Skip to main content

डाॅक्टरांची फी

लेखक स्वधर्म यांनी बुधवार, 11/03/2015 15:32 या दिवशी प्रकाशित केले.
नुकतेच माझ्या मित्राच्या एका नातेवाइकाचे ह्रदयाची शस्त्रक्रिया झाली. बायपास सर्जरी! हे एक मेजर अाॅपरेशनच अाहे. पुण्यातल्या एका प्रसिध्द रूग्णालयात त्यांना ८ दिवस दाखल केले गेले व अाता ते नातेवाईक घरी अाले अाहेत. तब्येत सुधारत अाहे. सर्व काही अपेक्षेप्रमाणेच. बोलता बोलता मित्राला विचारले, की बील किती झाले? तो म्हणाला दोन लाख अठ्ठावन्न हजार रूपये. हे ठीकच! पण त्यातले डाॅक्टरांचे किती विचारल्यावर त्याने माहिती दिली की मुख्य डाॅक्टरांची फी ऐंशी हजार व सहाय्यक डाॅक्टरांची वीस हजार रूपये. मला जरी साधारण कल्पना होती, तरी ही एवढी डाॅक्टरांची फी ऐकून मी चाट पडलो. माझ्या कुटुंबातही एका वीस मिनीटांच्या शस्त्रक्रियेसाठी बारा हजार सर्जननी चार्ज केल्याचे अाठवले. मी त्याला थोडी अाधिक माहिती विचारल्यावर असे समजले की शस्त्रक्रिया साधारण अडीच तास चालली. नंतर रोज सकाळ-संध्याकाळ डाॅक्टर पेशंटला भेटून तपासत असत, व पुढील औषधे वगैरे सांगत. हा वेळ साधारणपणे पाच-दहा मिनिटे असे. सदर डाॅक्टरांच्या कौशल्याबद्दल वादच नाही. त्यांची जबाबदारीही फार मोठी अाहे. अाज हे अाणि असे महाकुशल डाॅक्टर जिथे पोहोचले अाहेत, ते सर्वसामान्य माणसाचं काम नाही हेही मान्य. पण म्हणून सहा ते अाठ तासांच्या कामाचे ऐंशी हजार रूपये, हे कुठेतरी अजब वाटतात. खासकरून समाजातल्या इतर लोकांचे मानधन पाहता. एखाद्याचा जीव वाचवणे ही फार मोठीच गोष्ट अाहे. पण सिटी बसच्या चालकानेही अापल्या कामात ब्रेक दाबायला किंवा बस वळवायला पाव सेकंदाचा उशीर केला, तर परिणाम तेवढेच गंभीर नाहीत का? त्याच्यावरही पन्नास-साठ लोकांचा जीव अवलंबून नाही का? यांचे अगदी मोठ्या शहरातले म्हटले तरी महिन्याचे वेतन किती असेल? मला वाटते साधारण २५ ते ३५ हजार रूपये. क्रिकेटर्स किंवा गाजलेले गायक हेही असेच महाप्रचंड मेहेनताना घेतात. तेही काही तास अानंद देतात अन् लाखो रूपये घेतात. पण एक फरक हा, की त्यांना मिळणारे मानधन हे अनेकांकडून (अक्षरश: लाखो लोकांकडून) थोड थोडे पैसे घेउन वसूल केले जाते. अतिकुशल बडे डाॅक्टर मात्र एकाच व्यक्तीकडून मोजक्या तासांची महाप्रचंड फी सर्रास वसूल करतात. अतिदुर्मिळ कौशल्य असलेल्यांनी जास्त मानधन घेणे यात चूक काहीच नाही, पण इथे काहीतरी न्याय्य (फेअर या अर्थाने) नाही असे वाटते. पुढे मी ते डाॅक्टर रोज किती, अाठवड्याला, महिन्याला किती शस्त्रक्रिया करत असतील वगैरे विचार करायला धजावलो नाही. - स्वधर्म
वाचने 82765
प्रतिक्रिया 429

प्रतिक्रिया

मार्मिक गोडसे बुधवार, 11/03/2015 15:45
माझ्या कुटुंबातही एका वीस मिनीटांच्या शस्त्रक्रियेसाठी बारा हजार सर्जननी चार्ज केल्याचे अाठवले कसले ऑपरेशन होते ?

