@ संपादक.....चंपाबाई सारखे डू.आय.डी. किती दिवस आम्ही सहन करायचे? किंवा मी मिपा सोडावे का?

तुम्ही तुमच्या मित्रात मला स्थाण दीली नाहीये. म्हणूत आता इतकेच...

मी काय म्हणतो...अनुल्लेखाने मारा ना. यांचं दुकान चालतं कारण त्यांना प्रतिसाद (लेखनाला नव्हे) मिळतात म्हणून. आपण नाही बघायचं. कोणी लक्ष नाही दिलं की जातील आपोआप. आपण सगळे मिळून ठरवू की असल्या भंपक लोकांकडे दुर्लक्ष करायचं. रीमोट ठेवायचा आपल्या हातात.

ऑफ साइड ऑफ़ स्टम्प का खेळताय मुवि???? असले चेंडू सोडून द्या. आपण भावनाप्रधान विचार करतोय हे ओळखून हे लोक मुद्दाम असल्या टिंग्या टाकतात. आपण अकारण त्रास करुन घेऊ नये ही मन:पूर्वक विनंती. हम आपके साथ थे और रहेंगे. बाकी गा च्या गां त. -प्यारे१

तुम्हाला या आयडी बोगस असल्याचा फक्त सम्शय आहे असे तुम्ही लिहिले आहे मग मिपा सोदायची भाषा का असा प्रश्न पडतो. वर माने यानी लिहिल्याप्रमाणे इथे आलेले सर्व लेख वाचले पाहिजेत असा मिपाकरान्चा आग्रह नाही. अर्थात तुम्ही मिपा केव्हाही सोडु शकता तसा त्म्हाला अधिकार आहेच.

तुम्हाला या आयडी बोगस असल्याचा फक्त सम्शय आहे असे तुम्ही लिहिले आहे मग मिपा सोदायची भाषा का असा प्रश्न पडतो. वर माने यानी लिहिल्याप्रमाणे इथे आलेले सर्व लेख वाचले पाहिजेत असा मिपाकरान्चा आग्रह नाही. अर्थात तुम्ही मिपा केव्हाही सोडु शकता तसा अधिकार तुम्हाला आहेच.

आँ ?

मुविंच्या सात्विक संतापाचे आम्हास नेहमीच काैतुक वाटत आलेले अहे ;)

उगाच तणतण! काय त्रास दिलाय तुम्हाला या आयडींनी?

यु जस्ट मेड अ स्टार आऊट ऑफ समवन नॉट सो इम्पॉरटंट, दुर्लक्ष करा, अन कुठेही जायची भाषा बोलू नका ही हक्काने केलेली विनंती समजा आमची

अनुल्लेखाने मारा. त्रास करून घेऊ नका.

=))))) बाईमाणूस !!!! जाऊ द्या ओ मुवि.एवढं मनावर घेऊ नका.तुम्ही जाल पण आजची चंपा उद्या शांता होऊन येईल आणि बोर्डावर नाचेल.तिचा एक आय डी उडवला तर दुसरा येईल.तुम्ही मात्र उगाच बाहेर रहाल.कुठे महत्त्व देता. खुल्या संस्थळाचे अनेक फायदे असतात तसेच असे तोटेही असायचेच. तुका म्हणे उगी रहावे जे जे होईल ते ते बघावे!

