Skip to main content

फिफा वर्ल्ड कप २०१८

लेखक कपिलमुनी यांनी मंगळवार, 29/05/2018 14:34 या दिवशी प्रकाशित केले.

fifa

यंदाचा फिफा वर्ल्ड कप रशिया मध्ये खेळवला जाणार आहे. भारत या खेळात मागे असला तरी भारतामध्ये या खेळाचे चाहते खूप संख्येने आहेत.
यंदा निवडणूकांमुळे या वर्ल्ड कपची वातावरण निर्मिती म्हणावी तशी झाली नाही.
यंदाचा वर्ल्ड कप रशिया मध्ये १४ जून पासून सुरू होणार आहे. त्याची माहिती आणि चर्चा करण्यासाठी हा धागाप्रपंच

या वर्षी एकूण ३२ टीम भाग घेणार आहेत . ( रशिया ही यजमान टीम आहे त्यामुळे त्यांना क्वालिफाय ना खेळता सहभाग मिळतो असे विकिने सांगितले , भारताला या प्रकारे आयोजन करून सहभागी व्हावे लागेल :) )

Groups
इटली , नेदरलँड आणि चिलि या बलाढ्य टीम यंदा नसतील .
या खेळात कोणतेही भाकीत करणे अवघड आहे . यंदाच्या स्ट्राँग टीम जर्मनी , फ्रान्स आणि पोर्तुगाल आहेत
ब्राझील , पोर्तुगाल आणि अर्जेंटीना या एकाद्या दुसर्‍या खेळाडू वर अवलंबून आहेत . ते ब्लॉक झाले तर यांचा परफॉर्मन्स ढासळतो पण ते ( नेमार , रोनाल्डो , मेस्सी) चालले तर मात्र टीम जोशात येतात.

डार्क हॉर्स : पोलंड , उरुग्वे , कोस्टा रीका यांचे भाकीत करता येणे अवघड आहे ह्या टीम धक्का देत सेमि फायनल पर्यंत पोचू शकतात
प्रत्येक देशाचे खेळाडू , व्यूहरचना , गोलकीपर , प्रशिक्षक यावर प्रतिसादात अपडेट करेन आणि सर्वांनी त्यात भर घालावी !

यंदाच्या फिफा वर्ल्ड कपचा शुभंकर
mascot

लेख वर्गीकरण
वाचने 50044
प्रतिक्रिया 161

प्रतिक्रिया

sagarpdy बुधवार, 20/06/2018 08:29

कालच्या रशिया विरुद्ध पराभवाने इजिप्त स्पर्धेबाहेर जाणार हे जवळपास नक्की झालंय.

अभ्या.. मंगळवार, 29/05/2018 17:54

झाबिवाका वोल्फ आहे. झाबिवाका म्हणजे रशिअनमध्ये"द वन हु स्कोअर्स" असे दिसतेय लिंकवर.

मदनबाण बुधवार, 30/05/2018 06:58

जशी सवड मिळेल तसे या धाग्यात भर घालण्याचा प्रयत्न करीन... :)

मदनबाण.....

आजची स्वाक्षरी :- The Weeknd, Kendrick Lamar - Pray For Me (Lyric Video)

sagarpdy बुधवार, 30/05/2018 10:34

या वेळी सामन्यांच्या वेळा देखील सोईस्कर आहेत. बहुतांश सामने संध्याकाळी आहेत. मागच्या वेळी रात्री उशिरा होते.
https://www.indiancrux.info/2017/06/2018-fifa-world-cup-complete-match-…

बेल्जीयम देखील चांगला संघ आहे. कदाचित इंग्रजांना चेपून ग्रुप G मध्ये पहिले येऊ शकतात आणि उपांत्यपूर्व फेरी नक्की गाठतील, कदाचित उपांत्य देखील.

