Skip to main content

नक्की किती पैसे पुरेसे?

लेखक उडन खटोला यांनी मंगळवार, 30/12/2014 11:49 या दिवशी प्रकाशित केले.
नुकतीच मी स्वेच्छानिव्रुत्ती घेतली. एका मल्टिनॅशनल कम्पनी मध्ये एक्झिक्युटिव्ह पदावर २० वर्षे काम केले . सुमारे २० लक्ष रुपये बॅन्केत एफ डी स्वरुपात आहेत , त्याचे १०% व्याजानुसार सुमारे १६५००/- रुपए प्रतिमहिना व्याज येते. माझे वय सद्या ५० आहे . तरी हे पुरेसे आहेत का? व याव्यतिरिक्त कुठे सेफ गुंतवणूक करता येइल? मी कोकणातील खेडेगावात राहत असुन महिना खर्च साधारण १००००/- आहे, यामध्ये १+१ जेवन व स्वताचे वडिलोपार्जित घर व शेती तसेच माझा खान व "पाना"चा खर्च समाविष्ट आहे , माझ्याकडे एक मोटरबाईक असून तिचा वापर मी जवळच्या अन्तरावर प्रवासासाठी करतो. तरी मी काय करावे ? यावर जाणकरानी गाम्भीर्याने सल्ला देणे ,अशी नम्र विनन्ती आहे
वाचने 130658
प्रतिक्रिया 199

प्रतिक्रिया

काळा पहाड मंगळवार, 30/12/2014 11:59
तुम्हाला १०% व्याज कुठे मिळते? तुम्ही हे पैसे एखाद्या पतसंस्थेत ठेवले आहेत का? असल्यास त्वरित काढून घ्यावेत व नॅशनलाईज्ड बँकेत ठेवावेत हा माझा सल्ला आहे.

मृत्युन्जय मंगळवार, 30/12/2014 12:02
२० लाखावर १६.५ हजार व्याज मिळत असेल तर ते ८.२५% नी मिळ्ळत असावे. म्हणजे बहुधा राष्ट्रीयकृत बॅंकच असावी.

क्लिंटन मंगळवार, 30/12/2014 15:22
नाही. व्याज दर महिन्याला १६,५०० असेल तर ते दरवर्षाला २ लाख रूपये झाले. म्हणजे १०% व्याजाचा दर झाला.माझ्या माहितीत तरी कोणतीही राष्ट्रीयीकृत बँक (किंवा आय.सी.आय.सी.आय, एच.डी.एफ.सी सारखी खाजगी बँक) एफ.डी वर १०% व्याज देत नाही. तेव्हा हे पैसे पतपेढीमध्ये ठेवले असायची शक्यता जास्त.

सुनील मंगळवार, 30/12/2014 12:05
तुमचे सध्याचे वय पाहता हे पुरेसे नाही असे सांगावेसे वाटते. कारण खर्च वाढत जाईल आणि एफडीवरील व्याज तेवढेच (वा कमी) होईल.

प्रसाद१९७१ मंगळवार, 30/12/2014 12:08
@उ.ख - तुमच्यावर जबाब्दारी काय आहे ते महत्वाचे आहे. त्याचा काही उल्लेख नाही त्यामुळे काहीही जबाबदारी नाही असे धरुन चालू. पहील्या प्रथम करायची गोष्ट म्हणजे आरोग्य विमा काढा. नाहीतर एका दुखण्यात तुमची गंगाजळी काही लाखानी कमी होइल. आरोग्य विम्याच्या हप्र्याचे पैसे तुमच्या महीन्याच्या खर्चात पकडा. आता तुमच्या प्रश्नाचे उत्तर - तुमची मिळकत १६५०० आणि आत्ताचा खर्च १००००. ४-५ वर्षात तुमचा खर्च तुमच्या मिळकती पेक्षा जास्त होइल. त्यामुळे २० लाखाची गंगाजळी कमी आहे. ८० वर्षाचे आयुष्य धरले तर ५० लाखापेक्षा जास्त असणे गरजेचे आहे.

प्रकाश घाटपांडे मंगळवार, 30/12/2014 12:13
तुमचा प्रश्न फार अवघड आहे.कारण पुरेसे म्हणजे नेमके किती याचे उत्तर कुणाला देता येत नाही. आपली जीवनशैली व मानसिकता यावर बरच काही अवलंबून आहे. आपला नम्र स्वेच्छानिवृत्त

काळा पहाड मंगळवार, 30/12/2014 12:20
१. कुठेही अरबट चरबट ठिकाणी गुंतवणूक करू नका. एफ.डी. तच ठेवा. २. "पाना"चा खर्च बंद करा. ३. अजून तुम्ही नॉर्मल रिटायर्मेंट वयापेक्षा दहा वर्षे तरी दूर आहात. दुसरी नोकरी मिळते का ते पहा. ४. त्याशिवाय शेती फायदेशीर होईल का ते पहा. त्याशिवायएखादा साईड बिझनेस (एजन्सी, दुकान वगैरे) सुरू करता आले तर पहा.

योगी९०० मंगळवार, 30/12/2014 12:27
तुमच्यापेक्षा वयाने लहान आहे पण तरीही असे सांगावे वाटते की "अजून तुम्ही नॉर्मल रिटायर्मेंट वयापेक्षा दहा वर्षे तरी दूर आहात. दुसरी नोकरी मिळते का ते पहा.". किंवा एखाद्या दुकानात/ऑफिसमध्ये तरी नोकरी मिळते का ते पहा म्हणजे निदान वेळ जाईल आणि utility bills भरता येईल तेवढातरी पैसा मिळेल. नाहीतर घरच्या घरी शिकवण्या घ्या. (पैसे घेऊनच..). त्यामुळे निदान आजुबाजूची खेड्यातली मुले काहीतरी का होईना शिकतील. पैसे घेऊन शिकवणी घेतल्याने व्यवसायिक द्रुष्टीकोन राहील आणि शिकणारेही मन गुंतवतील.