या वरुन एक गावरान म्हण आठवली "वास्तु कोणाची आणि रुबाब कोणाचा" अशा अर्थाची. च्यायला आता पर्यत आम्ही असे समजत होतो की आम्ही गोठ्यात रहातो तर शेणा मुताचा वास येतो अशी तक्रार मालका कडे करायचा आम्हाला काही एक अधिकार नाही. उलट गोठ्यात रहायला मिळतय हे मालकांचे उपकारच आहेत. आपण त्यांच्यावरच दुगाण्या कशा झाडायच्या? पण वरील खुले पत्र वाचले आणि आमचे डोळे खाडकन उघडले.... या पत्रावरुन प्रेरणा घेउन मी पण आता आमच्या सोसायटीच्या चेअरमन ना पत्र लिहिणार आहे. आमचे शेजारी त्यांच्या घरात एकमेकांशी सारखे भांडण करतात, वस्तुंची आदळआपट करतात, दणादणा आवाज करत धुणी धुतात, घरामधे मासे मटण असले काहीबाही शिजवतात त्याचा घाण वास आमच्या घरात येतो. भल्या पहाटे उठुन घशात हात घालुन कसले कसले आवाज करत नरडे साफ करतात. जोरजोरात नाक शिंकरतात. सोसायटीला तर मी मेंटेनन्स देतो, काय फुकट रहात नाही, तेव्हा मी सांगतो तेच करणे हे चेअरमनचे कामच आहे. असे पत्र लिहिण्याचा मला नैतीक अधिकार देखिल आहे, कारण मी सोसायटीच्या बाल गणेश मित्र मंडळाचा अध्यक्ष आहे. शिवाय मी सोसायटीत दोन भिश्या पण चालवतो. आणि हे जर चेअरमनने केले नाही तर मी पण सोसायटी सोडुन देणार आहे. मी सोसायटी सोडली तरी सोसायटीच्या गेटच्या बाहेर आमच्या मंडळाच्या कार्यकर्त्यांना भेटत जाईन आणि व्हॉटसपवर भिशी चालवेन. असेच पत्र मी पुण्याच्या महापौरांना, पोलिस कमिशनरांना, पुण्याच्या जिल्हाधिका-यांना आणि देवेंद्र फडणवीसांनाही लिहीणार आहे. नरेंद्र मोदींना मात्र असले काही लिहिणार नाही कारण देश सोडुन बाहेर जायची आपल्या मधे ताकद नाही. पैजारबुवा,

 श्री मिपाय नमः

 दि.१०/७/२०१६

प्रिय मुक्तविहारी, स.न.वि.वि. पत्र लिहिण्यास कारण की आज सकाळी सकाळी मिपा उघडलं आणि संपादकांना काही तरी खरमरती लिहिलेला धागा वाचला. ''संपादक.....चंपाबाई सारखे डू.आय.डी. किती दिवस आम्ही सहन करायचे? किंवा मी मिपा सोडावे का? '' एक तर धागा रात्रीचा म्हणजे एक वाजून एकवीस मिनिटाचा. अंमळ उशीराचा. मनात काहीही विचार येतो. म्हणजे रात्री काढलेल्या धाग्यांकडे मी जरा संशयाने बघतो (हलकेच घेणे) म्हणजे अशा वेळी काढलेल्या धाग्यांमधे भावना तीव्र असतात. आणि सकाळी आपलाच धागा वाचला की कशाला धागा काढला असेही होते. आपल्या मुद्दा आहे की डु आयडींचे करावे काय ? हा जालावर असंख्य जालप्रवाशांना पडलेला सनातन प्रश्न आहे. माझं व्यक्तिगत मत असं आहे की, आयडीं लिहिते काय हे महत्वाचे आहे, आपलं कोणत्याही आयडींशी भांडन नसावं. कोणताही पूर्वग्रह नसावा. चालू वर्तमानकाळावर भर द्यावा. आता काही आयडी सतत चांगल्या धाग्यांवर.... इथे तिथे असं चोहीकडे फुले उधळत असतात. अशा वेळी नाकाला रुमाल लावायचा आणि पुढे चालायचं. बघायचं सुद्धा नाही, नसता ओकारीची भावना होते. मग आपण म्हणाल की आयडीला प्रवेश देतांनाच पाहिले पाहिजे की अशा आयडींना प्रवेश देतांनाच रोखले पाहिजे. मला वाटतं सिष्टीम मधे असं रोखणे जरा अवघड आहे. सध्या इमेल पत्त्यावरुन असे आयडी मिपाजगात प्रवेश करतात. पूर्वी काही दिवस ओळखीने प्रवेश द्यायचं चाललं होतं ते बरं होतं असं वाटतं. कोणी म्हणालं की मोबाईल नंबरने व्हेरीफाय करावं. कदाचित भविष्यात असंही करता येईल, पण आवरता किती येईल असा मोठा प्रश्न आहेच. संपादक फक्त प्रतिसाद अप्रकाशित करु शकतात. मिपा संपादकांचा कल लिहिण्याच्या स्वातंत्र्य देण्याकडे आहे, असे नेहमीच जाणवते. मिपाच्या जन्माची चित्तरकथा लिहिण्याच्या स्वातंत्र्याशीचजोडलेली आहे, हे अनेकांना माहित आहे.प्रतिसाद अप्रकाशित करणे, त्रास खूप झाला तर सदस्याला ब्यान करणे, असा तो उपाय. आणि असे आयडी जातातही लवकर. पण एक आयडी गेला की दुसर्‍या आयडीने ते हजर होतात. मिपावर अशा लोकांना वैतागून मिपा कधीच सोडू नये. असे फक्त मुठभरच आयडी असतात. आणि त्यांच्या तुलनेने वरीजनल आणि चांगल्या भावनेने लिहिणारे लोक खूप असतात. पण ते सहन करतात, दुर्लक्ष करतात. आपणही तसंच केलं पाहिजे. मिपा सोडून गेलं तर नुकसान आपलं होतं. आपला आनंद जातो. मिपाचं काही अडत नाही. मिपावर खूप लोक आले आणि गेले मिपा आपल्या गतीने आपला प्रवास करीत आहे, मिपा सोडून गेलेल्यांची आठवण सुद्धा नंतर येत नाही. बाकी, सध्या तर मला लिहिण्याचा कंटाळा खूप आला आहे. लिहावंच वाटत नाही. सध्या कविता आणि पाककृती बघतो. आपला धागा बघितला आणि लिहिणं आवरलं नाही. मिपा इंजॉय करा. मिपावर शक्यतो गेंड्याची कातडी करुन घ्यायची मग काहीच टोचत नाही. कधी इग्नोर करणे, कधी त्रास सहन करुन गुपचूप झोपणे, कधी विनाकारण चौकशांच्या खरडी मित्रांना टाकायचं असं केलं की मिपा जगणं आनंदात आणि सुसह्य होतं. बाकी, इकडे आता चांगला पाऊस आहे. सर्वांना नमस्कार सांगा. लहानांना आशिर्वाद. इकडे बंटी आणि बबली सर्दी तापाने परेशान आहेत. डॉक्टरकडे घेऊन गेलो होतो. आता बरे आहेत. पत्रात लिहितांना काही चुकल्यास क्षमस्व. ता.क. आज रविवारचं एक लग्नाला जायचं आहे, कंटाळा आला आहे. आठवड्यातून एकच दिवस सुट्टी आणि असा डोक्याला ताप. जाऊन येतो. बोलत राहूच. कभी कभी कितनी बाते होती है कहने को... जब कोयी सुनने वाला नही होता.

