शेजार्‍याच्या कुत्र्यांच्या भुंकण्याचा त्रास

एखाद्याला सुपारी द्या कुत्रे गायब करण्याची. हा प्रभावी ऊपाय! माझ्या हाँस्टेल मध्ये ही कुणीतरी पाळल होत. ते कुत्रं कुणाच्याही रूम मध्ये घुसायचं, घाण करायचं. शेवटी एका काम करनार्याला सुपारी दीली. त्यानंतर कधीच ते कुत्रं पुन्हा दिसलं नाही.

एकलव्याने केला होता यशस्वी प्रयोग, परंतू त्याला अंगठा गमवावा लागला होता. अंगठा हा मोठा 'आधार 'आहे आपल्यासाठी.

तुमची समस्या रास्त आहे. वेगवेगळ्या प्रकारे मार्ग काढता येईल. तुमच्या स्वभावानुसार तुम्ही योग्य वाटेल तो उपाय निवडा.
(तुम्ही त्या बाईशी आधीच बोलला असणार पण तिने दाद दिली नाही असे गृहीत धरुन तो उपाय सांगत नाही. शिवाय तुम्ही सोसायटीत नव्हे तर स्वतंत्र घरात रहात आहेत असे गृहीत धरले आहे कारण सोसायटीत तक्रार केल्याचा उल्लेख नाही.)
१) सरळसोट उपाय - पोलीस काही करतील असं वाटत नाही. तुम्ही थेट वकील गाठून त्या बाईला नोटीस पाठवा. एखादा हुशार आणि शक्यतो वकील बघा , तो निश्चितच योग्य ती कलमं शोधून नोटीस काढून देईल. त्यावर बाई ऐकली नाहीच तर प्रकरण कोर्टात न्या.
२) तांत्रिक उपाय - काही इलेक्ट्रॉनिक उपकरणे कुत्र्यांचे भुंकणे थांबवण्याकरिता मिळतात (ऑनलाईन शोधून बघा). पण ती किती अंतरावरुन काम करु शकतात , त्यांची परिणामकारकता ई माहित नाही. तुम्ही थोडे पैसे घालवून प्रयोग करुन बघू शकता.
३) राजकीय मध्यस्थी - नगरसेवक , आमदार ई ची मध्यस्थी करवून बाईंना समजवून बघा
४) आवाजापासून संरक्षण - तुमच्या घराचे कुंपण जास्त उंच करणे , गरजेप्रमाणे काही खोल्या साउंडप्रुफ करणे , खिडक्या बंद ठेवून वातानुकुलन यंत्रणा वापरणे ई काहीसे खर्चिक उपाय करु शकता. यामुळे तुम्हाला इतर आवाजांपासूनही संरक्षण मिळेल (जसे उत्सवातील वाद्ये, स्पीकर्स , मध्यरात्री वाजणारे फटाके ई)

तुम्ही जर सहकारी सोसायटी मधे रहात असाल तर तुम्ही तिथे तक्रार करू शकता.
सोसायटीचे नियम याबद्दल काय सांगतात ?
कोणताही प्राणी पाळायचा असेल तर त्यासाठी कायदेशीर परवानगी लागते.
आमच्या सोसायटीमधे आम्ही प्राणी पाळायचा असेल तर
महापालिकेची परवानगी , प्राण्याच्या वॅक्सिनेशनचे पूर्ण रीपोर्ट, सोसायटीमधे घाण केल्यास ती उचलायची जबाबदारी, प्राण्याने कुणाची गाडी खराब केली तर त्याची भरपाई द्यावी असे नियम केले आहेत व तसे मालकाने लिहून द्यावे लागते.

तुम्ही याबाबत महापालिकेच्या आरोग्य विभागाकडे तक्रार करावी असे सुचवतो.

दुवा

या दुव्यामधे बरेच कायदे , नियम सांगितले आहेत.

सोसायटी आसेल तर सोसायटीची परमिशन आनिवार्य आहे. पण बंगला असेल तर महापालिकेची परवानगी / कुत्रा पाळिव प्राणी विभागात नोंदणी केल्ये का ते बघा. अर्थात ह्या गोष्टी अंडरकव्हर अॉपरेशन करुन कराव्या लागतील. आमच्या सोसामध्येहे आॉपरेशन सक्सेसफूल्ल केलय आम्ही.

