Skip to main content

तुमच्या देशात....

लेखक शिव कन्या यांनी शुक्रवार, 13/04/2018 13:33 या दिवशी प्रकाशित केले.
मोबाईल स्क्रिनवर त्या छोट्या मुलीचा फोटो दाखवत मला सकाळी शेजारणीने विचारले,'असं करणार्यांना तुमच्या देशात काय करतात?' 'शिक्षा होते...' 'हातं छाटतात? दगडाने चेचतात?' 'नाही.' 'मग काय करतात?' 'सगळे कोर्टात जातात, परत बलात्कार बलात्कार नावाचा हलकट खेळ खेळतात.' '........' ------ 'आम्ही यंदाच्या सुट्टीत अल् हिंदला जाणारोत!' एक आडनीड्या वयातली शाळकरी पोर सांगत येते.एरवी अल् हिंद म्हटलं कि कोण आनंद होतो!पण काल झाला नाही. 'काय पाहणार हिंदमध्ये?' तिच्या हसर्या चेहर्यावर खुशी असते, सुरमेदार डोळ्यात खूप मोठ्ठा देश बघायला जायची उत्सुकता असते. तिने ताज पासून मुन्नार पर्यंत सगळं तोंडपाठ केलेलं असतं. मी तिला सांगते, 'दुसरीकडे कुठेतरी जा मुली! माझ्या देशात जाऊ नकोस. का, ते विचारु नकोस. माझ्यात सांगायचे धाडस नाही, शरम वाटते.' मुलगी म्हणते , 'घरी गेल्यावर मी गुगल करते.' मी दरवाजे लावून बसते. .....
लेखनविषय:
लेखनप्रकार
वाचने 60520
प्रतिक्रिया 212

प्रतिक्रिया

यशवंत पाटील सोमवार, 16/04/2018 13:43
साहेब, जरा थंड घ्या. मनात आलं ते त्यांनी लिहिलं ते कुणाला पटल, कुणाला नाही. लगे त्यांना नागरिक शास्त्र शिकवायला लागले लोकं... अहो, त्यांना बी कळत असणार की. तस बघायला गेल तर काथ्याकूटमधी लेख नसताना इतकी चर्चा कशापायी? तुमच्यावाणी काय मला जास्ती लिहता येत नाही. समजुन घ्या जराशीक.

माहितगार सोमवार, 16/04/2018 14:12
तस बघायला गेल तर काथ्याकूटमधी लेख नसताना इतकी चर्चा कशापायी?
अंशतःच बरोबर , सार्वजनिक मंच आहे, प्रतिसाद सुविधा समीक्षेसाठीच दिलेली आहे . आमचा आक्षेप नसलेला स्वतंत्र धागा चर्चा सुद्धा चालू केली आहे . आक्षेप तुलनेचा चुकीचा मुद्दा लावून धरण्यावर आहे . लेखिका चर्चेत अनुभवी आहेत ज्यांना तुलनेचा मुद्दा लावून धरायचा आहे त्यांच्या मुद्याची योथोचीत चिकित्सा ओघाने येतेच . आज माझ्या घरातील स्त्रिया बाहेर सुरक्षित पाने वावरून आल्या आहेतच बाकीच्यां कोट्यावधी स्त्रिया बाहेर या क्षणी भारतात सुरक्षित पाने वावरत असतील , काळजीच्या गोष्टी भारतात नाही असे नाही पण काळजीच्या गोष्टींची काळजी सुरक्षे विषयी चर्चा करून करणार कि stereotype तयार करून भीती चे वातावरण वाढवण्यात हात भार लावणार नेमके काय तर्क सुसंगत आहे ? हे आपणच सांगा

वीणा३ सोमवार, 16/04/2018 09:22
" मी दरवाजे लावून बसते."तुम्हाला काय म्हणायचं आहे ते नीट कळलं. इथल्या वादात नाही पडणार, पण असं काही वाचलं ना कि घरातून बाहेर पडायची सुद्धा भीती वाटते. ८ वर्षाच्या मुलीचे (खरंतर कोणाचेही) हाल करणाऱ्याची "जनावर" हि एकाच जात / धर्म असतो. मीडिया वर असले फोटो दाखवण्यासाठी अतिशय स्ट्रिक्ट नियम केले पाहिजेत, विचारही करवत नाहीये त्या मुलीचा आणि तिच्या घरच्यांचा, माझा ८ महिन्याचा मुलगा घरात झोपला होता, हि बातमी वाचल्यावर ४ वेळा त्याच्या कडे बघून आले. "त्यामुळे बाकीचे देश काही का करत असेनात, भारत बायकांसाठी अवघड देश आहे हे मला मान्य आहे. आणि ह्याचं मूळ आपल्या विचारसरणीत आहे. " अतीवेळा सहमत. मध्ये एक बातमी अली होती कि लो वेस्ट जीन घालून बाईक वर बसलेल्या एका मुलीच्या जीन्स मध्ये जळती सिगारेट टाकली. ओळखीतल्या कित्येक "बायकांची" प्रतिक्रिया होती कि असे कपडे घातले कि असंच होणार, नीट कपडे घालावे. काय बोलावं कळत नाही.

माहितगार सोमवार, 16/04/2018 11:52
...माझा ८ महिन्याचा मुलगा घरात झोपला होता, हि बातमी वाचल्यावर ४ वेळा त्याच्या कडे बघून आले.
आपण आपल्या मुलावर सुयोग्य संस्कार नेमके कसे कराल ? की पुढेचालून तो योग्य मार्गावर राहील
...मी दरवाजे लावून बभित"तुम्हाल काय म्हणायचं आहे ते नीट कळलं. इथल्या वादात नाही पडणार, पण असं काही वाचलं ना कि घरातून बाहेर पडायची सुद्धा भीती वाटते.
.. लेखिका आणि लेखिकेचे समर्थक चर्चा सुरक्षा कशी वाढवता येईल एवजी स्वतःला आणि इतरांना भितीच्या वातवरणात गुरफटवत तर नाही आहेत. आपण वर्णन केलेल्या कपडे कसे घालावे सांगणार्‍या स्त्रीयाही भितीच्या वातावरन निर्मितीत गुरफटवून घेत नाही किंवा कसे ?

गामा पैलवान सोमवार, 16/04/2018 12:26
अंतरा आनंद,
आपल्या देशाच्या बदनामीनं खूपच दु:ख झालेलं दिसतय लोकांना.
खरंय हे. देशात बायका सुद्धा येतात. त्या स्त्रियांचीही नाहक बदनामी होतेय. आ.न., -गा.पै.

गवि सोमवार, 16/04/2018 12:52
भावनेच्या भरात काहीसा आमिर खान इफेक्ट (देशात असुरक्षित वाटतं, देश सोडण्याविषयी) घडून गेला असावा. त्यात उद्वेगाचा भर हा फॅक्टर जास्त असावा. भावना समजल्या.

पिलीयन रायडर सोमवार, 16/04/2018 13:35
म्हात्रे काका, आपल्या देशाची बदनामी परदेशी लोकांसमोर करु नये हे तत्वतः मान्य असलं तरी जर एखादी परदेशी स्त्री भारतात येणार असेल तर मी तिला ह्या वास्तवाची नक्कीच जाणीव करून देईन. ह्याचं कारण सध्या सतत कानावर येणाऱ्या ह्या रेपच्या बातम्या इतकं मर्यादित नाही. भारतात सगळीकडेच स्त्रियांना निर्धोक फिरता येत नाही. परिस्थिती कमी अधिक प्रमाणात वाईट असेल पण वाईट आहे हे नक्की. एकंदरीतच स्त्रियांना कमी लेखणे पासून ते निव्वळ उपभोगाची वस्तू समजणे ह्या सर्रास घडणाऱ्या गोष्टी आहेत. ह्याची नोंद ठेवून आकडेवारी तयार केली जाते का ते माहीत नाही, पण हे सत्य आहे. म्हणजे बाईशी बोलताना नजर कुठे असावी इतके साधे संकेत सुद्धा सहज मोडले जातात, अगदी चकचकीत कॉर्पोरेट मध्ये सुद्धा. ही गोष्ट कुणी रिपोर्ट करणार नसलं तरी ती किती किळसवाणी आहे हे स्त्री झाल्याशिवाय कळणार नाही. (पण अंदाज येऊ शकतोच). पब्लिक ट्रान्सपोर्ट मध्ये तर मन निगरगट्ट करूनच जावं लागतं. अगदी शाळकरी पोरं सुद्धा वाट्टेल तसे हात लावतात. मुळात आपण कोणत्याही बाईला कुठेही हात लावू शकतो असं वाटणं हेच किती विकृत आहे.. आता मी फक्त अमेरीका हा देश पाहिला आहे. तो ही फार थोडासा. किमान न्यू यॉर्क मेट्रो मध्ये तरी, कितीही गर्दी असली तरी तुम्हाला किळसवाणे स्पर्श होत नाहीत. तुम्ही वीतभर कपडे घालून फिरलात तरी कुणी नजरही वर करून बघत नाही. स्विमिंग पूल मध्ये अमेरिकन पुरुष असेल तर तो आहे की नाही हे ही लक्षात येणार नाही अशा बेताने अलुफ राहून पोहत असेल. तेच तिथे भारतीय पुरुष असेल तर एका क्षणात माझे सेन्सेस अलर्ट व्हायचे. सरसकटीकरण करायच नाहीये मला, पण एकुणात परिस्थिती अशी आहे... असावी.. तिथेही रेप होतात ना, पण बायका ते खुले आम सांगतात की माझ्यावर रेप झाला होता. समाज त्यांना वेगळं वागवत नाही. अर्थात भारत आणि अमेरिकेत फार फार फरक आहेत. संस्कृतीच वेगळी. पण उद्या एखादी अमेरिकन बाई भारतात येणार असेल तर स्त्री म्हणून मी तिला ह्या फरकांची जाणीव करून देईनच. देशाच्या वगैरे पलीकडच्या गोष्टी आहेत ह्या. मेरा भारत महान वगैरे भ्रम मला तसेही नाहीचेत, आणि स्त्री असणं हे माझ्यासाठी जास्त मोठं कनेक्शन आहे. तेव्हा ओमान बद्दलचे तांत्रिक मुद्दे चुकले असतीलही, पण भावना नीट समजल्यात मला लेखातल्या.

