फिफा वर्ल्ड कप २०१८

डाव प्रतिडाव यांचा सुंदर मिलाफ म्हणजे आता चालू असलेला खेळ

उत्कंठावर्धक खेळात क्रोएशियाचा विजय! अधिकच्या वेळात डेन्मार्कच्या रडीच्या डावाने क्रोएशियाचा गोल होताहोता राहिला. शेवटी आज पुन्हा एकदा पेनल्टी शूट आउटस् होऊन क्रोआट्स जिंकले.

स्पेन रशिया म्याच मस्त झाला. स्पेनचे पासेस अप्रतिम होते. बॉल तर सतत स्पेन कड़ेच होता त्यांनी रशियापेक्षा जास्त धड़का गोलपोष्ट मधे मारल्या. पेनल्टी शूट आऊट मधे रशिया जरी जिंकले तरी मनं स्पेनने जिंकली. -दिलीप बिरुटे

बघुया कोण जिंकते ते ? धन्यवाद प्रशांत सामन्याची आठवण करून दिल्याबद्दल. -दिलीप बिरुटे

मॅचेस मधील काही खास जाणवलेल्या गोष्टी: . जर्मनी Vs मेक्सिको: मेक्सिकोचा बचाव खरंच भक्कम होता. कमीत कमी ६ खेळाडू डिफेंस करत होतेत, ४ पुढे आणि २ मागे असे. जर्मनीचा गेम नीट अभ्यासून त्यांनी योजना आखली होती. जर्मनीचे बरेचसे गोल्स "आऊटर डी" च्या जवळून जोरदार किक्सवर होतात. मेक्सिकोनं तेच रोखण्यावर प्राधान्य दिलं. किक मारण्यासाठी समोरील एकाला चकवलं तरी मागच्या २ पैकी एक मधेच उभा असायचा.. प्लेयर ब्लॉक करण्यापेक्षा त्यांनी शॉट ब्लॉक करण्यावर भर दिला. जर्मनीनं तरीही २४ डीप आक्रमणं केलीत आणि गोलपोस्ट वर ९ शॉट्स झालेत.. त्या कीपरची कमाल. योजना नसती तर जर्मनीनं किती गोल्स केले असतेत कल्पना नाही.. :-) . ब्राझील च्या मॅचेस मधे तो "झील" जाणवत नाही यातच काय ते आलं. नेमार आहे.. चांगला आहे.. वगैरे सगळं ठीक आहे.. पण तो जेवढे चान्सेस वाया घालवतो तेवढे रोनाल्डो / रोनाल्डिन्हो ना मिळाले असतेत तर.. ? असो जर तर च्या गोष्टी बाजूला ठेवून बघीतलं तरी हा पडण्यातच जास्त वेळ घालवतो असं वाटतं. ;-) बाकी एक मात्र खरं.. अतिशय सुंदर पासेस देवून गोल साठी संधी उपलब्ध करण्यात त्याचा हातखंडा जाणवतो. . उरुग्वेनं ज्या पद्धतीनं खेळ केलाय ते पाहता ते फायनल मधे पोहोचायला हवेत. अप्रतीम खेळताहेत. लॅटीन अमेरिकन देशांच्या खास शैलीत देखील त्यांचा खेळ युरोपियन्स च्या धसमुसळ्या खेळाला तोडीस तोड होतोय. . लॅटीन अमेरिकन देशांच्या शैलीवर तोडगा काढल्यासारखे, युरोपियन्स त्यांच्या पायांवर धावून जातात. ज्यामुळे ४-५ सेकंदांहून जास्त वेळ एका खेळाडूकडे बॉल राहतच नाही.. ताबा कायम राखण्यासाठी त्यांना लगेच बॉल पास करावा लागतो. या प्रकारात चालीच रचता न आल्यामुळे आक्रमणातील धार बोथट होऊन जाते. यावर उपाय म्हणजे वेगवान हालचाली आणि ड्रिबलिंग स्किल्स. मजा येते अशी चुरस बघायला! - ब्राझील आणि मेक्सिकोची मॅच बघायला मजा येईल. खरे तर मला दोघांचाही खेळ आवडलाय. कमीत कमी सेमीज मधे ही मॅच व्हायला पाहिजे होती! पण मजा येईल हे नक्की! :-)