कपिलमुनी बुधवार, 30/05/2018 19:01


Group Stage : 2018 FIFA World Cup Schedule in IST
#no Date Time(IST) Team A Score Team B Result
1 14 June 2018 08:30pm Russia - - Saudi Arabia n/a
2 15 June 2018 05:30pm Egypt - - Uruguay n/a
3 15 June 2018 08:30pm Morocco - - Iran n/a
4 15 June 2018 11:30pm Portugal - - Spain n/a
5 16 June 2018 03:30pm France - - Australia n/a
6 16 June 2018 09:30pm Argentina - - Iceland n/a
7 16 June 2018 06:30pm Peru - - Denmark n/a
8 17 June 2018 12:30am Croatia - - Nigeria n/a
9 17 June 2018 05:30pm Costa Rica - - Serbia n/a
10 17 June 2018 08:30pm Germany - - Mexico n/a
11 17 June 2018 11:30pm Brazil - - Switzerland n/a
12 18 June 2018 05:30pm Sweden - - South Korea n/a
13 18 June 2018 08:30pm Belgium - - Panama n/a
14 18 June 2018 11:30pm Tunisia - - England n/a
15 19 June 2018 05:30pm Colombia - - Japan n/a
16 19 June 2018 08:30pm Poland - - Senegal n/a
17 19 June 2018 11:30pm Russia - - Egypt n/a
18 20 June 2018 05:30pm Portugal - - Morocco n/a
19 20 June 2018 08:30pm Uruguay - - Saudi Arabia n/a
20 20 June 2018 11:30pm Iran - - Spain n/a
21 21 June 2018 05:30pm Denmark - - Australia n/a
22 21 June 2018 08:30pm France - - Peru n/a
23 21 June 2018 11:30pm Argentina - - Croatia n/a
24 22 June 2018 05:30pm Brazil - - Costa Rica n/a
25 22 June 2018 08:30pm Nigeria - - Iceland n/a
26 22 June 2018 11:30pm Serbia - - Switzerland n/a
27 23 June 2018 05:30pm Belgium - - Tunisia n/a
28 23 June 2018 08:30pm South Korea - - Mexico n/a
29 23 June 2018 11:30pm Germany - - Sweden n/a
30 24 June 2018 05:30pm England - - Panama n/a
31 24 June 2018 08:30pm Japan - - Senegal n/a
32 24 June 2018 11:30pm Poland - - Colombia n/a
33 25 June 2018 07:30pm Uruguay - - Russia n/a
34 25 June 2018 07:30pm Saudi Arabia - - Egypt n/a
35 25 June 2018 11:30pm Iran - - Portugal n/a
36 25 June 2018 11:30pm Spain - - Morocco n/a
37 26 June 2018 07:30pm Denmark - - France n/a
38 26 June 2018 07:30pm Australia - - Peru n/a
39 26 June 2018 11:30pm Nigeria - - Argentina n/a
40 26 June 2018 11:30pm Iceland - - Croatia n/a
41 27 June 2018 05:30pm Mexico - - Sweden n/a
42 27 June 2018 07:30pm South Korea - - Germany n/a
43 27 June 2018 11:30pm Serbia - - Brazil n/a
44 27 June 2018 11:30pm Switzerland - - Costa Rica n/a
45 28 June 2018 07:30pm Japan - - Poland n/a
46 28 June 2018 07:30pm Senegal - - Colombia n/a
47 28 June 2018 10:30pm Panama - - Tunisia n/a
48 28 June 2018 11:30pm England - - Belgium n/a

कंजूस शुक्रवार, 15/06/2018 22:11

फिफा मॅच टेबल ट्रायल - excel
Link:https://jumpshare.com/v/z1XEwLqLvxq7QGrLuUwS
आलेला फाइल डेटा कॅापी करून नवीन excel sheet मध्ये पेस्ट केल्यास excel तयार होते.

जेम्स वांड बुधवार, 30/05/2018 20:44

हे २०१० चं ऑफिशियल गाणं नव्हतं पण ऑफिशियल गाणे (शकीराचं वाक्का वाक्का) पेक्षा लैच जास्त हिट झालं होतं.

वाचूका गुरुवार, 31/05/2018 09:41

या कपमधे फ्रान्स , बेल्जियम्मय, पोलंड यासारख्या डार्क होर्स टीम पाहन्यात मजा येईल.

कपिलमुनी सोमवार, 11/06/2018 15:10

लिओनेल मेस्सी
messi
मागच्या फायनल मध्ये जर्मनी कडून अर्जेंटीनाला पराभव पत्करावा लागला होता .
मेस्सीला मॅरेडोनाच्या पंगतीत बसायचे असेल तर हा कप जिंकणे महत्वाचे असनार आहे. शिवाय पुढच्या वर्ल्ड कप पर्यंत तो असेल याचि खात्री नाही.

ख्रिस्तियानो रोनाल्डो
ronaldo
२०१६ च्या युरो कप विजेतेपदानंतर पोर्तुगालला विजेतेपदाचे प्रबळ दावेदार मानले जात आहे . UEFA कप जिंकल्यावर रोनाल्डोचा आत्मविश्वास वाढला असेल . सध्याच्या घडीचा सर्वोत्तम खेळाडू म्हणून रोनाल्डो चे नाव घेतात , पण टीम वर्क मध्ये पोर्तुगाल कमी पडते.

मोहम्मद सलाह

salah

इजिप्शियन किंग म्हणून ओ ळखल्या जाणार्‍या मोहम्मद सलाह वर इजिप्त ची मदार असेल . यंदा लिव्हरपूलला फायनल पर्यंत पोचवण्यात याचा मोठा वाटा होता.
सलाह राईट फॉरवर्ड पोझिशनला खेळतो . मागच्या ३-४ वर्षापासून सलाह चा पर्फोर्मन्स उत्तम आहे. UEFA च्या फायनल मध्ये दुखापतग्रस्त झाल्याने याच्या खेळण्याविषयी शंका आहे . अजून सलाह ने सराव सामन्यात भाग घेतला नाही आणि इजिप्तने बदली खेळाडू जाहीर केला नाहि.
सलाह ने यंदा खेळून प्रेक्षकांना आनंद द्यावा हीच इच्छा .

नेमार , सुआरेझ , ओझिल , पोग्बा, मुलर , कोस्टा याबद्दल पुढच्या प्रतिसादात !

एस गुरुवार, 14/06/2018 22:35

मागच्या फायनल मध्ये जर्मनी कडून अर्जेंटीनाला पराभव पत्करावा लागला होता .

मागच्या जागतिक फुटबॉल चषकाच्या अंतिम सामन्यात जर्मनीने ब्राझीलला ४-० असे पराभूत केले होते ना? की माझी माहिती चुकीची आहे?

एस गुरुवार, 14/06/2018 22:41

अच्छा, ब्राझील उपांत्य फेरीत हरलं होतं ७-१ ने. अंतिम सामन्यात जर्मनीने अर्जेंटिनाला १-० ने हरवलं होतं. माझी माहिती चुकीची निघाली! :-)

प्रा.डॉ.दिलीप बिरुटे सोमवार, 11/06/2018 19:53

फुटबॉलचा चाहता म्हणून धाग्यावर लक्ष असेल.