स्वधर्म बुधवार, 11/03/2015 23:59
तळहातावर केलाॅईड झाले होते. तिथला काही भाग काढून तिथे मांडीची त्वचा लावली गेली. केलाॅईड हे जखम झाल्यावर तिथली त्वचा जाड होते, वाढतच राहते, त्या व्याधीचे नांव अाहे. करतानाच सांगितले गेले होते, की पुन्हा तिथेच केलाॅइड न होण्याची गॅरंटी नाही. - स्वधर्म

मराठीप्रेमी बुधवार, 11/03/2015 16:01
पण म्हणून सहा ते अाठ तासांच्या कामाचे ऐंशी हजार रूपये, हे कुठेतरी अजब वाटतात.
यावर पुढे चर्चा करण्याआधी तुमच्यामते हा आकडा किती असावा ते सांगू शकाल का?

आजानुकर्ण बुधवार, 11/03/2015 16:13
या बातमीत एम्सची २०१४ ची थोडी आकडेवारी आहे. अर्थात ते सरकारी हॉस्पिटल आहे. (उदा. ससून) २००४च्या तुलनेत २०१४मध्ये खर्च कमी झालाय हे आश्चर्यकारक आहे. खाजगी हॉस्पिटलांमध्ये याच्या तिपटीपेक्षा जास्त खर्च यावा. त्यामुळे दीड लाखाच्या आसपास किमान खर्च आहे. त्यात तुम्ही स्पेशल रुम घेता का जनरल वार्डमध्ये राहण्यास तयार असता यानुसार पन्नासएक हजार रुपये सहज वाढतात. ऑपरेशननंतर रिकवरीसाठी एखादा दिवस आयसीयूमध्ये त्याचे वीसहजार. त्यामुळे अडीचलाख मार्केटदराच्या जवळपासच दिसते आहे. आता हॉस्पिटलने त्याचे आयटमायझेशन चुकीचे केले असावे. उदा डॉक्टरांची फी आठहजार दाखवली किंवा आणि इतर खर्च अडीचलाख दाखवला तरी आपल्याला त्यातलं काही कळणार नाही. किंवा डॉक्टरांची फी २ लाख एकोणपन्नास हजार आणि उरलेले ८ हजार इतर खर्च, असे दाखवले तरी नक्की काय फरक पडतो. http://archive.indianexpress.com/news/aiims-slashes-cardiac-surgery-cos…
Sample this: in 2004 the cost of repairing a hole in the heart was Rs 45,000; now it costs Rs 40,000. Bypass surgery, which used to cost Rs 60,000, is done for Rs 52,000. Two types of surgeries for congenital heart diseases — heart defects that are present since birth — now cost Rs 40,000 and Rs 52,000 respectively against the older rates of Rs 50,000 and Rs 55,000.

आजानुकर्ण बुधवार, 11/03/2015 16:01
वैद्यकीय व्यवसाय हा काही प्राईस रेग्युलेटेड व्यवसाय नाही. डॉक्टरांनी अमुकतमुक उपचारासाठी इतकेच पैसे घेतले पाहिजे असा कुठेही चार्ट नाही. घरातल्या व्यक्तीला तातडीच्या उपचाराची गरज असताना हॉस्पिटलमध्ये जितके पैसे सांगतात तितके द्यावेच लागतात. त्यासाठी आजकाल हेल्थ इन्शुरन्स असणे अत्यंत आवश्यक आहे. उपचाराच्या प्रसंगी पैशाच्या अडचणीमुळे चांगल्या उपचाराची संधी गमावू नये. डॉक्टर आणि न्याय्य फी वगैरेंचा काय संबंध आहे? डॉक्टर सांगतात तितके पैसे निमूटपणे द्यायचे नाहीतर दुसरा डॉक्टर बघायचा असा साधा नियम आहे. ही परिस्थिती का आहे यावर चर्चा करण्यापेक्षा ती हाताळता कशी येईल त्याचा विचार करा.

निनाद जोशी बुधवार, 11/03/2015 16:26
पण हि गोष्ट बदलली जाणे तितकेच महत्वाचे नाही का???? आपण प्रत्तेक वस्तू विकत घेताना तिची MRP बघून विकत घेतो म्हणजेच तिचा रेट ठरलेला आहे मग तुम्ही ती शहरातून घ्या वा गावातून.... अशी काहीतरी पध्दत वैद्यकीय व्यवसायाला हि असली पाहिजे नाहीतर असेच लोक उपचाराविना मारत राहणार.....

सूड बुधवार, 11/03/2015 23:25
निश्चिंत असा हो तुम्ही!! आम्ही दोघं जरासं सरकून तुम्हाला तिसरी सीट देऊ का? नै येवढं टबातच बसायचं सांगायला आलात म्हणून म्हटलं हो.

गवि गुरुवार, 12/03/2015 12:46
अरे, किती सांडून ठेवल्यात लाह्या टबमधे.. कचरा करतात नुसते.. कोण आहे रे तिकडे, जरा व्हॅक्यूम क्लीनर आणा बघू झटपट..