सेकंड हाफ मधे चागल्या पासवर नेमारने गोल करून आघाडी घेतली. ब्राझील १-० उत्तम खेळ बघायला मिळतोय मजा येतेय. खेळाची ५६ मिनिटे संपली आहेत. -दिलीप बिरुटे

ब्राझील जिंकली, आज डेन्मार्कने चांगला खेळ केला पण गोल करू शकले नाहीत. ब्राझीलचा डिफेन्स (नेहमीप्रमाणे) कमजोर आहे.

बेल्जियमचे पारडे जड आहे, एक एशियन संघ म्हणून जपान जिंकावे अशी इच्छा आहे.

नेमार खूप रडी पण खेळतो राव !!!! आज सकाळी मेक्सिको च्या कोच चे नेमार बद्दल म टा मध्ये स्टेटमेन्ट आलं होतं की " तो D मध्ये जाणूनबुजून पडतो " .अगदी तसच पाहायला भेटलं .

जपान 2-0 ने पुढे

2-1

2-2

श्या, जपान जिंकायला हवा होता... जीव तोडून खेळत होते. पण शेवटच्या क्षणी बेल्जियमचा अप्रतिम गोल.

2-3 छोट्या चणीच्या जपानी खेळाडूंनी कडवी लढत दिली पण शेवटच्या 40 सेकंदात त्यांनी गोल स्वीकारला, सामना बेळजीयाम ने जिंकला पण माने मात्र जपान ने जिंकली, या वर्ल्ड कप मधील ही सर्वोत्तम मॅच.

दोन्ही संघांनी केलेला फेयर प्ले , आक्रमण आणि बचाव यांचा प्रदर्शन , जपान गोलकीपराचे सेव्ह अशा क्षणांनी भरलेली उत्कृष्ट मॅच ! बराच काळ लक्षात राहिल

जपान अनपेक्षित रित्या फारच मस्त खेळले, हा वर्ल्ड कप अंडरडॉग्स गाजवतायत त्यामुळे फार इंटरेस्टिंग झालाय

कोलंबिया विरुद्ध इंग्लंड शूटआऊट मध्ये ४-३ अश्या फरकाने जिंकलं, प्रचंड शूट आऊट प्रचंड थरारक प्रकार होता. शेवटी इंग्लंड शूटआऊट मध्ये हरण्याच्या शापातून मुक्त झाला म्हणायचं. आता तहात जिंकतात का पाहाण औत्सुक्याचे ठरेल.

उरुग्वे फ्रान्स मध्ये उरुग्वे ला अधिक संधी आहे . ब्राझीलची खेळण्याची शैली आवडत असली तरि बेल्जियमचि टीम अधिक संतुलीत आणि अनुभवी आहे. त्यामुळे बेल्जियम स्वीडन इंग्लडमध्ये नक्कीच इंग्लड ! स्वीडन पुढे गेले तर चमत्कार मानावा लागेल. रशिया क्रोएशिया मध्ये क्रोएशिया (पुतीनने सेटींग लावलि नसेल तर = )) )

जपानची म्याच अजून पाहताच आली नाही. भयानक पावसाने सिग्नल गायब. दुसरे दिवशीही नाहीच. दोन मिनिटाच्या युट्युबवर समाधान. चार म्याच शुटाउट झाल्या, फायनलला चार तास खेळवा पण हे नको.

कपिल इथेही फिक्ससिंग??????