-दिलीप बिरुटे

प्रा.डॉ.दिलीप बिरुटे सोमवार, 11/06/2018 19:59

मिपावर फीफा २०१४ चा आम्ही चालवलेल्या धाग्याची आठवण. :)

-दिलीप बिरुटे

कपिलमुनी शुक्रवार, 15/06/2018 01:13

रशियाने पहिला सामना सौदी अरेबिया विरुद्ध 5-0 असा जिंकला आहे. चुरस होईल असे वाटत असताना घरच्या प्रेक्षकांच्या पाठिंब्यावर रशियाने वर्चस्व राखले .

उद्या इजिप्त आणि उरुग्वे यांच्यात सामना आहे . मोहम्मद सलाह च्या फिटनेस बद्दल अजून शंका आहे. उद्या उरूग्वेचे पारडे जड आहे. उद्या आक्रमक खेळ पाहायला मिळेल अशी आशा आहे.

Ranapratap शुक्रवार, 15/06/2018 22:37

सुरवातीला दबकत खेळणारी इराणी टीम 30 मिनिटं नंतर जोरदार खेळायला लागली व जिंकली सुद्धा, पहिला स्वयं गोल मोरोक्को कडून

एस शनिवार, 16/06/2018 00:46

बरोबरी! रोनाल्डोच्या तुलनेत कोस्टाचे दोन्ही गोल जास्त आवडले.

हा प्रतिसाद लिहीपर्यंत स्पेन ने तिसरा गोल केला!

Ranapratap रविवार, 17/06/2018 11:01

यामध्ये मेसीचा खराब परफॉर्मन्स, पेनलटी किक मिस केली, ज्या प्रकारे आईसलँड ने लढत दिली ते पाहुन तो संघ दुबळा असेल असे वाटत नाही.

Ranapratap रविवार, 17/06/2018 22:25

माजी विजेत्या सारख जर्मनी खेळली नाही, मेक्सिको 1-0ने विजयी, संपूर्ण सामान्य मध्ये जर्मनीला सूर गवसला नाही, तसेच त्यांच्या आघाडी फळी मध्ये समन्वयाचा आभाव आढळला.

II श्रीमंत पेशवे II मंगळवार, 19/06/2018 11:25

ज्या प्रमाणे जर्मन टीम बद्दल बोलले जात होते त्याप्रमाणे त्यांचा प्र्फोर्मंस दिसला नाही .......

मी माझ्या मुलाजवळ जर्मनी टीम बद्दल भरभरून बोललो होतो .....तो पाचवीला आहे ....या वेळेस माझ्या बरोबर पहिल्यांदा फुटबॉल ची म्याच पहात होता .....
पण त्याच्या अगोदर च्या ( १४ तारखेपासून ) २-३ सामन्यानच्या अनुभवावरून त्याला जे काही कळले , त्यावर त्यानि माज्याशी पैज लावली १०० रुपयाची

मला म्हणाला बाबा तुम्ही एव्हढ कौतुक केलं टीम च ....पण मला तर बकवास प्रदर्शन पहायला मिळाल ....मला नाही वाटत ते जिंकतील .....आणि आम्ही म्याच पाहता पाहता त्याला म्हणालो अरे तुला अजून माहित नाही ति टीम अशी आहे तशी आहे ,,,हा प्लेअर असा आहे ....वगैरे.....

१२ - १५ मिनिटात त्यांनी माझ्याशी पैज लावली आणि अखेर तो जिंकला

सांगायचा मुद्दा असा कि जरी जर्मन टीम पाहिला सामना हरली आहे .....तरीही त्यामागे त्यांचे काहीतरी प्लान असेल ........असणार

ते कधी कसे मुसंडी मारतील याचा काही नेम नाही

कंजूस सोमवार, 18/06/2018 05:18

खेळाच्या सुरुवातीपासूनच चेंडू मेक्सिकोकडे,जर्मनी गोलपोस्टवर,आजुबाजूला,जर्मनीची वाचवण्याची धडपड पाहून समजलं हरणार.

कपिलमुनी सोमवार, 18/06/2018 13:37

अर्जेंटिना , जर्मनी , ब्राझिल यांच्या मॅच बघून हा वर्ल्ड कप सोपा नाही हे बलाढ्य सांघांना कळले असेल.

II श्रीमंत पेशवे II मंगळवार, 19/06/2018 11:34

पेरू ची टीम आणि त्याचं प्रदर्शन पाहून खूप छान वाटले ......
आता जे टीम मध्ये आहेत ते जन्माला आल्यापासून पेरू ची टीम क्वालिफाय होत नव्हती .......त्यांनी पूर्वजांच्या गोष्टी ऐकत उराशी एक स्वप्न बाळगत प्रचंड तयारी करून टीम मैदानात उतरली .....नुसती उतरली नाही तर मस्त परफोरमन्स हि दिला .....ज्या पद्धतीने डिफेन्स आणि शोट डिलिवरी केली ते खरच कौतुकास्पद आहे.

पेरू टीम कडून खूप काही अपेक्षा आहेत

महासंग्राम गुरुवार, 21/06/2018 13:51

‘व्हीएआर’
यंदा पासून स्पर्धेत VAR चा वापर सुरु झाला आहे, इतिहासात ही स्पर्धा ‘व्हीएआर’ तंत्रज्ञानाच्या उगमासाठी ओळखली जाईल.