माहितगार सोमवार, 16/04/2018 13:58
आपल्या भावना लक्षात घेऊन अपल्याच विधाना वर आधारीत वेगळा चर्चा धागा भारत बायकांसाठी अवघड देश आहे ... ... काढला आहे, आपले त्या चर्चेत स्वागत आहे. तुलनेचा गोलपोस्ट वर चर्चा केंद्रित करणे आपली प्रायोरिटी असेल ससंदर्भ तर्कसुसंगत अभ्यासपूर्ण चर्चेची तयारी आहेच . पण आधीच्या सदस्यांप्रमाणे तुलनेच्या गोलपोस्ट ला का फोकस केले म्हणू नका, ते गोलपोस्ट आपणण स्वत: उभे केलेले आहेत आणि आपण त्या गोलपोस्ट ला सांभाळू इच्छित आहात हे लक्षात घ्यावे हि नम्र विनंती

श्वेता२४ सोमवार, 16/04/2018 14:34
आपल्य मताशी मीही सहमत आहे. चर्चा करणाऱ्यांनी दुसऱाय देशासमोर आपल्या देशाची बदनामी, आकडेवारी इ. पोकळ चर्चेत न पडता देशात जे भयानक घडत आहे त्यावर लक्ष देणे अधीक महत्वाचे. मिपावर बऱ्याच स्त्रिया कामानिमित्त घराबाहेर पडत असतील तशाच या देशातीलही कामानिमित्त रोज घराबाहेर वावरतात याचा अर्थ बाहेरचे वातावरण सुरक्षित आहे म्हणून त्या बाहेर पडतात असे नाही. बाहेर पडताना त्यातील किती जणींना बिनधास्त वाटत असेल याचा विचार करणे ही खरी गरज आहे. आणि याचे मूळ कुठेतरी पुरुषांचा स्त्रीकडे बघण्याच्या दृष्टीकोनात आहे. तसा दृष्टीकोन का तयार होतो याचा विचार करावा लागेल.

माहितगार सोमवार, 16/04/2018 16:29
आणि याचे मूळ कुठेतरी पुरुषांचा स्त्रीकडे बघण्याच्या दृष्टीकोनात आहे. तसा दृष्टीकोन का तयार होतो याचा विचार करावा लागेल.
अगदी पिलीयन रायडर यांच्याच विधानावर आधारीत भारत बायकांसाठी अवघड देश आहे ... हा धागा फिअर मॉन्गरीन्ग न करता रचनात्म्क चर्चा व्हावी म्हणून काढला आहे . त्या धाग्यात आपल्या उपरोक्त विधाना संदर्भाने चर्चेत स्वागत आहे.

राही सोमवार, 16/04/2018 14:47
प्रतिसाद आवडला. पाश्चात्य देशांत महिलांशी बोलताना पुरुषांची नजर बहुतेक वेळा नितळ आणि सभ्य असते. भारतात मात्र ती सतत वखवखलेली असते. कुलाबा फोर्ट भागात फेरीवाले टॅक्सीवाले परदेशी बायकांशी किती विकृत वागतात ते पाहिले आहे. एक तर कुठल्याही महिलेशी सभ्य रीतीने वागावे ही इथली संस्कृतीच नसावी किंवा असलीच तर ती धुडकावण्यात काही गैर वाटत नसावे.

टवाळ कार्टा सोमवार, 16/04/2018 17:58
पाश्चात्य देशांत महिलांशी बोलताना पुरुषांची नजर बहुतेक वेळा नितळ आणि सभ्य असते.
हे फार चुकीचे वाक्य आहे हे मी छातीठोकपणे सांगू शकतो....बहुतेकवेळा (प्रत्येकवेळा नाही) प्रत्येक पुरुष कोणत्याही स्त्रीशी बोलताना एकदातरी "natural attraction to opposite sex" या नजरेने बघतोच....फक्त ते बघणे "काही सेकंद ते नजरेसमोर असेपर्यंत" यामध्ये कुठेही असू शकते...पाश्चात्य देशांत लोकांना शारिरीक जवळीक फार लवकर आणि जास्त वारंवारीतेने मिळते त्यामुळे "तसे" बघणे जास्त वेळ लांबत नाही...मध्य-पुर्वेत किंवा आशियायी देशांत (Indian subcontinent) असा प्रकार नसल्याने बहुतेकदा "जमेल तितके आणि जमेल तेव्हा" काहीतरी बघावे/मिळावे याची तीव्रता जास्त असते...अर्थात परस्पर संमतीशिवाय अथवा समोरच्या व्यक्तीला uncomfortable काहिहि करणे हे चूकच आहे त्यामुळे "पाश्चात्य देशांत महिलांशी बोलताना पुरुषांची नजर बहुतेक वेळा नितळ आणि सभ्य असते." हे सरसकटीकरण करुन काळ्या-पांढर्यात विभागणी करणे चूक

बिटाकाका सोमवार, 16/04/2018 19:19
काही अंशी सहमत. पण मुळात ते पण तेच करतात असं म्हणणं तितकंच चूक आहे जितकं इथले पुरुष करतात असं म्हणणं आहे. अर्थात हे माझे वैयक्तिक मत आहे. -------------------------------- ही अशी सरसकटीकरण आणि एक प्रकारचा उपहास यांनी भरलेली वाक्ये ऐकली की वाटतं "इतर स्त्रियांकडे, माझा भाऊ फार वखवखलेल्या नजरेने बघतो, माझे वडील फार वखवखलेल्या बघतात, माझा नवरा फार वखवखलेल्या नजरेने बघतो, माझा मुलगा फार वखवखलेल्या नजरेने बघतो" वगैरे वाक्ये सर्रास कानावर पडू लागतील की काय. आणि मग एक खिन्नता आणि उदासीनता वाटते.

पिलीयन रायडर सोमवार, 16/04/2018 20:40
माझा भाऊ बघतही असेल, उद्या मुलगा विचित्र वागेलही. नाही कोण म्हणतंय? हे बलात्कारी लोक कुणाचे न कुणाचे नातेवाईक आहेतच की! बिटकाका, बहुतांश वेळा घरातच असे प्रसंग घडतात. एखादा अनामिक सर्व्हे घेऊन पहा, अनेक जणी कबूल करतील की घरातल्याच कुणीतरी त्यांना त्रास दिलेला आहे. अगदी मुलीवर अत्याचार करणारे बाप ह्या जगात आहेत. माझं असं मत आहे की बायकांना बाप, भाऊ, नवरा हे कसे आहेत हे नीट माहिती असतं. फक्त त्या बोलायला घाबरतात. त्यामुळे तुम्ही म्हणता तसं कुणी बोलताना सापडणार नाही, पण घडत आहेच.