पैसा मंगळवार, 30/12/2014 12:25
मी आणि माझ्या नवर्‍यानेही स्वेच्छानिवृत्ती घेतली आहे. मात्र आमचे सेव्हिंग आणि २ फ्लॅट्स याव्यतिरिक्त आम्हाला डीए - लिंक्ड पेन्शन असल्याने वाढणार्‍या खर्चाची आपोआप काळजी घेतली गेली आहे. तसेच इन्कम टॅक्स वाचवण्यासाठी सक्तीचे सेव्हिंग करावे लागते. त्यामुळे आता आहेत ते पैसे तसेच राहतील आणि खर्च वाढतील अशी चिंता नाही. तुमची शेती कसली आहे ते लिहिले नाही. पण कोकणातके खेडेगाव म्हणजे आंबे, काजू, फणस, मिरी इ उत्पन्न घेणे शक्य आहे त्यातून तुम्ही बिझी रहाल शिवाय अधिक उत्पन्न नक्की मिळेल.

चौकटराजा मंगळवार, 30/12/2014 12:29
आरोग्यावरचा व शिक्षणावरचा खर्च सोडल्यास जीवन म्हणजे फक्त अन्न वस्त्र व निवारा . त्यामुळे या पाच गरजांचा विचार जर तुमच्या १६ हजारात होत असेल तर काहीच समस्या नाही. पण भारत देशात आता पुन्हा काही स्वस्त होणे कठीण खास करून अन्न व उर्जा. अर्थशास्त्रात गरज ,आराम व चैन अशा तीन पायर्‍या खर्चाच्या सांगितलेल्या आहेत. जास्त खादाडी करू नका. कपडे सण आला म्हणून घेउ नका तर फाटले की घ्या. कपडे खरेदीत निसर्गाशी संबंधित वस्तू खरेदी ला प्राधान्य द्या. उदा. रेमंडची प्यान्ट न घेता त्यांचे ब्लँकेट घ्या. आवश्यक तेवढीच जागा पुरेशी असते. सेकंड होम चा भानगडीत पडू नका. आहे त्या जागेचा वापर घनफुटाचा विचार करून करा चौरस फुटाचा नव्हे. येता जाता देणे घेणे करण्याची फॅशन बोकाळली आहे. तिला आवर घाला. देणे घेणे म्हणचे एकमेकांच्या अर्थ व्ययवस्थेत लुडबूड करणे. त्यापेक्षा तुला केमेरा घ्यायचा तर तो तुझ्या पसंतीचा तू घे. मी एकाच्या जागी मला आवडतात म्हणून डझनभर कपडे घेतो. ही पॉलिसी अधिक योग्य.

कंजूस मंगळवार, 30/12/2014 13:01
पेँशन नसणाऱ्यांना 'पैसे पुरतील का?' हा प्रश्न नेहमीच सतावतो. ९५टक्के जनता विनापेंशनवालीच आहे त्यामुळे उगाच डोक्याचा भुसा पाडण्यात काही अर्थ नाही. १)मेडिक्लेम ताबडतोब चालू करा एक लाखासाठी २८००रू अंदाजे वार्षिक हप्ता बसेल. २)स्टेट बैंक अकाउंट धारकांना १००रू भरून एक लाखाचा {फक्त}अपघात विमा मिळतो २००रूपयात २लाखाचा.

hitesh मंगळवार, 30/12/2014 13:20
अपघात विमा म्हणजे विमा घेणारा अपघातात मेला तर वारसाला पैसे असे असणार. त्याचा काय फायदा ?

अनुप ढेरे मंगळवार, 30/12/2014 13:42
अक्सिडेंट इन्शुरन्समध्ये पूर्ण/पार्शल डिसेबिलिटी देखील कव्हर होते असं जालावर आढळलं... http://www.policybazaar.com/health-insurance/personal-accident-insuranc…

hitesh मंगळवार, 30/12/2014 21:00
दोनशे रु. मासिक हप्त्यात जी पॉलिसी येते त्यात बहुतेक फक्त अपघाती मृत्यु कव्हर होतो असे वाटते. दवाखान्याचा खर्च , डिसॅबिलिटी वगैरे पॉलिश्या दोनशे रुपयात येत नसाव्यात.

कंजूस मंगळवार, 30/12/2014 14:04
अगदी साधासुधा विमा आहे. एका फॉर्मवर सही करून द्यायची. खात्यातून १००/२०० एकदा डेबिट होतात. मडिकल टेस्ट वगैरे काही नाही. पोस्टाने पॉलिसि घरी येते . त्या एका वर्षात अपघात झाल्यास फ्रैक्चर वगैरेचा झालेला खर्च मिळतो. मृत्यु होण्याशी काही संबंध नाही. नेहमीचे LIC ,TATA वगैरेचे विमा एजंट हे सांगत नाहीत कारण त्यात काही त्यांना मलई मिळत नाही.