लोझका
रशियात सुरू असलेल्या विश्वचषक फुटबॉल स्पर्धेचे लोझका हे अधिकृत वाद्य आहे. रशियन चमच्यांच्या साहाय्याने बनवण्यात आलेले हे वाद्य रशियातील अनेक चित्रपट तसेच गाण्यांसाठीही वापरण्यात आलेले आहे. रशियन संस्कृतीचे प्रतीक म्हणून लोझका ओळखले जाते. दोन लाकडी चमचे एकमेकांच्या विरुद्ध दिशेने बांधून निर्माण होणाऱ्या आवाजावर सध्या संपूर्ण रशिया ताल धरत आहे. या वाद्याचे शिल्पकार रुस्तोम नुगमनोव्ह यांना ट्रेशचोटका, श्ॉकर आणि लोझका या तीन वाद्यांपैकी एकावर मेहनत घेण्यास रशियन सरकारने सांगितले होते. त्यापैकी लोझकाची निवड करून बनवण्यात आलेल्या गाण्याला ‘स्पून्स ऑफ व्हिक्टरी’ असे नाव देण्यात आले.

महासंग्राम गुरुवार, 21/06/2018 17:24

आज अर्जेंटिना विरुद्ध क्रोएशिया लढत आहे, मेस्सीची जादू चाललीच पाहिजे कारण आज अर्जेंटिना जिंकले तरच त्यांना पुढच्या फेरीत जाता येईल

sagarpdy शुक्रवार, 22/06/2018 09:08

बाहेर नाही हो, अजूनही संधी आहे. नायजेरिया आणि आईसलँड संघांच्या कामगिरी वर अवलंबून.

महासंग्राम शुक्रवार, 22/06/2018 09:46

नायजेरिया आणि आइसलँड ची मॅच आहे, त्यामुळे पुढील शक्यता आहेत

आइसलँड जिंकल्यास अर्जेंटिना बाहेर.
जर नायजेरिया जिंकल्यास आइसलँड, अर्जेंटिना आणि नायजेरिया यांचे समान गुण होतील तेव्हा सरासरी ( गोल पोस्ट वर शॉट्स, बॉल हँडलिंग इ.) लक्षात घेवून पुढच्या फेरीत कोण जाईल हे ठरवल्या जाईल बहुदा.

महासंग्राम शुक्रवार, 22/06/2018 09:55

फिफा एका इटालियन कंपनी ने बनवलेली मॅट्रिक्स नावाच्या व्हिजुअल ट्रॅकिंग टेक्नोलॉजी वापरते.
ज्यात पोर्टेबल ऑप्टिकल ट्रॅकिंग कॅमेराचा वापर केला जातो.

त्यांची वेबसाईट .
https://www.deltatre.com/onstage-solutions/matrics/

कंजूस शुक्रवार, 22/06/2018 14:21

क्रोशियाचा खेळ भयानक होता. अर्जेंनिचाचा चेंडू काढून घेत होते.
मेस्सीला गुंडाळण्याचा विचार न करता उत्तम हल्ले केले.
अर्जेंटिनावाले फक्त आss!!???

Ranapratap शुक्रवार, 22/06/2018 19:33

80 व्या मिनिटा पर्यंत शांत खेळणारे ब्राझिलचे खेळाडू अचानक वेगवान चाली करायला लागले,90 व्या मिनिटाला कुटीन्हो व भरपाई वेळेत नेमार ने गोल केला, फार दिवसातून नेमारचा गोल पाहिला. एकूणच काय तर ब्राझील विजेतेपदाचा प्रबळ दावेदार.

महासंग्राम शनिवार, 23/06/2018 08:55

ब्राझील विजेतेपदाचा प्रबळ दावेदार वाटत नाही, त्यांच्या कडे सांघिक खेळाचा अभाव आहे, तसेच फक्त नेयमार वर विसंबून राहणे त्यांना घातक ठरेल.
या वर्षी कित्येक छोट्या संघांनी उत्तम कामगिरी बजावली आहे. क्रोएशिया, रशिया या सारखे संघ उत्तम फॉर्मात आहेत. त्यामुळे आताच ब्राझील ला दावेदार मानणं चुकीचं वाटतं.

कंजूस शुक्रवार, 22/06/2018 21:24

ब्रझिलचे कित्येक प्रयत्न वाया गेल्यावर दोन गेल झाले एकदाचे शेवटी. ही टीम फायनलला जाणे कठीणच वाटतेय. कोस्टारिकाने चांगलेच दमवलेन.

निशाचर शनिवार, 23/06/2018 23:06

मेक्सिकोने द. कोरियाला हरवल्याने जर्मनीला आज स्वीडनविरुद्ध जिंकणे भाग आहे. आजच्या खेळासाठी लोवच्या टिममध्ये बरेच बदल दिसतायत. खेडिरा, हुम्मेल्स आणि उझिल ऐवजी रुडी, रुडिंगर, रॉयस आणि हेक्टोर खेळणार. पहिल्या मॅचमधील खराब खेळानंतर आज जर्मनीला सूर गवसेल का...

प्रा.डॉ.दिलीप बिरुटे गुरुवार, 28/06/2018 21:28

पोलंड वि जापान सामन्यात, पोलंड जिंकले जापान हरले. १-० तरी जापान का आनंदात आहेत ?