बिटाकाका सोमवार, 16/04/2018 21:48
त्याचं प्रमाण नावाची गोष्ट असेलच की? ******************** स्टेरिओटाइप करताना थोडाही विचार केला जाऊ नये? माझ्या आजूबाजूच्या लोकांपैकी ०.५ टक्केही अशी वखवखलेली नजर घेऊन फिरत नाहीत. तुमचेही प्रमाण हेच असावे असे मत नाही, पण वरील वक्तव्य १००% प्रमाण गृहीत धरतंय आणि ते अतिशय खेदजनक तर आहेच शिवाय संतापजनकही आहे असे मला वाटते. माझ्या सज्जनपणावर असा सरसकट हल्ला करण्याचा अधिकार (किंवा स्वातंत्र्य) कोणी का घ्यावा? मला माझी सज्जनता आणि माझे संस्कार कुणासमोरही सिद्ध करण्याची तिळमात्रही गरज वाटत नाही. आणि माझ्यासारखेच बहुतेक सगळे वडील, भाऊ, नवरा मुलगा बाजूला असतात. कुठल्या मोजक्या नतद्रष्ट नीच लोकांसाठी सगळ्या पुरुषजातीवर आसूड उगारणे अजिबात योग्य नाही. याउपरही कोणी, कदाचित वैयक्तिक अनुभवांमुळे, असे स्वातंत्र्य उपयोगी आणत असल्यास अशा वक्तव्यांना फाट्यावर मारण्याशिवाय काय पर्याय उरतो? ************************* माझ्या मतातून कोणाला उद्धटपणा किंवा महिलांबद्दल अनादर भासत असल्यास, फारफारतर मी आगाऊ दिलगिरी व्यक्त करू शकतो, तसा हेतू असणे कदापि शक्य नाही.

पिलीयन रायडर सोमवार, 16/04/2018 22:08
तुम्ही वैयक्तिक का घेताय हे? आपण जनरल मानसिकतेबद्दल बोलत आहोत. भारतात स्त्रियांना कमी लेखले जाते असं जेव्हा विधान केलं जातं तेव्हा माझ्या घरातल्या स्त्रियांना तर मी मनाने वागवतो ह्या प्रतिवादाला अर्थ नसतो. हे विधान स्त्रिया करतात तेव्हा त्याला अनेक अनुभवांची जोड असते आणि त्यातून त्या हे बोलतात. आम्ही जेव्हा म्हणतोय की भारतात पुरुष स्त्रियांकडे विचित्र नजरेने बघतात तेव्हा सगळेच्या सगळे भारतीय असेच आहेत असा अर्थ नसतोच. पण बहुतांश जागी स्त्रियांना हा अनुभव येतो. चांगल्या घरातले, एरवी सभ्य वाटणारे पुरुषही विचित्र वागू बोलू शकतात. पण ह्याचा अर्थ तमाम जनता अशीच आहे आणि तमाम बायका अत्यन्त पवित्र आणि सात्विक आहेत असाही होत नाही. हे चर्चेचे अध्याहृत संकेत आहेत असं मला वाटतं. भारतात कठुआ, उन्नव, आसाम, सुरत अशा अनेक ठिकाणी पाशवी बलात्काराच्या बातम्या एकत्र कानावर येत असताना स्त्रियांनी त्यांचा उद्वेग मांडला तर त्यात असे तांत्रिक मुद्दे का काढले जावेत? आपल्या देशात स्त्रियांची सुरक्षितता हा मोठा चिंतेचा विषय आहे हे मान्य करायला इतका त्रास का होत असावा? इतर देशातल्या ह्या संदर्भातल्या काही चार दोन भल्या गोष्टी इथे मांडल्या तर त्याचा त्रास का व्हावा? इथे कुणी कुणावर वैयक्तिक बोट दाखवत नाहीये आणि चांगले सभ्य पुरुष जगात नाहीतच असंही म्हणत नाहीये. पण दैनंदिन आयुष्यात "ट्रॉमा" वाटावा इतका त्रास मुली रोज सहन करतात. मनोरुग्ण माणसाने वागावं तसे विकृत बलात्कार भारतात होतात, घरातल्या माणसानेच वर्षानुवर्षे त्रास दिल्याच्या घटना सुद्धा इथे घडतात. काही मोजक्या पुरुषांचा सभ्यपणा इतका महत्वाचा वाटतो तिथे ह्या मुलींचा त्रास नगण्य आहे का? मी भारताबद्दल देशप्रेमाची भावना समजू शकते, पण ह्या नादात आपण प्रचंड शाररिक आणि मानसिक त्रासाला सामोऱ्या गेलेल्या स्त्रियांना विसरत आहोत का? चर्चेचा मुद्दा हाच आहे ना?

माहितगार सोमवार, 16/04/2018 22:20
चर्चेचा मुद्दा हाच आहे ना?
मॅडम, तुमचंच बरोबर आहे , आपल्याशी चर्चा करताना 'वुमेन आर फ्रॉम व्हीनस'चा अनुभव आला आणि अधिक शहाणा झालो. खाली सुखी माणूसचा प्रतिसाद सुद्धा बरोबर आहे की काय अशी भावना होते आहे.

बिटाकाका मंगळवार, 17/04/2018 08:00
१. माझी वाक्ये तुम्ही तरी का वैयक्तिक म्हणून घेताय? मी भारतातील एक पुरुषांचा प्रतिनिधी म्हणून बोलतोय असं समजा की! २. आपण मुद्द्याभोवती गोल गोल फिरक्त आहोत. किती टक्के पुरुष तुम्ही म्हणता तसे आहेत? ही टक्केवारी अजिबात महत्वाची नाही असे गृहीत धरून वारंवार "सर्व पुरुष" असा उल्लेख अत्यंत खटकणारा आहे. काही पुरुष म्हणण्यात नेमकी अडचण काय? ३. इथे स्त्रियांची सुरक्षितता हा चिंतेचा विषय नाहीये असं म्हणणारा कुठल्या आणि कुणाच्या प्रतिसादाचा संदर्भ आपण देताय? मला तरी असं सुचवणार कुठला प्रतिसाद दिसला नाही, तुम्ही दाखवून देता का? ४. काही मोजक्या पुरुषांचा सभ्यपणा? तुम्ही मुद्दा सोडताय. माझा मुद्दा काही मोजक्या लोकांचा नतद्रष्टपणा आहे. मुलींचा त्रास नगण्य वगैरे कोणालाच वाटत नसतो पण म्हणून सरसकट पुरुषांवर का दोषारोप? आणि यात देशभक्तीचा काय संबंध? स्त्रियांनी स्त्रियांवर केलेल्या अत्याचारांवर पण असेच लेबल लावले जाते का? ५. माझं तर उलट मत आहे की भारतातील पुरुष हा दिवसेंदिवस स्त्रियांबद्दल अतिशय संवेदनशील बनत चालला आहे आणि हे चांगले लक्षण आहे. त्याबरोबरच स्त्रियाही सेल्फ डिपेंडंट आणि कॉन्फिडन्ट होत चालल्या आहेत. यामुके खरतर काही दशकांपूर्वीपेक्षा अतिशय आशादायक चित्र आहे. हे सगळं बाजूला ठेवून वारंवार हा समाज स्त्रियांसाठी धोकादायक आहे म्हणणं अजिबात पटत नाही आणि खासकरून यासाठी समस्त पुरुषवर्गाला आरोपीच्या पिंजऱ्यात उभे करणे क्लेशदायक आहे.

nanaba मंगळवार, 17/04/2018 12:18
ज्याच जळत त्यालाच कळत ही म्हण आठवतेय इथले प्रतिसाद वाचून. जे चा न्गले आहेत त्यान्नी विरो धी पक्शात न जाता , आम्हाला ज्या मानसिक त्रासातून जाव लागतय असल्या सततच्या बातम्या वाचून त्याबद्दल तुम्ही आमच्या बरोबर आहात. तुम्ही स्वतः चा न्गले असल्याने असे वागणार नाही. ़ऊनी क वागताना दि सले तर यथा शक्ती ते वू थाम्बवू , असे म्हणायला काय हरकत आहे. आअपण विरोधी पक्शात असण्याची गरज नाहीये

arunjoshi123 गुरुवार, 19/04/2018 15:26
माझा भाऊ बघतही असेल, उद्या मुलगा विचित्र वागेलही. नाही कोण म्हणतंय?
इन द स्पिरीट ऑफ ओरिजनल सेंटेंस - माझा भाऊ बघतो. मुलगा बघणार. ------------------- बी फेअर.