अजया बुधवार, 11/03/2015 19:56
बर्याच दिवसात खाल्ले नव्हते या विषयावर पाॅपकाॅर्न.चालु द्या बरं का चर्चा.डाॅक्टर जाम लबाड,पैसेकाढु असतात हे मान्य आहे!! आय फोन बनवायला किती खर्च येत असेल? आणि कितीला पडतो,काही माहिती आहे का? तो महाग असुन लोक तो का घेतात का मिरवतात?साधे मोबाईल अस्ताना?(एक निरागस प्रश्न)

आयुर्हित बुधवार, 11/03/2015 16:03
सर्वप्रथम आपल्या मित्राच्या एका नातेवाइकाची तब्ब्येत कशी आहे? देवकृपेने ते सुखरूप घरी पोचलेत आणि स्वस्थ असावेत अशीच ईश्वराकडे प्रार्थना करतो. बायपास सर्जरी ची मेडीकली १% एक टक्का सुद्धा गरज नाही, आणि गरज नसतांना ती सर्रास राजरोसपणे केली जाते, हे त्याहून मोठी गोष्ट. पण अमक्या हॉस्पिटल मध्ये तमक्याने बायपास केली आहे असे अभिमानाने मात्र सांगितले जाते ते वेगळे. त्यामुळे बायपास केल्यावर फी घेणे हे डॉक्टरांचे परम कर्तव्यच आहे, नव्हे ते तर त्यासाठीच जगतात व राबतात. शस्त्रक्रिया साधारण अडीच तास चालली आणि फी फक्त ८००००/- म्हणजे फार स्वस्तात सोडले आपल्याला. नाहीतर आजकाल चोर सुद्धा फक्त १/२ मिनिटात ५००००/- ची गळ्यातली चेन काढून नेतात. त्यामानाने फार कमी पैसे घेतले त्यामुळे आपल्या मित्राचे मनापासून अभिनंदन. ता.क.: बायपास सर्जरी हे एक मोठे फॅड आहे!

कलंत्री बुधवार, 11/03/2015 16:05
माझ्या अल्पमाहितीप्रमाणे हैद्राबाद येथे अल्पमुल्यात उपचार होतात. त्याचप्रमाणे सामाजिक संघटनानीही हा विषय धसास लावला पाहिजे.

आकाश खोत बुधवार, 11/03/2015 16:06
योगायोगाने आज तुमचा हा लेख वाचला, आणि मी सध्या डॉक्टरांवरच एक कादंबरी वाचतोय. एरिक सेगल ची "डॉक्टर्स". अमेरिकेतल्या ५०-६० च्या दशकातली गोष्ट आहे यात. (आपल्याकडे पण परिस्थिती तशीच असावी असं वाटतं.) डॉक्टर्स बद्दल राग, कुतूहल, आकस, आदर असं काहीही असणाऱ्या सर्वांसाठी हि कादंबरी वाचण्याजोगी आहे. डॉक्टर्स बद्दल एक नवा दृष्टीकोन मिळतो. त्यांच्या मेडिकल कॉलेज पासून सगळा प्रवास समजतो. आपल्याला माहित असतंच त्याप्रमाणे एक साधा डॉक्टर बनायलाच किती तरी वर्षे लागतात. (काही लोकांना मेडिकल आधीच रिपीट करावं लागतं.) त्यानंतर दुसऱ्यांच्या हाताखाली काम करून जम बसवणे. कुठल्या खास प्रकारात प्राविण्य मिळवण्यासाठी आणखी काही वर्षे आणि पुन्हा प्रशिक्षण. असे त्यांना स्थिरावायला खूप उशीर होतो. आणि तुम्ही म्हणताय त्याप्रमाणे अत्युच्च कौशल्य जोखीम तर असतेच. त्यांची वकिली मी करत नाहीये. खिशाला चाट बसते तेव्हा आपल्याला आवडत नाहीच. पण या पुस्तकामुळे दुसरी बाजू समजून घेता आली.

नगरीनिरंजन बुधवार, 11/03/2015 16:13
हेल्थकेअर ही इंडस्ट्री आहे यातच सर्व काही आले. शिवाय यात ऑटोमेशन फारसं नाही, पण एकदा आर्टिफिशियल इंटेलिजन्स असलेले रोबॉट डॉक्टर आले की मानवी डॉक्टरचे काम फक्त निदान करण्यापुरते उरेल.

नगरीनिरंजन बुधवार, 11/03/2015 16:17
शिवाय माणसांची शरीरं जितकी स्टॅन्डर्ड असतील तेवढा उपचारावरचा खर्च कमी होईल. त्यामुळे सहज बदलता येण्याजोगे कृत्रिम, स्वस्त अवयवही बाजारात यायला लागतील. दर काही वर्षांनी बदलले की झाले.