कंजूस बुधवार, 31/12/2014 06:34
वारसाला नाही हो. अपघातात हात पाय मोडले त्याचा उपचाराचा खर्च मिळतो. दोन वर्षाँपूर्वी योजना सुरू झाली तेव्हा २लाखांसाठी १००रू होते नंतर १लाख झाले. आता १, २, ४ लाखांचे असे वेगवेगळे पर्याय आहेत. शंभर रुपयात फक्त दीड किलो तुरडाळ मिळते आणि १ लाखाचा विमा एक राषट्रीय बैंक देते आहे. तुम्हीच ठरवा किती कीस पाडायचा ते.आणखी एक विचाराल रेल्वेचा रूळ ओलांडतांना पाय गेला तर पैसे मिळतील का (नाही मिळणार). दुसरा कोणी असता तर नेटवर सर्च न करता लगेच बैंकेत जाऊन फॉर्म भरून आला असता.

कंजूस बुधवार, 31/12/2014 13:36
चुकीची दुरूस्ती: अपघातातल्या मृत्युचाच विमा आहे १००/२००/५००/१०००/रू प्रिमिअम साठी २/४/१०/२०/लाख भरपाई आहे.

hitesh गुरुवार, 01/01/2015 01:47
म्या तेच बोलत होतो.. इतक्या कमी पैशात फक्त अपघाती मरणाचाच विमा होतो. अपंगत्व , दवाखान्याचा खर्च यांचे विमे फार फार फार महाग असतात.

अर्धवटराव मंगळवार, 30/12/2014 13:33
तुम्ही पैशाचे आराखडे बांधल्याशिवाय अर्ली रिटायरमेण्ट घेतलच कशाला ? काहि खास कारण असेल तर गोष्ट वेगळी. पण साधारणपणे माणुस गरजेपुरता पैसा जमल्याची खात्री झाल्याशिवाय रिटायनेण्टच्या भानगडीत पडत नाहि.

प्रसाद१९७१ मंगळवार, 30/12/2014 14:01
घेतली ना त्यांनी अर्ली रिटायरमेण्ट, आता "कशाला" आणि "का" वगैरे विचारताय? काय सल्ला द्यायचा असला तर द्या त्यांची प्रश्नावर. :-)

अर्धवटराव मंगळवार, 30/12/2014 23:15
आर्थीक तरतुदींची पुरेशी शाश्वती नसताना निवृत्ती स्विकारली असेल तर त्याचं कारण देखील तसं महत्वाचं असावं. निवृत्तीपश्चात आयुष्यात या कारणाने काहि मेजर आर्थीक डिमांड ठेवली तर काय याचा विचार करायला हवा. नसल्यास ते कारण जगायला पुरेसं असावं व आर्थीक बाबी दुय्यम महत्वाच्या ठराव्यात.

vikramaditya मंगळवार, 30/12/2014 14:39
तुम्ही रीटायरमेंट घेतलीत ती काही विचार करुनच घेतली असेल त्यामुळे तो विषय आता जावु द्या. मुख्य म्हणजे अपघात , आरोग्य विमा ताबडतोब काढुन घ्या. तुम्ही एमएनसी कंपनीत काम केल्यामुळे विमा कंपनीच्या अटी वगैरे वाचुन मग स्वःताला योग्य असा विमा काढावा हे तुम्हाला सहज शक्य होईल. एजंट वर डोळे झाकुन विश्वास टाकु नका. आणि कृपया अगदी कितिही जवळच्या माणसाने कुठलीही 'झटपट फायदा' देणारी स्कीम आणली तरी त्या फंदात पडु नका ही सुचना. नंतर लोक हात वर करतात. तसेच मिळालेली फंडाची रक्कम ही बोनस मानुन सध्याचा मासिक खर्च भागवण्यासाठी नवा उत्पन्नचा पर्याय शोधा. शिकवण्या घेणे उत्तम. अजुन १० वर्षे तरी तुम्ही स्वतःचा मासिक खर्च स्वतः कमवावा आणि फंडाच्या रकमेला शक्यतो वापरु नये. मिळणारे व्याज पुन्हा गुंतवावे. एक व्यक्ती एकदा मला म्हणाली " अगर ईनकमिंग रेवेन्यु न हो तो बडे बडे खजाने खाली हो जाते है..." मिपावर हा विषय मांडलात म्हणुन आपुलकीने लिहिले. कृपया राग मानु नका. तुम्ही चुकुनही आर्थिक हाल अपेष्टा भोगु नये म्हणुन हे लिहिले.

श्रीगुरुजी मंगळवार, 30/12/2014 14:46
तुम्हाला मुले किती आहेत? त्यांचे शिक्षण, लग्न, कर्ज इ. जबाबदार्‍या आहेत का? सद्यपरिस्थितीत तुम्ही फक्त दोघेच असला तरी महिना रू. १६,५०० खूपच कमी आहेत. सद्या सुरक्षित गुंतवणूक फक्त मुदत ठेवीतच आहे. एचडीएफसी सारख्या बँका ८.७५% इतके व्याज देतात. त्यामुळे महिना रू. १६,५०० ऐवजी रू. १७,५०० व्याज मिळू शकेल. शेतीतून काही उत्पन्न मिळविण्याचा प्रयत्न करा. जर एखाद्या विषयाचे चांगले ज्ञान असेल (इंग्लिश, गणित, संस्कृत इ.) किंवा एखादी कला ज्ञात असेल तर शिकविण्याचे क्लासेस सुरू करण्याचा प्रयत्न करा.