माहितगार सोमवार, 16/04/2018 16:00
दुसर्‍या धाग्याचे आमंत्रण देऊन , विषय थांबवणार होतो पण राहींनी तुलनेचा गोलपोस्ट सांभाळायचे ठरवले आहेच तर स्टिरीओ टायपींगचा विरोध म्हणुन हा तुमच्या लाडक्या आमेरीकेतील स्विमींग क्षेत्रातल्याच बातमीचा दुवा स्पृहणीय नक्कीच नसावा 100s of USA swimmers were sexually abused for decades and the people in charge knew and ignored it, investigation finds बातमीची तारीख PUBLISHED: February 16, 2018 at 10:59 am | UPDATED: February 20, 2018 at 8:27 am आणि आमेरीकन मरिन्सच्या उद्योगांच्या यादीचे स्मरण पुरेसे असावे दुव्यांची आवश्यकता नसावी. आपल्यातील वाईटाचे हे समर्थन नाही पण तुलनेचा गोल्पोस्ट सांभाळणे अनावश्यक पोकळ आधारावर आहे . तुलनेचा गोलपोस्ट वर चर्चा अजूनही केंद्रीत ठेवायची असेल तर गोलपोस्ट सांभाळणे चालू ठेवा

पिलीयन रायडर सोमवार, 16/04/2018 17:35
"तुमच्या लाडक्या अमेरीकेत" ..... बाकी आपण स्विमिंग आणि अमेरिका असं गुगलल की झालं असं वाटत असेल तर मुद्दा काय हे समजून घेण्याचे अजून कष्ट घ्यायचा स्कोप आहे. तुमचे इतर धाग्यावरचे निमंत्रण सस्नेह नाकारत आहे. धन्यवाद!

माहितगार सोमवार, 16/04/2018 20:27
...मुद्दा काय हे समजून घेण्याचे अजून कष्ट घ्यायचा स्कोप आहे.
ठिक आहे, भारतीय सोडून बाकी सगळ्या जगातले पुरुष वेगळे पाणि पीत असल्या मुळे शुकासारखे वैरागी आहेत, त्यामुळे बाकी जगाची लोक्संख्या अत्यंत रोडावली आहे ;) भारतातील सर्व सरसकट पुरुष वर बिटाकाकांनी म्हटल्यासारखे वखवखलेल्या नजरेचेच आहेत. आता समजा भारताची तुम्हाला सर्व आधीकाराम्ची हुकूमशाहाचे आधीकार दिले तर परिस्थिती बदलण्यासाठी आपण नेमके काय कराल ?

पिलीयन रायडर सोमवार, 16/04/2018 20:36
आपण अत्यंत मुद्द्याचं आणि लॉजिकल बोलतो, त्यात कोणताही पूर्वग्रह नसतो, भावनिक मुद्दे नसतात.. असतात ती केवळ तथ्ये! हा मुखवटा गळून पडला की मग असे प्रतिसाद येतात तर.. चर्चेला ना नसतेच कधीच माझी.. पण तुमच्यावर वेळ वाया घालवणार नाही. यदाकदाचित पूर्वग्रह गळून पडला आणि नसलेले अर्थ न काढता प्रतिसाद वाचता आले, तर जरूर प्रयत्न करा. फक्त मला सांगायला येऊ नका. जय महाराष्ट्र!

अभिदेश सोमवार, 16/04/2018 16:41
मग तसंच भारतातून अमेरिकेत येणार्याना तुम्ही सांगता का , की इकडे कोणीही , कुठेही बंदूक घेऊन गोळीबार करतो . शाळेत , कॉलेज मध्ये तर नक्कीच होतो. प्रबोधन हे दोन्ही बाजूनी व्हावे. भारतात जाणार्या आणि अमेरिकेत येणार्याना.

पिलीयन रायडर सोमवार, 16/04/2018 17:31
अर्थातच! गोळीबार, रेसिझम, ड्रग्ज इ मुद्द्यावर मी भारतात कायम बोलते आणि स्पेसिफिकली ह्या न्यूज फॉलो सुद्धा करते. बादवे मी भारतात रहाते. उगाच कुणाला मुद्दा नको की तिथे बसून भारताची बदनामी करतेय वगैरे.

गवि सोमवार, 16/04/2018 18:11
बादवे मी भारतात रहाते.
परत आल्याबद्दल धन्यवाद. आनंद आहे. आधीचे कट्टा इ. धागे वाचताना असा समज झाला होता की तिकडे जाऊन तिकडचेच कायमचे होणाऱ्या 99% पैकी तुम्हीही आहात की काय..

पिलीयन रायडर सोमवार, 16/04/2018 18:43
नाही हो गवि! तो ही देश चांगला आहे पण अनेक कारणांसाठी मला भारत जास्त योग्य वाटला. म्हणून मग जास्त ताण न वाढवता परत आले.

टवाळ कार्टा सोमवार, 16/04/2018 18:04
तुम्ही वीतभर कपडे घालून फिरलात तरी कुणी नजरही वर करून बघत नाही. स्विमिंग पूल मध्ये अमेरिकन पुरुष असेल तर तो आहे की नाही हे ही लक्षात येणार नाही अशा बेताने अलुफ राहून पोहत असेल.
याबाबत तुम्ही चूक आहात....तुम्ही कितीवेळा अमेरिकन पुरुषांचे boys talk ऐकले आहे? मी ऐकले आहेत....तेही बर्याच्दा बहुतेकवेळा (प्रत्येकवेळा नाही) प्रत्येक पुरुष कोणत्याही स्त्रीशी बोलताना एकदातरी "natural attraction to opposite sex" या नजरेने बघतोच....फक्त ते बघणे "काही सेकंद ते नजरेसमोर असेपर्यंत" यामध्ये कुठेही असू शकते...पाश्चात्य देशांत लोकांना शारिरीक जवळीक फार लवकर आणि जास्त वारंवारीतेने मिळते त्यामुळे "तसे" बघणे जास्त वेळ लांबत नाही...मध्य-पुर्वेत किंवा आशियायी देशांत (Indian subcontinent) असा प्रकार नसल्याने बहुतेकदा "जमेल तितके आणि जमेल तेव्हा" काहीतरी बघावे/मिळावे याची तीव्रता जास्त असते जाता जाता....कसे बघावे हि एक कला आहे....जी स्त्रीयांकडे जन्मजात असते....आणि बहुतांश पुरुषांना शिकवण्याची नितांत गरज आहे

पिलीयन रायडर सोमवार, 16/04/2018 18:47
तुझा घोळ होतोय. Boys talk भारतात होत नाहीत? बादवे गर्ल्स talk सुद्धा अस्तित्वात आहेत. पण तो मुद्दा आहे का? तर नाही. एक तर मी आधीच वर म्हणलं आहे की सरसकटीकरण होऊच शकत नाही. पण तरीही ओव्हरॉल बायकांकडे बघण्यातली वखवख बरीच कमी आहे. भारतात मात्र सर्रास लोक विचित्र बघतात. तुझ्या लॉजिकची गल्ली किंचित चुकली आहे असं मला वाटतंय.

टवाळ कार्टा मंगळवार, 17/04/2018 19:03
आपणांस मुद्दा समजलेला नाही* तुमच्या वाक्यातून सरसकटपणे अमेरिकन पुरुषांना सोज्वळतेचे सर्टिफिकेट दिले गेलेय त्याबद्दल माझा आक्षेप होता....त्या अनुषंगाने Boys talk चा विषय काढलेला (मुली गर्ल्स टॉक करतात हे जगजाहिर आहे आणि त्याबद्दल काहिच म्हणणे नाहीये) ओव्हरॉल बायकांकडे बघण्यातली वखवख बरीच कमी आहे. भारतात मात्र सर्रास लोक विचित्र बघतात. याबद्दलच मी म्हणालेलो कि "कसे बघावे"** ही एक कला आहे जी स्त्रीयांकडे जन्मजात असते आणि पुरुषांना शिकण्याची नितांत गरज आहे * कित्ती दिवसांनी गुर्जींचे कॉपीराईट असलेले वाक्य वापरले =)) ** देखो मगर प्यार से

माहितगार मंगळवार, 17/04/2018 22:24
या विषयावर माझ्या या (जाने २०१६) धाग्यावर आदिती तै नी त्यांचे विचार मोकळेपणाने मांडलेले दिसतात.

arunjoshi123 गुरुवार, 19/04/2018 16:45
पण तरीही ओव्हरॉल बायकांकडे बघण्यातली वखवख बरीच कमी आहे.
भारतात स्वतःस सुंदर मानणार्‍या वा सर्व तसे मानत असलेल्या स्त्रीयांस पाश्चात्य देशांत काळ्या नि खालच्या वंशाच्या मानतात. उदा. नाशिकवरून आलेल्या मोर्च्यातल्या आदिवासी स्त्रीयांस अप्पर क्लास मुंबईकर वखवखलेल्या नजरेनं पाहत नाहीत तसं काहीसं. भारतात असणार्‍या आफ्रिकन स्त्रीयांत भारतीयांचा रस नसतो, तेच गोर्‍या स्त्रीयांत खूप जास्त रस असतो. त्या खालोखाल स्वतःच्या देशातल्या स्त्रीयांत. (हा रस केवळ सार्वजनिक स्थळांवरील नजरा, इ वरून ठरवला आहे.) हेच अमेरिकन लोकांना लागू आहे. ====================================== स्त्रीयांचा सन्मान कोणत्या देशात किती आहे हे ठरवण्यासाठी त्या त्या देशातले पॉर्नचे प्रकार पाहावेत. प्रकारांची नावे आणि पाहणारांची संख्या, दिलेली रेटींग वरून त्या देशाबद्दल बरेच काही सांगता येईल. जितकं विकृत पॉर्न तितका वाईट देश हे साधं सूत्र लावावं. ==================== भारत सर्वात सोज्वळ देश असेल याबद्दल दुमत नाही.