-दिलीप बिरुटे
(आपलाच मिपाकर मित्र)

मिपा सोडून जातो अशी भाषा कुणी केली, की त्यांना ताबडतोब अशा चपला प्रेझेंट द्यायची प्रथा होती म्हणे?

असु द्या हो. चार दिवस चंपीचे चार दिवस तुमचेही येतील. रमजान झाला , आता वारीच्या नादाला लागा. जगतगुरु संत तुकोबाराय पुण्यातुन दिंडी घेवुन जात होते. मुख्य पुण्यातुन जाताना एका भर चौकात जोराचा पाऊस सुरु झाला. दिंडीतले सर्व वारकरी आडोसा शोधत इकडे तिकडे पळायला लागले आणि सर्वजन वेगवेगळ्या ठिकाणी व्हरांड्यात वगैरे जाऊन उभे राहीले. परंतु तुकाराम महाराज मात्र पावसातच शांतचित्ताने भिजू लागले. त्याच चौकात एका बाजूला मंदिर तर दुसरी कडुन मस्जिद होती. मंदिराच्या भट-पुरोहितांनी लगेच दरवाजे पटपट बंद केले. पण मस्जिदित मात्र चर्चा सुरु झाली, "अरे वह तुकाराम भिग रहे है,,, वो बहुत ही बडे संत है.. किसानका कर्जा माफ करनेवाले बहुत भले इन्सान..." वगैरे वगैरे.... आणि मग काय आश्चर्य मस्जितीतील मुसलमानानी, मुल्ला-मौलवींनी जगतगुरु तुकोबारायांना सन्मानाने आदरपुर्वक मशीदीत धरुन नेले. नंतर सर्व दिंडी मस्जिदमधे गेली. सर्व वारकरी मस्जिदमधे जमले. रात्रीची किर्तनाची वेळ झाली. मुर्ती पुजा न मानणा-यांच्या मस्जिदित तुकोबा काय बोलतील आणि कसे किर्तन करतील याची सर्वाना उत्कंठा लागली. तुकोबाराय किर्तनाला उभे राहीले आणि अभंग घेतला, आल्ला देवे अल्ला दिलावे, अल्ला दवा अल्ला खिलावे । अल्ला बगर नही कोये, अल्ला करे सो ही होये ॥१॥ (अभंग क्र. ४४४ गाथा, देहुची प्रत) http://tukaram.com/hindi/tukaramji_hindi.asp वि. सू. : संदर्भ ज्याचे त्याने तपासुन घ्यावेत (

