Skip to main content

ती पहा पडली गझल...

लेखक सत्यजित... यांनी सोमवार, 15/05/2017 23:59 या दिवशी प्रकाशित केले.
ती पहा पडली गझल ती,जीव गेल्यासारखी दादही यावी इथे,तर..लाच देल्यासारखी!? पावसाचे थेंब..वणवा,तू नको काही लिहू... जाणिवांची जाग मेल्याहून मेल्यासारखी! कोपऱ्यावरती गुलाबी पिंक कोणी टाकते रंगते मैफील इथली पान-ठेल्यासारखी! हो!जरा साशंक होतो,पाय अडखळताच मी जिंदगी जल्लोष करते,बाद केल्यासारखी! काय मी जगलो जरासा!जिंदगी वेडावली लागली मागेच माझ्या,ती झमेल्यासारखी! —सत्यजित
काव्यरस
gajhal
gazal
मराठी गझल
लेखनविषय:
वाचने 6843
प्रतिक्रिया 11

प्रतिक्रिया

पैसा मंगळवार, 16/05/2017 12:04
..लाच देल्यासारखी
इथे जरा गडबड झालीय. काही शेर आवडले, काही गडबडले.

प्रा.डॉ.दिलीप बिरुटे मंगळवार, 16/05/2017 13:51
लिहित राहा. आवडली रचना. -दिलीप बिरुटे

सत्यजित... गुरुवार, 18/05/2017 02:53
सर्व प्रतिसादकांचे धन्यवाद! गझलेची एक व्याख्या अशीही केली जाते की,डोक्यात शिरण्याआधीच काळजात घुसते,ती गझल!