-दिलीप बिरुटे

Ranapratap गुरुवार, 28/06/2018 21:49

जपान व सेनेगल चे पॉईंट्स सारखे झाले पण जपानला सेनेगल पेक्षा कमी येलो व रेड कार्ड्स मिळाले हा निकष लावून जपान बाद फेरीत गेले.

प्रा.डॉ.दिलीप बिरुटे शनिवार, 30/06/2018 19:59

ओह, माहितीबद्दल आभार. बरेच प्रेक्षक मोबाईलवर पाहात होते, मला कळलाच नव्हता गोंधळ काय सुरु आहे म्हणून.

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:02

अर्जेंटीनाला संधी मिळत नै ये आणि फ्रांसचे आक्रमणात किमान अजुन दोन गोल होता होता राहिले. मस्त म्याच सुरु आहे.

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:14

डीमारिया चा मोकळ्या जागेतून जबरा गोल. आत्ताशी बरं वाटलं.

४४ व्या मिनिटाला स्कोर १-१

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:29

तो फ्रांसचा एम्बापे एकटाच सुसाट चेंडू घेऊन पळतोय त्याच्या वेगापुढे अर्जेंटीना पहिल्या हाफ मधे थकुन गेलीय. मला मेस्सीचा गोल बघायचा आहे, मी आज अर्जेंटीनाकडून आहे मनाने. साला खेळ आवडतोय फ्रांसचा. :(

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:40

अर्जेंटीनाचा आणखी एक जबरा गोल. अर्जेंटीना २-१

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:55

आज फ्रांसचा खेळ पाहता त्यांचा आणखी एक गोल. फ्रांस ३ अरजेंटिना २.

मेस्सीला काही जमेना आज.

-दिलीप बिरुटे

प्रा.डॉ.दिलीप बिरुटे शनिवार, 30/06/2018 20:59

एम्बापेचा आणखी एक गोल ४-२ . अर्जेंटीनाला अजिबात चांस दिसत नै ये, अतिशय वेगवान खेळ फ्रांसचा.

-दिलीप बिरुटे

निशाचर शनिवार, 30/06/2018 21:20

फ्रांसचा खेळ बघायला मजा येत्येय. २ मिनिटं उरली आहेत आता फक्त..

प्रा.डॉ.दिलीप बिरुटे शनिवार, 30/06/2018 21:27

तीसरा गोल झाला पण फ्रांसचा दमदार विजय. अर्जेंटीना बाहेर.
फ्रांस ४ अर्जेंटीना ३ .

उरुग्वे आणि पोर्तुगालच्या सामण्यासाठी भेटू भाप्रवे ११:३० ला.

-दिलीप बिरुटे
(अर्जेंटीनाच्या पराभवाने मूड गेलेला) :(

Ranapratap शनिवार, 30/06/2018 21:30

फ्रान्सचा 4-3 ने विजय, संपूर्ण सामन्या दरम्यान अर्जेंटिना लौकिकाला साजेसा खेळ करू शकली नाही. शेवटी अर्जेंटिना खेळाडू चे वर्तन गालबोट लावणारे होते. त्यांनी पराभव मान्य करायला हवा होता.

प्रा.डॉ.दिलीप बिरुटे रविवार, 01/07/2018 00:40

नाटकीपणा, खोटारेडापणा, भरपूर मनोरंजनाने भरलेला खेळ :)

प्रा.डॉ.दिलीप बिरुटे रविवार, 01/07/2018 00:46

पोर्तुगालचा गोल, रोनाल्डोला पुरता घेरून टाकलेय.

प्रा.डॉ.दिलीप बिरुटे रविवार, 01/07/2018 01:28

उरुग्वेचा बचाव आणि आक्रमक खेळ त्यांनी डी मधे बचावासाठी उभी केलेली भिंत पोर्तुगालला भेदताच आली नाही.

शुभ रात्री.

-दिलीप बिरुटे

सोमनाथ खांदवे रविवार, 01/07/2018 18:40

पोर्तुगाल चा रोनाल्डो आणि अर्जेंटिना चा मेस्सी यांचा अफलातून खेळ मला माहीत होता म्हणून फक्त त्यांच्याच मॅच मी बघितल्या , आता त्या दोन्ही टीम बाहेर पडल्या आहेत तर इथून पुढे कुठल्या टीम च्या कोणत्या खेळाडू चा खेळ पाहण्यासारखा आहे ? कोणी सांगू शकेल का ? .
थोडीफार खेळाडू ची माहिती असेल तर मॅच पाहायला मजा येते .

sagarpdy रविवार, 01/07/2018 19:39

बेल्जियम, क्रोएशिया यांसोबत कालचे विजेते फ्रांस आणि उरुग्वे चांगले संघ आहेत.
फुटबॉल हा 'वन मॅन शो' गेम नाही हेच कालच्या दोन्ही सामन्यांनी दाखवून दिले.

Ranapratap रविवार, 01/07/2018 20:19

स्पेन गोलक्षेत्रात स्पेनच्या खेळाडुकडून हँड झाल्यानं रशियाला पेनलटी किक मिळाली व ती रशियाने सत्कारणी लावली.

Ranapratap रविवार, 01/07/2018 22:04

30 मिनिटाच्या ज्यादा वेळेत गोल न झालेने निकाल पेनलटी शूट आउट वर, स्पेन च्या टिकी टाका खेळास रशियाचे चोख प्रतियतुर

निशाचर रविवार, 01/07/2018 23:43

हो :) हेच लिहिणार होते.
अंडरडॉग्सचा खेळ मस्त होतोय आणि प्रस्थापित संघांना धक्के मिळत आहेत.