तुमच्या मागे अजून बर्‍याच कटकटी मिपाच्या बाहेर लागणार आहेत आता. कशाला त्रास करून घेताय? मिपावर यापेक्षा भयानक प्रकार चालू आहेत. तुम्हाला अज्ञानात सुख म्हणा, आणि सोडून द्या. हा मोगाखान निदान जसा आहे तसा दाखवतो. त्याच्यापेक्षा मुंह में राम बगल में छुरी असले लोक जास्त डेंजरस. वरनं संभावितपणाचा आव आणतात आणि आपणच मिपाचे हितकर्ते म्हणून बोंबा मारतात. स्वतः डझनावारी आयडी काढणारे आणि त्याचे सार्वजनिक वाटप करून सहकारी तत्वावर वापरणारे लोक आहेत. ते सुद्धा डुप्लिकेट आयडींच्या नावाने शिमगा करतात. ही मोठी गंमत आहे. कुठे सगळ्यांना तुम्ही पुरे पडणार आहात की प्रशांत/नीलकांत पुरे पडणार आहेत? झक मारू देत म्हणून सोडून द्या. तुम्हालाही जगाचा इतका अनुभव आहे. मी तुम्हाला काय सांगणार? पूर्वीही बोलले आहे. तुम्ही मिपावर सिरियसली येता तसे बरेच लोक इथे फक्त स्वतःचे मनोरंजन करून घेण्यापुरते येतात. तुम्ही त्रागा कराल तेवढी त्यांच्या दृष्टीने त्याची एंटरटेनमेंट व्हॅल्यु जास्त असेल. का स्वतःला त्रास करून घेऊन आपण त्यांचा खेळ करून द्यावा? आपल्याला त्रास करून न घेता हाताशी असलेल्या वेळात जेवढे काही मिपामधून घेता येईल तेवढे घ्यावे. बाकीच्यांना "गच्छ सूकर, भद्रं ते" म्हणून पौड फाट्यावर सोडून यावे हे काय आता मी तुम्हाला सांगायला पाहिजे का? वैयक्तिक त्रास कोणी दिला तर प्रशांतकडे तक्रार करूर त्याच्यावर सोडून द्या. तो बघेल. आपल्या डोक्याला ताप नको. ते सगळे फालतू लोक झक मारले. तुमच्या शेतीच्या अनुभवांवर लिहीत रहा. (ढिसक्लेमरः हा प्रतिसाद मी पूर्णपणे एक सामान्य सदस्य म्हणून माझ्या जबाबदारीवर, अक्कलहुशारीने, नशापाणी न करता वगैरे वगैरे लिहिला आहे. त्याचा संपादक मंडळ, नीलकांत, प्रशांत इत्यादींशी काहीही संबंध नाही. यावर खोडसाळ टिप्पणी केल्यास कोणतेही उत्तर दिले जाणार नाही याची संबंधितांनी नोंद घ्यावी.)

असे किती ट्रोल्स इथे आले आणि गेले. तरी आम्ही इथेच आहोत आणि रहाणार, असा निर्धार ठेवा. तुम्ही मिपा सोडून काय साध्य होणार ? त्यापेक्षा अशा चंपांविषयी अनुकंपा ठेवा, त्यांना कट्ट्याला बोलवा, हारतुरे देऊन त्यांचा सत्कार करा.

मी तर मुवींचे असे बोट वर करून पगडी घालून व्यंगचित्र ( सॉरी अर्कचित्र )काढून त्यात " या संपादकांचे डोके ठिकाणावर आहे काय....? " असा संवाद टाकणार होतो. पण टक्कल लपले असते व ते मुवि न वाटता टिळकच वाटले असते. व जे स्वतः च एक संपादक होते ते असे म्हणतीलच कसे अशी तांत्रिक चूक काही अभ्यासूनी काढली असती. सबब बेत रद्द ! ता.क. हे डू आय डी वगैरे प्रकरण संपादकांच्या हातात नसून ते मालक व उपमालक यांचे हातात आहे असे कळते ती म्हाईती बरोबर आहे काय मुवि....?

