चान्गल्या इन्टरनॅशनल स्कूल सुचवा

अरे गम्मत नन्तर करा ना.पुरेशी माहिती मिळाल्यानन्तर गम्मत-ओन्ली धागा केला तरी चालेल. सध्या मदत करा ना जमत असेल तर.

सगळ्यान्ना थेन्क्यू. ती हिंजवडीमधली प्रचेतस रावान्ची मर्सिडिज शाळा सप्त तारान्कित का काहीतरी म्हणता यावी अशी आहे. माझ्या मित्राला त्रितारान्कित पुरेशी आहे म्हणाला. त्यावरुन बजेटचा अन्दाज यावा. मिसळपाववरती चवकशी करण्याचे एक मुख्य कारण म्हणजे प्रत्यक्ष कुणाचा कोणकोणत्या शाळेचा अनुभव कसा आहे हे समजून घ्यावयाचा आहे. म्हणजे साधारणतः पिलियन रायडर काकूंनी जसा नेमका फीडबॅक दिला तशा पद्धतीची माहिती, अनुभव ऐकण्यास आवडेल. इथे दिलेल्या वेबसाइट्स खरोखर कामाच्या आहेतच. त्याहीबद्दल थँक्यू. आणि अजून एक म्हणजे त्याला रेन्टवरती फ्लॅटही हवा आहे. त्यासाठी चान्गल्या सोसायटी तो शोधत आहे. त्याचे ओफिस कर्वेनगर कर्वे रोड वगैरे परिसरात असणार आहे म्हणाला. त्याचे प्राधान्य असे आहे -- १.सोसायटी गेटेड हवी. स्टेन्ड अलोन बिल्डिन्ग नको. २.लहान मोठ्या अ‍ॅमेनिटीज असलेल्या चान्गल्या. म्हणजे स्विमिन्ग पूल जिम्नेशियम वगैरे. २.पब्लिक ट्रान्सपोर्ट जवळपास असावा असा आग्रह नाही. स्वतःची गाडी आहे. ३.फ्लॅटचा,सोसायटीचा प्लान चांगला हवा.हवेशीर , प्रशस्त,पुरेसा सूर्य प्रकाश असणारे हवे. ४.आसपास थोडी शांतता असलेले जास्त चांगले. गोंगाट नको. म्हणजे अगदिच रस्त्यावरचे नको. ५.ऑफिसपासून दहा पंधरा किलोमीटर पर्यंत अंतर असलेले चालेल म्हणाला. ६.पाण्याचा प्रोब्लेम नसायला हवा. फार मागे कोथ्रुड डेपो परिसरात होता म्हणतात किनारा होटेलच्या पलिकडच्या बाजूला.झालच तर खराडी विमाननगर परिसरात पण काही चान्गल्या सोसायटीत पण पाण्याचा प्रोब्लेम होता सुरुवातीला.तर तसे होयला नको आहे. त्याच्या अपेक्षा ऐकून डोळ्यासमोर वारजे नाक्याजवलच्या आदित्य गार्डन सिटीचेच नाव आले.तर अशा सोसायटी सुचवू शकाल का. कोथरुड कर्वेनगर पौड रोड वनाज ते वारजे नाका किन्वा अगदि एस बी रोड , मॉडेल कॉलोनी,आयडीयल कॉलोनी ह्या दरम्यानच्या पट्ट्यात त्याला मिळाल्यास उत्तम, असे मला वाटत आहे. पण तिकडे अशा सोसायटी आहेत का. माझे जे थोडेफार फिरणे झाले आहे त्याप्रमाणे अशा सोसायटी वाकड पिम्पळे सवदागर भागात जास्ती दिसल्या आहेत.पण वाकड पिम्पळे सवदागर शक्यतो नको आहे. बाणेर त्यातल्या त्यात चालेल. मॅजिक ब्रिक्स डोट कोम वगैरेवरती जाउन पाहणे होणारच आहे. पण इथे तुम्ही लोक स्वतःच्या अनुभवातून आणि पाहण्यातून सान्गू शकताल तर ते जास्ती कामाचे वाटते. तुम्ही स्वतः रहात असलेली जागा किन्वा जिथे तुमचे येणे जाणे झाले आहे होत असते अशा जागा हव्या आहे. सिन्हगड रोडवरती सन सिटी आहे म्हणतात. ती कशी आहे कुणी सान्गेल का.

आहो मी काही पैशेवाला नाहीये. माझा मित्र त्याच्या मुलाची दर महिना जितकी फी भरतो तितका अजून इ एम आय पण भरु शकलो नाही आहे मी. आणि स्वतासाठी विचारायला आवडल असत मला. तुमचे इथले प्रतिसाद मी शुभेच्छा म्हणून स्वीकारतो की आज नसलो तरी उद्या पैशेवाला होइन म्हणून. आमचा जुना परिचय आहे; आणि विशेष कौटुन्बिक समन्ध आहे म्हणून त्याच्यासाठी विचारतो आहे. फार दिवसात भेट नसली तरी आमची दोस्ती चांगली आहे. आणि आता त्याचा इथे गावाशी टच राहिला नाही तर मदत करणे माझे काम आहे. त्याने पण आम्हला गरज असताना मदत केलेली आहे. इथे कोणी पण मधूनच प्रश्न करत राहतात. आणि प्रश्न पण सरळ अर्थाचे नसतात. किंवा "शहर बदला" वगैरे सल्ले देतात. मी ह्याआसाइटवरती नेहमी येत जात राहिलो असतो तरी असच केल असत का. मला कोणी काही विचारल आणि मला जमत असेल तर मी मदत करतो ; आणि करता येत नसेल तर निदान टवाळी करायला जात नाही. कोणता माणूस कोणत्या परिस्थितीत आहे आपल्याला माहित आसते का. आसे करणे मग बरोबर आहे का. आणि पिलियन रायडरजी मी तुम्हाला मुदाम नाही म्हणालो काकू वगैरे. आता लक्षात ठेवतो की काकू पेक्षा सगळ्यन्ना "जी" लावायचे. माफी करा. मला काही इथल्या लोकान्सारख छान छान लिहिता येत नाही. तर माझे दोस्त पण बनत नाहीत. पण मी ही साइट वाचतो. मला तुम्ही लोक चान्गले वाटले म्हणून अलो. मला वाटले की खुप सारे लोक आहेत तर ह्यान्ची मुले शाळेत जात असतील. ह्यान्च्याकडून काही सल्ला मिळेल. आदुबाळने तर किती चान्गली लिन्क दिली आहे. तर असे काही सान्गा ना.