत रित्या सांगतो! आणि कोणती गाडी ? टेस्ला ? अमेरिकेत एकुणंच गाड्या स्वस्त आहेत पण पूर्ण इलेकट्रीक आणि पेट्रोल चाय सामान शक्तीच्या गाडीत किमतीत किती फरक आहे ?
↩ प्रतिसाद: श्रीरंग_जोशी

चौकस२१२
Wed, 11/24/2021 - 17:20 नवीन
थंड वातावरण असल्याने त्या काळात इलेक्ट्रिक कार्च एका चार्जवर चालण्याची क्षमता जवळपास निम्म्याने कमी होते. ! असे होते हे माहिती नवहते ! किती असते तापमान? आणि गाडीचा उत्पादक हे अधिकृत रित्या सांगतो! आणि कोणती गाडी ? टेस्ला ? अमेरिकेत एकुणंच गाड्या स्वस्त आहेत पण पूर्ण इलेकट्रीक आणि पेट्रोल चाय सामान शक्तीच्या गाडीत किमतीत किती फरक आहे ?
↩ प्रतिसाद: श्रीरंग_जोशी

श्रीरंग_जोशी
Mon, 11/29/2021 - 10:03 नवीन
मी राहतो ते राज्य (मिनेसोटा) हिवाळ्यात अलास्कानंतर सर्वाधिक थंड असणारे अमेरिकेतले राज्य आहे. जानेवारी फेब्रुवारीत उणे २०~२५ फॅ काही वेळा असते. Polar Vortex आल्यास उणे ५० फॅ तापमान देखील मी अनुभवलेले आहे. गेल्या फेब्रुवारीत एका आठवड्यात कमाल तापमान १ फॅ होते. Image removed. अतिशीत तापमानांत नव्या कार्सचे अथवा त्यांच्या आगामी मॉडेल्सचे परिक्षण करणार्‍या टेस्टिंग फॅसिलिटीज मिनेसोटामधे आहेत. मी आजवर स्वतः इलेक्ट्रिक कार घेण्याचा विचारही मनात न आणल्याने आजवर फारशी माहिती काढली नाही. इलेकट्रीक कार बाळगणार्‍या परिचित व हापिसातल्या सहकर्‍यांकडून जे कळले ते म्हणजे मिनेसोटात राहणार्‍यांनी इलेक्ट्रीक कार बाळगायची असली तरी त्याखेरीज (स्वतःजवळ) पारंपारिक इंधनाची कार किंवा किमान हायब्रीड कार असावीच लागते. >> आणि गाडीचा उत्पादक हे अधिकृत रित्या सांगतो! नेमके माहित नाही पण अमेरिकेत उत्पादन किंवा सेवा विकताना (अन जाहिरातीतही) शक्य होईल तेवढी पारदर्शकता पाळली जाते. टिव्हीवरच्या औषधांच्या जाहिरातीत ते कुणी घ्यावे पेक्षा कुणी घेऊ नये व शक्य असणारे साइड इफेक्ट्स यावर जाहिरातीचा जवळपास निम्मा वेळ खर्च होतो :-) . >> अमेरिकेत एकुणंच गाड्या स्वस्त आहेत हा निष्कर्ष कुठल्या देशातल्या किमतींशी तुलना करुन काढला आहे? >> पूर्ण इलेकट्रीक आणि पेट्रोल चाय सामान शक्तीच्या गाडीत किमतीत किती फरक आहे ? पूर्ण इलेक्ट्रिक कार किमान दिड किंवा बहुतेकवेळा बजेट कारच्या दुपटीहून अधिक किमतीला असतात असे माझे (ढोबळ) निरीक्षण आहे. अनेक अमेरिकन मिपाकर टेस्ला कार्स बाळगत असणार त्यापैकी कुणी याबाबत नेमकी माहिती देऊ शकेल.
↩ प्रतिसाद: चौकस२१२

चौकस२१२
Tue, 11/30/2021 - 05:41 नवीन
>> अमेरिकेत एकुणंच गाड्या स्वस्त आहेत हा निष्कर्ष कुठल्या देशातल्या किमतींशी तुलना करुन काढला आहे? ऑस्ट्रेलिया , आता जवळ जवळ सर्व गाड्या येथे आयात होतात पूर्वी फोर्ड, टोयोटा होल्डन ( जि एम चा स्थानिक ब्रँड) आणि निसान बनयायच्या सर्व बंद पडल्या ... सुझुकी च्या काही गाड्या भारतातंतून येतात ! अमेरिकेच्या २/३ भूभाग आणि लोकसांख्या फक्त २६ मिलियन .. काय गाड्या बनवणार डोंबल ! काही लोक तर म्हनतात आता घ्या सामावून अमेरिकेचे ५२ वे राज्य ( देशद्रोही लेकाचे !) सोबत न्यू झीलंड फुकट देतो ...!
↩ प्रतिसाद: श्रीरंग_जोशी