माझ्या ओळखीेतले एक प्रथितयश लेखक आणि चित्रकारही सध्या याच त्रासातून जात आहेत. त्यांना या त्रासामुळे त्यांच्या कलेत काॅन्सन्ट्रेशन करता येत नसल्याचं त्यांचं म्हणणं आहे.

https://www.amazon.in/Ortz®-Dog-Whistle-Stop-Barking/dp/B00L016CRS

हे try करा
High frequency whistle आहे.

जयंतकाका, पण ती कुत्री नक्की कसा त्रास देतात?
काही कुत्री खूप भुंकतात, काही घाण करतात, काही अंगावर धावून जातात तर काही कुत्री दुसर्‍यांच्या घरात शिरतात.

जवळ एखादा चायनीज किंवा कोरियन राहतोय का बघा. राहिलेली हाडं बाईंना पोस्ट करा.

अवांतर..
एक कुत्री पाळा..आणि तिच्यामुळे त्या दोघा कुत्र्यांमध्ये भांडण लागेल. मग एखादा कुत्रा या भांडणात चचला की कुत्रीला हाकलून द्या. दुसरा कुत्रा मग विरहामुळे जीव देईल.

ह.घ्या.

मायला कुत्तरडी लयं म्हणजे लयं त्रास देत्यात, रात्री तर उत येतो साल्यांना... माझ्या सारख्या शिफ्ट करणार्‍या व्यक्तिचे तर पार हाल होतात... डोक्याची पार भॉव भॉव करुन टाकतात ! काही वर्षांन पुर्वी या कुत्तरड्यांमुळे माझी पार सटकली होती आणि खोपडी सटकल्याने भर रस्त्यात जाउन दगड मारण्याचा उध्योग केला होता ! दुर्दैवाने नेम चुकला आणि एका पार्क केलेल्या गाडीवर बसला आणि तिची पॅकपॅक सुरु झाली, साला नशिबच खराब ! बाईक चालवताना हीच कुत्तरडी त्यांच्या जिवाचे रान करुन माझ्या तंगड्यांचा चावा घेण्या करता मॅरॅथॉन धावतात... दैव कॄपेने श्वान दंश होउन लस घेण्याची वेळ अजुन तरी आलेली नाही. रोज पेपर उघडुन वाचलात तर कुत्र्याने चावल्याने बालकाचा मॄत्यू किंवा अशा अशा आशयाच्या बातम्या हमखास नजरेत येतील ! शांततेने जगण्याचे पर्याय हल्ली वेगाने कमी होत चालले आहेत तर खड्डे चुकवुन किंवा खड्ड्यात पडुन आपण गचकलो नाही किंवा हातपाय मोडले नाहीत तर आपण मायबाप सरकारच्या दयाळु वॄतीचे आभार मानले पाहिजेत !

उपाय :-
१} काही मोठा जुगाड / सेटिंग लावुन शिंझो आबे यांना बोलवुन तुमच्या वास्तुत शांती पुजन करुन घ्या ! { आबे यांना मुंबई मधली रेल्वे पावसच्या पाण्यात रुळ बुडलेले असतानाही कशी धावते या बद्धल ४ कौतुकाचे शब्द सांगावयास विसरु नका, ही टेक्नॉलॉजी जगात कुठेच नाही हे देखील अगदी ठासुन सांगा. }
२} बाजारात / ऑनलाईन लेझर गन मिळते का ते पहा ! { मला अजुन सापडली नाही ती गोष्ट वेगळी } तुमच्या मागची कुत्तरडी कोकलायला लागली कि हळुच लपुन लेझर गन ने त्यांच्या पार्श्व भागावर नेम लावुन चटका ध्या ! आपण भुंकलो कि कोणीतरी आपल्या बुडावर डाग देते हे एकदा का त्या दोन कुत्तरड्यांच्या लक्षात आले कि त्रास कमी होइल याची शक्यता वाटते !
३} आपण सांगितले तसे कुत्री शिकलेली नाहीत, मग त्यांना शिकवायला पाठवण्याचा विचार करुन त्याचा आर्थिक भार उचलण्याची तयारी ठेवा !
४} ती कुत्री भुंकत असतील तेव्हा त्यांचे आवाज रेकॉर्ड करुन ठेवा, व जेव्हा ती कुत्तरडी आणि तिची मालकिण गा गा करत असेल नेमक्या त्याच वेळेस रेकॉरडेड आवाज मोठ्याने प्ले करा !
५} तुमच्या आजुबाजुला कुठेले हॉस्टेल असेल आणि त्यात मणीपुर / नागालँड मधले विध्यार्थी असतील तर त्यांच्याशी ओळख वाढवुन एकदा तुमच्या घरी बोलवा, तसेच मागील दोन कुत्तरडी देखील दाखवा... काम तमाम होइल कि नाही ते पहाच !...

