करुण

हे काय नशीबी आले...हे भाग्य हे असले कसले
बघ निघुन गेले सारे साथी...माझे मनोगतही फ़सले

मी डोळे उघडुन बघतो..तेंव्हा माझे मला कळते
घ्यायला घास मोठा गेलो ...तेंव्हा दंताडच हरवुनी बसले

बहर माझा लिहिता लिहिता केंव्हाच सुकोनी गेला
फ़ुका कौतुक होत होते...तेही आता अंतरले

उरल्या कथा ;जेवण यादी .प्रतिसाद नाही मिपावरती
विखार माझा फ़ुसका ठरला...अन विचार वैभव हरले

आता शिव्या उरल्या ओठी...... पोटी परी जळजळणे
ईनो घेउन.जिवंत रहाणे हेच नशिबी केवळ उरले

उपक्रम एकटाच राबवीत बसलो ऐसा
मीच मला म्हणूवूनी थोर.. काळीज तरी ना निवले

त्याने फेस बुकावर त्याचे नाव दाखल केले आहे
पण फोटो नाही टाकला
पासपोर्ट साईझ ..!!
एकतर त्याच्याकडे फोटोच नाही
असला तरी तो खूप जून वाटतोय
खराब चेहरा
थोडासा चकणा डोळा
डोक्यावरचे उडालेले केस
मस्त टक्कल
पण तरीही नेटवर एक आकृती छापलीय गेलीय
एक नकाशा उमटलाय
शरीर अववयाचां ...!!
बिन चेहर्याचा
तो खूष आहे त्या फोटोवर
बिन चेहर्याचा फोटो
त्याला खरेच मस्त वाटतोय

कुठून आली कावळ्याची जीवघेणी कावकाव
आंधळेपणाने दिवसाच्या प्रकाशात उडणारे
वाट चुकलेले घुबड
झिडपिडत टकरा खात होते भिंतीला
आंधळेपणाने उडत होते कावळ्याच्या नजरेतून गहाळ होण्यासाठी
जीवाच्या आकांताने जीव घेउन
घाबरून वळचणीला जाऊन बसत होते
माणसासारखे तोंड ,नजर ,ते नाक
घाबरून आपल्यातच गुंतत होते
खोल काळोख्या गुहेत

मी बालपणी खेळविले, तुज खांद्यावर नाचविले
तुज खेळविता मी बाळा, ना केला कधी कंटाळा
तू किती जरी मज छळले- तव खेळी मन विरघळले
कधि घोडा-घोडा झालो; ओझ्याचे गाढव बनलो !
तू तळहाताचा फोड, पुरविले सर्व तव लाड
ठेवून 'रोज' मनी स्वार्थ , ना घालविला क्षण व्यर्थ !
कालांतरि होशिल मोठा ! सन्माना नसेल तोटा !
नोटांच्या पायघडया त्या- कुणि घाली सामोरी त्या
ना विसरावे तू मजला, ही एकच आस मनाला !
कधि कुणापुढे ना झुकलो; परि आता मी रे थकलो-
'ती' इच्छा मम पुरवावी ' मज वृद्धाश्रमी न ठेवी ! '
तव खांदा मला मिळावा- मजसाठी "सुखाचा ठेवा" !

खरेच एक घर विकत घ्यायचेय
एका कवीला
कोणी देईल का घर .?
छोटेशे चिमुकले सुंदर घर
कोठे मिळेल का घर?
उपनगरात देखील चालेल
कवीचे प्रेम जमलेय
नि तो लग्न करायचेय म्हणतोय
ती कबुल झाली आहे
तिने स्वीकार केलाय त्याचा
मनापासून
पण घर तर हवे आहे
कोठे मिळेल का घर ?