श्रीरंग_जोशी
Tue, 11/30/2021 - 08:54 नवीन
अमेरिकेत सध्या नव्या कारची सरासरी किंमत ४०,८५७ डॉलर्स एवढी दिसत आहे जी ऑस्ट्रेलियन चलनात ५७,११८ डॉलर्स (या क्षणी असणार्‍या विनिमय दरानुसार) इतकी येत आहे. अमेरिका क्षेत्रफळाने मोठा वाटत असला तरी पूर्ण वर्षभर सहजपणे राहण्यासारखा भूभाग एकूण क्षेत्रफळाच्या तुलनेत बराच मोठा आहे. अमेरिकेत भरपूर खपणार्‍या कार ब्रॅन्ड्सचे पार्टस परदेशातून आयात केले जातात (जपान, द. कोरिया इत्यादी).
↩ प्रतिसाद: चौकस२१२

श्रीरंग_जोशी
Tue, 12/01/2020 - 10:38 नवीन
उत्तरासाठी धन्यवाद. अमेरिकेतही इलेक्ट्रिक कार खरेदी करणारे किमान मध्यम-मध्यम किंवा उच्च मध्यम आर्थिक गटात मोडतात असे माझे निरीक्षण आहे.
↩ प्रतिसाद: सुबोध खरे

चौथा कोनाडा
Tue, 12/01/2020 - 11:40 नवीन
+१ सध्याच्या नजिकच्या काळात भारतातही या वर्गाला वीजगाडी घेणे परवडणारे असेल असे वाटत नाही.
↩ प्रतिसाद: श्रीरंग_जोशी

सुबोध खरे
Tue, 12/01/2020 - 12:19 नवीन
वीजगाडी घेणे परवडणारे नाही पेक्षा चार्जिंग स्टेशन्स जोवर सहज उपलब्ध होत नाहीत तोवर लोक घेणार नाहीत. दुसरी गोष्ट म्हणजे बॅटरीचे आयुष्य किती वर्षे आहे आणि ती बदलायचा खर्च किती आहे याबद्दल नक्की माहिती उपलब्ध नाही. टिगॊर ऑटोमॅटिक टॉप मोडेल साडे अकरा लाखात मिळते. त्यामुळे विकत घ्यायला परवडणार नाही असे नाही. https://www.cardekho.com/tata/tigor-ev/price-in-pune

प्रसाद_१९८२
Tue, 12/01/2020 - 12:28 नवीन
दुसरी गोष्ट म्हणजे बॅटरीचे आयुष्य किती वर्षे आहे आणि ती बदलायचा खर्च किती आहे याबद्दल नक्की माहिती उपलब्ध नाही. -------- हिरो लेक्ट्रो या इलेक्ट्रिक सायकलची किंमत सध्या २२,००० रु. आहे. तीच्या बॅटरीचे आयुष्य ५०० Charging Cycle आहे. बॅटरी बदली करायची तर तीचीच किंमत १२,००० रु. आहे. आता एका २२००० रु.च्या सायकलला इतका खर्च येतो तर ईलेक्ट्रिक कारला कीती खर्च येईल याचा विचार करावा लागेल.
↩ प्रतिसाद: सुबोध खरे

चौथा कोनाडा
Tue, 12/01/2020 - 14:10 नवीन
एकंदरीत हे सर्व प्रकरणच खर्चिक आणि गैरसोयीचं असणार आहे बराच काळ ! .... आणि बॅटरी डिस्पोझलचं यंत्रणा खरंच नीट काम करणार हा मोठा प्रश्न आहे. हजारोंनी जुनाट कचरा वाहने जागा अडवून सडताहेत ... !
↩ प्रतिसाद: सुबोध खरे

