मित्रांनो या, मैत्रिणीनो या एकामागे एक उभे राहूया - दंगामस्ती कमी करूया झुकझुकगाडी खेळ खेळूया , दादा ड्रायव्हर पुढे नेहमी सर्वामागे गार्ड हजर मी - हिरवी निशाणी दाखवली दादाने कुकशिटी वाजवली - भाकचुक भाकचुक भाकचुक भाकचुक ! धुराविना ही धावते गाडी रुळाविना ही पळते गाडी - जिथून निघालो तिथे जाणार सांगा आणखी कोण येणार ? इथेच सगळयाना फिरवीन गोलगोल चकरा मारीन तीन - भाकचुक भाकचुक भाकचुक भाकचुक ! सिग्नल नाही- स्टेशन नाही गाडी चकरा मारत राही - छान छान आवाज गाडीचा गोंगाट सगळ्यांच्या आवडीचा , आपल्या तीन चकरा झाल्या सगळे तयारीत रहा..

गेलो होतो असाच एकदा कामासाठी ऐका गावी जिकडे तिकडे नुसतीच धुळ पाण्याविना करपली होती शेत, हिरवाई जरासुध्दा नाही. लागली होती तहान म्हणुन ठोठावले एक दार म्हटले, ताई द्याल का पाणी भागवावयास तहान ? ताई घरात वळली डोळ्यात तिच्या आसवांची दाटी. थोडसच पाणी घेऊन ती बाहेर आली. म्हणाली ऐव्हढच आहे पाणी, ठेवल होत लेकरासाठी, ते देते आहे तुम्हाला. तहानलेल्याला पाणी देण पुण्य मानतो आम्ही. ऐव्हढच पाणी का ते मात्र विचारु नका नदी कधीच आटली बघा जगण आता सोसवत नाही. सरकारी मदतीसाठी धनी गेले आहेत तालु़क्याला आमच्या वाटणीच पाणी दिल मंत्र्याच्या कारखान्याला. हे सांगताच ती माय धाय मोकलुन रडली पाण्यासाठी तिची वणवण म