मुविसाहेब, नको त्या लोकांना उगा महत्व देण्याने त्यांचा खाजवून खरूज काढण्याचा हेतू सफल होतो आणि त्यांना प्रोत्साहन मिळून त्यांचे चाळे अजूनच वाढतात. त्यांना दुर्लक्षाने मारले की अपेक्षित प्रतिसाद न मिळाल्यामुळे त्यांचा मर्कटलिला करण्यातला रस निघून जातो असा सर्वसामान्य अनुभव आहे. फारच अतिरेक झाला तर त्यासंबंधी कारवाई होते हा इतिहास आहेच. मात्र, "अती म्हणजे नक्की किती अती ?" हा सार्वकालिक व सार्ववैषयिक यक्षप्रश्न नेहमीचाच आहे... आणि त्यावर एकमत होणे नाही, हे पण सार्वकालिक सत्य आहे हे तुम्हालाही माहीत आहेच. सार्वजनिक रस्त्यावरून जाताना आपण कचरा (आणि कायकाय) टाळून पुढे जातो... फारतर त्याला मनातल्या मनात दोनचार श्या हासडतो आणि पुढच्या दोन पावलांत ते विसरूनही जातो... व आपल्याला पाहिजे त्या गंतव्यावर पोहोचण्याचे सोडत नाही. हेच माहिती महामार्गावर (इन्फर्मेशन हायवे) करावे असे मला वाटते. मुख्य म्हणजे, ज्यांच्याकडे आपण सहज दुर्लक्ष करू शकतो अश्या खोडसाळ प्रवृत्तींमुळे आपले मनःस्वास्थ्य बिघडवून घ्यावे इतकी त्यांची लायकी अजिबात नसते, असे माझे मत आहे.

मिपावर सूज्ञ लोकही आहेत हे प्रतिसादांवरून जाणवले. आंतरजालावर वावरणारा सोशल जाणिव नसलेला श्रेष्ठत्वाच्या अहंभावात कळपाने राहणारा एक समाज आहे. अवांतर : मुवि टेंशन घेऊ नका.

धागा पेटला. कुठले कुठले म्हातारे (आणि म्हाताऱ्या) शेकोटीला आले. ;)

वाह वाह खतरनाकच धागा मुवी ! फुल्ल इन्टर्टेन्मेन्ट होणार इथे ! बाकी चंपाताईंनी तुकोबांचा अभंग दिल्याने आपण तर फॅनच झालो त्यांचे ! त्यांना ह्या निमित्ताने तुकोबांचा एक अभंग ऐकवावा म्हणतो :

आधी होता वाघ्या | दैवयोगे झाला पाग्या| त्याचा यळकोट राहिना | मुळस्वभाव जाईना|| आधी होते ग्रामजोशी | राज्यपद आले त्यासी | त्याचे पंचांग राहीना | मुळस्वभाव जाईना || आधी होती देवदासी | पट्टराणी केले तीसी| तिचे हिंडणे राहीना |मुळस्वभाव जाईना|| आधी होता संतसंग | तुकाझाला पांडुरंग | त्याचे भजन राहीना | मुळस्वभाव जाईना ||

बिरुटे सरांचे पत्र कम सल्ला आवडले एस्पिशियली ते गेंड्याची कातडी वगैरे तर भारीच ! मागे एका मिनि कट्ट्याला एका माजी मिपाकराने मांडलेले मत आठवले की चंपा , नाना , मोगा , हितेश सारखे डु आयडी मिपाच्या दृष्टीने एका अर्थी गरजेचे आहेत कारण त्यांच्या मुळेच तर मिपावर इतका हिटरेट आहे. मुवी मी तुम्हाला ग्रेग चॅपेल आणि गांगुलीची गोष्ट सांगितली आहे का हो ? नसेल तर पुढील कट्ट्याला जरुर आठवण करुन द्या , आवर्जुन सांगेन !! आणि माझे वैयक्तिक मत म्हणुन सांगतो की तुमच्या लेखनावर येवुन असला कोणी डु आयडे की जो'शी' करत असेल तर संपादकांना व्यनि करावा , किमान त्या प्रतिसादावर तरी कारवाई केली जातेच !

याच धाग्यावर लिहीतो. मिपाचे हितकर्ते म्हणजे नेमके कोण कोण??? मिपा ला बऱ्याच जणांची गरज नाही तसं बऱ्याच जणांची गरज आहे का? आम्ही सांगतो ती पोततिडीक आणि बाकीच्यांची टिंगळ टवाळी? सामान्य सदस्याला दिसणारे पर्याय वेगळे, आतल्या वर्तुळासाठी 'संवाद' वेगळे का? ठराविक लोकांसाठीच काही घोषणा, अमुक तारखेला लेखमाला लिहायची असे उपक्रम असं का? अमुक एक जण काड्या च करायला येतो, त्याला बाजूला सारा असं predefined मत का? चार लेख लिहून स्वत:च्या मिपाबाह्य पात्रतानिकषावर खुर्च्या पकडून बसलेल्या लोकांबद्दल बोललं की त्रास होतो ते का???