टवाळ कार्टा गुरुवार, 19/04/2018 18:56
====================================== स्त्रीयांचा सन्मान कोणत्या देशात किती आहे हे ठरवण्यासाठी त्या त्या देशातले पॉर्नचे प्रकार पाहावेत. प्रकारांची नावे आणि पाहणारांची संख्या, दिलेली रेटींग वरून त्या देशाबद्दल बरेच काही सांगता येईल. जितकं विकृत पॉर्न तितका वाईट देश हे साधं सूत्र लावावं. ==================== भारत सर्वात सोज्वळ देश असेल याबद्दल दुमत नाही.
salute कसले पोर्न बनवले जाते यावरून कोणत्याही देशाचे मुल्यमापन करायची वेळ आलीये? प्रत्येक देशात लोकसंख्येच्या प्रमाणात किती लोक पोर्न बनवतात? आणि पोर्न बनवणार्यांमध्येसुद्धा विकृत पोर्न बनवणारे किती असतील? तितक्या लोकांवरुन अख्ख्या देशाचे मुल्यमापन? आणि भारताच्या सोज्वळपणाबद्दल बोलायचे झाल्यास कोणत्याही पोर्न साईट्सवर MMS video असे शोधून बघितल्यावर रिझल्टमध्ये भारतीय स्त्रीयांचे किती व्हिडिओ येतात ते बघा जरा....मग भारत हा "स्त्रीयांचे चोरुन व्हिडिओ बनवणार्यांचा" देश असे म्हणायचे का? हाच सोज्वळपणा का?

बिटाकाका गुरुवार, 19/04/2018 19:48
निकषांमध्ये पाहणाऱ्यांची संख्या याचा उल्लेख आपल्या नजरेतून सुटला असेल कदाचित म्हणून..... ******************* अवांतर शंका - एमएमएस याचा सार्वत्रिक अर्थ शूट केलेला घाणेरडा विडिओ असा होतो का? किंवा आपल्याकडे तो तसा कोडवर्ड वापरतात तास तो जगभरात वापरतात का?

ट्रेड मार्क शुक्रवार, 20/04/2018 18:28
एमएमएस म्हणजे Multimedia Messaging Service. कुठलाही व्हिडिओ, फोटो (फक्त अश्लीलच नव्हे) जेव्हा तुम्ही फोनमधले Messaging App (कायप्पा किंवा तत्सम नव्हे) वापरून पाठवता तेव्हा तो एमएमएस मध्ये जातो. तर लिखित स्वरूपातलं (type करून/ Text) जेव्हा पाठवता ते एसएमएस प्रकारात मोडतो. अमेरिकेत अश्या चोरून काढलेल्या व्हिडिओजला बहुतेक Voyeur व्हिडीओ म्हणतात. नक्की माहित नाही.

arunjoshi123 गुरुवार, 19/04/2018 16:23
स्विमिंग पूल मध्ये अमेरिकन पुरुष असेल तर तो आहे की नाही हे ही लक्षात येणार नाही अशा बेताने अलुफ राहून पोहत असेल.
बे वॉच खास भारतीयांसाठी बनवलेला कार्यक्रम दिसतो. ==================================== शिवाय पॅरिसमधे फॅशन शोज मध्ये अत्यंत वैराग्यपूर्ण दृष्टीने अंतवस्त्रधारी स्त्रीयांचे फोटो काढणं चाललेलं असतं.

मार्मिक गोडसे सोमवार, 16/04/2018 14:01
मेरा भारत महान वगैरे भ्रम मला तसेही नाहीचेत, आणि स्त्री असणं हे माझ्यासाठी जास्त मोठं कनेक्शन आहे. +१११११११

माहितगार सोमवार, 16/04/2018 14:21
देशा बद्दल अभिमान नसलेल्यांनी, देशाची चिन्ता अभिमान असणार्‍यांवर सोडून देणे अधिक श्रेयस्कर असेल का ? आम्ही देशा बद्दल आभिमान आहे , देशास महान ठेवण्याचि आस आहे म्हणूनच सकारात्मक योगदान देतो . अभिमान नसलेलीच मंडळी कुकृत्ये करण्यात पुढे आणि अभिमान नसलेल्यांचीच भावंडे असतात का अशी साशंकता वाटते.

मार्मिक गोडसे सोमवार, 16/04/2018 15:38
देशाभिमान बाळगत २४*७ अत्याचार सहन करायचे काय? उलट थोडी नाचक्की केल्याने उरली सुरली लाज शिल्लक असेल तर निदान वठणीवर तरी येतील.

माहितगार सोमवार, 16/04/2018 15:53
देशाभिमान शिल्लक असेल किंवा वापस आला तरच शक्य व्हावे. खरा देशाभिमान असलेले अत्याचार करतही नाहीत आणि सहनही करत नाहीत. अत्याचार सहन न करण्यासाठी देशाभिमानाशी तडजोड करण्याची गरज नसते.

मार्मिक गोडसे सोमवार, 16/04/2018 16:04
मेरा भारत महान वगैरे भ्रम मला तसेही , आणि स्त्री असणं हे माझ्यासाठी जास्त मोठं कनेक्शन आहे. मग लेखिकेने खरी वस्तुस्थिती समोर आणली तर ती देशाची नाचक्की कशी होते ब्बॉ?

मार्मिक गोडसे सोमवार, 16/04/2018 16:11
खरा देशाभिमान असलेले अत्याचार करतही नाहीत आणि सहनही करत नाहीत. मग लेखिकेने खरी वस्तुस्थिती समोर आणली तर ती देशाची नाचक्की कशी होते ब्बॉ?

माहितगार सोमवार, 16/04/2018 16:25
मग लेखिकेने खरी वस्तुस्थिती समोर आणली तर ती देशाची नाचक्की कशी होते ब्बॉ?
एक मिनीट , किमान मी स्वतः देशाची नाचक्की वाली भूमिका कोणत्याही प्रतिसादातून मांडलेली नाही, तुलनेचा गोलपोस्ट नसलेला धागालेख मी स्वतःही काढला आहे. तो न पहाता आपण माझ्यासमोर प्रश्न ठेवता याचे आश्चर्य वाटते. आपले त्या धागा चर्चेत स्वागत आहे. त्याच वेळी ओमान इस्लामी देश असोत जी युरोमीरेक्चे समर्थक त्यांचे तुलनेचे दावे गोलपोस्ट कमकुवत आधारावर व वस्तुनिष्ठ माहितीवर आधारलेले नाहीत हा माझा पहिला आक्षेप आहे . दुसरा आक्षेप सुरक्षा वाढवण्या बद्दल चर्चा करण्या एवजी स्वतः भ्यावे दुसर्‍यां स्त्रीयांनाही भिती घालावी यास आ़षेप आहे. समस्या थोड्या फार फरकाने सर्वच देशात आहेत तशाच आपल्याही देशात आहेत . त्या बद्दल भितीचे वातावरण निर्माण करणे स्त्रीयांच्या स्वतंच्या फायद्याचे आहे का या बाबत साशंक ता आहे. ओमानी किंवा परदेशी किंवा भारतीय स्त्रीस भारतात फिरताना कोणती काळजी कशी घ्यावी . भारतात उपलब्ध सुरक्षेचे उपाय कोणते , काय सुधारणा करता येतील अशी रचनात्मक चर्चा न करता केवळ मानसीक भिती वाढवत नेणारे वातावरण निर्मिती बद्दल साशंकता आहे.

सुखीमाणूस सोमवार, 16/04/2018 14:03
मुसलमान बायका बुरखा घालतात हे अगदी योग्य आहे. किती सुरक्षित असतात ना त्या!! आपल्या हिन्दु/ ख्रिश्चन /बौद्ध/शीख स्त्रिया फार पुढारलेल्या आहेत. तोकडे कपडे घालताहेत आणि अनर्थ होतोय. चला पुढच्या काही वर्षात आख्खा भारत बुरख्यात आणू शरियत कायदे आणू मग स्त्रिया एकदम सुरक्षित आणि दुय्यम वागणुक मिळाली तरी सुरक्षितता किती महत्वाची!! तेव्हा भारतीय स्त्रियानो परंपरा पाळा मग तुम्ही भारताबाहेर असलेल्या स्त्रियान्सारख्या सुरक्षित राहाल.