कॅप्टन जॅक स्पॅरो मंगळवार, 30/12/2014 15:17
मिपाकर भरवशाचे आहेतचं. पन कॄपया अश्या खासगी आर्थिक गोष्टी मिपासारख्या ऑनलाईन फोरम ला टाकणं टाळा. मिपावरचे लेख अकाऊंट नसतानाही वाचता येतात. त्यामधुन पुढे काही गैरप्रकार घडायची शक्यता असते. पतसंस्थांच्या नादाला लागु नका. झक्कास राष्ट्रीयकृत बॅंकेत एफ डी करा. व्याज कमी मिळेल पण साठवलेला पैसा सुरक्षित राहिल ह्याची हमी. मिळालेल्या पैश्यामधल्या रक्कमेतुन एखादा छोटा व्यवसाय सुरु करता येतोय का पहा. जसं की स्टेशनरी, किराणा माल वगैरे. कुठल्याही भामट्यावर विश्वास ठेऊन पैसे भिशी वगैरे मधे गुंतवु नका.

मराठी_माणूस बुधवार, 31/12/2014 11:44
व्याज कमी मिळेल पण साठवलेला पैसा सुरक्षित राहिल ह्याची हमी.
ह्याला मर्यादा आहेत. http://www.rbi.org.in/scripts/FAQView.aspx?Id=64

vikramaditya मंगळवार, 30/12/2014 15:48
करायचाच तर त्यात फार आर्थिक गुंतवणुक नसावी. यशस्वी व्यवसाय करण्यासाठी ' व्यावहारिक चातुर्य' खास करुन लागते. कधी कधी आहेत ते पैसे पण जातात. मिपाकरांनी केलेल्या ईतर सुचना लो रिस्क कॅटॅगरीतील आहेत. त्याचा जरुर विचार करावा. शुभेछा.

सुनील मंगळवार, 30/12/2014 15:52
एक जनरल प्रश्न विचारतो - समजा एखाद्या व्यक्तीचा/कुटुंबाचा मासिक खर्च क्ष रुपये आहे (ज्यात दरवर्षी १०% वाढ अपेक्षित आहे). अन्य कुठल्याही जबाबदार्‍या नाहीत. सदर व्यक्ती/कुटुंब फक्त आणि फक्त मुदत ठेवींवरच (त्याही राष्ट्रीयकृत बँकांच्याच) विश्वास ठेवते. अन्य स्त्रोत त्यांना जोखमीचे वाटतात. तर, सदर व्यक्ती/कुटुंब यांना पुढील ३० वर्षांपर्यंत पुरेल इतके व्याज सुटायचे असल्यास किती रक्कम FD त ठेवावी लागेल. आकस्मिक आपत्ती खर्च यात समाविष्ट नाही. माझ्या तोंडी हिशोबानुसार जर क्ष = रुपये २०००० असतील तर, एक कोटी तरी असायला हवेत. कुणी काटेखोर हिशोब दाखवेल काय?

मुक्त विहारि मंगळवार, 30/12/2014 16:06
त्याचा साधारण आराखडा डोक्यात आहे, कागदावर उतरवायचा प्रयत्न करतो. कारण मी पण ह्याच ध्येयाच्या मागे आहे. १ कोटीच्या व्याजातून २०,०००रु.त घरखर्च चालवायचा. (आत्ताच्या घटकेला) आणि उरलेले पैसे परत गुंतवायचे. =================================== "आकस्मिक आपत्ती खर्च यात समाविष्ट नाही." ते तर ठेवायलाच लागतील. वेळ-काळ सांगून येत नाही.आणि ऐनवेळी सगळेच काखा वर करतात.

क्लिंटन मंगळवार, 30/12/2014 16:14
माझ्या तोंडी हिशोबानुसार जर क्ष = रुपये २०००० असतील तर, एक कोटी तरी असायला हवेत. कुणी काटेखोर हिशोब दाखवेल काय?
समजा भाववाढीचा दर दरवर्षी १०% असेल आणि एफ.डी च्या व्याजाचा दर ८% असेल तर सध्याच्या वार्षिक खर्चाच्या ५७ पटींनी पैसे एफ.डी मध्ये ठेवायला हवेत.तसेच सुरवातीच्या काळात जी शिल्लक पडेल ती पण ८% ने परत एफ.डी मध्येच गुंतवायला लागेल. एक्सेल शीट लवकरच गुगल ड्राईव्हमध्ये अपलोड करून लिंक देतो. तेव्हा क्ष=महिन्याला २० हजार असेल तर १ कोटी ३६ लाख ८० हजार रूपयांचे एफ.डी असेल तर नुसत्या व्याजावर ३० वर्षांपर्यंत आरामात राहता येईल. या केसमध्ये तिसाव्या वर्षाच्या शेवटी ४ कोटी ८९ लाखाचे एफ.डी मध्ये मुद्दल असेल. त्यावर आणखी ८ वर्षे अगदी ०% व्याज मिळाले तरी नक्कीच राहता येईल.

प्रसाद१९७१ मंगळवार, 30/12/2014 16:21
@क्लिंटन - ह्या गणितात हा पण ऑप्शन करुन बघा. एफ डी चे पैसे ही वापरले जात आहेत व्याजा बरोबर. आपण मेल्यावर त्या एफ डी मधे असलेल्या पैश्याचा काय उपयोग?

क्लिंटन मंगळवार, 30/12/2014 16:40
हो बरोबर. एक्सेल शीटमधून कळेल की १६ व्या वर्षाच्या शेवटी एफ.डी मध्ये ३ कोटी १३ लाख ३४ हजारांचे मुद्दल शिल्लक असेल. त्यावेळी एफ.डी चे मुद्दल काढून घेतले तर त्यापुढील १४ वर्षे अगदी ०% व्याज मिळाले तरी राहता येऊ शकेल.