प्रशांत हेबारे बुधवार, 11/03/2015 16:16
Skill, Brand & Technology चे पैसे मोजावे लागतात . तुम्ही दुसरीकडे जाऊ शकता पण खात्री नसते. हे सगयालाच यवासायला लागू होते. तेव्हा त्रागा करून उपयोग नाही.

आदिजोशी बुधवार, 11/03/2015 16:19
डॉक्टरांनी किती फी आकारावी हे सांगण्याचा अधिकार आपल्याला नाही. ते त्यांच्या कौशल्याचे मानधन घेतात. माझे बजेट ५,००० रुपये असेल तर माझ्या सिनेमात लता मंगेशकर ह्यांनी गाणे म्हणावे हा आग्रह मी धरू शकत नाही. तसेच इतकी फी आकारणारे बहुतांश डॉक्टरही त्या क्षमतेचे असतात. सगळेच डॉक्टर अथवा गायक खोर्‍याने पैसा ओढत नाहीत. काही जण आजन्म २० रुपयात तापाचे औषध देत राहतात, काही जण आजन्म कोरस मधले गायक बनून राहतात. जे मेहनत घेऊन पुढे जातात ते नाव आणि पैसा कमावतात. पुढे जाण्यासाठी आणि राहण्यासाठी श्रम घ्यावेच लागतात. त्यामुळे, मेडिक्लेम काढा आणि असले प्रश्न पडू देऊ नका. त. टि.: ह्या पेशातला गैरप्रकारांबद्दल चीड आहेच. गैरसमज करून घेऊ नये.

निनाद जोशी बुधवार, 11/03/2015 16:20
दोन वर्षांपूर्वी माझ्या घरातील एका व्यक्तीला गावाकडे असताना हृदयविकाराचा झटका आला होता. गावाकडे असल्यामुळे इलाजही तेथेच करावे लागले. माझ्या गावाजवळ माढा येथे उपचार झाले. अगदी अन्जिओप्लास्ती पण झाली. आणि ८ दिवस ICU मध्ये भरती होती हे वेगळेच. एवढे सगळे होऊनही बिल किती आले माहिती आहे??? फक्त १५००० सर्व औषधांचा खर्च धरून. आणि हॉस्पिटल खासगी होते बर का!!!! मी नंतर माझ्या एका मित्राच्या वडिलांची सेम केस शहरात हाताळली गेली होती त्याला खर्च विचारला तर त्याचा खर्च होता १,५०,०००. मग हि तफावत कश्यामुळे??? ह्याचाच अर्थ शहरात अत्यंत लुटालूट चालते असा नक्कीच काढता येऊ शकतो.....

कपिलमुनी बुधवार, 11/03/2015 16:29
अँजिओप्लास्टी >> अँजिओग्राफी + सर्जरी +स्टेंट + ओटीचे भाडे + ८ दिवस ICU भाडे + ८ दिवस डॉक्टरचे व्हिजिट + नर्सिंग चार्जेस + सलाईन्स + औषधे
प्लीज तुम्ही त्या हॉस्पिटलचा नाव आणि पत्ता , डॉक्टरचे नाव सर्वांना द्या !

निनाद जोशी बुधवार, 11/03/2015 16:52
माढा येथील पाटील हॉस्पिटल, डॉक्टर चे नाव नीटसे आठवत नाही पाहिजे असल्यास घरी रिपोर्ट बघून बाकी माहिती देतो....

आदिजोशी बुधवार, 11/03/2015 16:39
अँजिओप्लॅस्टी, ८ दिवस ICU आणि सगळी औषधं मिळून १५,००० भागवणारे ते गाव आणि हॉस्पिटल ह्यांचं नाव सांगितलं तर बरं होईल. पहिली शंका ही आली की खरंच अँजिओप्लॅस्टी केली का. असो. १ कोटी रुपयांमधे गावात मिळणारे घर आणि शहरात मिळणारे घर ह्यांच्यातला फरक पहा. साध्या गाळ्याचे भाडे बोरिवलीमधे ३५-४० हजार रुपये आहे. मार्केट परिसरात गेलात तर हीच किंमत कोटींमधे पोचते. तेच गावात वाडीसकट वाड्याचेही तितके पैसे होत नाहीत. त्यामुळे शहरात अत्यंत लुटालूट चालते असा काढणार का? गावातल्या मेडिकल कॉलेजची फी आणि शहरातल्या मेडिकल कॉलेजची फी, डॉक्टर झाल्यावर जम बसायला लागेपर्यंत येणारा खर्च, स्टाफचा पगार, इत्यादि गोष्टीही लक्षात घ्यायला हव्या. काही प्रमाणात भाव जास्त आहेतच. पण 'अत्यंत लुटालूट' ह्या सदराखाली ते मोडतील की नाही ह्याबद्दल शंका आहे. ज्या गोष्टी साच्यातून बनवल्या जातात त्यांना अधिकतम किरकोळ किंमत असणे बरोबरच आहे. पण अशा व्यवसायांना ते लागू होऊ शकत नाही. गाडीची एक्स शोरूम प्राइस मुंबई आणि ठाण्यात जवळपास सारखीच असते. ती रस्त्यावर आणायची असेल तर किंमत बदलते. आणि ती किंमत मुंबईच्या रस्त्यावर गाडी उतरवण्याची असते.