याच धाग्यावर लिहीतो. मिपाचे हितकर्ते म्हणजे नेमके कोण कोण??? मिपा ला बऱ्याच जणांची गरज नाही तसं बऱ्याच जणांची गरज आहे का? आम्ही सांगतो ती पोततिडीक आणि बाकीच्यांची टिंगळ टवाळी? सामान्य सदस्याला दिसणारे पर्याय वेगळे, आतल्या वर्तुळासाठी 'संवाद' वेगळे का? ठराविक लोकांसाठीच काही घोषणा, अमुक तारखेला लेखमाला लिहायची असे उपक्रम असं का? अमुक एक जण काड्या च करायला येतो, त्याला बाजूला सारा असं predefined मत का? चार लेख लिहून स्वत:च्या मिपाबाह्य पात्रतानिकषावर खुर्च्या पकडून बसलेल्या लोकांबद्दल बोललं की त्रास होतो ते का???

तुम्हाला व्यनि केलेला आहे.

मुवि बिपिन कार्यकर्त्यांचा हा लेख वाचा http://www.misalpav.com/node/11148 दुर्लक्ष करणे तत्व अवलंबा

'डू आय डी' हा प्रकार कितपत तापदायक आहे याची मला काही कल्पना नाही. मात्र 'दुर्लक्ष करणे' हे तत्व अवलंबणे मला स्वतःला पटंत नाही. 'डू आय डी' ही संकल्पनाच dishonest आहे. ती एखाद्याला अवलंबवावी लागते याचाच अर्थ दालमे कुछ काला है| त्यामुळे त्यांचा निचरा करणं मिपाच्या तब्येतीच्या दृष्टीनी जरूरीचं आहे. त्याला सगळ्यात सोपं आणि प्रॅक्टिकल उत्तर आहे मोबाईल फोन नंबर. हे नंबर नीलकांतांकडे गोपनीय राहतील. आज जगभर सगळीकडे मेंबरशिपसाठी मोबाईल फोन नं. वापरला जातोय.

मुवि, आभासी जगाचं फार टेन्शन घेतलंत. आपल्याला त्रासदायक वाटणारे लेख वाचायचेच नाहीत. तुम्ही ज्या पद्धतीच्या आयडींना त्रासून लेख लिहीला आहे त्यांना तांत्रिक भाषेत Internet troll म्हणतात. त्यांच्याबद्दल वाचा. एकदा वाचलेत की तुम्ही आपोआप दुर्लक्ष करु लागाल. इथून आपण काय घ्यायचं हे एकदा मनात पक्कं ठरवलं की मिपा हा माणसं जोडण्यासाठी उत्तम प्लॅटफॉर्म आहे. मस्त उगाचच मित्रमंडळींच्या खरडवह्यांमध्ये डोकवायचं, त्यांची मस्करी करणारी खरड टाकायची. कधी वेळ असल्यास भेटायचं, सोबत पुस्तकं खरेदी करायची, जेवायचं, मस्त रक्त वारुणी किंवा आपल्या सोनेरी पेयाचा आस्वाद घ्यायचा. एक राहिलं, एखादा मित्र माझ्या धाग्यावर प्रतिसाद दे म्हणून फारच मागे लागला तर लेख उघडायचा. झरकन पेज स्क्रोल करायचे आणि "छान लिहिलंय" किंवा "मस्त लिहिलंय" असं एक विशेषण आणि एक क्रियापद असणारा दोन अक्षरांचा प्रतिसाद टाकायचा. प्रयत्न करा. नक्की जमेल. आपण इथे मौज करण्यासाठी येतो. मनस्ताप करुन घेण्यासाठी थोडेच येतो. :)

सकाळच्यान लग्णात हुतो,त्यामुळे आता धागा अणि प्रतिसाद वाचलो, या जगामध्ये संतुलन आवश्यक आहे,पांढरा रंग असला कि काळा असतोच,देव जर असतील तर दानव असणारच,सुख असेल तर दुख हे असणारच त्यामुळेच तर जग टिकून आहे. तराजूच्या एकाच तागडीत माल भरला तर तोलता येत नाही,म्हणून दुसर्या तागडीत वजन ठेवावे लागते त्याशिवाय संतुलन साधता येत नाही. कसय ना मित्रांनो कोणत्याही गोष्टीत संतुलन आवश्यक आहे,हेच मिपाला सुद्धा लागू होते. By the way,what is the definition of troll??