ब्राझील ची टीम माझी फेव्हरेट नसली तरी - ब्राझील बॅलन्स खेळतेय, कदाचित लक्षात येत नसला तरी त्यांचा बचाव शिस्तीत आहे (उदा. जर्मनी, स्पेन यांचे बचावपटू कुठेही पळत होते, हमेल्स तर स्ट्रायकर बरोबर होता कधी कधी). अर्थात बेल्जीयम काही कमी नाही - ते ब्राझील ला धक्का देण्यास पूर्णतः समर्थ आहेत, पण जपान ज्या प्रकारे त्यांचा बचाव मोडू शकली ते पाहता माझा बेल्जीयन्स वरील विश्वास कमी झाला आहे. या बाजूने उरुग्वे, फ्रांस, ब्राझील, बेल्जीयम म्हणजे सगळेच तगडे संघ आहेत, कोणीही कोणालाही हरवू शकते. मला वैयक्तिक रित्या फ्रांस किंवा बेल्जीयम फायनल ला गेलेली आवडेल. दुसऱ्या बाजूचा ड्रॉ बघता इंग्लंड बहुधा फायनल गाठेल असे वाटते.

आज फ्रान्स उरुग्वे आणि ब्राझील बेल्जियम मॅच आहेत . आजचे माझे फेव्हरीट उरुग्वे ,ब्राझील स्पर्धेतल्या खेळानुसार :उरुग्वे ,बेल्जियम ब्राझील बेल्जियम मॅच हाय स्कोअरिन्ग असा अन्दाज आहे .

उरुग्वे बाहेर , गचाळ गोल किपिंग आणि सुआरेज एकटा पडल्याने स्कीम गंडली. ब्राझील जिंकेल अशी आशा आहे

0-2

बहुतेक बाहेर जाणार

ब्राझील बेल्जीयम चांगली चालू आहे. बेल्जीयन्स प्रतिहल्ल्यांवर भर देऊन चांगली खेळतेय. ब्राझील चा हल्ला चांगला आहे पण बेल्जीयम बहुतांश वेळी जवळपास बस पार्क करत आहे. ब्राझील 0-2 बेल्जी

1-2 ब्राझील परत येणार?

प्रथमच ब्राझील, अर्जेंटिना व जर्मनी या तीनही टीम नसणारी सेमी फायनल होणार. बेल्जीयम जबरा खेळ

पहिला फुटबॉल विश्वचषक ज्यामध्ये ब्राझील, जर्मनी, अर्जेंटिना सेमिफायनल मध्ये नाही. या वर्षी सगळे अंदाज खोटे ठरवत भलतीच टीम विजेता होणार

रोनाल्डो ,मेस्सी, नेमा यांना फारच भाव दिलेला ते गेले. बरं झालं. आता नवोदित खेळाडुंचा उत्साह वाढणार. --- बेल्जम जपान ही मॅच फार छान झाली होती. शेवटचा चाळीस सेकंदातला बेल्जमचा गोल जबरा होता. जपान हरले पण पण काय छान खेळले होते!

रशियाचा जबरदस्त गोल, रशिया 1-0 ने पुढे बहुतेक फ्रान्स मधील वर्ल्ड कॅप ची पिनरावृत्ती होणार असे दिसतें

1-1 रशियन खेळाडूंचा ढिलेपणा नडला

रशियन खेळाडू व गोलकीपर पहातच राहिले

रशियाचा नाट्यमय गोल. गोलकीपर ची इंज्युरी लक्षात घेता क्रोएशिया ला पेनल्टी जड पडणार

पाहू कोण जिंकतो

भारी मॅच. रशिया ने खरच अनपेक्षित रित्या मोठी मजल मारली या वेळी. वाटेत इजिप्त, स्पेन या बलाढ्याना धक्के दिले. क्रोएशिया ला पण चांगलं थकवल.

आणखी एक पेनल्टी गेम.

आज फ्रांस वि बेल्जीयम. माझ्या मते हि फायनलच आहे स्पर्धेची. यात जो संघ विजयी होईल तोच फायनल जिंकेल बेल्जीयमचा अनुभव व मॅनेजमेंट जरी लक्षात घेतली तरी मी फ्रांस ला किंचित झुकतं माप देईन. हझार्ड, डी ब्रुईने, लुकाकू यांची जादू आणि सांघिक कामगिरी - हे दोन्ही जमलं तरच बेल्जीयमला वाव आहे.