संदीप डांगे बुधवार, 11/03/2015 16:57
नाहीच पटत... काहीतरी झोल आहे हे नक्की.

निनाद जोशी बुधवार, 11/03/2015 17:05
आता त्यांनी खरच अँजिओप्लॅस्टी केली कि नाही हे मी कसे सांगू शकतो परंतु ती केली नसली तरी अँजियोग्राफी अधिक बाकी दिलेले खर्च ह्याची बेरीजही १५००० म्हणजे कमीच आहे शहराच्या तुलनेत नाही का???

असंका बुधवार, 11/03/2015 17:10
अहो आत्ता तर मी आपण बिल इथे देतो म्हणाला होतात तेव्हा त्याची वाट बघत होतो. त्यात कळेल की अँजियोग्राफी आहे का अँजियोप्लास्टी ते...?

कपिलमुनी बुधवार, 11/03/2015 17:12
आता त्यांनी खरच अँजिओप्लॅस्टी केली कि नाही हे मी कसे सांगू शकतो
खात्री असल्याशिवाय सांगू नका . मिपाकर लै हार्ड हैत

निनाद जोशी बुधवार, 11/03/2015 17:49
अहो माझ्या घरी बिल आहे त्यावर अँजिओप्लॅस्टी चा खर्च लिहिला आहे पण नुसता खर्च लिहिला का केली पण हे मला कसा कळणार म्हणून म्हंटल . बिल मी आज रात्री पर्यंत घरनं मागवून टाकतो काळजी नसावी.

असंका शुक्रवार, 13/03/2015 18:22
मग तसं सांगु दे. आम्ही आपले आशेला आलो होतो.... अवांतरः बाकी माढ्यासारख्या ठिकाणी आता अशा सोयी आहेत म्हणल्यावर "कुठे नेऊन ठेवलाय.." वगैरे प्रश्न वेडगळच म्हणायचे. मी पाच वर्षापूर्वी गेलो होतो तेव्हा साधं हॉटेल नव्हतं गावात....शेजारी कुर्डुवाडीत रहावं लागलं होतं.

सुबोध खरे शुक्रवार, 13/03/2015 18:28
प्रसाद साहेब मोदक रावांच्या दुव्यावर मी म्हटलेले होते कि ऐन्जीयोग्राफिसाठी लागणाऱ्या डिसपोजेबल गोष्टी ( क्याथेटर,शीथ,गाईड वायर इ पूर्ण संचाची) किंमत नउ हजार पर्यंत येते कारण ते आयात करायला लागतात.आणि त्याची किंमत १५० डॉलर आहे. जर कोणी हा पूर्ण नवा संच वापरून ऐन्जीयोग्राफि करत असेल तर त्याची किंमत कमीत कमी १०००० दहा हजार होईल.यास्तव जे जे किंवा नायर रुग्णालयात याची किमत १२ हजार आहे (जेथे कोणीही डॉक्टर लुबाडायला बसलेला नाही). असे असताना एन्जीयोप्लास्तीची(ऐन्जीयोग्राफि नव्हे) किंमत माढा सारख्या तालुक्याच्या गावी पंधरा हजार असेल हि शक्यता फारच कमी वाटते. जर कोणी दानशूर माणूस याला पंधरा हजाराची सबसिडी देत असेल तरच हे शक्य आहे याचे कारण ऐन्जीयोग्राफिनंतर अरुंद झालेली रक्तवाहिनी परत पूर्ववत करायला लागणारा फुगा सुद्धा १२५ डॉलर ला येतो.( हा फुगा फुगवून ती अरुंद रक्तवाहिनी रुंद करण्यात येते). या रक्त वाहिनीची परत अरुंद होण्याची शक्यता ५०% असते म्हणून त्यात स्टेंट बसवावा लागतो आणि तो नुसता धातूचा स्टेंट तीस हजारापेक्षा जास्त किंमतीला येतो. त्यातून (drug elluting stent) रक्ताची गुठळी न होणारी औषधी सोडणारा स्टेंट जर असेल तर त्याची किंमत ५०,००० ते एक लाख यामध्ये येते. तेंव्हा निनाद राव यांनी लिहिलेल्या गोष्टीत काहीतरी फार महत्त्वाचं राहून गेलेलं आहे. मी या धाग्यावर वाचन मात्र झालो होतो परंतु काही महत्त्वाच्या गोष्टी राहून गेल्या होत्या त्या लिहायच्या आहेत. क्रमशः .

