हेल्मेटसक्ती

पुणेकर हे पुणेकर आहेत. त्याना फक्त त्यानीच स्वयंप्रेरणेने लागुकेलेले नियमच लागु होतात. उदा: सवाईला वडापाव खायचा असतो , दगडूशेठ हे हलवायाचे नाव नसून गणपतीचे नाव आहे.

दुसरे असे की अपघातांचे बद्द्ल माझे असे निरिक्षण आहे की दिवसेंदिवस अपघातांचे प्रमाण कमी होत आहे. हे प्रमाण निव्वळ संख्येत मोजणे चूक आहे ...... :) तुमचे निरिक्षण म्हणजे नेमके कोणते निरिक्षण ? अआणि त्याच्यावर विसंबुन कायदा बदलायचा ?

जोपर्यंत स्वतः / नातेवाईक / एखादा जवळचा मित्र अपघातातग्रस्त होत नाही आणि 'हेल्मेट असते तर...' असा प्रश्न पडण्याइतका मार लागत नाही (आणि अशा पेशंटच्या वेदना आपल्याला "अनुभवण्यास" लागत नाहीत) तोपर्यंतच हेम्लेट वापरणे हे ऐच्छीक असावे.. सरकार कोण नियम करणार किंवा याचा फायदा, त्याचा फायदा वगैरे प्रश्न पडतात. एखादी केस जवळून पाहिली किंवा जीवावरचे थोडक्यात निभावले की असे प्रश्न पडत नाहीत. हेल्मेट हे सेकंड नेचर होवून जाते. "मी हेल्मेट वापरणार नाही" अशी प्रतिज्ञा करणार्‍यांनी स्वत:ला आत्तापर्यंत खूप खूप नशीबवान समजण्यास हरकत नाही.

एक (कु)शंका. शीखांना सुद्धा हेल्मेट सक्ती करणार का? त्यांना पगडीमुळे हेल्मेट घालणे अवघड असावे. पण अपघातात पगडी डोक्याचा बचाव करू शकणार नाही. मग त्यांचं काय करायचं? का इथेही धर्माच्या आधारावर वेगळे नियम?

हम भारतीय सर पर हेलमेट पहने न पहने पर मोबाइल में स्क्रीन गार्ड और बॉडी कवर जरुर लगाते हैं। सर फट जाये खून की नदिया बह जाये पर मोबाइल को खरोंच तक नहीं आनी चाहिए ! !!! व्हौटस अप वरुन साभार

हेल्मेटसक्ती असावी का? नसावी. कारण... डोकं नसलेल्यांना त्याची गरज पडणार नाही. धन्यवाद!

एकेक प्रतिसाद वाचून खूप करमणूक झाली. पण धाग्यावरचे बहुतेक पुणेकर प्रतिसाद फक्त पुरूषांनी दिलेले दिसताहेत. पुणेकर भगिनी का गप्प आहेत अजून? की १. हा कायदा स्कूटी या वहानाला (?) लागू नाहिये? २. हा कायदा फक्त पुरूष चालकांनाच लागू होणारे? ३. जर तोंडावरून फडकं गुंडाळलेलं असेल तर हेल्मेटची सक्ती नाही असं काही कायद्यात आहे का? ४. "पुरूष, तुम लडो, हम हमारा फडका संभालते है", अशी काही भूमिका आहे? ५. आपले पुरुष उगाच हा येडपट वाद घालताहेत हे बघून भगिनी सुज्ञपणे मूक राहिल्यात? असं करू नका. तायांनो, आयांनो, आणि बायांनो, सुदिन सुवेळ पकाकाकांनी हा गोंधळ मांडलाय, तुम्ही विचार मांडायाला या!!!! :)

पुण्यातली अजून एक बातमी इथे वाचा.

हेल्मेटच्या व्याख्या नीट केली आहे का कायद्यात? कारण मागे दिल्लीला एकदा एका स्कूटरवाल्याला डोक्यावर प्लास्टीकची परडी उपडी ठेऊन एका हाताने परडी व दुसर्‍या हाताने त्याची स्कूटर चालवताना याची देही याची डोळा बघितल्यानंतर अशी हेल्मेट्सक्ती नको रे बाबा म्हणावसं वाटलं होतं. दुसरी गोष्ट, हेल्मेटचं थोडंसं सिगरेट, तंबाकूसारखं आहे. त्यावर अशी सरसकट बंदी का बरं येत नाही? उत्तर सगळ्यांना माहीतच आहे.