क्लिंटन मंगळवार, 30/12/2014 16:32
माझी एक्सेल फाईल https://drive.google.com/file/d/0B6zmjn8OL9vnQjBmeTlvLUhTX1U/view?usp=s… वर अपलोड केली आहे. ही फाईल डाऊनलोड करता येईल.त्यातील आकड्यांशी खेळून नक्की किती रकमेचे एफ.डी हवे हे समजेल. यात गृहितक आहे की संबंधित कुटुंब एफ.डी वरील केवळ व्याजावर राहणार आहे आणि मुद्दलास हात लावणार नाही. तसेच दरवर्षी शिल्लक राहिलेले पैसे ८% ने एफ.डी मध्ये गुंतवले जातील आणि एफ.डी चे मुद्दल वाढेल. त्यात 'मल्टीप्लायर' या आकड्यात खेळून वार्षिक खर्चाच्या ५७ पट इतक्या रकमेचे एफ.डी हवे हे समजेल (जर महागाईचा दर १०% आणि एफ.डी वरील व्याज ८% असेल तर). विविध सिनॅरिओमध्ये (वेगळे महागाईचे दर आणि एफ.डी वरील व्याजाचे वेगळे दर) नक्की किती मल्टीप्लायर हवा हे डेटा टेबलच्या सहाय्याने शोधून काढता येईल पण ते मी अजून केलेले नाही.

क्लिंटन मंगळवार, 30/12/2014 17:05
नाही यात रिटर्नवरचा आयकर धरलेला नाही.करामुळे रिटर्न कमी मिळतील आणि एफ.डी करायला लागणारी रक्कम वाढेल. हा मुद्दा लक्षात आणून दिल्याबद्दल धन्यवाद.

क्लिंटन मंगळवार, 30/12/2014 17:26
याच धाग्यात त्या एक्सेल शीटचा पत्ता दिला आहे. तरी परत एकदा देतो: https://drive.google.com/file/d/0B6zmjn8OL9vnQjBmeTlvLUhTX1U/view?usp=s… त्यात एफ.डी वरील व्याजाच्या दरात फेरफार करून (कर कापून मिळणार्‍या एफेक्टिव्ह व्याजाचा वापर करून) तीच आकडेमोड करता येईल. २०% कर धरला तर सध्याच्या वार्षिक खर्चाच्या ८७ पट इतके एफ.डी लागेल. आणि १२ व्या वर्षानंतर एफ.डी काढून घेतले आणि ०% व्याज मिळत असेल तरीही उरलेली १८ वर्षे त्यावर राहता येईल.

काळा पहाड मंगळवार, 30/12/2014 17:29
आवो आमाला तेवडं टकुरं आस्तं तर मामलेदार नस्तो का जहालो? वाईच त्या शीट मदी ट्याक्स घालून बदलून पुन्ना टाका राव.

प्रसाद गोडबोले मंगळवार, 30/12/2014 17:49
वाईच त्या शीट मदी ट्याक्स घालून बदलून पुन्ना टाका
त्यासाठी तुम्हाला त्यांना फायनाशीयल अ‍ॅडव्हायजरी कन्सल्टींग फी द्यावी लागेल =))

काळा पहाड मंगळवार, 30/12/2014 17:57
अच्छा म्हणजे ते 'फ्री' व्हर्जन होतं. आणि आम्हाला 'प्लस' व्हर्जन घ्यावं लागेल. ठिकाय, देवू एक शेंगदाण्याचं पोतं. हाकानाका.

क्लिंटन शुक्रवार, 02/01/2015 15:57
वार्षिक की मासिक?
वार्षिक. समजा दरमहा २० हजार रूपये खर्च असेल आणि त्याच्या ५७ पट म्हणजे ११ लाख ४० हजारांची एफ.डी असेल तर त्यावर येणार्‍या व्याजातून नक्कीच राहता येणार नाही.जर केवळ व्याजावरच राहायचे आणि मुद्दलाला हात लावायचा नसेल तर मात्र वार्षिक खर्चाच्या ५७ पटींने एफ.डी करायला हवे आणि सुरवातीला शिल्लक पडलेले पैसे परत एफ.डी मध्ये लावायला हवेत. यातही एफ.डी वर पूर्ण ३० वर्षे ८% व्याज असेल हे बर्‍यापैकी ढोबळ गृहितक घेतले आहे. तसे होणे अर्थातच शक्य नाही.तेव्हा व्याजाचे दर भविष्यात कमी असतील तर अजून जास्त एफ.डी करावे लागेल :( तेव्हा सांगायचा मुद्दा हा की काही कामधंदा न करता आरामात नुसते व्याजावर रहायचे असेल तर त्यासाठी एफ.डी हा योग्य मार्ग नाही.विशेषतः व्याजाचे दर कमी व्हायची शक्यता असलेल्या कालावधीत.