माहितगार सोमवार, 16/04/2018 17:06
@ प्रचेतस , भावनांच्या भांडवलावर वस्तुनिष्ठता आणि तर्कसुसंगतते शी तडजोडीची भलावण कशा साठी. याच लेखीकेच्या एका कवितेची बाजू तर्कसुसंगत विश्लेषणाने मी स्वतः लावून धरलेली आहे म्हणजे व्यक्तिगत आकसाचे प्रश्न नाहीत. स्त्री विषयक प्रश्नावर दुसर्‍या धाग्याचा पर्यायही उभा केला आहे. भारत बायकांसाठी अवघड देश आहे ... तिथे आपापले इगो बाजूस ठेऊन हा धागा लेख वस्तुनिष्ठतेच्या प्रश्नावर फसला आहे हे ईगो बाजूस ठेऊन स्विकारावे अथवा न स्विकारता इथला चुकीचा तुलनेचा गोलपोस्ट सांभाळत ही का असेना दुसर्‍या रचनात्मक चर्चेत सहभागी का होता येणार नाही ?

अभ्या.. सोमवार, 16/04/2018 17:14
माहीतगारसाहेब डोंट माइंड, पण आपल्याइतके सुसंगत, विषयाच्या परफेक्ट चाकोरीतून जाणारे, व्याकरणदृष्ट्या, राजकीय, सामाजिक, वैज्ञानिकदॄष्ट्या परफेक्ट वाचायचे असते तर मिपावर कशाला आलो असतो? मिपा हा कट्टा आहे, जड विचारवंतांचा अतिजड शब्दातला बोजड परिसंवाद नाही.

माहितगार सोमवार, 16/04/2018 17:16
साहेब परिसंवाद हरला आहे हे मन मोकळ्या मनाने स्विकारुन द्राक्षांना आंबट म्हणायचे सोडून चर्चा तुलने सोडून कन्स्ट्रक्टीव्ह सुधारणांकडे न्यावी

अभ्या.. सोमवार, 16/04/2018 17:22
कन्स्ट्रक्टिव्ह सुधार्णा अशा प्रकारच्या परिसंवादातून कशा निर्माण होतात आणि त्याचा प्रत्यक्ष आयुष्यात कितपत परिणाम होतो ह्याचे सध्याच्या बघण्यातले एखादे दुसरे उदाहरण दिले तर फार आभारी राहीन साहेब. उदाहरणांसाठी आगामी धन्यवाद. पटणार्‍या उदाहरणांचा उल्लेख न करुन, न पटणार्‍या उदाहरणाकडे दुर्लक्ष करण्याचा हक्क राखून ठेवित आहे.

माहितगार सोमवार, 16/04/2018 17:14
हे असले उद्योग कन्स्ट्रक्टीव्ह नाहीत , पाकीस्तानसारखे शत्रुरास्।ट्र उत्साहात असे टि शर्ट तयार करुन वाटेल आणि असे टिशर्ट असे टि शर्ट दुसर्‍या देशांबद्दलही तयार करुन भारतीयांना वितरीत करता येतील . कन्स्ट्रक्टीव्ह चर्चेच्या धाग्यात चर्चेचे आवाहन अहे

श्रीगुरुजी सोमवार, 16/04/2018 21:07
धागा लेखिकेच्या भावना समजू शकतो. हा अत्यंत घृणास्पद व गंभीर गुन्हा घडला आहे. या गुन्हेगारांना फाशीच शिक्शा सुद्धा सौम्य ठरेल. या प्रकारचे गुन्हे वारंवार घडत आहेत. त्याचे कारण आपली अत्यंत बेजबाबदार व बेफिकीर न्यायव्यवस्था आहे.

माहितगार सोमवार, 16/04/2018 21:22
त्याचे कारण आपली अत्यंत बेजबाबदार व बेफिकीर न्यायव्यवस्था आहे.
ऊपाय योजना ?
या गुन्हेगारांना फाशीच शिक्शा सुद्धा सौम्य ठरेल.
फाशीच्या पुढे काय काय शिक्षा वाढवता येतील ?

धर्मराजमुटके सोमवार, 16/04/2018 21:44
पुरुषांची मानसिकता एका रात्रीत बदलणार नाही. कदाचित ह्या बातमीत दाखविल्याप्रमाणे उपाय केले तर काही होऊ शकेल. राज्यात आणि केंद्रात १००% स्त्रियांचं सरकार आणावं. आपल्या लोकसंखेच्या जवळपास ४८-४९% स्त्रिया आहेत. शिवाय त्यांना सपोर्ट करणारे ५-२५% पुरुष सहजच मिळू शकतील. स्त्रियांना स्त्रियांचं दु:ख चांगल्या प्रकारे कळत असं म्हणतात त्यामुळे काही सुधारणा होऊ शकेल. आणि हो, हे सगळे होईपर्यंत सगळ्या पुरुषांनी घराबाहेर पडताना गॉगल घालणे बंधनकारक करावे, कमीतकमी स्त्रियांना वाईट नजरांचा सामना करावा लागणार नाही.

पिलीयन रायडर सोमवार, 16/04/2018 22:15
चर्चा ही भारतातली स्त्रियांची सुरक्षितता ह्या सर्वसाधारण मुद्द्यावर होती. आणि माझं मत काय आहे हे मी विस्ताराने वर लिहिलं आहे. एक दोन मिनिटांसाठी भारतीय असणं, पुरुष किंवा स्त्री असणं विसरून विचार केला तर घडलेल्या घटना कोणत्याही व्यक्तीला हादरवून टाकतील इतक्या क्रूर आहेत. मला वाटतं त्याचं गांभीर्य मिपाच्या स्वभावाप्रमाणे धागा पुढे गेला तर नक्कीच हरवून जाईल आणि धागा स्त्री वि पुरुष, भारत वि अमेरिका वगैरे नेहमीच्या मुद्द्यावर घसरेल. किमान मला त्यात पडण्याची इच्छा नाही. मुद्दाम ओढल्या जाण्याची तर अजिबात नाही. माझ्या कडून संपूर्ण चर्चेस इथेच पूर्णविराम. जे घडलं त्याच्या उद्वेगातून स्त्रिया बोलणार हे सत्य आहे. लेख त्याच भावनेतून आला आहे. किमान त्याचा आदर केला जावा इतकीच इच्छा.