असो... तुर्तास इतकचे उपाय आठवले आहेत, अजुन काही आठवल्यास सुचवेन...
जाता जाता :- मेरे करण अर्जुन आयेंगे च्या चालीतच मेरे मनःशांती के दिन आयेंगे असं अधुन मधुन पुटपुटा, तेव्हढेच चित्तास समाधान मिळेल !

मदनबाण.....

आजची स्वाक्षरी :- गरम गरम चिलका.... ;) :- Rabhasa

पोलिसांना सांगून पहा .समजूत घालतील .

सर.

१. तुम्हाला कुत्र्यांविषयी ममत्व आहे का?
२. तुमच्या तक्रारीमुळे ती कुत्री बेवारशाप्रमाणे म्युनिसिपालिटीने उचलून नेलेली (आणि बहुधा मारलेली / मरणप्राय जीवन जगणारी) तुम्हाला चालणार आहेत का? (आय वॉन्ट सायलेन्स, बाकी आय गिव्ह अ डॅम, असं आहे का?)
३. भुंकणं हा कुत्र्यांचा "स्व" भाव आहे. तुमची आवाजाविषयीची सेन्सिटीव्हिटी वाजवीपेक्षा जास्त असू शकेल असा किमान थियॉरिटिकल विचार तुम्ही करु शकता का?
४. कुत्र्यांच्या मालकाचीही काही मजबूरी असेल असा विचार तुम्ही करता का?
५. ती कुत्री अनट्रेन्ड (न शिकवलेली) आहेत असं तुम्ही म्हणता. तर ट्रेनरची नेमणूक करुन जितपत आवाज कमी करता येईल (तो शून्यवत् होणार नाही) तो तुम्हाला स्वीकारार्ह आहे का?

एकूण प्रतिक्रिया पाहून डॉग हेटर्सचं प्रमाण दिसून खूप चलबिचल होते आहे.

गार्ड डॉग / वॉच डॉगच्या अनुवंशाच्या जाती आणि कुत्री थोड्याशाही चाहुलीने भुंकतात. ती संरक्षणाची इन्स्टिंक्ट फॉलो करत असतात.

शेवटचा प्रश्न: तुम्हाला अल्टिमेट आऊटकम काय अपेक्षित आहे? कुत्र्याला दयामरण किंवा म्युनिसिपालिटीत रवानगी (एकच अर्थ).

-एकाहून अधिक श्वानांचा पिता (गवि)

मागे ईथे कुणी तरी मांजराच्या त्रासाबद्द्ल उपाय विचारला होता . . .विचारणा-याला मांजरा पेक्षा सुचवलेल्या उपायांचा जास्त त्रास झाला असावा :-)

आपल्यामुळे दुसर्‍यांना त्रास होउ नये एवढेच !
रात्री अपराती , भर दुपारी कधीही कुत्री भुन्कतात !
त्यांचा "स्व" भाव आहे पण स्वतच्या घरात विश्रांती घेणे हा हक्क आहे.

आपल्या आवडी निवडी जपताना त्याचा दुसर्‍याला त्रास होउ नये एवढीच ' सुजाण' नागरीका कडून अपेक्षा असते.

काका, एक जालीम उपाय सांगू का..?

तुम्ही जर बंगल्यात रहात असाल तर त्या कुत्रेवाल्या बंगल्याच्या शक्य जितक्या जवळ (पण तुमच्याच हद्दीत) एक एक असे दर दहा मिनीटांनी लवंगी फटाके उडवायला सुरू करा. दर दहा मिनीटांनी फटाका पेटवण्याचा त्रास वाटत असेल तर एका उदबत्तीला फटाक्यांच्या वाती फुटभर लांब जाड दोर्‍याने गुंडाळा आणि ती लड ठेऊन द्या. (सरळ उदबत्तीला बांधलेत तर पहिल्या फटाक्यानंतर उदबत्ती आणि त्याला जोडलेले फटाके विभक्त होतील.

