लग्नाचा बाजार

हा धागा त्या प्रकारचा आहे. महालोल धागा! ब्रम्ह्यांची लूना, ताम्हिणी घाटातला वाघ आणि सप्तर्षी बाईंच्या मांजरानंतर आता हे अजरामर होणार!

मुलींच्या बाबतीत नकार द्यायलाही फनी कारणं देतात हं. चष्मा आहे ( भलेही मुलगी लेन्सेस असेल), गोरी हवी हे क्लास्सीक. आमची मुलगी सामान्य रंगाची आहे सांगितल्यावर सावळी,गहूवर्ण, गोरी का लख्ख गोरी असे चार पर्याय माझ्या वडिलांना दिले गेले होते. त्यामधून एक निवडा म्हणाले... पण हे माझ्या लग्नाच्या वेळेस नव्वद च्या दशकात. आता काय परिस्थीति आहे हे माहीत नाही..

हहपुवा सेसा आणी महाभृंगराज

छाती उघडी टाकूनच मुलगी बघायला जायला पाहीजे. डोक्यावर केस नसले तरी चालतील? पण छातीवर पाहीजे...

अत्यंत केसाळ धागा! फार च 'गुंतागुंत' आहे.

कायेक्की एकाची चप्पल दुसर्‍याला वापरता येते मात्र एकाचे अंतर्वस्त्र दुसर्‍याच्या मापाचे असले तरी काही कारणास्तव ते वापरता येत नाही. लग्नाच्या अनुभवांचे अगदी तस्सेच आहे. वरुन अनुभव एकसारखे दिसत असले तरी प्रत्येकाचा अनुभव वेगळा आणि युनिक असतो. तस्मात पास ! तरीही मार्गदर्शन हवेच असेल तर बाबा वाड्यावर या ! (निळु फुले स्टाईल)

लग्नासाठी "आशाळभूत" लोकांनी "केसाळ भूत" कसं व्हावं हाच मूलभूत प्रश्न आहे ! तुम्हीही डोकं लढवून काहीतरी हटके अटी काढा आता....आम्ही मदत करू....

अरे अट आहे ती आहे पण ती पुरी होणार की नाही हे कसं कळणार? बघण्याच्या कार्यक्रमात मुलाला काय सलमान खान सारखं शर्ट काढुन नाचायला लावणार की काय?

आज लग्नाचा बाजार उठतोय बहूतेक. मिनिटाला प्रतिसाद हाय राव

महालोल धागा. ८ मधल्या ७ अपेक्षांबद्दल कोणी फारसं बोलत नाही क्रं ८ ने मात्र बाजार उठवला. त्या पांढर्या कागदावर काढलेल्या काळ्यां टिंबाच्या गोष्टीची आठवण झाली.

अरे काय हे... कित्ती हसवालं....... तरी नशिब सर नाहियेत ऑफ्फीसमध्ये, नाहितत माझं काही खरं नव्हतं आज...

माझ्या पाहण्यात आलेल्या काही मागण्या १) मुलाचे स्वतःचे घर असावे पण होमलोन नसावे. २) घरात आजेसासु, सासरे नसावेत कारण काय? तर हे लोक बेडरिडन होतात मग त्यांचे सगळे करावे लागते. ३) छातीवरच काय अंगावर केस नसावेत. असल्यास वॅक्सिंग करुन घ्यावे. ४) दर महिन्याला बाहेर फिरायला जावे. बाहेर म्हणजे शहरातल्या शहरात शॉपिंग, हॉटेलिंग नव्हे तर महाबळेश्वर, गोवा, उटी वगैरे ठिकाणी फिरायला जावे. ५) नवरा मुलगा घरातला मोठा मुलगा नसावा. कारणः सासु-सासर्‍यांनंतर सगळे कुळाचार करावे लागतील. ६) मुलगी सेंट्रल लाईन वर राहणारी असेल तर मुलगा पण सेंट्रलचाच हवा. कारणः माहेरी जाताना जास्त प्रवास करावा लागत नाही.

बाजारात फेरफटका मारला. गरगरायला लागले...

शतकी धाग्यानिमित्त वाल्मिक यांना एक मुंग्यांचे वारुळ, छातीवर लावायच्या केसांचा विग आणि एक नटराजाची मूर्ती देऊन त्यांचा सत्कार करण्यात येत आहे!

ते नृत्यनागां वाचून खुर्चीतून सांडलो.

बाकी केस वाढवायचे उपाय ही उत्तम हो......सल्ल्यांचे दुकान टाकायला हरकत नाही.....