ट्रेड मार्क मंगळवार, 17/04/2018 03:35
आक्षेप या वाक्याला आहे - मी तिला सांगते, 'दुसरीकडे कुठेतरी जा मुली! माझ्या देशात जाऊ नकोस. का, ते विचारु नकोस. माझ्यात सांगायचे धाडस नाही, शरम वाटते.'. यातून एका अडनिड्या वयातल्या शाळकरी मुलीच्या मनात काय प्रतिमा निर्माण होत असेल? एक स्त्री म्हणून तुम्हाला आलेली उद्विग्नता मान्य आहे पण म्हणून संपूर्ण देशाला आणि पर्यायाने समस्त भारतीय पुरुष स्त्रियांवर अत्याचार करतात असं चित्र उभं करण्यावर आक्षेप आहे. भारतात किती परदेशी पर्यटक दर वर्षी येतात याचे स्टॅटिस्टिक्स या रिपोर्ट मध्ये आणि या बातमी मध्ये बघा. रिपोर्ट प्रमाणे ८-१० मिलियन परदेशी लोक भारतात दर वर्षी येतात. यात अगदी ३०-३५ टक्के स्त्रिया धरल्या तरी या सगळ्या स्त्रियांवर बलात्कार होतात काय? जरा इंटरनेट वर ट्रॅव्हल ब्लॉग्स धुंडाळलेत तरी सोलो फिमेल ट्रॅव्हलर्सचे भारतातले अनुभव वाचायला मिळतील. काही अपवाद वगळता बहुतेक स्त्रिया म्हणतात की त्यांना चांगला अनुभव आला आहे. अर्थात टॅक्सीवाले फसवतात किंवा गाईड मागे लागतात हे आहेच पण ते बहुतांशी आर्थिक फायद्यासाठी असतं. या स्त्रियांच्या मते लोक त्यांच्याकडे बघत बसतात किंवा त्यांच्याबरोबर फोटो काढायला येतात, पण त्यात त्या स्त्रियांना फार काही वावगं वाटत नाही. अर्थात बार किंवा पब मध्ये गेल्यावर सावध राहावं असा सल्ला पण या स्त्रिया देतात. पण बार/ पब सारख्या ठिकाणी हे प्रकार तर कुठल्याही देशात घडतात. इतर ठिकाणी होणाऱ्या sexual abuse बद्दल नुकतेच झालेले #metoo campaign बघा. अमेरिकेसारख्या देशात हायस्कुल आणि कॉलेजमध्ये एकदा जाऊन बघाच. या देशांमध्ये तरी सेक्स हा taboo मानला जात नाही तसेच स्ट्रीप क्लब वगैरेसारख्या ठिकाणी लोक्स हौस भागवून घेऊ शकतात तरीही बलात्काराचे, कुमारी मातांचे तसेच अल्पवयात झालेल्या लैंगिक आजारांचे स्टॅटिस्टिक्स बघा. बाकी देशांची तुलना होणं स्वाभाविक आहे कारण धागालेखिका दुसऱ्या देशातील मुलीला भारताबद्दल सांगत आहेत. बरं कौतुक कशाचं तर दगडाने ठेचून किंवा हात पाय तोडून मारतात याचं? तिथे तर स्त्रीने बलात्कार झाला हे स्वतः सांगून मानत नाहीत, त्यासाठी २ पुरुषांची साक्ष लागते. वर ती सिद्ध करू शकली नाही तर दगडाने ठेचून मरण तिच्या वाट्याला पण येऊ शकतं. त्यामुळे असं सरसकट विधान करण्यापेक्षा त्या मुलीला खालील प्रमाणे सांगणं उचित ठरलं असतं - - भारतात बहुतेक सर्व ठिकाणी गर्दी असते, त्यामुळे चुकामुक होण्याची शक्यता आहे. तरी सतत आपल्या कुटुंबाबरोबर रहा. - आईवडिलांना सोडून एकटं कुठेही जाऊ नकोस. - प्रवासात अनोळखी व्यक्तींनी दिलेल्या गोष्टी स्वीकारू नकोस/ खाऊ नकोस. - जर आपल्या कुटुंबाबरोबर चुकामुक झालीच तर काय करावं. या आणि अश्या सारख्या सूचना दिल्या असत्या तर योग्य ठरलं असतं. भारतात सगळं आलबेल आहे असं मुळीच म्हणणं नाहीये पण म्हणून अगदी सरसकट सगळ्या मुलींवर बलात्कार होतात किंवा सगळे पुरुष वासनांध आहेत आणि संधी मिळेल तेव्हा लैंगिक अत्याचार करतात हे सांगणं पण चुकीचंच आहे. माझ्या आधीच्या प्रतिसादात युरोपात आणि अमेरिकेत घडलेल्या घटनांचा उल्लेख करण्याचं कारण हेच होतं की स्त्रियांवर अत्याचार या प्रगत देशातही होतातच. अमेरिकेत तर इतकी मस्त गोंडस लहान मुलं दिसतात सहज नुसता गालाला हात लावायची इच्छा होते. पण नुसतं बोट जरी लावलं तरी पेडोफाईल म्हणून तुमच्यावर संशय घेतला जातो. हे काय अकारण होतं का? तशी लोक होती आणि आहेत म्हणून तर असे कायदे बनवलेत. पण म्हणून काय अश्या लोकांची संख्या आणि असे गुन्हे कमी झाले का? तुमच्या आसपास कुठले गुन्हे घडले आणि किती गुन्हेगार राहतात याची माहिती देणारी मोबाईल ऍप्स उपलब्ध आहेत. न्यू यॉर्क, जर्सी सारख्या भागात पहिल्यांदा जेव्हा मी ऍप डाऊन्लोड केलं तेव्हा मला धक्का बसला. बरं अमेरिकेत तर काय गन सहज मिळते आणि वापरता येते. पण म्हणून अजून तरी कुठल्या अमेरिकनाने त्याच्या देशात फिरायला येऊ पाहणाऱ्याला माझा देश असुरक्षित आहे आणि तू येऊ नकोस असं सांगितल्याचं ऐकिवात नाही. इंग्लंड मधली उदाहरणं दिली आहेत, संपूर्ण एका काउंटी मधल्या वय ८ ते ५० मधल्या एकूण एक मुली/ स्त्रिया लैंगिक अत्याचाराच्या बळी आहेत. नुसता एकदा एका नराधमाने केलेला बलात्कार नाही, तर वर्षानुवर्षे सतत होणारे गँगरेप आणि त्यातून या मुलींना लावलेली ड्रग्सची सवय. जवळपास १५ वर्ष हे चालू होतं आणि पोलिसांनाही माहित असून त्यांनी काही केलं नाही. कुठल्या ब्रिटिश व्यक्तीने, वर्तमान पत्राने किंवा न्यूज चॅनेलने ब्रिटन महिलांसाठी धोकादायक आहे असं सरसकट विधान केलं? या उलट निर्भयाच्या केसच्या वेळेला BBC ने India's Daughter प्रसारित केली. या अश्या घटना जश्या उद्विग्नजनक आहेत त्याचप्रमाणे अश्या घटनांचा कुठल्यातरी अजेंड्यासाठी होणारा वापरसुद्धा उद्विग्नजनक आहे. तुम्ही तसा वापर करताय असं म्हणणं नाहीये पण या अश्या विधानांनी त्या अजेंड्याला पुष्टी कशाला द्यायची?

सुबोध खरे मंगळवार, 17/04/2018 09:58
एक अनुभव -- एका तरुण बलात्कारित मुलीची तपासणी करण्याचा प्रसंग. तिला बेदम मारहाण करून तिच्या वर बलात्कार झाला होता त्यामुळे तिच्या पोटातील अवयवांना काही इजा झाली आहे का हे तपासण्यासाठी सोनोग्राफी करत होतो. त्या दुर्दैवी मुलीशी बोलताना किंवा तिच्या यावर उपचार करताना लक्षात आलेला एक अतिशय महत्त्वाचा फरक असा आहे. तिच्या बरोबर असणारी स्त्री डॉक्टर आणि नर्स तिच्याशी अतिशय जवळीकीने वागत होत्या आणि त्याच इतर पुरुष डॉक्टरांबरोबर "थोड्याशा" विचित्र वागत होत्या. या वागण्याचे विश्लेषण स्वतःशी करत असताना एक लखलखीत सत्य माझ्या समोर आले ते म्हणजे

प्रत्येक स्त्रीच्या मनात "आपल्यावरसुद्धा" केंव्हाही बलात्कार होऊ शकतो हा विचार असतो. हा विचार ८ ते ८० वयाच्या स्त्रीमध्ये कायम असतोच.

या विचारामुळेच कदाचित अशा मुलीशी अतिशय सहानुभूतीने ( सह + अनुभूती) वागत होत्या. त्याच जागी माझ्या मनात असा कोणताच विचार( आपल्यावरसुद्धा" बलात्कार होऊ शकतो ) नव्हता त्यामुळे मी तिला दाखवत होतो ती एक "कणव" म्हणता येईल. व्याख्येप्रमाणे "सहानुभूती" म्हणता येणार नाही. अशा प्रसंगी स्त्रिया या "आपण आणि ते (पुरुष) असा भेदभाव नैसर्गिक रीत्या करत होत्या. याबद्दल वाचन करत असताना असाच अनुभव पाश्चात्य देशातील अनेक पुरुष डॉक्टरांना आल्याचे वाचनात आले. या धाग्यावर मला हा फरक परत एकदा स्पष्टपणे जाणवतो आहे. स्त्रिया बलात्काराबद्दल आणि एकंदर स्त्रियांना होणाऱ्या त्रासाबद्दल पोटतिडीकेने किंवा सहानुभूती ने लिहीत आहेत. त्यात परत आपण आणि ते( पुरुष) यातील फरक जाणवतो आहे. येथे आपला बाप भाऊ आणि मुलगा याबद्दल भवन कशा व्यक्त कराव्या याची शंका दिसते आणि पुरुष "कणव" असल्याने लिहीत आहेत. त्यात भावनाप्रधानता कमी आणि वस्तुनिष्ठता जास्त जाणवते. पहा विचार करून परत एकदा.