क्लिंटन मंगळवार, 30/12/2014 16:01
एफ.डी वरच पूर्ण विसंबून राहणे धोक्याचे ठरेल. बरोबर काहीतरी जोडधंदा व्यवसाय हवाच. आज समजा एफ.डी वर दर महिन्याला १६,५०० व्याज येत असले आणि खर्च १०,००० असला तर सध्या महिन्याला ६,५०० रूपये शिल्लक येतील.एफ.डी दर वर्षी रिन्यू करत असाल तर पुढच्या वर्षी व्याजाचे दर कमी झाले असल्याची शक्यता बरीच जास्त असल्याने दर महिन्याला १६,५०० पेक्षा कमी व्याज येईल आणि याउलट खर्च दर वर्षी वाढतच जातील. तेव्हा पुढच्या वर्षी दर महिन्याला शिल्लक कमी पडेल. एक उदाहरण द्यायचे झाले तर १९९२-९३ च्या सुमारास बँकेत ५ लाख रूपये एफ.डी मध्ये असणे हे नक्कीच बर्‍यापैकी सुखवस्तू असल्याचे लक्षण होते.समजा त्यावेळी १०% व्याजाने दर वर्षी ५०,००० व्याज येत असेल तर पहिली २-३ वर्षे व्याजावर आरामात राहता येणे शक्य होते. जर खूपच काटकसर केली तर १९९८-९९ पर्यंतही दर वर्षी ५०,००० मध्ये राहता येणे शक्य होते.पण नंतर ते नक्कीच कठिण झाले. तेव्हा कोणत्याही काळात भरपूर पैसे एफ.डी मध्ये असणे समाधानाची गोष्ट असली तरी नुसत्या व्याजावर फार काळ राहता येत नाही.एक्सेलमध्ये थोडी आकडेमोड करून समजले की ६% भाववाढीचा दर आणि ८% व्याजाचा दर असेल तर पुढील ३० वर्षांपर्यंत नुसत्या व्याजावर राहण्याची तरतूद करण्यासाठी सध्याच्या वार्षिक खर्चाच्या किमान २९ पट इतके पैसे एफ.डी मध्ये हवेत (आणि दरवर्षी शिल्लक राहिलेले पैसे परत ८% ने एफ.डी मध्ये गुंतविले पाहिजेत). तेव्हा इतर अनेक सदस्यांनी सांगितल्याप्रमाणे जोड उत्पन्न मिळेल असा काहीतरी व्यवसाय/शेती इत्यादी बघाच.

प्रसाद गोडबोले मंगळवार, 30/12/2014 16:52
एफ.डी वरच पूर्ण विसंबून राहणे धोक्याचे ठरेल. बरोबर काहीतरी जोडधंदा व्यवसाय हवाच.
ह्याला जोरदार अनुमोदन ! माणसाची सर्वात मोठ्ठी इन्वेस्टमेन्ट असते त्याचे स्किल सेट ! मग अचानकच रीटायर्ड होवुन स्किलसेट वाया का घालवा ? त्यावरचे ही "रीटर्न" घेतलेच पाहिजेत .

प्रसाद१९७१ मंगळवार, 30/12/2014 16:24
ह्यात एक महत्वाचा मुद्दा सुटला आहे तो डेप्रिसिएशन चा. तुम्ही जी Capital Goods वापरता ती थोड्या वर्षानी बदलावी लागणार आहेत. तो खर्च महीन्याच्या खर्चात येत नाही. जसे की कार, मोटरसायकल ७ वर्षानी, टीव्ही, लॅपटॉप ५ वर्षानी. घराचा रंग ७ वर्षानी असे अनेक अनेक

प्रसाद१९७१ मंगळवार, 30/12/2014 16:31
हे टेबल बघा जर तुमच्या कडे आत्ता १ कोटी असतील तर ते कीती दिवस पुरतील ते मिळेल. ह्यात वार्षिक घसारा पण धरला आहे. ह्यात तुमची १ कोटीची एफ डी पण संपुन जाणार महागाई ८% आणि बचती वर करपश्चात व्याज ७.५% Yearly Running Expense Depreciation 1 Cr Will last for 240000 200000 22 Years 240000 150000 25 Years 240000 100000 28 Years 300000 200000 20 Years 300000 150000 22 Years 300000 100000 24 Years १- २ लाख प्रत्येक वर्षी घसारा जरी जास्त वाटत असेल तरी ५-७ वर्षात प्रत्येक गोष्ट बदलायची वेळ येते.

प्रसाद गोडबोले मंगळवार, 30/12/2014 16:40
हेच म्हणनार होतो ही आकडे मोड कळाली नाही ...जरा अजुन एक्ष्प्लेन करता का ? अवांतर : मी स्वतः फायनाशीयल मॉडेलींग मधे काम करत आहे आणि फायनाशीयल फ्रीडम अ‍ॅशुअर करेल इतकी फिक्स्ड इन्कम असेट्स बनवायचे स्वप्न बाळगुन आहे . आपल्या वरील आकडेमोडीचा खुप फायदा होईल :)

प्रसाद१९७१ मंगळवार, 30/12/2014 17:01
समजा आत्ता तुमच्या कडे १ कोटी आहेत आणि ते तुम्ही ७.५% ( करपश्च्यात ) एफ डी मधे टाकले आहेत. महागाई ८% आहे. तुम्ही जर पहीली रो बघितलीत तर महीना २०,००० ( वर्षाला २.४ लाख ) हा नेहमीचा खर्च, वर्षाला २ लाख डेप्रीसिएशन जर पकडले तर तुमचे पैसे २२ वर्ष पुरतील. २२ वर्षानंतर तुमच्याकडे काहीही नसेल.

