ट्यार्पीचे शिलेदार-एक आधुनिकोत्तर पॅकेज.

मित्रांनो, आम्ही तुमच्या करता एक आधुनिकोत्तर असे पॅकेज घेउन आलेलो आहोत, पॅकेजचे नाव आहे "ट्यार्पीचे शिलेदार". आम्हाला खात्री आहे हे पॅकेज तुमच्यापैकी सर्वांना उपयोगी पडेल, ते कसे याची झलक आम्ही खाली दिलेलीच आहे. ही फक्त झलकच आहे. संपुर्ण पॅकेज ज्यांना हवं आहे त्यांनी व्यनीने संपर्क करणे. पहिल्या पाच गिर्‍हाईकांना १०% डिस्काउंट दिला जाईल. हे पॅकेज डेव्हलप करण्यामागे काही स्फुर्तीस्थानं आहेत त्यांच्या विसर पडायला नको. पहिले स्फुर्तीस्थान म्हणजे अर्थातच ३% वाले कुंदनसेट. त्यांनी (हवे तितके) ३%ने देण्याचे कबुल केले नसते तर हे पॅकेज डेव्हलप करणे शक्यच नव्हते. याबदल्यात कुंदनसेटना आम्ही २५% डिस्काउंट देणार आहोत. इतर स्फुर्तीस्थानं म्हणजे जेरीस आलेले संपादक. कंपुबाज, इतरांना कंपुबाज म्हणणारे कंपुबाज, कंपुबाजाच्या नावाने रडणारे इत्यादी. या सर्वांकडुन आम्हाला भरगोस बिझनेसची अपेक्षा आहे. नविन मराठी संस्थळ काढण्यास इच्छुकांकडूनही आम्हाला पुष्कळ बिझनेसची अपेक्षा आहे. या सर्वांना खास सवलत दिली जाईल याची नोंद घ्यावी महत्त्वाची टीपः ही झलक मिपावरील आयड्यांकरता* असल्यानेच येथील उदाहरणांचा वापर केलेला असला (त्याशिवाय मिपाचा आणि आमच्या पॅकेजचा काही संबंध नाही) तरी आमचे पॅकेज कुठल्याही मराठी संस्थळावर चालु शकते याची नोंद घ्यावी. (कुठले संस्थळ अधिक प्रगल्भ आहे किंवा यांसारख्या इतर संशोधनास पॅकेज हवे असल्यास ५% डिस्काउंट दिला जाईल) या झलके करता आम्ही मिपावरील सर्वोत्तम ट्यार्पी असलेले अकरा धागे निवडले. (अकरावा धागा सत्यनारायणाच्या पुजेतील सुपारीसारखा वेगळा ठेवल्याने पॅकेजला पुष्कळ गिर्‍हाईक मिळेल असे भविष्य पॅकेजच्या नाडीत दिसल्याने आम्ही तो मात्र वापरला नाही.) ट्यार्पीचे शिलेदार हे नाव आम्ही संस्थळाचा ट्यार्पी वाढविण्यास महत्त्वाचे योगदान देणार्‍या सदस्यांच्या कार्याच्या सन्मानार्थ दिलेले आहे हे तुमच्या ध्यानात आले असेलच. पॅकेजचे फायदे: आमचं पॅकेज वापरुन तुम्ही अश्या "ट्यार्पी-किंग्ज"ना शोधु शकता. पुढे मागे संस्थळ काढावयचे असेल तर ही माहिती अत्यंत महत्वाची आहेच पण याचे इतरही अनेक फायदे आहेत. उदा. मिपावरील टॉप १० धाग्यांमधील ट्यार्पीचे शिलेदार. २. कोण कुठल्या प्रकारच्या धाग्यांचा ट्यार्पी वाढवतो याकडेही लक्ष देता येईल. हे कळले की शतक ठोकायची इच्छा असणार्‍या लेखकुला कुठल्या प्रकारचा धागा काढावा हे ठरवता येईल. त्याशिवाय त्या प्रकारच्या धाग्यावर कोण प्रतिक्रीया