सुबोध खरे शुक्रवार, 13/03/2015 20:26
वर लिहिलेल्या किमती सरकारी रुग्णालयातील आहेत. तेंव्हा आपण मुंबईतील नायर किंवा जे जे रुग्णालयात एन्जीयोप्लास्टी केलीत आणि एक स्टेंट बसवला तर त्याचा खर्च ५० ते ७५ हजार इतका येतो. यात डॉक्टरांची लुटालूट, रुग्णालयात अधिक दिवस ठेवून घेतल्याने फुगवलेले बिल असा प्रश्न येत नाही. तेंव्हा १५,०००/- रुपयात एन्जीयोप्लास्टी तर सोडाच ऐन्जीयोग्राफि सुद्धा खाजगी रुग्णालयाला परवडेल काय याची मला शंका वाटते. यात एक अत्यंत महत्त्वाची गोष्ट अशी आहे कि ऐन्जीयोग्राफि करताना जर हृदयाच्या रक्त वाहिनीतील कोलेस्टीरोलचा प्लाक क्याथेटरमुळे सुटा झाला आणि रक्तवाहिनीत पुढे गेला तर टेबलवरच रुग्णाला हृदयविकाराचा तीव्र झटका येऊ शकतो अशा वेळेस तुम्हाला तातडीने( ६ तासात) बायपास शल्यक्रिया करावी लागते. याच कारणासाठी ऐन्जीयोग्राफि करताना हृदय शल्यक्रिया तज्ञ आणि शल्यक्रिया गृह राखीव( backup) असणे आवश्यक आहे. हि शक्यता १ % पेक्षा कमी असते तरीही हि काळजी घेणे आवश्यक आहे. शक्यत १% हून कमी असेल तरीही ज्याच्या नातेवाईकाच्या बाबतीत असे होते त्याच्या दृष्टीने टक्केवारीला काहीहि अर्थ उरत नाही. याकारणास्तव मुंबईत इतकी मोठी रुग्णालये असूनही प्रत्येक रुग्णालय ऐन्जीयोग्राफि करत नाही आणि ज्यांच्याकडे अशी सोय नाही त्यांचे अशी शल्यक्रिया करणाऱ्या रुग्णालयांबरोबर करार असतो आणि प्रत्येक ऐन्जीयोग्राफि पूर्वी त्या रुग्णालयाला तयार राहण्यासाठी कळवलेले असते. माढा सारख्या ठिकाणी (बायपास शल्यक्रिया) अशी सोय असेल असे वाटत नाही. याचा स्पष्ट अर्थ असा आहे कि श्री निनाद यांनी अज्ञान जनक अशी माहिती पुरवलेली आहे. या माहितीमुळे एखादा मिपाकर किंवा हे वाचणारा ज्याला तातडीने ऐन्जीयोग्राफि/एन्जीयोप्लास्टी ची गरज आहे तो माणूस नुसत्या ऐन्जीयोग्राफिचे १५- २० हजार रुपये होतील हे ऐकून रानोमाळ १५ हजार रुपयात एन्जीयोप्लास्टी करणारे रुग्णालय शोधत फिरेल आणि महत्वाचा वेळ वाया घालवू शकेल. आपण येथे माहिती देताना अत्यंत काळजीपूर्वक वागावे. आपल्या चुकीच्या माहितीमुळे एखाद्याच्या जीवावर बेतू शकते

असंका बुधवार, 11/03/2015 17:01
उलट मी एकदा असं वाचलं होतं की इंशुरन्स कंपन्यांच्या दबावामुळे अव्वाच्या सव्वा फिया घेण्याला आळा बसला आहे. मिळाला लेख तर परत देतो इथे.