थोडे दिवस दर दहा मिनीटांनी कुत्रा आकाशपाताळ एक करेल आणि लवकरच दमेल. भुंकणे कमी करेल.

हे झाल्यानंतरही तुम्हाला होणार्‍या त्रासाचा वचपा काढायचा असेल / मालकीणीला धडा शिकवायचा असेल तर लवंगी फटाक्यांऐवजी मोठे तोटे वापरा.. किंवा सरळ सुतळी बाँब.

आपली समस्या समजून न घेणार्‍या असंवेदनशील लोकांसाठी आपण संवेदना दाखवून काहीही फायदा नसतो. त्यामुळे "दिवाळीतले कुत्र्यांचे भीतीमुळे झालेले कणवपूर्ण डोळे" वगैरे प्रतिसाद आलेच तर फाट्यावर मारा.

यात मुजोर मालकिणीमुळे कुत्र्यांचे हाल होतील.. ते आपल्यामुळे झालेले कोलॅटरल डॅमेज असेल.

कुत्रा का भुंकतोय, ह्याला काही कारण असावे. व्हेटर्नरी डाक ह्याबद्दल animal rescue ला कंप्लेंन्ट करु शकतात. ते कुत्र्याला उचलुन घेवुन जातात...

म्हणजे तिच्याकडेही कुत्री तात्पुरत्या निवाऱ्यासाठी कदाचित आली असावीत. अनोळखी वातावरण, अपुरे खाणे, सतत बांधून ठेवणे यामुळे कुत्री ओरडत असतील.

स्थानिक people for animals वगैरे कोणाला विचारून बघा. मला गोव्यातल्या pfa चा अतिशय वाईट अनुभव आहे पण कदाचित तिकडचे काम करत असतील.

गवि,

जरुर तक्रार करा त्या हरामखोर कुत्र्याविरोधात. मरु दे साला..

या विधानात गडबड आहे. जयंतरावांची मालकाविरुद्ध तक्रार आहे. कुत्र्याविरुद्ध नाही. भले त्रास जरी कुत्र्याकडून होत असला तरी या धाग्यावर केवळ मालकावर वापरायचा उपाय अपेक्षित आहे. काही वाचकांनी कुत्र्यावर वापरायचे अवैध उपाय दिले आहेत खरे, पण त्यांची मूळ हेतूशी सरमिसळ अपेक्षित नाही.

आ.न.,
-गा.पै.

कुत्र्यांशी मैत्री करा. सुरुवातीला कदाचित त्रास होईल. पण नंतर लळा लागतो. तसचं ती बाई त्या कुत्र्यांना कोंडुन ठेवते का ते बघा. कोंडलेली कुत्री भयानक अग्रेसिव होतात आणि दिवस रात्रं ओरडतात. कोंडुन ठेवलं असेल तर अ‍ॅनिमल रेस्क्यु ला फोन करा.

विश्वास ठेवा कुत्र्याला त्रास झाल्याशिवाय तो कधीही आरडाओरडा करत नाही.

आज गवी वेगळ्याच मूड मध्ये वाटत आहेत,

कुठ नेऊन ठेवले आमचे ते प्रगल्भ आणि दिलखुलास गवी ? :)

माझा पण एक प्रश्न — पाळीव कुत्र्याला नैसर्गिक विधी रस्त्यावर करायला लावून ती घाण तशीच ठेवून जाणार्या लोकांंची तक्रार करता येते का?

दारात कोणीही पाय ठेवलेला बघितला की बेंबीच्या देठापासनं केकाटणारं शेजार्‍यांचं कुत्रं पाह्यलं आणि या प्राण्याबद्दल कधीही दया वैगरे वाटली नाही. असतील माया लावणारी कुत्री जगात पण अजून पाह्यली नाहीत.

भटक्या कुत्र्यांच्या आवाज ऐकत झोपायची सवय आहे, आणि कुत्री नसलेल्या ठिकाणी गेलात तर झोप येत नाही तरी पण भुंकणारी कुत्री न बाळगण्याबद्दल मी माझ्या शेजार्‍यांचा आभारी आहे हेही तेवढेच खरे.