सरकारला मधुनच एकदम नागरिकांच्या सुरक्षिततेचे भरते येते.एक कायदा केला की आपण मोकळे असा यांचा यात सांसद, आमदार, मंत्री सगळे आले. आता तर एकाने म्हणे हेल्मेट सक्तीला विरोध करणार्‍याना कोर्टाचा अवमान केल्याशी शिक्षा व्हावी असा पब्लिक क्राय पिटीशन केला आहे म्हणे. त्याच माणसाने २००८ साली कोर्टानेच मुंबईच्या फलाटांची उंची वाढवावी असा आदेश देउनही तो आदेश भारत सरकारने कचर्‍यात टाकला आहे, याबद्द्ल भारत सरकार विरूद्धच असा दावा दाखल करावा. जनेतला फक्त उत्तर दायित्व आहे प्रशासनाला नाही ही कसली भंपक लोकशाही ? अनेकांचे प्राण सरकारच्या दुर्लक्षामुळे गेले आहेत यात सरकारला काय विकृत आनंद मिळतो कळत नाही.

Motor Vehicles Act, 1988 च्या Section 129 नुसार हेल्मेट न घालता दुचाकी चालवणे गुन्हा आहे. या अर्थाने पुणेकर कायद्याचा विरोध देखील करत आहेत. अधिक इकडे :- Motor Vehicles Act, 1988 Section 129 in The Motor Vehicles Act, 1988 Penalties under MVA { क्रमांक १८ पहा}

मदनबाण.....

आजची स्वाक्षरी :- Hookah Bar Song :- { Khiladi 786 }

पुण्यात सार्वजनिक वहातुक मुंबईएवढी चांगली नाही . व विकसित ही नाही. त्यामुळे सक्तीचा जास्त विरोध पुण्यात होतो. हेल्मेटचा आणि सार्वजनिक वाहतुकीचा काय संबंध ?

मुळातच पुण्यातील सार्वजनिक वहातुक अतिशय बेभरवशी आणि भोंगळ आहे त्यामुळेच कात्रज्-कोथरूड्-आनंदनगर-सिंहगड रस्ता ते चाकण्-रांजण्गाव्-तळेगाव (मावळ)असा प्रवास अत्यंत नाईलाजाने दुचाकीवर करावा लागतो हे नजरेआड करून चालणार नाही. अगदी बहुचर्चीत "बस्-दिन (का दीन)" दिवशी प्रशासन चिंचवड(वाल्हेकरवाडी)तून थेट भोसरीपर्यंत बस देऊ शकले नाही. तस्मात पुण्यात दुचाकी हे कुटुंब वाहन आहे आणि हेल्मेट सक्ती हाच (फक्त्)त्यावरील उपाय नाही. ईतके प्रवाशी उपलब्ध असताना पिएम्पील कायम तोट्यातच का ? याचा कधीही कुणीही का विचार केला नाही? का सगळीकडेच सार्वजनिक वहातुक तोट्यात आहे?