गिरकी बुधवार, 11/03/2015 16:43
डॉक्टर लोक त्यांच्या तजुर्ब्याचे पैसे घेतात. काही उपचार असे असतात की एक चूक सुद्धा खूप महाग पडू शकते. अशावेळी अनुभवी आणि त्याच्या क्षेत्रात बेस्ट असलेला डॉक्टर आपण निवडतो. जेव्हा ते येवढे पैसे घेत असतात तेव्हा त्यांनासुद्धा जबाबदारीच्या जाणिवेमुळे मानसिक ताण येत असणारच. आणि इमर्जन्सी कधीही येते त्यामुळे रात्री अपरात्री काम करून शारिरीक ताण तर आहेच. या अनुभवाची आणि त्यांच्या त्या क्षेत्रातल्या कौशल्याची, जबाबदारीची किंमत तासांच्या हिशोबात करणे अयोग्य आहे. पण हल्ली शहरात साध्या ताप सर्दीला पण अ‍ॅडमिट करून पैसे उकळण्याचे जे प्रकार सर्रास चालू आहेत ते नक्कीच चुकीचं आहे.

कपिलमुनी बुधवार, 11/03/2015 16:46
मिपावरील डॉक्टरांच्या प्रतीक्षेत :)

संदीप डांगे बुधवार, 11/03/2015 16:48
डॉक्टर आणि ड्रायव्हर यांची तुलना चुकीची आहे. ड्रायवरांना बस चालवायचे पैसे मिळतात, जीव वाचवायचे नाही. डॉक्टर जीव वाचवायचे पैसे घेतात, ऑपरेशन थिएटरमधे उभे राहायचे नाही. एवढी फी घ्यायला पात्र व्हायला त्यांना आयुष्याची किमान २० वर्षे अखंड मेहनत करावी लागते. पुढेही करतच राहावी लागते. देतांना कधीच कुणाचे पैसे बघू नका, त्याला ती गोष्ट साध्य करायला किती मेहनत पडते ते बघा. तो डॉक्टर जे करू शकतो ते तुम्ही आम्ही चार-दोन महिन्यात शिकून करण्यास पात्र होण्याइतकं सोपं नाही आहे. बाकी या व्यवसायतल्या फसवणुकीबद्दल वेगळी मतं आहेत. पण कधीच कुणाला पैसे देतांना डोळे मोठ्ठे 'अरेरे, लुबाडतात नुसते' वैगेरे करून देऊ नये. घेणारा आणि देणारा दोघांसाठी फार वाईट आहे ते. जो तो आपल्या अक्कलहुशारी आणि मेहनतीच्या लायकीप्रमाणे कमावतो.

निनाद जोशी बुधवार, 11/03/2015 17:02
अहो पण अशीच सूट मिळत राहिली तर आज हॉस्पिटल चा खर्च हा गरिबांना परवडत नाही उद्या मध्यम वर्गाला हि झेपेनाहीसा होईल. मग ह्या सगळ्यांनी विना उपचार मरावे कि काय??? ह्या खर्चामुळेच सरकारी हॉस्पिटल मध्ये एवढी गर्दी वाढू लागली आहे जी हाताळण्या पलीकडे गेली आहे. जे डॉक्टर सरकारी दवाखान्यात काम करतात ते तिथे कमी वेळ आणि आपल्या खासगी दवाखान्यातच जास्त वेळ असतात. म्हणजे डॉक्टरकी हि फक्त पैसा कमावण्यासाठीच झाली आहे असेच म्हणावे लागेल. मग का त्यांना समाजाचा सेवक अथवा देवता वगैरे म्हणावे. आधी लोक लोकसेवेसाठी डॉक्टर व्हायचे आणि लोकसेवा करायचे ही. आताचे डॉक्टर फक्त पैसे कमावण्यासाठी फक्त श्रीमंत लोकांचेच इलाज करतात आणि स्वतःला लोकसेवक वगैरे म्हणवून घेतात......

असंका बुधवार, 11/03/2015 17:15
डॉक्टर फक्त पैसे कमावण्यासाठी फक्त श्रीमंत लोकांचेच इलाज करतात आणि स्वतःला लोकसेवक वगैरे म्हणवून घेतात......
टाळ्या..शिट्ट्या सगळं काही या एका वाक्याला!!....(आणि हशा सुद्धा)!!

संदीप डांगे बुधवार, 11/03/2015 17:28
श्रीमंत लोकपण लोकंच असतात त्यामुळे लोकसेवक म्हटलं तर कुठे बिघडलं? अजून कोण फक्त पैसे कमावण्यासाठी काम करत नाही? ज्यां गरीब किंवा मध्यमवर्गाला या व्यवस्थेची चीड आहे त्यांनी आपाआपल्या वर्गातून असे लोकसेवक डॉक्टर तयार करावे आणि त्यांना खाजगी दवाखाने चालवण्यास मदत करावी. लोकसेवक म्हणजे गरिब लोकांचे काम फुकटात करणारा (काहीच अपेक्षा किंवा मोबदला न घेणारा) असाच असतो हा आपल्या समाजात पसरलेला गोड गैरसमज आहे. गाडगेबाबा होते एक. पण ते संत होते हो.