निशाचर सोमवार, 02/07/2018 02:30

उत्कंठावर्धक खेळात क्रोएशियाचा विजय!
अधिकच्या वेळात डेन्मार्कच्या रडीच्या डावाने क्रोएशियाचा गोल होताहोता राहिला. शेवटी आज पुन्हा एकदा पेनल्टी शूट आउटस् होऊन क्रोआट्स जिंकले.

प्रा.डॉ.दिलीप बिरुटे सोमवार, 02/07/2018 07:25

स्पेन रशिया म्याच मस्त झाला. स्पेनचे पासेस अप्रतिम होते. बॉल तर सतत स्पेन कड़ेच होता त्यांनी रशियापेक्षा जास्त धड़का गोलपोष्ट मधे मारल्या. पेनल्टी शूट आऊट मधे रशिया जरी जिंकले तरी मनं स्पेनने जिंकली.

-दिलीप बिरुटे

sagarpdy सोमवार, 02/07/2018 10:33

स्पेन ने काल विक्रमी (वर्ल्ड कप मधील) ११३७ पास केले, पैकी १०२९ यशस्वी झाले. याआधी अर्जेंटिना चा ७००+ पास चा रेकॉर्ड होता.
तिथेच रशिया ने केवळ २०२ पास केले.

एक हेडलाईन : "Toothless Spain breaks passing record"

sagarpdy सोमवार, 02/07/2018 10:44

या कंटाळवाण्या टीका-टाका पेक्षा मला रशिया चा opportunist खेळ मला वैयक्तिक रित्या आवडला, एवढे पास करूनही स्पेन ला एकही गोल करता आलेला नाही, झाला तो रशियाचा स्वयंगोल, तोही कॉर्नर वर.
रशिया कडे गेम प्लॅन होता, आणि तो त्यांनी व्यवस्थितपणे राबवला, परिणामतः ते जिंकले. स्पेन कडे काहीच प्लॅन नव्हता, पासिंग करायचे स्किल भरपूर होते, त्यामुळे ते आपापसात पास पास खेळत राहिले.
स्पेन चे पास
हे चित्र पहा, स्पेन चे पास बाहेर च्या बाहेरच आहेत, त्यात आक्रमण करायची इच्छाच दिसत नाही.

प्रा.डॉ.दिलीप बिरुटे मंगळवार, 03/07/2018 06:20

आभार....! खेळ पाहण्यातला इंट्रेष्ट असा वाढतो बघा.
भेटल्यावर बसू......!;)

-दिलीप बिरुटे

प्रा.डॉ.दिलीप बिरुटे सोमवार, 02/07/2018 15:36

बघुया कोण जिंकते ते ?

धन्यवाद प्रशांत सामन्याची आठवण करून दिल्याबद्दल.

-दिलीप बिरुटे

राघव सोमवार, 02/07/2018 17:40

मॅचेस मधील काही खास जाणवलेल्या गोष्टी:

. जर्मनी Vs मेक्सिको:
मेक्सिकोचा बचाव खरंच भक्कम होता. कमीत कमी ६ खेळाडू डिफेंस करत होतेत, ४ पुढे आणि २ मागे असे. जर्मनीचा गेम नीट अभ्यासून त्यांनी योजना आखली होती. जर्मनीचे बरेचसे गोल्स "आऊटर डी" च्या जवळून जोरदार किक्सवर होतात. मेक्सिकोनं तेच रोखण्यावर प्राधान्य दिलं. किक मारण्यासाठी समोरील एकाला चकवलं तरी मागच्या २ पैकी एक मधेच उभा असायचा.. प्लेयर ब्लॉक करण्यापेक्षा त्यांनी शॉट ब्लॉक करण्यावर भर दिला. जर्मनीनं तरीही २४ डीप आक्रमणं केलीत आणि गोलपोस्ट वर ९ शॉट्स झालेत.. त्या कीपरची कमाल. योजना नसती तर जर्मनीनं किती गोल्स केले असतेत कल्पना नाही.. :-)

. ब्राझील च्या मॅचेस मधे तो "झील" जाणवत नाही यातच काय ते आलं. नेमार आहे.. चांगला आहे.. वगैरे सगळं ठीक आहे.. पण तो जेवढे चान्सेस वाया घालवतो तेवढे रोनाल्डो / रोनाल्डिन्हो ना मिळाले असतेत तर.. ? असो जर तर च्या गोष्टी बाजूला ठेवून बघीतलं तरी हा पडण्यातच जास्त वेळ घालवतो असं वाटतं. ;-) बाकी एक मात्र खरं.. अतिशय सुंदर पासेस देवून गोल साठी संधी उपलब्ध करण्यात त्याचा हातखंडा जाणवतो.

. उरुग्वेनं ज्या पद्धतीनं खेळ केलाय ते पाहता ते फायनल मधे पोहोचायला हवेत. अप्रतीम खेळताहेत. लॅटीन अमेरिकन देशांच्या खास शैलीत देखील त्यांचा खेळ युरोपियन्स च्या धसमुसळ्या खेळाला तोडीस तोड होतोय.