आपल्याकडे कसलाही कायदा करताना त्याच्या अंमलबजावणीची प्रत्यक्ष शक्यता लक्षांत घेत नाहीत. अमुक कायदा अमेरिकेत झालाय मग आपणही तो करू. असे बरेच तज्ञ सुचवीत असतात. आय एम व्ही कायदा हा ही असाच. पुण्यात सार्वजनिक वहातुक व्यवस्था बरोबर नाही. सबब दुचाकीचा वापर अटळ. सबब दुचाकींची संख्या जास्त. सबब रस्त्यांच्या रुंदीच्या मानाचे रत्यावर येणार्‍या दुचाकींची संख्या जास्त परिणामत: वेगाने वहान नेऊन घसरून पडण्याची शक्यता कमी. पण दुसर्‍या बाजूने विचार केला तर दुचाकींची संख्या इतर जिल्हा ठिकाणांच्या मानाचे जास्त सबब " वसुली" ची शक्यता जास्त. म्हणून नांदेड मधे हेलमेट सक्ती, अमरावतीत हेलमेट सक्ती अशा बातम्या येत नाहीत. कारण ही सक्ती पुण्यातच उकरून काढली जाते. त्याचे कारण वर सांगितले आहे. आता टोलला कोल्हापुरात विरोध होतो पुण्यात नाही म्हणून कोल्हापुरवाले अतिशहाणे आहेत असे पुणेकरानी म्हणायचे का ? तिथे पराकोटीचा विरोध होतो याला काही युक्त असे कारण असेलच की नाही ? आता आय एम व्ही कायद्याबाद्द्ल. यातील वाहन नोंदणी ची प्रोसेस पाहू. यात आर टी ओ इन्स्पेक्टरने डीलर कडे जाउन कायद्याने स्वत" गाडीचे हेड टेल लॅम्प , इंडीकेटर चेक करून पहाणे , चासीसचे ट्रेसिंग फॉर्म २० वर स्वत: घेणे अपेक्षित आहे. असे जर कायदा पाळावयाचे ठरविले तर एक इन्स्पेक्टर ८ तासांच्या कार्यकाळात सुमारे ३५० दुचाकी कशा तपासून पाहील बरे. सबब हे तपासून न पहाण्यासाठी तो पैसे खातो व दोन मिनिटात गाडी रजिस्टर होण्यासाठी होकाराची सही करतो. यातील गाळा पार " वर" पर्यंत अधिकाराच्या प्रमाणात मिळत असतो. आज प्रत्येक माणसाने किमान थर्ड पार्टी विमा तरी उतरवला पाहिजे असा नियम आहे. तरीही साधारणपणे गाडी जुनी झाली की तो गायब होतो. हे पोलिसाना माहीत आहे. पण त्यात पोलिसाना विमा कंपनी " गाळा" देत नसावी म्हणून त्याची तपासणी होत नाही. दुसरे एक उदाहरण घ्या. नंबर प्लेटचे . मला किती वेळा असे वाटते की मला जर पोलिसानी रीतसर कमिशन दिले तर एका दिवसात ९० टक्के बेकायदेशीर नंबर प्लेटच्या केसेस मी त्याना एखाद्या चौकात दाखवू शकेन. बहुतेक सार्‍या नंबर प्लेट आय एम व्ही मधे वर्णन केल्या प्रमाणे नसतातच. पोलिसानी खरेच मनात आणले तर दिवसाला लाखो रूपयांच्या पावत्या एकेका चौकात फाडल्या जाउन शकतात( पावत्या फाडणे हा खास आर टी ओ तील शब्द)पण आपले वहातुक पोलिस कसे एकाच कोपर्‍यात टोळके करून उभे रहातात. ते सर्वानाच दिसते आहे. कायद्याने काही उत्तरदायित्व सरकारवर आले की ते कायद्याला कसे धुडकावून लावते याचे उदाहरण म्हणजे ३५० दुचाकीच्या रजिस्ट्रेशन साठी के आर टी ओ इन्सपेक्टर हे आहे. याधी मुंबईचे फलाटांविषयक कोर्टाचा अव्हेर कसा केला गेला आहे हे उदाहरण यापूर्वी या धाग्यात आले आहेच.