देतो हे कळल्याने गावभर माझ्या धाग्यांवर प्रतिसाद द्या म्हणत बोंबलत फिरावे लागणार नाही, थेट अशा लोकांना व्यनी केले की काम झाले. उदा. धर्म विषयावरील एका धाग्याचे विश्लेषण आम्ही येथे देत आहोत. ३. जेरीस आलेल्या संपादकांना कुठल्याप्रकारचे धागे त्रासदायक आहे हे कळेलच. त्यामुळे कात्री लावणे सोईस्कर होईल. त्याशिवाय माझा "प्रतिसाद का डिलीटला" अश्या येणार्‍यांना व्यनीला थेट त्या आयडीची कुंडलीच दाखवुन गपगार करता येईल. ४. जुन्या जाणत्या वि. नव्या सदस्यांची ट्यार्पी वाढवण्यात तुलना करता येईल. याचा वापर करुन जुने जाणते कसे महत्त्वाचे आहे असे जुना जाणत्यांना म्हणता येइल. नवे कसे 'हार्मलेस' आहेत हे नव्यांना दाखवता येईल. उदा. टॉप टेन ट्यार्पीमध्ये जुने वि. नवे. कोण कीती काथ्या कुटतो याची जंत्री तयार करता येइल. कोण कीती कौलं फोडतो याची सुद्धा यादी करता येईल. ५. कंपुबाजीचे आरोप करणार्‍यांना सांखिकीचे पाठबळ मिळेल. येथे आम्ही "कंपुबाजांनी कंपुबाजांसाठी काढलेल्या" असे बहुसंख्य प्रतिसाद आलेल्या एका धाग्याचे विश्लेषण केले होते, पण आम्हाला कुठल्या ना कुठल्या कंपुत ढकललं जाण्याची आणि पर्यायाने त्या विरुद्ध कंपु कडुन आमच्या बिझनेसला तोटा होण्याची शक्यता असल्याने आम्ही ते विश्लेषण येथे न देण्याचे ठरवले आहे. ६. एखाद्या धाग्याला ट्रॅकर लावुन कुठल्या प्रकारच्या प्रतिसादांना पंख लागतात याची माहिती मिळवता येऊ शकते. अशा माहितीचा उपयोग करुन विवक्षित संपादकास छळण्याचे उपाय सुचवले जाउ शकतील. त्याचा अर्थातच चार्ज वेगळा पडेल. हे फक्त निवडक फायदे आहेत, संपुर्ण फायद्याची पुस्तिका पॅकेजसोबत मोफत देण्यात येइल. फक्त पुस्तिकेचा चार्ज वेगळा पडेल. सवलती: १. पार्श्वभागावर लाथ मारुन हाकलुन दिल्यामुळे नविन संस्थळ काढणार्‍यास रेफर करणार्‍या संपादकास २% कमिशन देण्यात येईल. २. सतत कंपुबाजीचे आरोप करुन विरोधी कंपुस आमचे पॅकेज घ्यावयास भाग पाडाण्यार्‍याला २% कमिशन दिले जाईल**. ३. पुष्कळ अवांतर करुन संपादकांस जेरीस आणुन पॅकेज घ्यायला भाग पाडण्यार्‍यांस १% कमिशन देण्यात येइल. याशिवायही परिस्थितीनुसार अनेक सवलती पुरवल्या जातील. पॅकेजचा खप वाढविण्याच्या कुठल्याही प्रयत्नाची नोंद सकारात्मकरीत्या घेतली जाईल. *इथे आयड्या हा शब्द मुद्दामहुन योजला आहे हे चाणाक्ष लोकांच्या लक्षात आले असेलच. **ही ऑफर जर्मनीत लागु होत नाही. *** कुठला आयडी कुणाचा हा प्रश्न पडल्यास अभ्यास वाढविण्याची गरज आहे. त्याचे मार्गदर्शन वेगळ्या चार्ज मध्ये करुन मिळेल.