. लॅटीन अमेरिकन देशांच्या शैलीवर तोडगा काढल्यासारखे, युरोपियन्स त्यांच्या पायांवर धावून जातात. ज्यामुळे ४-५ सेकंदांहून जास्त वेळ एका खेळाडूकडे बॉल राहतच नाही.. ताबा कायम राखण्यासाठी त्यांना लगेच बॉल पास करावा लागतो. या प्रकारात चालीच रचता न आल्यामुळे आक्रमणातील धार बोथट होऊन जाते. यावर उपाय म्हणजे वेगवान हालचाली आणि ड्रिबलिंग स्किल्स. मजा येते अशी चुरस बघायला!

- ब्राझील आणि मेक्सिकोची मॅच बघायला मजा येईल. खरे तर मला दोघांचाही खेळ आवडलाय. कमीत कमी सेमीज मधे ही मॅच व्हायला पाहिजे होती! पण मजा येईल हे नक्की! :-)

प्रा.डॉ.दिलीप बिरुटे सोमवार, 02/07/2018 20:42

सेकंड हाफ मधे चागल्या पासवर नेमारने गोल करून आघाडी घेतली.
ब्राझील १-०

उत्तम खेळ बघायला मिळतोय मजा येतेय. खेळाची ५६ मिनिटे संपली आहेत.

-दिलीप बिरुटे

प्रा.डॉ.दिलीप बिरुटे सोमवार, 02/07/2018 21:21

८७ व्या मिनिटाला नेमारच्या पासवर आणखी एक गोल. शेवटची आता एक्स्ट्रा वेळेतली दोन मिनिटे.

-दिलीप बिरुटे

कपिलमुनी सोमवार, 02/07/2018 21:39

ब्राझील जिंकली, आज डेन्मार्कने चांगला खेळ केला पण गोल करू शकले नाहीत.
ब्राझीलचा डिफेन्स (नेहमीप्रमाणे) कमजोर आहे.

कपिलमुनी सोमवार, 02/07/2018 21:40

बेल्जियमचे पारडे जड आहे, एक एशियन संघ म्हणून जपान जिंकावे अशी इच्छा आहे.

sagarpdy सोमवार, 02/07/2018 23:51

जपान चांगला खेळ खेळत आहे. पण त्यांना आक्रमण करून गोल मारता येईल का शंका वाटते. बेल्जियम ला किती थोपवून धरतात हेच बघायचं

सोमनाथ खांदवे सोमवार, 02/07/2018 22:34

नेमार खूप रडी पण खेळतो राव !!!!
आज सकाळी मेक्सिको च्या कोच चे नेमार बद्दल म टा मध्ये स्टेटमेन्ट आलं होतं की " तो D मध्ये जाणूनबुजून पडतो " .अगदी तसच पाहायला भेटलं .

निशाचर मंगळवार, 03/07/2018 01:26

श्या, जपान जिंकायला हवा होता... जीव तोडून खेळत होते.
पण शेवटच्या क्षणी बेल्जियमचा अप्रतिम गोल.

Ranapratap मंगळवार, 03/07/2018 01:28

2-3 छोट्या चणीच्या जपानी खेळाडूंनी कडवी लढत दिली पण शेवटच्या 40 सेकंदात त्यांनी गोल स्वीकारला, सामना बेळजीयाम ने जिंकला पण माने मात्र जपान ने जिंकली, या वर्ल्ड कप मधील ही सर्वोत्तम मॅच.

कपिलमुनी मंगळवार, 03/07/2018 01:33

दोन्ही संघांनी केलेला फेयर प्ले , आक्रमण आणि बचाव यांचा प्रदर्शन , जपान गोलकीपराचे सेव्ह अशा क्षणांनी भरलेली उत्कृष्ट मॅच !
बराच काळ लक्षात राहिल

sagarpdy मंगळवार, 03/07/2018 07:28

जपान अनपेक्षित रित्या फारच मस्त खेळले, हा वर्ल्ड कप अंडरडॉग्स गाजवतायत त्यामुळे फार इंटरेस्टिंग झालाय

महासंग्राम बुधवार, 04/07/2018 09:47

कोलंबिया विरुद्ध इंग्लंड शूटआऊट मध्ये ४-३ अश्या फरकाने जिंकलं, प्रचंड शूट आऊट प्रचंड थरारक प्रकार होता.
शेवटी इंग्लंड शूटआऊट मध्ये हरण्याच्या शापातून मुक्त झाला म्हणायचं. आता तहात जिंकतात का पाहाण औत्सुक्याचे ठरेल.

कपिलमुनी बुधवार, 04/07/2018 10:13

उरुग्वे फ्रान्स मध्ये उरुग्वे ला अधिक संधी आहे .
ब्राझीलची खेळण्याची शैली आवडत असली तरि बेल्जियमचि टीम अधिक संतुलीत आणि अनुभवी आहे. त्यामुळे बेल्जियम

स्वीडन इंग्लडमध्ये नक्कीच इंग्लड ! स्वीडन पुढे गेले तर चमत्कार मानावा लागेल.
रशिया क्रोएशिया मध्ये क्रोएशिया (पुतीनने सेटींग लावलि नसेल तर = )) )

कंजूस बुधवार, 04/07/2018 13:04

जपानची म्याच अजून पाहताच आली नाही. भयानक पावसाने सिग्नल गायब. दुसरे दिवशीही नाहीच. दोन मिनिटाच्या युट्युबवर समाधान.