जवळच्या क्षेत्रीय कार्यालयात जाऊन तुम्ही संबंधित विभागात तक्रार करू शकता याशिवाय आणखी एक गोष्ट करा ती म्हणजे पोलीस स्टेशन ला आणि मॅजिस्टेट ला अर्ज करून १३३ CRPC नोंदवून त्या महिलेला नोटीस पाठवा.

कुत्र्याच्या वरून आठवलं.. गावाकडे अशी कुत्री शोधून ठेवायची न रात्री.. अशी काही दगड मारायची की गाव त्याच्या आवाजाने
( व्हिवळन्याने) जाग व्हायचं ... ..
न मग गुपचुप तिथून फरार व्हायचं.....

पण शहरात risky आहे...

भुंकणाऱ्या कुत्र्यपेक्षा भुंकणारे शेजारी जास्त खतरनाक वाटतात.

भटक्या कुत्र्यांबद्द्ल एक पत्र

https://epaper.loksatta.com/1383793/loksatta-pune/06-10-2017#page/6/2

त्यात एक प्रश्न असा विचारला आहे की " श्वान प्रेमि लोक भटकी कुत्री दत्तक घेउन का पाळत नाहीत ?"

त्रास कमी झाला का ? काय उपाय केलात ?

तुम्हाला जसा कुत्र्यांच्या भुंकण्याचा त्रास होतो तसा मला इथे मुलांच्या ( विशेषतः मुलींच्या) बेंबीच्या देठापासून किंचाळत खेळण्याचा त्रास होतो. ११ मजली इमारतीत कॉमन रेस्क्यू टेरेस ८ व्या मजल्यावर आहे त्यामुळे खाली ड्क्ट जवळ एक पोकळी तयार होते व तळमजल्यावर लिफ्ट पाशी किंचाळलेले आवाज मल्टिप्लाय होउन मोठे ध्वनीप्रदूषण होते व त्याचा त्रास खालच्या मजल्यावरील शांतताप्रेमी लोकांना होतो. घरात टीव्हि सुद्धा नीट पहाता येत नाही एकाग्रतेची कामे करता येत नाहीत.. सोसायटीत तक्रार करुन झाली. अनेकदा शांतपणे व ओरडून सांगून झाले. कॉम्प्लेक्स ची जनता वसाहत झालीये.
सार्वजनिक स्वच्छता सार्वजनिक शांतता व सार्वजनिक शिस्त बाळगा व आपल्या सोसायटीचे सौंदर्य जपा हे सुसंस्कृतांना सांगूनही काही उपयोग होत नाही.

आमच्या मागे एक बाई राहते. तिच्याकडे दोन कुत्री आहेत. ती बिलकूल शिकवलेली नाहीत

त्यांना शाळेत घातले तर प्रश्न सुटेल कदाचित.

सध्या आम्हाला आमच्याच कुत्र्याच्या भुंकण्याचा त्रास होतो आहे.
आम्ही त्याला चार टाईम चमचमीत खायला घालतो. चिकन म्हणू नका अंडी म्हणू नका, डॉग फूड उच्च कंपनीचे (पेडिग्रीला आमचा कुत्रा तोंड लावत नाही. आधी वेंकीज खायचा. ती कंपनी बंद झाल्यावर दुसऱ्या तत्सम कंपनीचे देतो) . आम्ही दिवसभर नसतो तेव्हा शांत असतो. संध्याकाळी मी नि मुलगा आलो की त्याला पाच दहा मिनिट खेळवून गोंजारून मगच आपल्या कामाला लागतो. मुलगा दहा पंधरा मिनिटे मोकळे सोडून खेळवतो.
पण आम्ही घरात पाय टाकला की तो जो भुंकणे चालू करतो ते किमान एक तास थांबत नाही.
या कालावधीत आम्हाला एकमेकांशी बोलणे, फोनवर बोलणे, इतकेच काय, एकाग्र चित्ताने कशाचाही विचार करणेही अशक्य होते.
त्याची खायची वेळ झाली की खाणे समोर ठेवेपर्यंत सुद्धा त्याला दम नसतो. सतत वेगवेगळ्या सुरात भुंकणे.
काय करावे ?