प्रवास छान व्हावा
छान असते स्वप्न
फर्स्ट क्लास चा पास असतो
[सेकन्ड चे तिकीत काढण्यापेक्षा तो परवडतो ]
मस्त पट्टे ओढलेला डबा
वाट पहात मी प्लॅटफॉर्म वर उभा
मनात दाटून येत असतो विरक्तीचा उमाळा

रात्री छान झोप घेतलेली असते
मनात कामाची जाग
दिसत असतात ट्रॅकवर छत्र्यांचे ताटवे
ट्रॅकच्या सोबत भिम्तीवरच्या झैराती
बंगाली बाबा
नौकरी पावो मस्त
महिने मे दस हजार कमाओ
दोसती करो फिरंगनसे
पेट गैस और सैक्स की दवाए
इंद्री का छोटापन ... वगैरे वगैरे
त्या महानगरातले जगणे
किडामुंगी होऊन ...!!

प्रवास छान व्हावा
छान असते कल्पना बाबाची
टू -टायर ए.सी. ची तिकिटे
[मन श्रीमंत करण्यासाठी कधीतरी खर्च करावारे ..
उद्याची काळजी त्या गजाननाला ]
मस्त थंड डबा
सोबतआई नि बाबा
त्यांच्यां मनात दाटून येत असतो भक्तीचा उमाळा

रात्री छान झोप
पहाटे पहाटे आलेली जाग
दिसत असतात मला शेताचे हिरवे गार तुकडे
झाडाला लोंबत असतात शिंपी पक्षाची घरटी
पाखरांचे आवाज
मी आपल्यातच मस्त
मी विसरून जात असतो
त्या महानगरातले जगणे
किडामुंगी होऊन ...!!

प्रेमदिनाच्या रस्त्यावर
असलेले अनेक वेडे
काही यंगेजपणी चोरट्या नजरेने पाहिलेले
गुलाबांचे झेंडे लावतांना काही
तर काही असेच
खिशाला चाट पाडुन घेण्यासाठी तयार झालेले.

टुकार पाखरं मधुनच
समोर येत मनाला टोचत
आणि
फाट्यावरती अम्हास्नि उडवत
मोठे होताना लज्जा-भावनांचेही भान नसे.

कॉलेजपणात नंतर आल्यावर
कट्ट्यावर मुसमुसुन भरलेल्या त्या,
मित्रांच्या जिवावर मारलेल्या उड्या अन
मनात आठवणींनी गंधलेला
सुगंध शहरभर पसरत असे.

लोपले ते सूर माझे, संपली ती स्वप्ने
कळवळले आकाश सारे, सोबत मूकपणे

होते मनी काय आणि काय घडले आज
मीच माझ्या अंतरीचा घेत आहे ठाव

कालच्या त्या आठवणी आज जाग्या जाहल्या
वेळ गेली रे निघुनी खुणा मात्र राहिल्या

धूर्त होती हृदये सारी प्रेम कोठे सांडले
का पशुसम वागणे अन खेळ असे हे मांडले

त्रिवार पाहून घेत आहे आज तुझ्या या मंदिरा
या तुझ्या दरबारी होतो सेवक तुझा मी खरा

पाखरे आज झाली वैरी पंख त्यांस गवसले
लागली गोडी तुझी, परी दैव आज हरवले

- परी

हे कवितेचे झाड
माझे आहे
तुमचे आहे
ह्याचे आहे
त्याचे आहे
सर्वांचे आहे
सर्वत्र आपले- पणाची भावना आहे ..!!

या ..!!
मनसोक्त बसा
चिवचिव करा
चिवचीवेचे सूर होतील
काही सूर बेसूर असतील
हरकत नाही ...!!
पण शेवटी
सुरांचे एक गाणे होईल
गाण्याची गझल होईल
मग छान मैफल जमेल

सगळेच काही गाणारे नसतात
सगळेच कोणी कवी नसतात
ते नसतात नि तुम्ही असता [?]
त्यांच्या सुरांना साथ नसते
नि तुमचे सूर गगन भेदते
त्यांच्या मुळे तुम्ही मोठे
एवढेच फक्त लक्षात ठेवा ..!!