@नाद खुळा मुळातच पुण्यातील सार्वजनिक वहातुक अतिशय बेभरवशी आणि भोंगळ आहे त्यामुळेच कात्रज्-कोथरूड्-आनंदनगर-सिंहगड रस्ता ते चाकण्-रांजण्गाव्-तळेगाव (मावळ)असा प्रवास अत्यंत नाईलाजाने दुचाकीवर करावा लागतो हे नजरेआड करून चालणार नाही. फक्त पुण्यातच नव्हे तर ठाण्यात देखील { टीएमटी } सार्वजनिक वहातुक अतिशय बेभरवशी आणि भोंगळ आहे त्यामुळे दुचाकी किंवा रिक्षा या शिवाय अन्य पर्याय उपलब्ध नाही.ठाण्यात ४० हजारा पेक्षा जास्त रिक्षा या विना-परवाना धावत आहेत, आणि या वरुनच सार्वजनिक वाहतुकीचे ३-१३ कसे वाजले आहेत याचा अंदाज यावा.मला वाटत ही सगळ्यात जास्त भ्रष्टाचारी सार्वजनिक वहातुक व्यवस्था असावी. ठाण्यातली ही सार्वजनिक वहातुक ठाण्याच्या लोकसंख्येला देखील अपुरी आहे, त्यामुळे खाजगी बस चे पेव सुद्धा पसरले आहे.बेस्ट टीएमटीला टेक ओव्हर करणार अशी बातमी येताच टीएमटीवाल्यांचा लगेच विरोध होतो. कित्येक वर्षापासुन टीएमटी बेस्ट मधे विलीन केली जावी अशी मागणी आहे,पण मागणी होताच त्याला कडाडुन विरोध केला जातो,त्यामुळे नागरिकांचे हाल कुत्रा सुद्धा खात नाही. संदर्भ :- टीएमटी के 'बेस्ट' में विलय की मांग तेज { साल -२०१० } अनियमिततेमुळेच टीएमटी तोटयात? { साल -२०१२ } टीएमटीच्या बेस्ट विलीनीकरणाचे पुन्हा वारे {साल २०१४ } टीएमटी बस सेवा 'बेस्ट'मध्ये विलिन होणार {साल २०१४} टीएमटी ‘बेस्ट’ होण्यास सेनेचा खोडा {साल २०१४ } {मिपा वाचणारे कोणी मोठे प्रभावी व्यक्तिमत्व असेल तर त्यांनी ठाण्यात पूर्णपणे बेस्ट वाहतुक सुरु करुन ठाणेकरांना रोजच्या प्रवासाच्या चिंतेतुन मुक्ती द्यावी ही विनंती.} @ चौकट काका सबब रस्त्यांच्या रुंदीच्या मानाचे रत्यावर येणार्‍या दुचाकींची संख्या जास्त परिणामत: वेगाने वहान नेऊन घसरून पडण्याची शक्यता कमी. अजिब तर्क आहे, रस्ता लहान असो वा नसो दुचाकी स्वाराला त्यांच्या समतोल ठेवण्याच्या क्षमतेवरच वाहन हकावे लागते, मध्यंतरी माझ्या नेहमीच्या हायवे वर एक उड्डानपुल लागतो त्यावरुन जात होतो तेव्हा अचानक पेव्हर ब्लॉकचा एक तुकडा माझ्या बाईकच्या टायरखाली आला होता, माझ्या पुढे ट्रक असल्याने मला तो पटकन दिसला नाही, मी जवळपास ताशी ५५-६० च्या वेगात होतो आणि पडता पडता वाचलो. त्यामुळे रस्ता लहान असो वा हायवे तुमचा " तोल" सांभळेच महत्वाचे असते. महणून नांदेड मधे हेलमेट सक्ती, अमरावतीत हेलमेट सक्ती अशा बातम्या येत नाहीत. कारण ही सक्ती पुण्यातच उकरून काढली जाते. त्याचे कारण वर सांगितले आहे. ही फक्त पुण्यातच नाही तर अगदी राजधानी दिल्ली मधे तर महिलांना सुद्धा करण्यात आलेली आहे.हैद्राबाद मधे आहे,तर बेळगाव मधे सुद्धा ती आहे.त्यामुळे फक्त पुणेकरांवरच ती लादली गेली आहे असे वाटत असेल तर तो तुमचा भ्रम आहे. संदर्भ :- दिल्लीत महिलांना हेल्मेट सक्ती लवकरच हेल्मेट सक्ती ऑक्टोबरपासून दुचाकी स्वारालाही हेल्मेटसक्ती Govt mulls making helmets compulsory on all roads पिलीयन रायडरला फक्त हायवे वर हेल्मेट घालणे सक्तीचे आहे. वाहन चालवणारा जर जिवंत राहिला तर त्याचे कुटुंब जगु शकेल ! आत्म सुरक्षतेला महत्व हे द्यायलाच हवे, आणि त्यासाठी काहीही कारणे देणे हे नक्कीच सुज्ञपणाचे लक्षण नाही. हा व्हिडीयो ७:४० पासुन पुढे पहावा... मदनबाण..... आजची स्वाक्षरी :- China builds hydroelectric dam on Brahmaputra in Tibet, India fears flash floods