प्रसाद गोडबोले मंगळवार, 30/12/2014 17:47
ओके . आत्ता थोडे फार लक्षात आले . अजुन थोडी चर्चा करु ह्या विषयावर : समजा १ कोटी एकरमी फ्द न करता २५ * ४ अशा फ्द केल्या तर ८% रेट ने २ लाख व्याज येईल प्रत्येकीवर . चार जर वेगळ्या व्यक्तींच्या नावे असतील तर , २ लाख पर्यंतच्या उत्पन्नाला करातुन सुट असल्याने कर भरावा लागणार नाही . टोटल ८ लाख वार्शिक व्याज ( म्हणजे महिन्याला जवळपास ६५००० झाले . ) आता एका छोट्या गावात ( फॉर दॅट सेक सातारा पकडु ) दोन वेळच्या मेस चा खर्च ३००० रुपये माणशी आहे अजुन दोन वेळच्या नाष्ट्याचा खर्च २००० पकडु . सो खाण्या वर माणशी ५००० पेक्षा जास्त खर्च होत नाही . वर्शाला चार शर्ट चार प्यँट चार चड्ड्या चार बंड्या लेंगे , चार धोतरं , २ स्वेटर कान्टोपी , एक रेनकोट / छत्री , एक बुट , २ चप्पल , वगैरे निव्वळ खरेदीचा खर्च वर्षाला २४००० अर्थात महिन्याला २००० च्या वर जाणार नाही असा अंदाज आहे . निवारा घरखर्चात , सध्या आम्हाला महिन्याला २०० रु अपर्टमेन्ट मेन्टेनन्स , १००-१५० रु वीज बील , घरपट्टी पाणीपट्टी वर्शाला ६००० रु महिन्या ५०० रु इतर किरकोण खर्च २००-२५० पकडला तरी टोटल १००० रु महिना रीटायर्ड झाल्यावर मी दोन पायाची गाडी चालवायचा विचार करत असल्याने पेट्रोलचा खर्च डिस्काउंट करतोय . सो टोटल खर्च ८००० रु अक्षरी आठहजार च्या वर जात नाही . दोन माणसांना मिळुन महिन्याला १५००० पुरतात असा माझा हिशेब आहे . उललेले ५०००० हजार जर परत फ्द मधे री इन्व्हेस्ट करत राहिले तर इन्फ्लेशन रिस्क , मेडीकल रिस्क मीटीगेट करता येईल असा अंदाज आहे . थोडक्यात १ कोटी रुपये हे २२ पेक्षा किती तरी जास्त वर्ष टिकतील असे माझे गणित आहे . ह्यात हिशेबात / अंदाजात काही फ्लॉज आहेत का ?

प्रसाद१९७१ मंगळवार, 30/12/2014 18:34
तुम्ही खर्च फारच कमी च्या बाजुला पकडले आहेत. पण तो प्रत्येकाचा भाग झाला. नेट, केबल टीव्ही , फोन, रिक्षा, गिफ्ट असल्या गोष्टी राहील्या. कामवाली बाई चा पगार राहीला. पण ते ठीक आहे. माझ्या मते २० हजार तरी लागतील हे सर्व धरुन. अधिक मेडीकल रिस्क साठी २ माणसांना महीना ५ हजार धरुन ठेवलेले चांगले, त्याचा तुम्ही आरोग्य विमा काढा किंवा नुस्ते बाजुला ठेवा. म्हणजे महीना २५००० लागतीलच. महत्वाचे म्हणजे तुम्ही डेप्रिसिएअशन चा मुद्दा मिसला आहात. तुम्ही तुमची सध्याची Life Style कमी करावी असे अपेक्षीत नाहीये. तुमच्या घराला ७ वर्षानी रंग तर लावायला लागेल, ५-७ वर्षानी पडदे तरी बदलायला लागतील. लॅपटॉप, टीव्ही तर ५ वर्षात नक्कीच बदलायला लागेल. मोबाईल फोन तर दर २-३ वर्षानी. प्लंबींग, वायरींग ह्याचे खर्च ही होत च असतात. ह्या बदलाला लागणार्‍या खर्चाची सोय तुमच्या गणितात नाहीये. आणि हा खर्च खुप असतो. ह्यासाठी तुमच्या Capital Goods आणि Capital expenses ची यादी करा. प्रत्येकासमोर हा खर्च कीती वर्षानी पुन्हा पुन्हा करायला लागतो ते लिहा. माझ्या मते कार जरी धरली नाही तरी वर्षाला १.० ते १.२५ लाख डीप्रीसिअशन म्हणुन पकडले पाहीजेत. मी जे टेबल दिले होते त्यात टॅक्स दिल्यावर ७.५% रीटर्न पकडला होता जो सहज शक्य आहे. महागाई ८ टक्के पकडली होती.

प्रसाद गोडबोले मंगळवार, 30/12/2014 18:51
गॉट द पॉइंट . मी रीटायरमेन्ट नंतर एकदमच लो लेव्हल लाईफ जगायचा प्लॅन करतोय . नेट, केबल टीव्ही , फोन, रिक्षा, गिफ्ट , कामवाली बाई , घराचा रंग , प्लंबिंग , वायरिंग , मोबाईल, लॅपटॉप, टीव्ही हे सारे लक्झरी मधे येत असल्याने ह्या पैकी कोणताच खर्च होणार नाही :) झालाच तर पुस्तकांचा भरमसाठ खर्च होईल असा माझा अंदाज आहे . हां , मेडिक्लेम इन्शुरन्श आणि डीप्रीसीयेशन चा विचार आणि गणित करुन ठेवतो . मनःपुर्वक धन्यवाद :)

प्रसाद गोडबोले मंगळवार, 30/12/2014 16:36
१६५०० लय झाले उडनखटोला , आय एन्व्ही यु ! तुम्ही माझे ड्रीम लाईफ जगत आहात :) आमच्या सातारसारख्या गावात १५००० दोन माणसांसाठी म्हणजे डोक्यावरुन पाणी जाते , माझे तरी आरामात भागेल येवढ्या पैशात ... फक्त पुस्तकांचा ( अन इन्टरनेट चा ) खर्च तेवढा भागणार नाही ;) वरच्या १५०० मधे ओल्ड मॉन्कचे ३ खंबे सुध्दा येतील =)) खुष राव्हा . एन्जोय !!