'८०-२० (Eighty-twenty)' हा व्यवस्थापन शास्त्रातला नियम इथेही लागू होतो. २०% मिपाकर ८०% त्रासदायक आहेत, असं सर्वसाधारण प्रमाण आहे. आपण उरलेल्या ८०% (चांगल्या) मिपाकरांकडे लक्ष देऊ. (म्हणजे आपल्याला फक्त २०%च त्रास होईल.) जास्त कट्टे करू. तिथे हे ८०% (चांगले) मिपाकर भेटतील याची खातरी. (ह.घ्या.)

१. मिसळपाव नावातच सर्व आहे, अनेक पदार्थांची भेळ त्यात आंबट-गोड, कडू-तिखट सर्वच राहणार. २. प्रत्येक सदस्याचे व्यक्तिगत विचार असतात, तो मांडतो. ३. काहींना स्वत:चे विचार मांडताना भीती वाटते, कारणे काहीही असू शकतात. ते अनेक नावे धारण करतात. त्यात मला तरी गैर वाटत नाही. ४. आपल्याला जे पटले नाही आपण त्याला नकारात्मक प्रतिसाद देतो. लिहिणारा डू आय डी असेल त्याला भरपूर कडू-तीखट प्रतिसाद मिळतातच. ५. संपादक मंडळाला धागा किंवा प्रतिसाद उडविण्याचा अधिकार आहे. तो अधिकार कसा वापरायचा याचा त्यांना पूर्ण अधिकार आहे. बाकी माझे मत, चंपाबाई नी लिहिलेली कविता काढण्याचे मला तरी काहीच कारण दिसले नाही. त्यांना त्यांचे मत मांडू द्या, आम्ही आमचा प्रतिसाद देऊ. वाचणार्यांना जे रुचीकर आहे, ते ग्रहण करतील. ६. मिसळपाव सारखे 'संकेतस्थळ' अजून तरी मराठीत अन्य नाही. इथे लोक वाचतात आणि भरपूर प्रतिसाद हि देतात. ७. संकेतस्थळ सोडण्याची भाषा करण्यापेक्षा आपले मत अधिक जोमाने मांडा.

चंपाबाई या आयडीने नक्की कोणाचं काय वाकडं केलय / कोणाला काय त्रास दिलाय हे कोणी समजावू शकेल काय?

खर तर मालक यावरून काहीच उपाय करू शकत नाही.डुआयडी ची ओळख पटवन्यात तांत्रिक अडचणी आहेत, त्यामुळे चर्चा निरर्थक आहे.

भारताला सन्नी लोयोनी चालते, तर तुम्हाला चंपाबाई का नाही..? प्रयत्न करा बघू, आमची आजी सांगायची, कावळ्यासोबत लगीन झाले, तरी हळूहळू ते पण आवडायला लागेल,.. :) जी आली, जशी आली चालवून घेशील.. :)

असे काय मुविकाका? तुम्ही कुठेही राहायला असलात (डोंबिवली/चिपळूण) तरी आम्ही मात्र तुम्हाला मिपा सोडून कुठे जाऊ देणारच नाही. रच्यकने, मला स्वतःला पण मिपावरील खिकारणार्‍या ट्रोलभैरवांचा एकेकाळी खूपच त्रास झाला होता.मला पण मिपा सोडावे असे वाट॑त होते.नंतर मात्र कातडी निबर करून गेंड्याची कातडी बनवली. अशा लोकांकडे दुर्लक्ष केलेले उत्तम असे मला वाटते. अर्थातच तुम्हाला काही सांगायचा माझ्यासारख्यांना अधिकार नाहीच.पण अशांकडे दुर्लक्ष करता आले तर बघा ही आग्रहाची विनंती मात्र आहेच. (मुविकाकांच्या कित्येक पुतण्यांपैकी एक) ट्रुमन