निनाद जोशी बुधवार, 11/03/2015 17:54
अहो फुकट द्या कोण म्हणतय फक्त रास्त दरात द्या एवढीच मागणी आहे. जे उपचार गावात १० हजारात होतात ते तुम्ही शहरात २० ते ३० हजारात द्या त्यासाठी लाखभर रुपयाचे बिल लावण्याची गरज नाही. ह्यातून त्यानाही बक्कल पैसा मिळेल कि...... आणि तुम्ही डॉक्टर अभय बंग किंव्हा डॉक्टर प्रकाश बाबा आमटे, डॉक्टर विकास बाबा आमटे ह्यांसारख्या लोकांना विसरलात कि .......

असंका बुधवार, 11/03/2015 18:04
१. रास्त दर काय हे कोण ठरवणार? २. दुसर्‍याची गरज किती आणि काय हे आपण कसं ठरवायचं? आणि त्याचवेळी आपली गरज काय हे ठरवायचा अधिकारही आपण दुसर्‍यांना देणार का? ३. किती पैसा असला की बक्कळ झाला असं म्हणता येतं? ४. सगळ्या समाजधुरीणांची नावं इथे लिहिली नाहीत म्हणजे ती विसरली गेली हे आपलं प्रामाणिक मत आहे का?

निनाद जोशी बुधवार, 11/03/2015 18:14
अजून कोण फक्त पैसे कमावण्यासाठी काम करत नाही?
ह्या प्रश्नाचे मी फक्त उत्तर दिले आणि आपण डॉक्टर ने कितीही पैसे वाढवले तरी गप्प बसतो आणि रेल्वे ने तिकिटात ५ रुपये वाढवले तरी बोम्बाबोम करतो. हि अशी अवस्था असल्यावर काय बोलायचे???? आणि आपण प्रत्तेक वेळी आधीच्या किमतीशी तुलना करून महागाईत किती वाढ झाली हे ठरवत असतो. त्याच विचाराने आपण भाज्या आणि दुध वगैरे गोष्टी महाग झाल्या आहेत म्हणून ओरडतो. ह्यात पेट्रोल इत्यादी गोष्टींचे भावही येतात. तिथे आपण असे नाही म्हणू शकत कि पेट्रोल चे भाव ८० वरून ८०० रुपये लिटर झाले तर तुम्ही ठरावा पेट्रोल घ्यायचं का हि ते. तिथे तुम्ही भाव वाढीला समर्थन का नाही करत ?????

असंका बुधवार, 11/03/2015 18:19
_/\_ माझ्या इतर प्रश्नांचीही अशीच अघळपघळ उत्तरे देऊन उपकृत करावे...

निनाद जोशी बुधवार, 11/03/2015 18:28
माझ्या प्रश्नाचे उत्तर द्या कि तुम्ही पेट्रोल चे भाव ८० वरून ८०० रुपये लिटर केले अथवा रेल्वे तिकिटाचे भाव २५ वरून २५० केले तर काही बोलत नाही का??? तेव्हा ह्या दर वाढीला सामान्यतः सर्व लोक तरी अव्वाच्या सव्वा असेच म्हणतात 'कंफ्युज्ड' लोक ह्याला काय म्हणतात हे मला तरी ठाऊक नाही. ह्या दरवाढीला तुम्ही काय म्हणाल हे मला सांगून तुम्ही मला उपकृत करा.....

असंका बुधवार, 11/03/2015 18:37
माझा "आय डी" हा संपूर्णपणे माझा वैयक्तिक विषय आहे. तो चर्चेचा विषय नाही. तो चर्चेसाठी उपलब्धही नाही. कृपया वैयक्तिक टीका टिप्पणी टाळा.

निनाद जोशी बुधवार, 11/03/2015 18:41
परंतु ह्या दरवाढीस तुम्ही तयार व्हाल का आणि ह्यास तुम्ही काय म्हणाल ह्याचे उत्तर अजूनही अपेक्षित आहे......

असंका बुधवार, 11/03/2015 18:47
माझ्या प्रश्नांचे उत्तर द्यायचे सोडून तुमचेच प्रश्न पुढे घ्यायचेत तुम्हाला? हरकत नाही. पण आधी माझा एक अगदी छोटा प्रश्न- खरं तर "माझा" म्हणणं पण योग्य नाही- आत्याबाईला मिशा अस्त्या तर?

निनाद जोशी बुधवार, 11/03/2015 19:02
माझ्या आत्याबाईंना तरी मिश्या नाहीत आणि मी तुमच्या एका प्रश्णाच उत्तर दिल आता तुम्ही एका प्रश्णाच उत्तर द्या