मुक्तक

तु मी अन ममा, आपला ग्रुप होता..
त्यात आपल्या दोघांचा Secrete groupहोता.
आता आपला ग्रुप फुटला आहे,
कारण लग्न करुन तु सासरी गेली आहेस
तुझ्या नव्या जगात तु रमली आहे..

ही कविता पूर्णपणे माझी नाही. कुठेतरी मी हिंदीत ही कविता अर्धवट एकलेली आहे पण त्या दिवशी दुपारी अचानक माझ्या गुणगूणण्यातून
ही छोटी शी कविता तयार झाली. हिची सुरवात जर सोडली तर ती पूर्णपणे नवीन आहे.
ही कविता चाली त तर फारच छान वाटते.
माझे मन.....

पाण्यासम निर्मल हो
माझे मन......माझे मन......
पृथ्वी स म अविचल हो
माझे मन......माझे मन......

कधी रात्र येता अंधारी
घेई प्रकाशाकडे भरारी
देई मना स नवी उभारी......
माझे मन......माझे मन......

सुर्या स म तेजस हो
माझे मन....माझे मन....
चंद्रासम शीतल हो
माझे मन.......माझे मन....

निराधार माझे स्वत्व बुडवताना
पाण्यातून उठला तो 'माझा'च तरंग होता
.
चित्रातला मी अर्थ शोधताना
मज सापडला जो रंग तवंग होता
.
आरश्यात आपुला भाव पाहताना
परि दिसला मज तो मनुष्य कबंध होता
.
पळभर मनी जगलो लाख मरताना
जन म्हणतील तो माणूस भणंग होता

कळून इतके काय कळे हे
नकळे मजला का न कळे
ज्याच्या त्याच्या सन्दर्भांचे
ज्याचे त्याचे समज खुळे...!

भास भाबडे रंग रूप हे
भास भावना भास चेतना,
भास सत्य अन भास भासही
भास असे सगळे सगळे...
ज्याच्या त्याच्या सन्दर्भांचे
ज्याचे त्याचे समज खुळे...!

समजून घेतो आपण आपले
सगळे आपल्यासाठी इथे..
आपण कोण नि कोण दुजे हे
परंतु येथे कोणा न कळे..
ज्याच्या त्याच्या सन्दर्भांचे
ज्याचे त्याचे समज खुळे...!

या वाटेवर
इथून पुढे जरा जपून.
तरबेज प्रेमी पण
हलकेच पाउल टाकतात.
दिवसाउजेडी.
रापलेले भोई पण
घाबरतात
पालखी वहायला
या वाटेवर.
ती,
फुलदाणी
तो
चंद्र
ती
शिशी
ग्राईप वॉटरची.
ते
तांबडे तावदान
तो आयना
ती काकणं
ते सगळं काही
जे फुटतं
लाखो बधीर तुकड्यात.
विकीरान्नासारखं.
ते डंख करेल टाचेखाली.
हलकेच.
साप्ताहीक भविष्यासारखं.
सहज.निर्धोक.
वरवर चाळता.
चालता ?
जरा जपून
अपूर्ण कवितांचा असह्य ठणका
पहाटेसच जोर धरतो.

For oft, when on my couch I lie
In vacant or in pensive mood,
They flash upon that inward eye
Which is the bliss of solitude;
And then my heart with pleasure fills,
And dances with the daffodils.

वर्डस्वर्थच्या डॅफोडिल्स (https://www.poetry-online.org/wordsworth_daffodils.htm) ह्या सुंदर कवितेतील ह्या ओळी वाचून मनात आलेले काही स्वैर विचार -

नुकतीच फुटलेली
अस्ताव्यस्त पसरलेली
अंड्याची टरफलं

आपले अनुभव असेच काहीसे

निष्कर्ष आणि ज्ञान
बाहेर यायच्या आधीच...

पाहतो आहे..
पडलेली टरफले
अस्ताव्यस्त..