मिपावर टका बॅन होतो, बॅटमॅन बॅन होतो, विमे बॅन होतो, सुहास बॅन होतो. चंपा सुद्धा होइल. तुम्हाला त्रास इतकाच होतो आहे ना की: १. पहिले चार जेन्युइन आहेत आणि पाचवा विघ्नसंतोषी आहे. २. पहिल्या चारांचे मिपाच्या जडणघडणीत योगदान आहे आणि पाचवा इथे फक्त उच्छाद मांडण्यासाठी येतो. ३. पहिले चौघे विषयानुरुप लिहितात आणि चौथा फक्त गरळ ओकतो. ४. पहिले चारांनी काही उत्कॄष्ट लेख / प्रतिक्रिया दिल्या आहेत आणि पाचवा फक्त जिथे तिथे हागुन ठेवतो. ५. पहिल्या चारांकडुन एखादी चूक झाली असेल / नसेल आणि पाचवा सतत ओकार्‍या काढत असतो. ६. पहिले चार द्वेषमूलक लिखाण करत नाही आणि पाचवा कायम आपली जळजळ बाहेर काढुन इथे घाण करतो. अजुनही काहीए गोष्टी खुपत असतील तुम्हाला कदाचित पण फक्त एवढ्यासाठी मिपा सोडुन जायचे? पहिल्या चारांबद्दल ज्यांनी निर्णय घेतला ते पाचव्या बद्दलही घेतील की. तुम्ही उगी रहा बरे. अगदीच असह्य झाले तर "रंग माझा वेगळा"म्हणायचे आणी बाजुला व्हायचे. हाकानाका.

जसं मला आकलन झालय त्यांच, त्याप्रमाणे अस वाटतय की थोडा भावनिक, हळव्या मनाचा माणुस. आपण भलं आपलं काम भलं या सदरातला. खोटेपणा करायचा नाही किंवा करु द्यायचा नाही असा स्टँड ! पण सध्या तसं जग राहिलय कुठे ? उलट खोटारडेपणाला भाव आलाय. तर मुवि मिपावर (फक्त हं) कातड कमवुन घ्या (गेंड्यासारख कमवाल तर अतिउत्तम....... माहित आहे की नाही जमणार तुम्हाला). स्वतःला का मनस्ताप करुन घ्यायचा ? आता मी जेव्हा दिल्लीला कामाला होतो तेव्हा भुसावळ ते भोपाळ दरम्यान ट्रेन मधे हिजडे खुप त्रास द्यायचे म्हणुन मी काही ट्रेनने येणे जाणे सोडले नाही. तस्मात तुम्हीही ही ट्रेन सोडु नये असे वाटते. शेवटी......आभासी जगात मित्र असलेले काही मोजकेच पण चांगली माणसे गमवावी वाटत नाहीत.

मुवी काका, असा त्रास नका करून घेऊ. आज डुआयडींना कंटाळलात म्हणून मिपा सोडायला निघालात, उद्या संपादकांना कंटाळाल. मी संपादकांना कंटाळून एकदा मिपा सोडलेही होते. त्यावेळी संपादकांच्या मनमानीला वैतागून अनेकांनी सोडले होते मिपा. पण काळाच्या ओघात ते संपादक गेले आणि बहुतांश चिमण्या घरट्याकडे परत आल्या. त्यामुळे हे डुआयडीही येतील जातील, मिपा सोडणे हा उपाय होत नाही.

कट्टप्पांच्या मित्रयादीत स्थाण मिळालेलं बघून भारी वाटलं. आता डोळे मिटायला मोकळा!! =))

जे वातावरण बिघडवत आहेत त्यांना संपादक बघुन घेतीलच. आणि जे आपल्याला टारगेट करुन मुद्दाम लिहीतात त्यांना "चल ए.. फुट" म्हणुन लाथ घालायची. कुत्तरड्यांच्या कोण नादाला लागतं का काका? एवढ्यासाठी मिपा कशाला सोडायचं?

हे सगळ नक्की काय चाल्लय? कोण चंपाबाई?

मुवि,तुम्हीच मिपावरच्या इतक्या मैत्रपरिवाराचा ऊल्लेख केला आहात.त्यापुढे अशा डुआयडींची काय मातब्बरी?अहो, इथे राष्ट्रध्वजाचा अपमान झाला म्हणून स्वतः न रागावता, केलेली तक्रार रागावून न करता, खेळीमेळीने करता आली असती असा शहाणपणा शिकवणारे मूर्खसुद्धा इथे भेटले आहेत.त्याना घाबरून मिपा सोडायचं कशाला?

101

हायला मुविकाका, 100 ला कसा सत्कार करायचा बरे तुमचा? एक ऍग्रोवन चा अंक, आणि पम्पासाठी 5 लिटर डिझेल देऊन करावा म्हणतोय. सोबत एक इरले पण.

मुविंचा सत्कार शांताबाई गाण्याची सीडी, कुराणाची प्रत आणि 'मी मिपाहितकर्ता' लिहिलेली टोपी देऊन करावा काय???? -पळून गेलेला

कुत्रे काय?हिजडे काय?? सभ्य म्हणवून घेणारे आयडी कुठल्या पातळीवर येतात बघा.