बाप्पू
Tue, 12/01/2020 - 22:59 नवीन
मला वाटत इतकी देखील गैरसोय होणार नाही. लवकरच पेट्रोल आणि डिझेल ऐवजी लोक CNG आणि इलेक्ट्रिक वाहनांना पसंती देतील. कंपनी मध्ये 4 नवीन गाड्या आलेत as a cab म्हणून. कधी बसण्याचा योग नाही आला पण इलेक्ट्रिक बस मध्ये प्रवास केलाय. एकदम मस्का चालत होती बस. कोणातही डिस्टर्बन्स नाही आणि आवाज पण नाही. एकदम स्मूथ वाटली. सरकारने चार्जिंग स्टेशन्स अव्हेलेबल केल्यास लोक इलेक्ट्रिक कार्स नक्की घेतील असे वाटते. बाकी तांत्रिक बाबी बद्दल अनुभवीच सांगू शकतील.
↩ प्रतिसाद: चौथा कोनाडा

शाम भागवत
Wed, 12/02/2020 - 11:07 नवीन
सरकारने चार्जिंग स्टेशन्स अव्हेलेबल केल्यास लोक इलेक्ट्रिक कार्स नक्की घेतील असे वाटते
यासाठी पावर ग्रिड व टाटा पॉवर एकत्र येत आहेत, अस ऐकलं होतं
↩ प्रतिसाद: बाप्पू

सुबोध खरे
Wed, 12/02/2020 - 12:13 नवीन
इलेकट्रीक कार हेच भविष्य आहे यात शंकाच नाही. आताच टाटाची टिगोर एका रिचार्ज मध्ये २१३ किमी जाते. म्हणजेच तुलनात्मक रित्या आज १५ ते १८ लिटर पेट्रोलची टाकी असल्यासारखे आहे. टिगॊर १५ अँपिअर च्या प्लग वर रिचार्ज होऊ शकते. याच्या बॅटरीची किंमत १०० $ / KWH म्हणजे साधारण १ लाख ६० हजार रुपये इतकी असावी असा अंदाज आहे. आणि १० वर्षांपूर्वी याच बॅटरीची किंमत १००० $/kwh होती. टेस्ला रोडस्टर गाडीचा पल्ला आताच १००० किमी जाण्याचा आहे म्हणजेच भविष्यात इलेक्ट्रिक कारचा पल्ला पेट्रोल कार पेक्षा जास्त असेलच https://www.tesla.com/roadster The drivetrain in an ICE vehicle contains 2,000+ moving parts typically, whereas the drivetrain in an EV contains around 20. म्हणजेच एकदा गाडी विकत घेतली कि त्याची सर्व्हिस करण्याचा कालावधी बराच लांब असेल. शिवाय स्पार्क प्लेग खराब झाला, टाकी गळू लागली, पेट्रोल चोरीला गेलं, PUC करायचं राहिलं, एक्झॉस्ट पाईपला भोक पडलं त्यामुळे आवाज फार होतो अशा असंख्य बारीक बारीक कटकटीपासून मुक्तता असेल. Contrary to what many believe, the batteries in electric vehicles don't degrade over time (or over miles/kilometers driven either). The graph of the battery capacity of Tesla Model S/X vehicles shows that after driving 270,000km (roughly 168,000 miles), the batteries still had 91% of their original capacity... the bottom line is that the batteries lose about 1% of capacity every 30,000km
↩ प्रतिसाद: बाप्पू

चौकस२१२
Wed, 11/24/2021 - 17:31 नवीन
हे अजुनहि हे अजूनही बऱ्याच देशात दिवास्वप्नं आहे खरे कारण चार्जिंग स्टेशन ,, अगदी इंच अन इंच जिथे मापलेले आहे त्या सिंगापुर मध्ये सुद्धा विजेवर चालणाऱ्या गाड्या एवढया सर्वत्र नाहीत!
↩ प्रतिसाद: चौथा कोनाडा

कांदा लिंबू
Tue, 10/26/2021 - 12:37 नवीन
माझ्या एका मित्राचा टाटा पंच Accomplished AMT घेण्याचा विचार आहे. परवा आम्ही टेस्ट राइड घेतली. मी मध्यम रहदारीच्या रस्त्यावर चालवली. पाच प्रवासी असताना सिटी मोडवर टाटा पंच बराच चांगला पिकअप घेते. पुढल्या सीट्स अगदी आरामशीर आहेत, मागच्या सीट्सना लेगरूम थोडी कमी वाटते. अर्थात ही निरीक्षणे, रस्त्यावरची केवळ पाच -सात किमी टेस्ट राईड आणि शोरूममधील अर्धा-एक तास पाहणी यावर आधारली आहेत. टाटा पंच विषयी सल्ला / मत / अहवाल याबद्धल मिपाकरांचे आभार.