चार म्याच शुटाउट झाल्या, फायनलला चार तास खेळवा पण हे नको.

sagarpdy बुधवार, 04/07/2018 15:40

ब्राझील ची टीम माझी फेव्हरेट नसली तरी - ब्राझील बॅलन्स खेळतेय, कदाचित लक्षात येत नसला तरी त्यांचा बचाव शिस्तीत आहे (उदा. जर्मनी, स्पेन यांचे बचावपटू कुठेही पळत होते, हमेल्स तर स्ट्रायकर बरोबर होता कधी कधी). अर्थात बेल्जीयम काही कमी नाही - ते ब्राझील ला धक्का देण्यास पूर्णतः समर्थ आहेत, पण जपान ज्या प्रकारे त्यांचा बचाव मोडू शकली ते पाहता माझा बेल्जीयन्स वरील विश्वास कमी झाला आहे.
या बाजूने उरुग्वे, फ्रांस, ब्राझील, बेल्जीयम म्हणजे सगळेच तगडे संघ आहेत, कोणीही कोणालाही हरवू शकते. मला वैयक्तिक रित्या फ्रांस किंवा बेल्जीयम फायनल ला गेलेली आवडेल.
दुसऱ्या बाजूचा ड्रॉ बघता इंग्लंड बहुधा फायनल गाठेल असे वाटते.

कपिलमुनी बुधवार, 04/07/2018 16:33

बेल्जीयमची सर्वात आवडलेलि गोष्ट म्हणजे २-० अशी पिछाडि असूनही त्यांची लय बिघडलि नव्हती, धसमुसळा खेळ नसल्याने फाउल कमी होते. आणि अक्युरसी चांगली होती.
ब्राझीलची आक्रमणे चांगली आहेत, पण गोलच्या दिशेने बॉल मारताना बरीच गडबड आहे . योग्य दिशा देवून कीपरला चकवण्यात ते कमी पडत आहेत.
ग्लोरी शॉट्स ही ब्राझीलची कायम दोकेदुखी असते. गोलपोस्ट जवळ नेवून बॉल ढकलण्यापेक्षा दुरून ताकद लावून , अवघड शॉट्स मारायला ब्राझिलियन खेळाडूंना आवडते. हे टाळले पाहिजे.
या वर्षी उरुग्वे जिंकेल असा वाटत आहे

sagarpdy बुधवार, 04/07/2018 18:31

या वर्षी उरुग्वे जिंकेल असा वाटत आहे
हो, मलाही वाटतंय. फक्त येत्या मॅच ला कदाचित काव्हानी नाही खेळू शकणार, त्याचा परिणाम कसा होतो ते बघितलं पाहिजे.

sagarpdy शुक्रवार, 06/07/2018 21:22

म्हणाल्या प्रमाणे, कव्हनी ची कमतरता राहिली. एका सुआरेझ ला मार्क करायला सोपं गेलं.

कपिलमुनी शुक्रवार, 06/07/2018 17:15

आज फ्रान्स उरुग्वे आणि ब्राझील बेल्जियम मॅच आहेत .

आजचे माझे फेव्हरीट उरुग्वे ,ब्राझील
स्पर्धेतल्या खेळानुसार :उरुग्वे ,बेल्जियम

ब्राझील बेल्जियम मॅच हाय स्कोअरिन्ग असा अन्दाज आहे .

कपिलमुनी शुक्रवार, 06/07/2018 23:21

उरुग्वे बाहेर , गचाळ गोल किपिंग आणि सुआरेज एकटा पडल्याने स्कीम गंडली.
ब्राझील जिंकेल अशी आशा आहे

sagarpdy शनिवार, 07/07/2018 00:05

ब्राझील बेल्जीयम चांगली चालू आहे. बेल्जीयन्स प्रतिहल्ल्यांवर भर देऊन चांगली खेळतेय. ब्राझील चा हल्ला चांगला आहे पण बेल्जीयम बहुतांश वेळी जवळपास बस पार्क करत आहे.

ब्राझील 0-2 बेल्जी

Ranapratap शनिवार, 07/07/2018 01:27

पहिला फुटबॉल विश्वचषक ज्यामध्ये ब्राझील, जर्मनी, अर्जेंटिना सेमिफायनल मध्ये नाही. या वर्षी सगळे अंदाज खोटे ठरवत भलतीच टीम विजेता होणार

कंजूस शनिवार, 07/07/2018 06:47

रोनाल्डो ,मेस्सी, नेमा यांना फारच
भाव दिलेला ते गेले.
बरं झालं.
आता नवोदित खेळाडुंचा उत्साह वाढणार.
---
बेल्जम जपान ही मॅच फार छान झाली होती. शेवटचा चाळीस सेकंदातला बेल्जमचा गोल जबरा होता. जपान हरले पण पण काय छान खेळले होते!

sagarpdy रविवार, 08/07/2018 02:31

भारी मॅच. रशिया ने खरच अनपेक्षित रित्या मोठी मजल मारली या वेळी. वाटेत इजिप्त, स्पेन या बलाढ्याना धक्के दिले. क्रोएशिया ला पण चांगलं थकवल.

sagarpdy मंगळवार, 10/07/2018 17:52

आज फ्रांस वि बेल्जीयम. माझ्या मते हि फायनलच आहे स्पर्धेची. यात जो संघ विजयी होईल तोच फायनल जिंकेल
बेल्जीयमचा अनुभव व मॅनेजमेंट जरी लक्षात घेतली तरी मी फ्रांस ला किंचित झुकतं माप देईन.

हझार्ड, डी ब्रुईने, लुकाकू यांची जादू आणि सांघिक कामगिरी - हे दोन्ही जमलं तरच बेल्जीयमला वाव आहे.