करुण

[चाल: राधा ही बावरी -]

गर्दीत वाहने-लांब रांग पाहता , नजर भिरभिरते
ऐकून हॉर्न,विसरून भान,ही वाट काढण्या बघते
त्या अतिक्रमणांच्या विळख्यामधुनी- हाक ईश्वरा देई
माता ही घाबरी पोरीची माता ही घाबरी !

इवल्या इवल्या पायांची त्रेधातिरपिट उडताना
थेंब थेंब वाहनातुनी पिचकारीचे पडताना
तो गणवेषाचा रंग पाहता पोर घाबरुन जाई
तो उशीर होता गेट शाळेचे बंद ! मारतील बाई ?

आज इथे तर उद्या तिथे - दूर निधन ते अपघाती
पोरीसोबत जाताना उगा पावले अडखळती
ते ऊन म्हणा पाऊस म्हणा , पालिकेस जाग न येई
ते खड्डा खणणे रस्त्यामधुनी , बंद कधी ना होई !

जुने शहर …!!
खूप शतकापासून ठाण मांडून बसलेले
नदीच्या किनार्या किनार्याला गाव
वसलेले
झाडे वडाची ,पिंपळाची ,लिंबाची
गच्च गर्दीची
घरे कसली...? वाडे ..!
दोन दोन हात भिंतीची
थंडीत उबदार उन्हाळ्यात थंड
अंगावर चादर नि मस्त झोप
वाडे सात्विक . सुशील ,धार्मिक
सडा रांगोळीची
गायत्री मत्रांची ,वेद घोशाची
मस्त गाभुळलेली हवा
खिडक्या लाकडी ,गज लाकडी
बेढब कुरूप पण आपली आपलीशी
किती मुलांनी खिडकीत बसून आभ्यास केले
माहेरवाशिणी खिडकीला डोळे लावून वाट बघत
बसल्या आपल्या पतीची

चारा वैरण नेसून पैरण
विकसित मार्गा ऊर्जा भक्षण
नकोनको ते एकलजीवन
बुद्धी नेव्हर वांछी

अट्टल चोरा कत्तल साची
डिंडिमवृद्धी फ़ुटाफ़ुटाची
कशास मागे धावून पाहे
उंची अलमट्टीची

तवंग कट्टर भालाबरची
प्रवेशचंचू मृगेन्द्रकैची
नोनचिचुंद्री कुरतडचीची
गोचीड पंखी लोभस गोची

सांगा सत्वर
....
कुठे वाढली
किती जाहली
................उंची अलमट्टीची ???

आर्द्रलाकडे बोलटभीरू
भल्या पहाटे उठला मोरू
दिव्या काव्या बेहतरनारू
कॉकसस्ट्रेप्टो कीड विखारू

आज ऑफीस मध्ये एक मुलगी खिडकीतून बाहेर बघत होती , कितीतरी वेळ शून्यात बघत , त्यावरून एक कविता सुचली
(सांभाळून घ्या बरेच दिवसनि गुस्ताखी)

एक खिडकी , एक मुलगी
एक झुळुक , एक लकेर
एक सर , एक साठवण
एक प्रियकर एक आठवण

एक यौवन , एक विरह
एक चटका एक असंग
एक झुळुक एक स्वप्न
एक पायवाट एक चातक
एक खिडकी , एक मुलगी ..एक खिडकी , एक मुलगी !

काऊ तोगे कोकताहे
शकुणतोगे मागताहे

आजकाल कावळ्याचे खिडकीवर
बसून शकून देणे
खोटे ठरू लागलेय
काल कावळा
ओरडत होता
माझ्या माहेरच्या घराच्या खिडकीवर बसून
मान तिरपी करून
वाटले येतात की काय हे ..?
मन कसे उधाणले
ह्यांची आठवण येऊन
कशी उठली शिरीशिरी
नि मन गेले हरवून

(मा.सलिलदांच्या कवितेतील काही ओळी त्यांची क्षमा मागुन)

माझा देश मला प्रिय आहे
येथे कोठेही हागता मुतता नि थुंकता येते
येथे स्वातंत्र्याची रेलचेल आहे
जिसकी काठी उसकी भैस आहे
पकडला नि पुरावा नसला तर त्याचा सन्मान आहे
असा माझा देश आहे
माझा देश मला प्रिय आहे

येथे पक्ष बदलता येतो
कधी.. केव्हाही ..!!
पण घटस्फोट नाही घेता येत
पटकन
कारण येथे महिलांना मान आहे
स्त्री ही क्षणाची पत्नी नि अनंत काळची मातां आहे
असा माझा देश आहे
माझा देश मला प्रिय आहे

कसे उदास नि बेचव वाटते हे आयुष्य
हे क्षण ..!
उत्साह संपून सारे गोठून जातात
आनंदाचे क्षण
नि ...
कशे आठवत राहतात
प्रेम तुटल्याचे क्षण
सरळ नकार
त्याच्या मर्दपणाची
बेदम हार ..!!

हातात हात घेऊन ते बसलेले ते निवांत क्षण
कुठे गहाळ होतात ...?
आणि
त्या आणा भाका प्रेमाच्या
क्षणभर मिठीत
विरघळून गेलेले
ते हळुवार क्षण
तो स्पर्श
ती बेहोष नजर
मोहित होऊन स्वताला विसरून गेलेले क्षण

कितीतरी काळ लोटला
हरवून गेला
आठवण आली की
भळभळते जखम ....
एक ओली
तिची आठवण ....

वास्तव बदललं तरी आठवणी पुसल्या जात नाहीत. कांदा उतरला म्हणतात. कवितेची वेळ जरी चुकली तरी वेदना अजून ताज्याच आहेत.
या कांद्याचं मूळ येथे आहे.

सख्या चला बागामधी , पेरु कांदे चला.

हे प्रचंड पिंपळ झाड
खूप जुने पुराने
माझ्या लहानपणापासून
जसेच्या तसे
तरणे बांड
सतत फुलत आपल्याच नादात
हरवून स्वप्नात
पाखराना आपल्या मांडीवर
खांद्यावर जोजावत
कित्येक पाखरांच्या पिढ्या
त्याच्या खांद्यावर जगल्या ,वाढल्या,
हरवून गेल्या

दरवर्षी त्याला पालवी फुटते
तारुण्याची झळाळी
सोनसळ भूषवित आपल्याच तोर्यात
आत्ममग्न ..!!
तो उभा आहे मठात

जुन्या वाड्यात
त्याचा भोवती बांधून कट्टा
किती पोरे म्हातारी झाली
माणसे बदलली
पिढ्या बदलल्या
हां आपल्या दिमाखात उभा