माहितगार मंगळवार, 17/04/2018 12:29
स्त्रिया बलात्काराबद्दल आणि एकंदर स्त्रियांना होणाऱ्या त्रासाबद्दल पोटतिडीकेने किंवा सहानुभूती ने लिहीत आहेत.
डॉक्टर , काल पिरा ताई सोबतच्या चर्चेत वुमेन आर फ्रॉम व्हीनस प्रमाणे केवळ मन मोकळे करण्याच्या गरजेचा अनुभव आला , ज्यात परिस्थिती बदलण्यासाठी कोणत्याही सोल्युशन्सची त्यांची अपेक्षा नसते , आणि पुरुष मंडळी सहसा सोल्युशन्स शोधण्यावर भर देतात . मन मोकळे करणे संताप व्यक्त करणे, एकंदर स्त्रियांना होणाऱ्या त्रासाबद्दल पोटतिडीकेने किंवा सहानुभूतीने व्यक्त होणे या कशा बद्दलच आक्षेप नाही . पण त्यासाठी वास्तुनिष्ठतेशी फारकत करण्याची काय जरुरी आहे . धागा लेखिके साहित काही जण आले पिंक टाकल्यासारखे निव्वळ सहानुभूती दाखवणे औपचारिकतेसारखे पूर्ण करून गेले . आपण पॉलिटिकली करेक्ट लिहिले कि संपले , नसता झमेला कशाला ? वाला हा एटीट्युड नाहीना याची बर्याच ठिकाणी शंका आली . स्त्रीची स्त्रीला अमुक कारणाने सहानुभूती असते असे आपण म्हणता , भारताचे क्षण भर बाजूस ठेऊन बॉईज टॉक करणाऱ्या ट्रम्प महोदयांना स्त्रियांची मते कशी मिळतात ? अमेरिकेत कुणासही काहीही बोलले तरी त्यांची पहिली घटना दुरुस्ती १०१ टक्के भाषण स्वातंत्र्य म्हणजे वाईट संभाषणाचे स्वातंत्र्यही देते , कुणी स्त्रीस अपशब्द बोलले तर त्या बद्दल न्यायालयात दाद मिळण्याची कायद्यात काहीच व्यवस्था नाही , त्या मुले ट्रम्प किंवा अजून कुणी काही बोलले तर कायद्यात व्यवस्थेचा अभाव आहे . आता भारतात येऊ अमेरिकेचे गुणगान करणारी मंडळी या बाबत आपल्याकडे विशेष कायदा आहे अभिव्यक्ती स्वातंत्र्य आहे त्याचा वेळी मर्यादाही अंशतः का होईना उपलब्ध आहेत . आणि हा कायदा वापरता येतो हे सोईस्कर विसरू इच्छितात . भारतात महिला आयोग आहेत , राष्ट्रपती ते पंतप्रधान सर्व राजकीय पदावर थोड्या फार प्रमाणात का होईना महिला येऊन गेल्या आहेत . सध्या ज्या केसबाबत गवगवा होतो आहे तिथे हि मुख्यमंत्री एक महिलाच आहे. अमेरिकेत अद्याप एक हि महिला अध्यक्ष म्हणून निवडून येऊ शकलेली नाही . एवढेच नाही अमेरिकी संसदेच्या स्त्री स्थानिक स्वराज्य संस्थात ३३ टक्के आरक्षण आहे . संसदेत स्त्रियांना आरक्षण मिळावे म्हणून मतदार पातळीवरून दबाव टाकण्याचा किती स्त्री संघटनांनी प्रयत्न केला आणि किती स्त्रियांनी साथ दिली असेल. या सर्व दूरच्या गोष्टी आहेत . मी स्वतः: स्त्री विषयक कायद्याबद्दल किंवा अगदी स्त्रियांसाठी कॉपीराईट अशा विषयावर लिहिले आहे. - तेथील चर्चेत महिलांनी सहभाग धागा लेखक पुरुष आहे म्हणून टाळणे हास्ययास्पद ठरणार नाही का ? माझे लेखन क्लिष्ट असल्याची तक्रार असते पण कमीत कमी प्रयत्न तर केला . ( एका धाग्यात आदिवासी स्त्रीवर झालेल्या सामूहिक अत्याचारा बद्दल मी स्वतः लिहिले , संबंधित आदिवासी स्त्री दुसरा विवाह करू इचछीत मुस्लीमा सोबत पळून गेलेली आहे हे माहीत असूनही तिच्या त्या निवडी बद्दल तिला घरणास्पद शिक्षा देणे आणि त्या पुरुषी वागण्याचे त्या गावातील स्त्रियांकडून कड घेतली जाणे चुकीचेच वाटले . टीकाकारताना त्या अत्याचार भोगलेल्या स्त्रीचा मित्र मुसलमान आहे का अजून कोण हा विचार डोक्यातही आला नाही आणि त्या धाग्यात मी उल्लेखही केला नाही , पण पिंक टाकणारे मिपाकर अभ्या राव असोत अथवा स्त्रियांची बाजू फक्त स्त्रियाच घेऊ शकतात याचे पोकळ प्रदर्शन करणारे असोत त्यांना काही सोयर सुतक दिसत नाही ) मी स्त्री आहे , या धागा लेखाची लेखिका स्त्री आहे म्हणून आम्ही तिची बाजू घेतो , हे वरकरणी आकर्षक दिसणारे गृहीतक आहे . याझिदी स्त्रियांवर होणाऱ्या अत्याचारां बद्दल मी लिहितो तेव्हा त्या अत्याचार झालेल्या स्त्रियांबाबत आपल्याला म्हणजे स्त्रियांना सहानु भुतीची गरज नाही कारण याझिदी स्त्रियांवरील अत्याचाराबद्दल लिहिणारा पुरुष आहे , कोणते लॉजिक आहे हे ? आम्ही ओमान , गल्फ किंवा युरोमेरिकेत होणाऱ्या स्त्रीवरील अत्याचाराबाबत उल्लेख करतो ते, पुरुषांनी लिहिले म्हणून ते अत्याचार झेलणार्या स्त्रिया नसतात कि भारता बाहेर च्या असल्यामुळे त्यांच्या वेदना कमी असतात ? दहा पुरुष आले भावनेच्या भरात वस्तुनिष्ठ नसलेल्या पिंका टाकून गेले स्त्रियांना चालते का ? मग त्यांनी त्यांच्या वस्तुनिष्ठता साशंकित आहेत तिथे इतरांनी तडजोड करावी अशी अपेक्षा पुरुषांसाठी असणे नसणे दूर ठेवा . सुरक्षे ऐवजी भीतीच्या वातावरणाची निर्मिती स्त्रियांसाठी योग्य आहे का ? किमान याचा विचार करून काही कंस्ट्रक्टिव्ह विचार विमर्षातही सहभागी होण्यास तयार असू नये याचे आश्चर्य नाही कारण प कारण बर्याचदा पुरुषाचे दृष्टिकोन स्त्रियांपेक्षा अधिक पुरोगामी असू शकतात हे असंख्य वेळा सिद्ध झालेले असावे. असो. इराण मधील अन्याझ ऐनी सायरस हिचा इराण मध्ये तिला कोणत्या दिव्यातून जावे लागले या बद्दलचा व्हिडीओ पण येथील काहींच्या लेखी त्यांच्या वेदना वेदना नसाव्यात कारण त्या भारतीय नाहीत .

माहितगार मंगळवार, 17/04/2018 12:35
इराण मधील अन्याझ ऐनी सायरस हिचा इराण मध्ये तिला कोणत्या दिव्यातून जावे लागले या बद्दलचा व्हिडीओ पण येथील काहींच्या लेखी त्यांच्या वेदना वेदना नसाव्यात कारण त्या भारतीय नाहीत .

गवि मंगळवार, 17/04/2018 13:03
वुमेन आर फ्रॉम व्हीनस प्रमाणे केवळ मन मोकळे करण्याच्या गरजेचा अनुभव आला , ज्यात परिस्थिती बदलण्यासाठी कोणत्याही सोल्युशन्सची त्यांची अपेक्षा नसते , आणि पुरुष मंडळी सहसा सोल्युशन्स शोधण्यावर भर देतात .
कुडंट एग्री मोअर.. इन जनरल स्त्रियांना सॉल्यूशन नको असतं, फक्त काहीही न बोलता ऐकणारा "लिसनर" हवा असतो. Sad but true...

माहितगार मंगळवार, 17/04/2018 14:51
सॉरी आपल्या खालच्या प्रतिसादात डिस अ‍ॅग्रीमेंट होता ना हे अ‍ॅग्रीमेंट पाहिले नव्हते . प्रतिसादासाठी अनेक आभार

अभ्या.. मंगळवार, 17/04/2018 14:30
पिंक टाकणारे मिपाकर अभ्या राव असोत अथवा स्त्रियांची बाजू फक्त स्त्रियाच घेऊ शकतात याचे पोकळ प्रदर्शन करणारे असोत त्यांना काही सोयर सुतक दिसत नाही
माहीतगारजी आपण अद्याप सुतकात असलात तर ह्या प्रश्नाचे उत्तर द्यायची कृपा करावी अथवा अभ्या पिंक टाकतो हा आरोप मागे घ्यावा हि नम्र विनंती. https://misalpav.com/comment/991489#comment-991489