कपिलमुनी मंगळवार, 30/12/2014 16:50
आजारपणाचा खर्चाची तरतूद यातच आहे का ? १ अँजिओप्लास्टी १ ब्लॉक साठी २ लाख ( ईंडियन स्टेंट वापरून) आणि याचप्रमाणे इतर आजारांच्या महागड्या उपचारांची तरतूद १६५०० मधेच आहे का? नाहीतर आजारपणामध्ये मुद्दल संपते आणि व्याज कमी येते व खर्च तर वाढलेले असतात.

प्रसाद गोडबोले मंगळवार, 30/12/2014 16:59
नाही . हे आणि आजारांचे खर्च गृहीत धरले नाहीयेत . पण मी स्वतः , रीटायर्ड माणसाने स्वतःच्या आजारपणावर अव्वाच्या सव्वा खर्च करु नये ह्या टोकाच्या मताचा आहे . कारण आजारपणावर खर्च करुन तंदुरुस्त होणे म्हणजे परत स्वतः मध्ये इन्वेस्टमेन्ट करणे झाले , मग त्यावरचे रीटर्न्स घ्ययचे असतील तर परत रीटायर्डमेन्ट सोडुन भवसागरात उडी मारणे आले ( आमच्या बुवांसारखे ;) ) ( मुलांनी आजारपणावर खर्च केला तर ती गोष्ट और आहे , तिथे ते भावनिक इन्वेस्टमेन्ट करत असतात अन आई वडीलांसोबत घालवलेला प्रत्येक क्षण हेच त्यांच्या साठी रीट्र्न्स असतात :) अर्थात मी चांगल्या आई वडील आणि मुलांविषयी बोलत आहे ! )

पिलीयन रायडर बुधवार, 31/12/2014 14:52
अगदी हेच मत आहे... म्हातारपणी काही असाध्य रोग झाला किंवा अचानक अटॅक वगरे येऊन ICU मध्ये मुक्काम टाकावा लागला तर सर्व औषधोपचार बंद करुन मला सुखाने पटकन मरु द्यावे हीच माझी शेवटची इच्छा असेल. आपल्या पोरांची (किंवा आपली) मेहनतीची कमाई भावनिक होऊन उधळु नये असं मला वाटतं.. कारण अशानी माणूस मरायचं ते मरतच..फार तर एका ऐवजी दोन महिने जगुन.. पण गेलेला पैसा मागे रहाणार्‍या कुटुंबाची कंबर मोडुन जातो.. जे जगणारेत त्यांनी सुखानी जगावं ना.. जो मरणारच आहे त्याला पटकन मोकळं करावं.... (अर्थात स्वतःबद्द्ल हे बोलणं सोप्पय.. पण उद्या माझ्या आई वडीलांवर / सासु सासर्‍यांवर ही वेळ आली तर मी पैशाकडे पहाणार नाही हे ही खरंय..)

तर्री मंगळवार, 30/12/2014 17:06
उडन खटोलाजी . कोणतीही बचत / गुंतवणूक सुरक्षित नसते आणि जोखीम पत्करल्याशिवाय परतावा मिळत नाही. तेंव्हा आपण आपला अर्थसल्लागार नेमावा.( आपण स्वत:अर्थसाक्षर नसाल असे प्रश्नावरून गृहीत धरतो आहे ) चांगला अर्थ सल्लागार नेहमी aset allocation करत असतो. आपल्या जोखीम पत्करण्याच्या क्षमतेवर तो सोने , रोखे , डेट मार्केट , स्थावर मालमत्ता यामध्ये तुमची गुंतवणूक करून देतो. गरज वाटल्यास व्य.नी. करावा.

उडन खटोला मंगळवार, 30/12/2014 19:33
आरोग्य विमा २ लाखापुरता मर्यादित आहे .शेतीचे उत्पन्न फारसे नाही ,पण लक्ष घातल्यास मिळू शकेल. गायी-म्हशी पाळाव्या म्हनतोय

hitesh मंगळवार, 30/12/2014 22:46
गायी म्हशी हा बेस्ट पर्याय आहे. गायींचा विमा काढुन गायी मेल्या असे दाखवुन विम्याची रक्कम खातायेते... दुधापेक्षा हाच धंदा बेस्ट चालतो... आमचा सासरा यात तज्ञ आहे म्हणे.

जेपी मंगळवार, 30/12/2014 17:09
प्रतिसाद आवडले. पण मुद्दलात लेख पटला नाही. कुठल्याही mnc मध्ये executive पदावरील व्यक्ती भविष्याबद्दल ऐवढा निष्काळजी असेल समजण अवघड आहे. उखो यांचा इतिहास पाहता टिपी करत आहेत.

मदनबाण मंगळवार, 30/12/2014 17:14
उखो यांचा इतिहास पाहता टिपी करत आहेत. सहमत व्हावेसे वाटत आहे... कारण त्यांच्या प्रोफाइल मधे शाळा/महाविद्यालय/विद्यापीठ :- YZ College आणि व्यवसाय :- भिन्तीस तुम्बड्या लावणे व व्यावसायिक कौशल्ये (Career skills) :- अतिशहाणा. अशी दिलेली आहेत. ;) त्यामुळे त्यांनी हा टिपी साठी धागा विणला असावा असे म्हणण्यास बरीच जागा आहे.

मदनबाण.....

आजची स्वाक्षरी :- U.S. Bond Sentiment Is Worst Since Disastrous ’09 The U.S. Debt Continues To Climb