खेळ दोन ओळींचा - ४

घाटावरचे भट, नीधप , अवलिया , मुमुक्षु , यशोधरा , यांच्या ओळी (आणि सहजरावांचा वात्रटपणा !) झकास ! .... धागा फारच सुरेख !

" जस अ॑ग-अ॑ग पहिल्या सरीने मोहरून जाई" "अरे कृष्णा, तुझ्या बासरीला बंध कसा नाही"" सुहास.. आता मी "अजुन"काय करू ?

कदंबाची सळसळ माझ्या अंगी भिनून राही कृष्णा तुझ्या बासरीला बंध कसा नाही!! गोकुळाचे भान सारे सूरात न्हाऊन जाई कृष्णा तुझ्या बासरीला बंध कसा नाही!! कालिंदीचे संथ पाणी इथेच थांबून राही कृष्णा तुझ्या बासरीला बंध कसा नाही!! - (सर्वव्यापी)प्राजु http://praaju.blogspot.com/

नभातून इंद्रधनू धरेवर येई कृष्णा, तुझ्या बासरीला बंध कसा नाही! चतुरंग

हिच्यावीण तुला दुजा छन्द कसा नाही? कृष्णा, तुझ्या बासरीला बंध कसा नाही! क्रान्ति

हिच्यावीण तुला दुजा छन्द कसा नाही? कृष्णा, तुझ्या बासरीला बंध कसा नाही! सुहास.. आता मी "अजुन"काय करू ?

ततकारले पाउल, खाली उमलली भुई कृष्णा, तुझ्या बासरीला बंध कसा नाही! - नी http://saaneedhapa.googlepages.com/home अवा: तत मधल्या दुसर्‍या त चा पाय मोडायचाय. कसा?

वाजवू नकोस, झोपल्यात ना रे गाई, कृष्णा, तुझ्या बासरीला बंध कसा नाही! कृष्ण एकदम प्रेमळ देव असल्याने त्याला अशी दटावणी चालेल अशी आशा आहे.

वरच्या बहुतांशी सगळ्यांच्याच ओळी मस्तं जमल्या आहेत. माझाही एक प्रयत्न... हृदयातले सुर तुझ्या ओठातून वाही कृष्णा, तुझ्या बासरीला बंध कसा नाही! अनामिक

वेणूनाद आर्त हाक दशदिशा प्रवाहि कृष्णा, तुझ्या बासरीला बंध कसा नाही! स्वप्न-भास रात-दिस भान नुरले काही कृष्णा, तुझ्या बासरीला बंध कसा नाही!

वाजवू नकोस, झोपल्यात ना रे गाई, कृष्णा, तुझ्या बासरीला बंध कसा नाही! :) छान! तत मधल्या दुसर्‍या त चा पाय मोडायचाय. कसा? तत् (tatt + Backspace )

कुजबुजती जन गोकुळी, रीत तीज उमगत नाही घनश्याम कृष्णाची त्या, राधा अभिसारिका होई | कशी सांग समजवू त्यांना प्रीतीची ही रीत आगळी कालींदी तटी रंगल्या, रासरंगांची कहाणी | नुरले आता माझे काही, चित्ती वसे मूर्त सावळी यमुनाजळीच्या लाटांसंगे राधा होतसे बावरी | उमलुनी येते आर्त काही भारलेल्या सुरांमधुनी धुंद, मधुर त्या लयीमध्ये झुलते मोरपीस बाई | हळू बोलती काकणे पैंजणांच्या संगे काही कृष्णा, तुझ्या बासरीला रे बंध कसा नाही |

सगळयांनीच खूप छान लिहिलेत. विशिष्ट ओळी मागे आपण त्या भावात क्षणमात्र गुंतल्याशिवाय दुसरी ओळ जमत नाही! कविता अशीच मनापासून स्फुरत असते.. तिला लयीत बसवण्याचे तेवढे छोटे काम आपले!! खेळात भाग घेतलेल्या सगळ्यांचे मनापासून आभार :) (खेळकर)मुमुक्षु