रश्मिन
Wed, 11/24/2021 - 15:58 नवीन
टाटा पंच घेतली. १४ ऑक्टोबर ला टेस्ट ड्राइव्ह घेतली आणि लगेच बुक केली आणि १२ नोव्हेंबर ला हातात आली. मधले variant घेतले- ऍडव्हेंचर. डिलिव्हरी घेण्याच्या दुसऱ्याच दिवशी २५० किमी लॉन्ग ड्राइव्ह झाली. आधीची गाडी सँट्रो झिंग आहे आणि १७ वर्षे रनिंग होऊनही उत्तम आहे आणि त्यांच्या "sheer driving pleasure" ह्या ब्रीदवाक्यास पूर्णपणे न्याय देते. नवीन गाडीत आवडलेले फीचर्स म्हणजे ड्रायव्हर सीट वरून मिळणारी उत्तम व्हिझिबिलिटी, अप्रतिम सस्पेन्शन, मुबलक ग्राउंड क्लीअरंस आणि सुंदर साऊंड सिस्टिम . बऱ्याचदा आई वडील आणि आम्ही दोघे असा प्रवास करत असल्याने ३६० लि ची बूट स्पेस खूप महत्वाचा फॅक्टर ठरला आणि मागे बसणाऱ्यांसाठी ऐसपैस लेगरूम आणि आरामदायी सीट्स ह्यामुळे प्रवासाचा शीण जाणवत नाही. सर्वात महत्वाचे पंचतारांकित सुरक्षा ! गाडीचा दणकट पणा अक्षरशः जाणवतो ! एक थोडी खटकणारी बाब म्हणजे गिअर शिफ्टिंग ह्युंडाई च्या तुलनेत मुलायम नाही ! कदाचित पहिल्या सर्व्हिसिंग नंतर ते सुधारेल अशी आशा आहे !

तर्कवादी
Wed, 11/24/2021 - 19:31 नवीन
एक थोडी खटकणारी बाब म्हणजे गिअर शिफ्टिंग ह्युंडाई च्या तुलनेत मुलायम नाही ! कदाचित पहिल्या सर्व्हिसिंग नंतर ते सुधारेल अशी आशा आहे
बरोबर .. पहिल्या सर्विसिंगच्या वेळी सर्विस सेंटरला सांगा त्यानंतर सुधरेल. पेट्रोल आहे की डिजेल ?
↩ प्रतिसाद: रश्मिन

रश्मिन
गुरुवार, 11/25/2021 - 15:56 नवीन
पेट्रोल आहे आणि मॅन्युअल ट्रान्समिशन घेतले ! आणि कांदा लिंबू ह्यांचे हा धागा काढल्याबद्दल विशेष आभार ! दिग्गज मंडळींची मतं कळाली.
↩ प्रतिसाद: तर्कवादी

चौथा कोनाडा
Wed, 11/24/2021 - 18:17 नवीन
एबीपी माझाच्या राहुल कुलकर्णी यांनीच घेतलेली टाटा मोटर्स इआरसीचे आनंद कुलकर्णी यांची देखील पहावीच अशी सुंदर मुलाखत यू ट्यूबवर आहे (/ होती, आता शोधले तर सापडली नाही)

जेम्स वांड
गुरुवार, 11/25/2021 - 12:15 नवीन
मध्ये डिझेल कार घ्यायची आहे, काहीतरी सुचवा की मंडळी @ कपिलमुनी @डॉ. सुबोध खरे आपणांकडून जास्त अपेक्षा आहेत बघा चांगल्या सल्ल्याच्या.

सुबोध खरे
गुरुवार, 11/25/2021 - 12:48 नवीन
स्विफ्ट / स्विफ्ट डिझायर घ्या. याचे १.३ लिटर DDIS फियाटचे CRDI इंजिन अतिशय उत्तम आहे आणि ३-४ लाख किमी सुद्धा चालते. डिझायर ची डिकी/ बूट प्रशस्त आहे. ५० ते ६० हजार किमी पेक्षा जास्त चालली गाडी शक्यतो घेऊ नका कारण त्यानंतर बारीक बारीक काम निघते. मारुती ट्रू व्हॅल्यू कडून घेतल्यास आपल्याला ८-१० % महाग पडेल. परंतु १ वर्षाची वॉरंटी मिळते आणि गाड्या नीट पारखून घेतलेल्या असतात. टाटा च्या जुन्या गाड्या तेवढ्या चांगल्या राहत नाहीत. ह्युंदाईचे सुटे भाग फार महाग आहेत त्यामुळे सेकण्ड हॅन्ड गाडी शेवटी महाग पडते.