हेल्मेट ची सक्ती असावी की नाही या पेक्षा आपण दुचाकी स्वार हेल्मेट घातले तर कसा सुरक्षित राहू शकतो या बद्दल का नाही चर्चा करत? मान्य आहे की पोलीस या बाबतीत नीट वागत नाही, पण आपण शेवटी आपली सुरक्षा आणि हीत पहावे

महाराष्ट्रामध्ये हेल्मेट ची सक्ती फक्त पुण्यातच आहे का ? की सर्व शहरांमध्ये आहे ? आणि अंमलबजावणी पुण्यात होते ?

धन्य ते पुणे आणि धन्य ते पुणेकर... असो, एकूणच पुर्वी सारखे पुणे राहिले नाही आत्ताशा.... माझा मित्र त्याच्या भावाला घेवून येत होता.मोटरसायकलचा वेग जास्त न्हवता, पण गाडी घसरली.मित्राच्या डोक्यावर हेल्मेट असल्याने, मित्र वाचला पण त्याचा भाऊ मात्र कोमात गेला आणि एक ८-१० दिवसांत मित्राचा भाऊ देवाघरी गेला. असो, एका वाक्यात सांगायचे तर, प्रत्येक मनूष्य आपापली अमुल्य वस्तू सांभाळायचा जीवापाड प्रयत्न करतो.

सकाळमधील बातमी २०१४ मध्ये दुचाकीच्या अपघातात २१९ जणांचा बळी गेला. त्यापैकी २१८ जणांनी हेल्मेट परिधान केले नव्हते; तर गतवर्षी २०१५ मध्ये अपघातात मृत्युमुखी पडलेल्या २४० दुचाकीस्वारांपैकी २३९ जणांनी हेल्मेट परिधान केले नसल्याची बाब समोर आली आहे. आता तरी हेल्मेट वापरा लोकहो..!!

हेलमेट नक्की वापरा हेलमेट खर्चात कपात म्हणून कृपया रस्त्यावरील विक्रेत्यांकडून हेलमेट घेऊ नका, दर पाच वर्षांनी हेलमेट बदला विनंती समाप्त -बाप्या

कुणीतरी असे हेल्मेट शोधा जे घातल्यावर उन्हाळ्यातही थंड वाटेल आणि घाम येणार नाही तसेच त्याच्या वजनाने सर्व्हाईकल स्पॉन्डेलिसीस होणार नाही. बाकी सर्व ठिक आहे. जे मोटरसायकल चालवत नाहीत ते पब्लीक लिटीगेशन अ‍ॅप्लीकेशन करुन हेल्मेटची सक्ती करवतात. स्पीड ब्रेकर्स न समजल्यामुळे किती अपघात घडतात याची जबाबदारी कोण घेतो ?

पुण्यात हेल्मेटसक्तीचे भूत अजून २-३ आठवडे चालेल. त्यानंतर सर्व काही थंड होईल. एका ठराविक कालावधीनंतर हेल्मेटसक्ती करण्याचा कीडा कोणाच्या तरी डोक्यात वळवळतो व नंतर २-३ आठवडे पोलिस व हेल्मेट उत्पादकांची चांदी झाल्यावर सर्व थंड होते. यावेळीही तसेच होणार आहे. रस्ते सुधारणे, खड्डे बुजविणे, ड्रेनेजची वर आलेली झाकणे रस्त्याच्या पातळीत करणे, वाहतुकीच्या नियमांची सक्ती करणे अशी अपघात करणारी एकापेक्षा एक दादा कारणे असताना त्याविषयी चकार शब्द न काढता हेल्मेटसक्तीचे भूत सुरू झाले आहे. घराचे छप्पर गळून घरात पाणी गळत असताना छप्पर दुरूस्त करून वॉटरप्रुफिंग न करता घरात वावरताना रेनकोट व छत्री वापरणे सक्तीचे करणे आणि वरील कारणांबद्दल कणभरही उपाययोजना न करता हेल्मेटसक्ती करणे यात फारसा फरक नाही.