कुरडूची भाजी - https://www.misalpav.com/node/8533
कंटोळी - https://www.misalpav.com/node/8546
टाकळा - https://www.misalpav.com/node/8565
भारंगी - https://www.misalpav.com/node/8576

चित्र उपलब्ध नाही
लागणारे जिन्नस:
कुलूच्या ३-४ जुड्या (ह्यातील वरची हिरवी पात घ्यायची मध्ये जर दांडा, काडि असेल तर काढायची व खालील पांढरा भाग चिरताना घ्यायचा नाही. ही भाजी धुवून, चिरून घ्यावी)
२ कांदे चिरून
पाव वाटी कोणतीही डाळ. (चणाडाळ असेल तर भिजवून घ्यावी)
२-३ ओल्या मिरच्या चिरून
४-५ लसुण पाकळ्या ठेचून
पाव चमचा हिंग,
अर्धा चमचा हळद
चवी पुरते मिठ
अर्धा चमचा साखर
खवलेले ओले खोबरे पाव वाटी
२ मोठे चमचे तेल

क्रमवार पाककृती:
प्रथम तेल गरम करुन त्यात लसुण मिरचीची फोडणी द्यायची मग हिंग, कांदा हळद घालून परतवायचे. लगेच चिरलेला कुलू आणि डाळ घालून परतवून वाफेवर ही भाजी शिजवत ठेवावी. डाळ शिजत आली की मिठ, साखर घालावी. परत परतवून ३-४ मिनीटांनी ओल खोबर घालून गॅस बंद करावा.

अधिक टिपा:
ही भाजी पिठ पेरूनही करता येते
डाळ न घालता साधीही चांगली लागते.
ही भाजी कोवळीच घ्यावी खालील फोटोतील भाजी उशीरा घेतल्याने जरा जून आहे.

वाचने 16133

प्रतिक्रिया 16

प्रतिक्रिया

सही

सहज शनिवार, 18/07/2009 14:24

अजुन एक!

जागुताई एका पाठोपाठ एक अश्या रानभाज्यांची सचित्र पाकृ देण्याच्या तुमच्या उत्साहाचे फार कौतुक वाटते.

:-)

छान

सुनील शनिवार, 18/07/2009 16:49

छान दिसतेय. कधी खाल्ली नव्हती. करून बघायला हरकत नाही. ही भाजी इतर कोणत्या वैकल्पिक नावानेही ओळखली जाते का?

Doing what you like is freedom. Liking what you do is happiness.

वा! जागूनं

विसोबा खेचर शनिवार, 18/07/2009 17:38

वा!

जागूनं तर मिपावर रानभाज्यांचा महोत्सवच भरवला आहे! :)

जियो...

तात्या.

खमंग

रेवती शनिवार, 18/07/2009 18:03

खमंग भाजीमाला चालू आहे गं जागु!
ही भाजी कधी पाहिली नव्हती. कांद्याच्या पातीसारखी दिसतेय.
तुझ्यामुळे आम्हाला कितीतरी नविन भाज्या बघायला मिळताहेत.
धन्यवाद!
रेवती

असेच म्हणतो - नवनवीन भाज्या

धनंजय शनिवार, 18/07/2009 18:11

नव्यानव्या रानभाज्यांची ओळख होते आहे. जागु यांचे आभार मानावे तितके कमीच.

या भाज्यांच्या पाकृमधले काही तत्त्वसुद्धा लक्षात येते आहे. म्हणजे आता चिनी-फिलिपिनो वगैरे दुकानांत ज्या अगम्य नावांच्या भाज्या दिसतात, त्याही आणून अशाच करायला हरकत नाही.

रानभाज्यांचं

अनिरुध्द शनिवार, 18/07/2009 18:39

पिक मिपावरही यायला लागलंय.

जागु

क्रान्ति रविवार, 19/07/2009 20:13

तुझ्या सगळ्या रानभाज्यांच्या पाकृ एकदम मस्त आहेत. आमच्या मेन ऑफिसच्या मैदानात अशाच काही भाज्या पावसाळ्यात उगवतात, आणि काही जाणकार सख्या लंचमध्ये त्या तोडून घरी नेतात. त्यांचे गुणधर्मही या सख्यांना चांगलेच माहिती असतात. तुझ्या रानमेव्यामुळे त्याची आठवण झाली. [माझ्या आताच्या ऑफिसला मैदानच नाहीय!]

क्रान्ति
ध्यानम् मूलम् गुरुमूर्ति, पूजामूलम् गुरु पदम्
मंत्र मूलम् गुरुवाक्यम्, मोक्षमूलम् गुरुकृपा
अग्निसखा
रूह की शायरी

ही भाजी

प्राजु रविवार, 19/07/2009 20:21

ही भाजी कध्धी म्हणजे कद्धीच पाहिली नव्हती.
कांद्याच्या पातीसारखी म्हणण्यापेक्षा, गवती चहा सारखी दिसते आहे.
मस्त!
:)
- (सर्वव्यापी)प्राजु
https://praaju.blogspot.com/

कुलु- मनाली!!

कपिल काळे रविवार, 19/07/2009 20:25

अरे वा!

रान भाज्या महोत्सव सुरु आहे की काय?
ह्या रान भाज्यांमध्ये औषधी गुणधर्म असतात त्यामुळे वर्षात एकदा अवश्य खाव्यात असे म्हणतात!!

बाकी आम्हाला कुलू - मनाली माहित होती. कुलु ची भाजी पहिल्यांदाच बघितली. छान!

छान

चित्रा रविवार, 19/07/2009 21:54

सगळ्या भाज्यांवर प्रतिक्रिया एकदाच देते.. छान कल्पना आणि पाठोपाठ दिल्यामुळे कौतुक वाटते.

आधीच्या भाजीवरची प्रतिक्रिया - टाकळ्याला स्वतःचा स्वाद असतो, याही सर्व भाज्यांना तो असावा. लोणी लावून भाकरीबरोबर गरमागरम खाण्यातली मजा औरच.

आमच्या गावच्या मैदानात पावसाळयात टाकळा उगवला की तो कोवळा कोवळा असताना आजी काढून आणायला सांगत असे. भरपूर गोळा केलेल्या पाल्याची भाजी मात्र एवढीशी होते. पण चव मात्र छान असते.

-- लिखाळ.