कपिलमुनी
गुरुवार, 11/25/2021 - 14:49 नवीन
सेकंड हॅन्ड डिझेल हा निर्णय का घेतला आहे? सध्या डीझेल आणि पेट्रोलच्या किंमतीमध्ये फार फरक नाही. माझ्या मते सेकंडहॅन्ड गाडी घ्यायची असेल तर पेट्रोल घ्यावी. डिझेल गाडीचे रनिंग जास्त झालेले असते. 15 वर्षांनंतर रिन्यू होत नाही. इन्शुरन्स ,मेंटनन्स, सर्व्हीस कॉस्ट तुलनेने जास्त असते. गाड़ी घेताना लाखभर रुपये जास्त द्यावे लागतात. 5 वर्षांहून कमी वय आणि 50,000 पेक्षा कमी रनिंग असलेली गाडी डिझेल मध्ये मिळणे अवघड आहे. याच रेंज मध्ये पेट्रोल मध्ये खूप उत्तम ऑप्शन असतात. तरीही डिझेल हवी असा निर्णय असल्यास स्विफ्ट , स्विफ्ट डिझायर, ब्रेझ्झा , एस क्रॉस, नेक्सॉन, टोयोटा इटीऑस यांची डिझेल इंजिने उत्तम आहेत. सध्या फोर्ड ने प्रोडक्शन बंद केले आहे, त्यामुळे त्यांची मॉडेल स्वस्तात आहेत पण स्पेयर चा प्रॉब्लेम येउ शकतो. मारुतीने डिझेल इंजिन बंद केलीं आहेत त्यामुळे पुढे जाऊन तुम्हाला गाडी विकायची असल्यास त्याची किंमत कमी येऊ शकते. 15 वर्षा नंतर गाडी स्क्रॅप मध्ये जाणार हे ध्यानात ठेवून डिझेल गाडी घ्या.

चौथा कोनाडा
गुरुवार, 11/25/2021 - 17:18 नवीन
+ १ १०१.९९% सहमत ! डिझेलपेक्षा सीएनजी हा पर्याय जास्त किफायतशीर असेल !
↩ प्रतिसाद: कपिलमुनी

कपिलमुनी
Mon, 11/29/2021 - 15:53 नवीन
नेक्सॉन घेण्यापूर्वी A पिलर चा इशू बघून घ्यावा. शिवाय रिअर विन्डो मधील दृष्यमानता कमी आहे.

कांदा लिंबू
Mon, 02/07/2022 - 18:50 नवीन
A पिलर चा इशू
सहमत. निक्सनमधला A पिलर हा बराच बोजड आणि उजवीकडे-पुढे पाहण्यात अडथळा आणणारा आहे. (उजवीकडचा आरसाही तसाच आहे.) सवय नसणाऱ्यांना क्वचित दुर्दैवी प्रसंगी अपघाताला निमंत्रण मिळू शकते. आपल्या उजव्या लेनमध्ये १५-२० फूट पुढे असणारा दुचाकीस्वार, पिलर आणि आरश्यामुळे जवळजवळ पूर्णतः झाकला जातो, आणि तो दुचाकीस्वार एकदम आपल्या लेनमध्ये आला तर आपली तारांबळ उडू शकते. अर्थात सवयीने यावर सहज मात करता येते. निक्सनचे पिलर्स मोठे असण्याचे कारण म्हणजे ते (या सेगमेंटमधील) इतर कार्सच्या पिलर्सच्या तुलनेत खूप जास्त मजबूत आहेत. डोक्यावरच्या आरशातून, मागची खिडकी तुलनेने लहान असल्यामुळे मागचा रास्ता थोडा कमी दिसतो, अर्थात रिव्हर्स करताना स्क्रीनवर पाहता येतेच. याशिवाय, (कदाचित ग्राउंड क्लिअरन्स चांगला ठेवलेला असल्यामुळे) गाडीत प्रवेश करताना तुलनेने लहान दारांतून आत गेल्यासारखे वाटते.
↩ प्रतिसाद: कपिलमुनी